الفصل 1 الجزء 2

بعد مرور يومان والحزن يخيم علي الجميع ولا يوجد اختلاف في ايامهم سوي زواج هاجر من صخر وسعادة ادهم بصديقه وحياته الجديدة وادهم الا حاسس بنوران ومستغرب من سكوتها وليه مش بتواجه العائله بالحقيقه بلال منتظر روان توافق علي الفرح في اقرب وقت ومش حابب يضغط عليها وفرح عاوزه تسافر وخايفه من كريم وكل شويه بيهددها

في غرفة روان تجلس معاها فرح

روان : يا بنتي انتي خايفه كده ليه متعلمتيش حاجه مني

فرح : يا روان انا خايفه يبعت لي الصور انا ممكن اروح فيها

روان : الا يشوف كده يقول صور فاضحه اينعم مكنش ينفع تتصوري معاه وانتي قريبه كده بس خلاص يعني

فرح : انتي بقيتي بارده كده ليه بقولك هيبعت الصور لبلال

روان : بت انتي انا طلع عيني عشان اخليه يوافق علي سفرك دلوقت تقوليلي سي خرا

فرح : اه يعني افترضت سافرت من هنا وهو بعت الصور من هنا

ضحكت روان  : يبقي احسن بلال مش هيطولك

فرح : انتي بارده اووي منك لله الله يرحم ايام مكان عادل بيهددك

روان بغرور : كنت هيرو فنفسي والله

فرح بسخريه : اومال

روان وجاء في بالها شئ فقالت بحماس : طب انا عندي فكره ما تقولي لحبيب القلب

فرح بتهرب : مين ادهم انتي غلبانه ده انيل من بلال

روان بتبرير : بس يا بت ادهم عسل جدا ده بلال بيغير منه

فرح بغل وعصبيه : محدش عارفه غيري ده شيطان انيل من عادل

روان : بس يا بت هيحبك علفكره انا حاسه ان في امل

فرح : الله غني كريم انا هغور من وشه مش عاوزاه كرامتي بالدنيا

روان بمزاح : مش عارفه ليه انتي ونوران حظكو زي الزفت كده هييح

دخلت نوران عليهم : مالك يختي بتتشمتي فينا كده ليه

روان بضحك : بصراحه كده اه بشمت انتي حبيتي واحد وسابك وهي بتحب واحد بيذلها فالرايحه وفالجايه

فرح بسخرية : وانتي بتحبي واحد عصبي ومطلع عينك هه

نوران وهو تجلس : عندك حق يا فرح قعدة سناجل ولا وجوازه حزينه

روان : حزينه فعينك يا ام غل منك ليها

فرح بغرور مصطنع : انا هسافر ومش هعبركو تاني

نوران : اتنيلي بقا ده لو بلال وافق هنكسر وراكي اوله

فرح بضحك  : لا مهو وافق تحت ضغط من اسلحه روان حازم

روان خبطتها بالوساده : بطلي يا لمضه انتي مهو كلو عشانك

فرح شردت بحزن : تعرفو ان مشوفتش ادهم من يوم العمليه

ضحكت نوران وروان عليها بشده

روان وسط ضحكاتها : العاشق الصغير

نوران : بس يا بت حرام عليكي وبعدين يا فرح ده شالك لما وقعتي فحضنه الراجل اترعب عليكي برضو

فرح برقه عيناها بصدمه : فحضنه

تقطعت انفاس روان من الضحك واحمر وجهها

نوران : بس يخربيتك هتفطسي يا روان

فرح بحزن : طب والله كويس اني مش شوفته كنت هتكسف اووي

نوران بتهكم مازح: عادي يا فرح يحببتي انتي يعني كان قاصدك تقعي في حضنه

روان : تؤ دي كانت تعبانه

فرح : طب يا بنات تفتكرو انا ههون علي ادهم اسافر ويسبني

نوران بدموع ظهرت رغم عنها فالحزن بداخلها مكنون لا يعلمه احد  : عادي ما انا هونت عليه وسافر وسابني

مسحت دموعها سريعا

روان : انتو هتقلبوها دراما ولا اي حتي امبارح في كتب كتاب صخر وهاجر بلال مخلنيش اتفاعل في الفرح واتبسط

نوران : ثانيه هو انتي ازاي قولتي مشوفتيش ادهم وهو كان معانا امبارح

فرح : شوفة ادهم مش اني اشوفه بعنيا

روان بمرح : بقلبي ههه هموت

نوران : دانتي غلسه ما تسيبي البت تخرج الا جواها

فرح : سيبك منها دي معندهاش دم اقصد يكلمني مكلمنيش خالص كان فرحان مع صخر اووي

روان : ايوه كان شكلهم جميل وهما بيرقصو بس انا ملاحظه صخر متغير معاكي كده بيعامل براسميه كان ماله صخر دانتي بهدلتيه يا بعيده

نوران بشرود وحزن : ما انا قولتلك انا مقدرش احب غير محمد

روان بضيق  : ايوه يعني نجيبه منين هتفضلي كده

نوران : لا اكيد الايام هتحل كل حاجه

روان : يخربيتكو خلتوني حزينه

سمعو صوت طرق علي الباب ولم يكن الا بلال رأته فرح وارتعبت من الداخل ليكن كريم نفذ خطته وزاد خوفها عندما قال

بلال : بقول اي ما تسبوني مع فرح شويهً

مسكت فرح يد روان بخوف طبطبت عليها فهي الوحيده التي تعرف حوار كريم

روان : الله مش هتوصلني للكليه

بلال بزهق : ما تتهدي بقا كلية اي هو كل يوم

نوران : لا بقولك اي انت عاوز تقعد البت ولا اي

بلال : لا طبعا احنا نقدر برضو

نوران : بحسب

بلال : لا اطرحي خدي اختك بقا عشان عاوز اختي فحاجه

نوران : يله يا اختي لحسن ده هياكولنا بنظراته

روان في سرها : ربنا يسترها

خرجو سويا وبقي بلال يوزع نظراته علي وجه فرح الذي تنظر للاسفل وتفرك يداها

بلال : عمله اي دلوقتي يا فرح

فرح : ها انا الحمد لله تمام بقيت كويسه جداا

بلال وهو يترقب ملامحها  : امممم وجسديا مستعده للسفر وكده

فرح : بص يا بلال انا عارفه انك مش عاوزني اسافر لو قلقان خلاص مش عاوزه منح ولا نيله

بلال بسخريه  : لا واضح انك راضيه

فرح : اعمل اي ما انت مش مقتنع اني كبرت نفسي ابني مستقبلي يا بلال

بلال بهدوء وهو يخرج هاتفه : لا ازاي انا اقتنعت انك كبرتي وكبيرة من زمان كمان وبتعرفي ترتبطي وتتصوري مع شباب

ابتلعت فرح لعابها بخوف وهو يعرض امامها الصور تساقطت دموعها بخجل

بلال بسخرية لاذعه : بتعيطي ولا مكسوفه من نفسك ولا من الصور الا اخوكي الكبير شافها

فرح ببكاء : والله العظيم انا ما عملت حاجه مكنتش فاهمه حاجه وفي وسط طيش كنت فاهمه اني بحبه بس كنت غلطانه صدقني

بلال بضيق وغضب : عمري ما كنت اتخيل انك تعملي كده انا كنت بثق فيكي اكتر من نفسي لا وكمان الاقي ادهم عارف واخوكي لا هو انتي يا فرح لو جيتي حكتيلي مشكلتك انا هرفض اقف جمبك يا عبيطه دانتي بنتي واختي

فرح : ادهم هو

بلال : الصور اتبعتتلي امبارح وهو كان معايا وفهمني علي كل حاجه وقالي انك عرفتي غلطك وان الكلام ده من زمان

فرح ببكاء : انا اسفه يا بلال سامحني

بلال : تعرفي ان الولد ده غلبان اه واحد غيره كان ممكن يعمل بالصور دي كتير بس متخفيش ادهم هيجبهم منه

فرح : وانت يا بلال مش هتسامحني

بلال : ياريتك كنت انتي الا جيتي وقولتيلي

فرح بدموع : والله العظيم كنت علي طول بفكر اقولك حتي اسأل روان

بلال باستغراب وانتباه : اروان

فرح : اه والله انا كنت بقولها ديما اني عاوزه احكيلك عشان خاطري يا بلال متزعلش مني والله كانت غلطه وندمانه عليها

بلال : يظهر ان كنت متغفل من الكل

فرح : لا متقولش كده

بلال بعصبيه : بس اخرسي مسمعش صوتك عاوزه تسافري سافري ولا اولعي انا معدش ليا دعوه بيكي

قال جملته بعصبية وخرج وتركها تبكي وحيدة في غرفتها

في الاسفل تجلس روان مع فاطمه ويتحدثون

روان : بس يا خالتو مش الملوخيه بيتحمر لها بصل

فاطمه : بصل يا ندامه لا انتي لازم تركزي معايا لبلال بيحب الاكل النضيف

روان : لا يا فاطمه يختي هو عارف اني مبعرفش اطبخ وبيحبني علي كده

فاطمه بضحك : علي رأيك ده يأكل من ايدك التراب ولا يدري

نوران : قوليلي يا خالتو ماما لما جت مصر ليه مش اشترت فيلا مثلا مع ان ماما كان معاها فلوس كتير

فاطمه شكت في لهجته وطريقتها : ها

روان : اشمعنا يعني اي الا فكرك بكده

نوران نظرت لفاطمه : بسأل مش يمكن تكون الفيلا دي ملك ملك الانصاري وان حوار انك كتبتهالنا فيك عشان الحقيقة تداري اكتر كل ما تقرب تداري

روان  : حقيقة اي وبتكلمي كده ليه

نوران : اي يا فطوم انتي متعرفيش ان دكتور سليم خرج من السجن

فاطمه بصدمه  : انتي الا خرجتيه ؟!

بلال وهو ينزل علي الدرج : ومش بس كده ده اتجوزت ابنه كمان

روان : اييه اتجوزتي مين وسجن اي حد يفهمني

بلال اقترب من نوران : انا هفهمك يحببتي اصل الدكتوره العاقله راحت اتجوزت مين دكتور محمد

روان : اييه اتجوزتيه ! ومش قولتيلي

نوران : انا حره محدش لي عندي حاجه

بلال بزعيق وعصبيه : انا مش عارف بقيتوا كلكو بجحه مره واحده ليه

نوران بصوت مرتفع: البجاحه دي الا انتو عملتوا معايا

بلال بزعيق : عملنا فيكي اي انتي السبب فكل الا حصل وجايه تقوللنا عملتو كده ليه واحده بتصرخ وبتقول قتل امي هنعمل اي

نوران بزعيق : علي الاقل كنت افضل فاكره

روان بتوهان : انا مش فاهمه حاجه

بلال : ابوه الزفت الا اتجوزته كان متهم في قضية قتل ملك واتسجن وجه ابنه يخرجه وينتقم منها الغبيه وحاولنا نبعدها

نوران : حاولت تبعدي من غير اسباب معرفش حاجه كلكوا سبتوني زي ما سبتوني اتعذب بالكوابيس وانا مش عارفه حاجه وبقول خرافات انا مكنتش بنام وفي الاخر اطلع ساجنه واحد

فاطمه : يا بنتي انتي بتلومي علينا احنا ازاي انتي الا شهادتي وانتي الا روحتي المحكمه

نوران بدموع : بلوم عليكو عشان نستوني كالتو سنين من حياتي خلتوني لعبه في ايد الكل

روان بكت علي بكاء شقيقتها لاحظ بلال بكاءها

بلال بهدوء : يا نوران انتي يوم جواز ملك وانتي تعبانه وبتتعالجي عند الدكتور وكان لازم تنسي يا نوران انتي كنتي هتنتحري اكثر من اربع مرات

نوران جلست بانهيار ودموع : لو كنت فاكره مكنتش حبيته ولا سبت نفسي ليه غدر بيا وسابني اهو انا دلوقت في اصعب فترات حياتي

اقترب بلال منها وضمها الي صدره وبكت فاطمه هي وروان علي حالة نوران

بلال : انا عارف انك حبتي يحببتي صدقيني هتنسي وهتعيشي حياتك انتي اقوي من كده يا نوران مش تفرحيه فيكي وتخلي يبقي حققك انتقامه

نوران : عمر فحياتي ما اتهزمت ولو حسيت بالهدم الا جوايا ده قد الايام دي

روان اقترب منها بدموع : متقوليش كده انا معاكي ومش هسيبك انتي كويسه وخلاص هو مشي ومعاه ابوه ومعدش في كوابيس ولا تانيب ضمير

نوران : صعب اتجاوز الا حصل الموضوع مش علي قد حبي لمحمد في حاجات كتير محتاجه اتجاوزها

فاطمه : شوفي انتي اي الا هيريحك يحببتي اعمليه عاوزه تسافري سافري اعملي الا نفسك فيه المهم تبقي كويسه

نوران مسحت دموعه وحضنت بلال بقوه وشدد من احتضانها وملس علي شعرها

بلال : لازم تبقي شرسه انا متعود علي شراستك

نوران خرجت من حضنه وابتسمت ابتسامة ضعيفه : انا خدت اجازه وهبقي لوحدي وهرتاح

روان حضنتها : لا انتي مش هتبعدي عني انا مش اقدر اقعد من غيرك

نوران : لا انتي خلاص بقيتي ملك جوزك سبوني بقا اقدر اصلح نفسي عشان حاسه اني تعبانه وهرتاح وانا لوحدي

فاطمه : تبقي لوحدك بس حوالينا

نوران : ياااه يا فاطمه انني ست عظيمة تاخدي نشال المثالية

فاطمه : بس يا بت بطلي دراما انا عاوزاك مرتاحه يا ضنايا

نوران بغموض : انا عارفه المكان الا هيريحني
.............................
في فيلا صخر وتحديدا في غرفته نومه يتمدد علي الفراش ويضم هاجر الي حضنه

صخر بشرود : مبروك

هاجر بخجل : الله يبارك فيك

ضحكت هاجر بخجل شديد وظلت تنظر له باعجاب وحب شديد وبادلها صخر النظرات بتمعن اكبر فجاءته هاجر بسؤالها 

هاجر : بتحبني يا صخر

ضحك صخر بقوة شديده مما اغاظ هاجر

هاجر بضيق : انت بتضحك علي اي ها

صخر نظر لها ولطفولتها : طفله بمعني الكلمه

هاجر : والله لو بتتهرب من سؤالي عادي علي فكره قول الحقيقه انا مش زعلانه

ضربها صخر علي رأسها بخفه : شغلي دماغك الصغيره دي شويه يا جوجو اتجوزتك ومعايا هكون اي مجبور عليكي مثلا

هاجر بدموع : يعني انت بتحبني ولا

تنهد صخر ومسك يداها : والله العظيم بحبك اقولك علي حاجه ومقدرش استغني عنك كمان

هاجر ادارت وجهه عنه استعجب صخر ولف اليها وجدها تبكي رفع رأسها بأنمله ونظر في عيناها

صخر : ممكن اعرف ليه الدموع دي

هاجر ببكاء : انت محبتنيش انت بتنسي فيا نوران

كور صخر قبضة يده واغمض عينيه بغضب وقال

صخر : اوكيه انتي شايفه كده بس عالعموم انا مش عيل ولا راجل ناقص عشان اتجوز بنت تنسيني واحده انا اقدر انسي لوحدي واذا كنتي مش بتثقي فيا وفكلمتي فدي غلطتك وغلطتي اني اتجوزت عيله

هاجر ببكاء طفولي : انا مش عيله يا صخر

صخر بزعيق : لا عيلة وتافهه كمان

هاجر بدموع تجري علي وجنتيها ونظرات طفوليه  : متزعقش فيا يا صخر

نظر لها بغضب وتنهد وخرج وترك لها الغرفة ظلت تبكي بينما هو نزل في الاسفل واتصل بصديقه

ادهم باستغراب : اي ده عريس الغفله بنفسه بيتصل

صخر : تلفونك زاد شرف ياله

ادهم : انت هتقولي المهم بتتصل ليه رفعت راسنا ولا هتكسفنا

صخر بتنهيدة: اه

ادهم : طب مالك حاسك متعكنن كده

صخر : عقلها صغير اووي يا صخر

ادهم ضحك بقوة : طب واي يعني ما البنات كلهم عقلهم صغير

صخر : تخيل لا بص دانا هحكيلك من الاول

ادهم :قول قول ياخويا فضفض

صخر : الاول قالتلي بتحبني قولتلها اكيد بحبك ومقدرش اعيش من غيرك كمان

ادهم : جميل وبعدين

صخر بزهول : دورت وشها وبعدت عني استغرب روحت ناحيتها اشوفها مالها عيطت بقولها بتعيطي ليه تخيل تخيل

ادهم بضحك : انا الا مش قادر اتخيله انك من اولها وهتتهبل لا انا عاوزك تجمد كده اومال

صخر : اجمد اي يعم انا بخاف عليها مني دي مش حمل عصبيتي

ادهم بابتسامه وهو شارد في محبوبته الصغيره  : لا في دي عندك حق انما انا بقا البت فرح دي تلاقيها اخوك كده سند

صخر : واضح انك مش بتفكر فيها

ادهم بهدوء واستسلام : لا بفكر وبحبها كمان اقولك بعشقها

صخر : هالله هااالله اخير كنت عارف علي فكره مبروك يا صديقي

ادهم : المهم يعني خلينا فيك الاول قالتلك اي

صخر : بتقولي انت مش بتحبني انت بتنسي نوران فيا

ادهم بصدمه : بوووووم عملت اي اوع تكون اتهورت عليها

صخر : لا ابدا قولتها مش انا الا اتجوز بنت عشان انسي واحد وسبتلها الاوضه ونزلت

ادهم : الحمدلله انا خوفت تكون اتهورت عليها

صخر : بقولك بخاف عليها من نفسي

ادهم : طب يا صخر براحه عليها عيله وبعدين ليها حق انت كنت من اسبوع فات بتحب نوران ودلوقت اتجوزتها هي طمنها يعم

صخر : مينفعش تهني الاهانه دي واسكتلها

ادهم : معلش بس مش تشد عليها جامد من الاول انت فاهمها غلطها براحه وحاول تحتويها وطمنها مهو مش هتستوعب انك نستها في اسبوع

صخر اتنهد : والله بحبها غبيه انا اكتشفت حبي لنوران مكنش حب دي تشبص عقل يمكن اكون اتلفت ليها عقلي فضل متشبص فيها بقا

ادهم : الا حصل حصل يعني وهي فاهمه ان الا بيتجوزوا دول اي اتولدو بيحبو مراتتهم

صخر ضحك : انا عارف يخويا

ادهم بصوت امومي : متزعلش نفسك يولاه انت لسه صغير

ضحك صخر علي صديقه : ماشي يا ماما وانت بقا اتلحلح وروح قول لفرح بدل ما تشوف ليها دكتور وتديك بالجذمه

ادهم بنرفزه : طب اقفل يحبيبي وروح لمراتك بدل ما اجي انا اديك بالجذمه

صخر : طب خلصت الصفقات وومضيت العقود

ادهم :  اه ورايح مشوار كده

صخر : رايح فين البس واجيلك

ادهم : يعم غور صالح مراتك حتي بعد ما اتجوزت ارفني برضو اقفل يعم

صخر : واطي وقفل معه وتنهد وقام وصعد علي الدرج ليدخل الغرفة ويجدها جالسه مكانه علي السرير تبكي جلس امامها ونظر لها بحزن علي حالتها

هاجر : انا اسفه اني زعلتك

صخر وهو ينظر لعيناها الباكيه وقال بهدوء : مزعلتش علي فكره انا مزعلش منك

هاجر بدموع : لا انا حسيت انك زعلت

صخر : انا زعلت من تفكيرك الا هو ازاي تفكري كده لو مش بحبك عمرك ما هتكوني قعده قصادي دلوقت لازم تعرفي اني مش عيل يا هاجر والكلمه الا اقولها صدق عمري ما نكرت حب نوران قدامك لكن دلوقت انا بقولك انا بحبك انتي وزي اي راجل حب واحده ونسيها واتجوز ودلوقت بيحب مراتو

هاجر بتوجس : يعني انت بتحبني بجد

نفخ بغضب وضرب بيده كف علي كف : دي دعوه مدعيه عليا اكيد في حد داعي عليه

هاجر : انا دعوة يا صخر

صخر بتأكيد : اه يا هاجر انتي دعوة وقعتي عليا كده اعمل اي اجيب مصحف احلفلك عليه اني بحبك

هاجر : خلاص خلاص متتعصبش

صخر بتنهيدة : عصبيتك راحة يا ستي انا الظاهر مش اثبتلك كويس هثبتلك اني بعشقك

هاجر بخجل : لا لا منا عارفه انا كمان بحبك