الفصل الاخير

فااق صخر من شروده علي دخول هاجر وهي تبتسم له ابتسم له واختفت ابتسامته فور رؤيته لملابسها ووقف بحده
في امريكا
ينام محمد علي الفراش وهو عاري الصدر يرتدي بنطلون قطني رياضي فقط فاق من نعاسه علي صوت همسها قام جلس ونظر لها بغضب

ديما برقه : وحشتني اووي

محمد لم يرد عليها ودخل الي المرحاض توضئ

ديما بجنونها  : نهارك اسود انت بعد الغيبه دي كلها مش بتكلمني طب والله عال

محمد : اتهدي يا به يا مجنونه انتي

ديما : بما انك زعلان بقا قولي مين نوران الا كنت عمال تنده عليها وانت نايم ها رد

محمد بشرود  : نوران

ديما : اه نوران

محمد بعند : ملكيش دعوه واطلعي بره

ديما : انت بتكلمني ببرود واي ملكيش دعوه دي

محمد : بره يا بت بره اوضتي يله يا بت بدل ما احولك

ديما بغيظ : ماشي والله لقول لبابا احمد وعمو سليم وهفضحك يا عريان

اقترب محمد منها ركضت خارج الغرفه سريعا

محمد بصوت عالي : والله لوريكي يا جذمة قديمة

تنهد بقوة ووضع كفيه علي ووجهه وود لو يصرخ من مشاعره اتجاه نوران
عاد الجميع بفرح الي المنزل بعد ان سمح الطبيب بخروجها وامر بالعنايه المنزليه بينما كانت حزينه لا تدري علي صحتها اولي اهتمامها ان تهرب من وجه ذلك القاسي المتعجرف فلم تعد تتحمل رؤيته بينما كان بلال غاضب من تشبصها بالسفر

فرح : بعد اذنكو انا بقيت كويسه سبوني لوحدي

روان : لا انا مسبش فروحتي لحسن بطنها توجعها

فرح بضيق : يا روان بقا سبتي واما نوران تيجي متخلهاش تجيلي

روان : والله وام شخه بقا ليها حس وبتتنك

فرح بخنقه ودموع : يوووه يا روان بقولك سبيني

نظر عليها بلال بحزن وخرج الي غرفته

فاطمه : ويله يا بت يا روان انتي كمان امشي فرح حببتي هتقعد معايا هي طايقكو انتو

فرح : يله يا ماما انتي كمان انزلي هاتلي اكل انا جعانه

خرجوا بقلة حيلة وتوجهت روان لغرفة زوجها بلال لتخفف من همه

نامت فرح علي وسادتها واغرقتها بالدموع دموع طفلة وقعت اسيرة حب قاسي ابدي لن تتمكن من اخراجه ولا بامكنه التمتع به قاطع بكاءها صوت مسدج لها فتحته بعيون دامعه وبمجرد النظر فيه انتفضت بفزع والدموع هطلت بغزارة تفجاءت باحدهم يرن اجابت سريعا

فرح باندفاع : نعم يا كريم بعتلي الصور دي ليه انت مجنون

كريم : لا دانا بحاول افكرك بحنين الماضي يا قمر

فرح : حنين اي وزفت اي علي دماغك

كريم : تؤ تؤ اي جمودية القلب دي الا يسمع كده ميشوفكيش وانتي منشكحه ومبسوطة في الصور الا بتجمعنا

فرح : واديك شوفت الا اتنين وامسح الصور ورقمي عشان مش اوريك وش تالت مش هيعجبك

كريم : اموت في شرستك ارجعيلي بقا كفايه تقل

فرح بأرف : هه ارجعلك اي يا بابا انسي خلاص انا كنت غبيه مره مش هبقي التانيه

كريم : كده يا فرح

فرح : اه

كريم : طب الصور دي في خلال يوم لو م مش رجعتيلي هتكون عند اخوكي

قفلت في وجه الخط بعنف ورمت الهاتف جانبا وعادت تبكي

في شركة صخر ينظر لملابسها بزهول وهو يقترب منها والابتسامة مرسومة علي وجهها وقف امامها وقال باندهاش

صخر : انتي خرجتي كده

هاجر: اه

صخر بهدوء : جيتي من البيت ومشيتي في الشارع ودخلتي الشركة ثم صرخ بها بي البلوزه دييي انتي اتهبلتي

انتفضت هاجر من صوته واجهشت بالبكاء

هاجر وهي ترتعش : ما مالها البلوزه

لاحظ صخر ارتعاشها الغير طبيعي والذي لاحظه عليها عدة مرات وشعر ان هذا سيكون اول نقاط ضعفه اقترب منها واراد اخافتها بحرفة حتي لا يجعلها تفقد امانه وترتعش هكذا
حاوط جانبيها بذراعيه واتكئ عليه بقوة ألمتها حتي شعرت بعودها يتعصر بين يديه نظرت له بدموع اكثر فتأوهت بشدة وبكت بدا يبتعد عنها وهو يزفر ويرمقها بغضب جحيمي وبالفعل ابتعد وجدها تذهب امامه وتخرج ويداها علي فمها تمنع شهقاتها ارتطمت بصدر ادهم وهي تركض للخارج بينما هو يدخل لصخر استعجب ولكن عندما راي وجه صديقه الغاضب علم انهم اتخانقوا

ادهم : من اولها كده دانتو لسه مش حطيتو دبل

صخر : اششش مش ناقصك

ادهم : اي الا حصل وقولت اي لنوران واي خطوبتك من هاجر دي انا مش فاهم حاجه

صخر : هفهمك

ادهم وهو يشاور علي الخارج : والا خرجت بتعيط دي هتسبها

صخر بعصبية : اه دي متخلفه

ادهم : حرام عليك عملت اي دي طالعه ميته من العياط

صخر : مش موضوعنا ثم تنهد وحكي له كل ما حدث في الفترة الماضيه

ادهم انتفضت قائلا : ينهار اسوود يعني نوران عرفه كل حاجه دلوقتي

صخر : اه والقضية اتقفلت يعني خلاص معدش في داعي لخوفك والراجل طلع ولا ضميرك هيأنبك

ادهم جلس تاني بتفكير : بس نوران حالتها وحشه اووي ابن الكلب الجبان سبها

صخر :: امممم خساره في ربع حبها

ادهم نظر له ودقق في ملامحه

صخر بحده : متبصليش كده

ادهم : ليه عملت كده وانت لسه بتحبها انت كده بتظلم هاجر

صخر ضحك بقسوه : انت مفكرني لسه عاوزها ليا اصلك مشوفتهاش وهي بتبكي عليه ويا اخي شوف ربنا كريم ابص الالقي هاجر بتعيط بنفس الطريقه عليا

ادهم ضحك : اومال انا مش لاقي حد يعيط عليا ليه

صخر : والله موجوده بس انت الا غبي وهطفشها

ادهم بحزن : ده لو مش طفشت

صخر : عملت اي يا ادهم اتكلم

ادهم : الاول قولي يعني انت معنتش بتحب نوران وفاتنتي والجو ده صح

صخر : صح مش لازم اول حب يكون الاخير ومش لازم يكون الحب الا مبيتنسيش الا خلاص الدنيا اتقفلت عليه كل حاجه بتتنسي لدرجه تبصلها باستهانه وتقول بقا هي دي الحاجه الا كنت هموت عليها شوف بقيت بارد ازاي من نحيتها

ادهم : سبحان مقلب القلوب

صخر : قولي بقا مالك ما احنا مبنلحقش نفرح

حكي له ما فعله مع فرح وجرح له

صخر بهدوء : وزعلان ليه مش جرحتها وخلتها تكرهك عاوز اي تاني

ادهم بضيق : مش عاوز انا ماشي

صخر : لا خليك انا هقوم اروح لهاجر اقعد كمل الملفات وفكر كده لو فرح جالها عريس وبقت مع حد تاني

ادهم اغمض عينيه بغضب : صخررر روح شوف فرح اقصد هاجررر

كانت نوران تسير بسياراتها في الشوارع تشعر بخنقه تود الاتصال به او رؤيته ولا تستطيع فبكت وتذكرت شئ ما فمسحت دموعها واوقفت السيارة جانبا ومسكت شنطتها تبحث علي شئ ما بداخلها رأت مفتاح صغير كمضت عليه بيداها والدموع انسابت منها وقادت السيارة مرة اخري ولكن غيرت مسارها

في غرفة بلال روان بجانبه تحاول التفاهم معه وتنظر له بعتاب

روان بنظرة زعل : ينفع متزعقش كده انا ماليش ذنب بتزعقلي ليه

بلال بنرفزة : اصلك بتقولي عادي سبها تسافر دي فرصتها

روان : ايوه فرصه يا بلال حرام تضيعها عليها دي بتعيط زي الا ميت ليها ميت

بلال : بتعيط ! عشان غبيه لما تتعب زي كده وهي لوحدها مين هيرعها

روان اقتربت منه وضعت يداها علي كتفه : يعني الا بيرعي نمله مش هيرعها

بلال : وانا اتعب واقلق عليها ليه بدام فايدي انها تبقي جمبي وقدامي عيني ومقفل عليها بقلبي

روان : يحبيبي مش هتفضل جمبك فرح بتكبر دي خلاص بقت دكتوره وبكره تدير مستشفيات اديها فرصتها عشان خاطري

بلال : لا

روان اقتربت منه اكثر : وحياة روان

بلال نظر لها بابتسامه : اي الجراة دي مش خايفه ولا اي

روان مطت شفتيها : هخاف منك ليه احنا كاتبين الكتاب

بلال اوقفها امامه وقربها منه : حلو يعني اقل ادبي براحتي

روان بحذر : تؤ تؤ بعد الفرح

بلال اول مره يشعر يضعف وبشده فقال بصوت ضعيف : روان اخرجي بره

اقتربت اكثر منه وقالت والدمع في عيناها : بتحبني يا بلال

بلال حضنها بقوة : انا بغرمك يا روان عديت الحب والعشق وصلت للغرام

روان بحب وبادلته العناق : واي الفرق بين التلاته

بلال : الحب اي حد ممكن يحب والحب متاح بين البشر كلها الام والابن والاخوات والاصدقاء شئ عادي اني احبك
والعشق هو بيبقي بين الراجل والبنت بس واختلاط المشاعر ما بنهم وحب التقرب من المحبوب زي انا وانتي كده

روان بخجل : بطل طب والغرام

بلال : هييح الغرام يختي

روان : خوته اما تخوتك

بلال : شكرا يا محترمه عارفه يا روان اي اكتر حاجه بكرها من صغري

روان : قلة الاحترام

بلال : كويس انك عارفه

روان : بكره جديتك معايا اووي

بلال : هي فين دي دانتي فحضني وبشرحلك الفرق بين الحب والعشق والغرام وشويه وهمام علي السرير ويدورو علينا

ضحكت روان : قول بقا اي الغرام

بلال : الغرام هو شدة التعلق تعلقا لا خلاص فيه مقدرش ابعد نهائيا واتسمي غرام لثبوته في القلب ولزومه في المشاعر المفرطه واني خلاص معنتش بملك السيطرة علي مشاعري ليكي والشخص المغرم ده مش بيستني مشاعر من حبيبه هو كده او كده خلاص ميقدرش يعمل حاجه غير مشاعره العنيفه اتجاه والغيرة المؤذيه زي ما بتقولي بحس بنار بولع لمجرد كلامك مع حد بموت وصلت للهوس شوفتي بقا انتي بتتعبيني ازاي

بلال : روان انتي نمتي ولا اي

روان اتعدلت وابتعدت قليلا : لا بس كلامك قوي جداا ويخوف

بلال : لا يروحي احنا خلاص مع بعض وعمري ما هبعد عنك

روان : لا يا بلال افترض جرالي حاجه

بلال بلهفه واغضب: بعد الشر عنك يا غرامي

روان بخبث : اممم يعني انا غرامك ويهون عليك تزعل غرامك

بلال بنفي : هو انا زعلتك يروحي

روان : وافق علي منحة فرح وحياتي عندك

بلال بعند :لا

روان : وبصفتي غرامك !؟

بلال ضحك بغلب : حاضر هفكر

روان بتهكم : وافق

بلال ضحك : تنزل المرادي خلاص بس لو جرالها حاجه متزعليش مني

روان قبلته بخده بتلقائيه وصفقت بيداها مثل الاطفال وشكرته وخرجت تجري علي غرفة فرح

ضحك بلال : مجنونه بس بموت فيها

في فيلا هاجر يدخل ويجد اشياء محطمه والبيت في حالة فوضي ونظر لها وجدها تجلس في احدي الاركان منكمشه علي نفسها تبكي اتعصب من منظرها ولعن نفسه ولكن ما فعله لها ليس مبرر قوي لتفعل كل ذلك اقترب منها

صخر بصوت حنون : هاجر

نظرت له هاجر وعادت لتبكي جلس بجانبها وضمها لحضنه ومسد علي شعرها : انا اسف والله بس انا غيرت عليكي البلوزه ضيقه جدا

هاجر بدموع : انا بحبك متزعقليش تاني عشان مش اكرهك

صخر بهدوء ليفهم حالتها : ليه هو انتي بتكرهي الا يزعقلك

هاجر ببكاء مرير : اه اووي

صخر طبطب علي ظهرها : بس انا زعقتلك عشان خايف عليكي وغيران

هاجر وهي تتقطع في البكاء كالاطفال : انا بخاف وجسمي كله بيرتعش وبفضل ارجف

صخر وهو يملس علي شعرها : ليه كده يا حببتي انا اه ببقا متعصب بس عمري ما اذيكي

هاجر برفض : لا لا بفتكر حاجات وحشه اووي بتعب اما بفتكرها

صخر باستغراب : حاجات اي يحببتي

هاجر : جدي وجدتي

صخر : مالهم

هاجر ببكاء : وانا صغيرة كنت عايشه معاهم كنت عايشه معاهم مش كانوا بيحبوني بيكرهوني كانوا بيحبسوني في البدرون ويضربوني وكانو بيزعقوا ع طول وبيحرموني من الاكل عارف كنت بموت من الجوع واشوفهم بيحطوا الاكل ويبقي نفسي فيه اجي اكل يضربوني ويزعقوا علشان بفضل اوقع وابهدل الدنيا وهما مش بيقدروا يروقوا كانوا بيدوني سندوتشات جبنه

تقطع قلب صخر عليها وتعجب هل يوجد اشخاص بهذه القسوة وشعر بانفاسها تختتق وهي تحكي حاول تهدئتها

صخر : بس بس يحببتي متحكيش هما خلاص معدوش موجدين انا صخر صخر حبيبك

هاجر بعنف : انا بكره الفيلا دي فيها كل ذكريات وحشه حاولت ابعها معرفتش وممعيش فلوس اجر شقه حتي الفلوس الا بابا بيبعتها علي قد مصاريفي

صخر : باباكي فين

هاجر : في ايطاليا ومش بيخليني اعيش معاه عشان مراته بتكرهني .

صخر : ومامتك

هاجر : ماتت وهي بتولدني وسببتني ليهم

صخر : خلاص يحببتي ربنا يسامحهم وانا من بكره هدورلك علي فيلا تانيه

هاجر ببرائه : انت قاعد في الارض ليه يله نقوم مش ينفع كده

صخر وهو يقف : خضتيني وقلقتيني عليكي اعمل اي بقا

هاجربضيق ورقفت ووقف هو الاخر امامها وبدا يهندم شعرها : مش انت الا زعلتني دانا ضهري وجعني اووي

صخر بحده بدون زعيق : وقسما بالله لكسرهولك المره الجايه لو شوفتك لابسه ضيق كده تاني فهمتي

هاجر بنفخ : فهمت

صخر : مش عجبك ولا اي

هاجر بابتسامه : عجبني انا اقدر

صخربعتاب : ينفع بقا الا انتي عملتي في الفيلا ده ومكسره الدنيا كده

عضت هاجر علي شفتيها بخزي ونظرة له كالطفل المذنب الذي ينتظر العقوبه من والدها

صخر رافعا حاجبه بحده : مينفعش صح وعقوبتك ان هكتب عليكي بكره

ابتسمت هاجر ابتسامة عريضه ودب الفرح في قلبها ايعقل ان يكون ذلك الصخر الذي احبته وكان يرفضها الان يعجل من كتبه عليها

عند نوران وصلت الي شقة محمد الذي كانو يتقابلون بها وفتحت ودخلت واستنشقت لعلها تهدء من اشتياقها كانت تتأمل كل ركن بالشقه وتبكي ودخلت الي غرفة النوم وبكت وهي تنظر للحمام وتضحك بدموع جلست علي الارض وسندت رأسها علي الفراش تبكي وبعد مرور دقائق رفعت نظرها ورات ورقه ملقاة علي الفراش اخذتها وبدات تقرأها بدموع حيث محتواها

" انا اسف يا نورتي مكنش قدامي حل تاني بابا اتسجن وظلم كان لازم يخرج باي تمن حتي لو التمن ده قلبك متنكرش انك السبب في حبسته برضو بس انا مسامحك وبقولك ان الشويه الا قضتهم معاكي من اجمل ايام حياتي وانك بجد الانسانه الا اتمنها قلبي الا زيك ملاك يا نوران انا حبيتك بجد يا نوران والله العظيم مكدبتش عليكي في اي كلمة حب او مشاعر ظهرتها ليكي بس اسف لازم تنسيني احنا مش لبعض ولا هيبقي لينا نصيب مع بعض باختصار انا في واحده بيني وبينها سنين عايشه علي حسي وانا مقدرش اسبها وانتي عادي هتنسيني زي ما بتنسي سنين من حياتك تقدري تنسي محمد انا كتبتلك ده وانا عارف ومتاكد انك هتيجي وهتشوفي وللاسف انا خدت كل هدومي مش هتلاقي تشيرت لذكري كسرتلك البرفيوم بتاعي في الشقه عشان اول ما تخشي تشمي رحتي عارف اني وحشك بس انا مش ليكي يا بنت الانصاري "

نوران بانهيار : قلبك اسود اووي منك لله منك لله حسبي الله ونعم الوكيل فيك دانا حربت اهلي عشانك