يوم جميل

#حلم _عمري
#بقلم _أمل_مصطفي
#البارت _11
***********
خلاص يا عشق كفايه كده النهارده عايز نلحق اليوم من أوله
شكروا البنات  عشق وهن في منتهي السعاده حقيقي أنا حبيت الماده ياريت تعملي فينا ثواب وتيجي تفهمي المدرس بتاعنا طريقة شرح المنهج بدل ما هو عقدنا كلنا!

ضحكت عشق وأنا موافقه هاتيه الحصه الجايه وعرفيه أن الحصه ب200جنيه لو عاجبه .

خلود علي الفرق في الشرح بينكم تستاهلي 500الحصه
ده ماحدش بيفهم منه وبياخد 200الشهر  ربنا يجحمه

زين بس أنتي وهي خلينا نلحق نمشي .

نظرة له خلود بحزن وصعدت لغرفتها دون كلام .

أما عشق صعدت وإرتدت ملابسها  كان عباره عن دريس أبيض به فراشات زرقاء وإرتدت حجاب أزرق .

زين بسم الله ماشاء الله لا أنا بقول خليكي في البيت أحسن   أمل مصطفى.

تحدثت عشق بغضب طفولي يعني أنت كنت بتضحك عليا ماشي أنا مخصماك نزلت تبحث عن نعمه لتشتكي لها زين ماما ياماما ..

خرجت نعمه مالك يا حبيبتي ؟
عشق بحزن يرضيكي زين يضحك عليا وبعد ما البس يقولي اقعدي في البيت أحسن.

نعمه  ::برفض لا زين طول عمره راجل ومش بيرجع في كلامه.

ماشي يعني أنا كذابه يا ماما؟

هي بحيره لا يا حبيبتي مش قصدي في إيه يا زين مش عايز تخرجها ليه. أمل مصطفى.

زين بتوتر بص لها كده يا ماما نعمه  رجعت نعمه ببصرها  إلي  عشق مالها  يا حبيبي بسم الله ما شاء الله أيه من الجمال و لبسها واسع ومحترم.
زين  تبرير مش قصدي قصدي إنها  جميله جدا وملفته أمشي بيها  إزاي في وسط البلد. خجلت عشق وتورد وجهها من شدة  الخجل  .

زين طيب بصي بقى شكلها إزاي لما إحمرت أعمل أيه هقتل كل الرجاله النهارده ولا تلبسيها نقاب أحسن.

   نقاب أيه يا حبيبي لا طبعا بنتي لبسها واسع ومحترم

خلاص يلا يا عشق إحتضنت نعمه وقبلتها
حطها في عنيك يا زين .

أكيد طبعا بس ما حدش يستنانا علي الغدا سلام

*******************
بعد مرور الوقت ياااه يا زين المكان تحفه جدا أنا مش مصدقه ولا ريحة الأرض تحس فيها بالطيبه والنقاء
رأت فراشه  جميله تركت ما بيدها وركضت خلفها بسعاده
ياريتني قابلتك من زمان ماكنتش سيبتك لحد أبدا
برائتك وجمالك جنني أنا لأزم أكلم جدي لما أرجع
***********
علي الغداء
فهد ::كل ده زين وعشق مرجعوش
لا يا حبيبي قال مش هيرجع علي الغداء هكذا ردت نعمه

تحدث بضيق بقا ظابط ولسه مش عايز يعقل ويتحكم في تصرفاته يلف بيها كل ده في البلد إزاي كان عندي في المصنع من ٣ساعات وطلبت منه ما يتأخرش .

ومالوا يا ولدي تلاقي عشق مبسوطه بالمناظر عندينا حاجات مش بتشوفها في البندر .

الجد ::أنا عارفه مش هيسيب مكان في البلد غير لما يفرجها عليه .

ياجدي ما كانش لازم كله في يوم كان صبر عليها هي مش متعوده علي اللف ده وهاتتعب

لا ما تخافش أكيد زين حطتها جوه عنيه ومش ها يتعبها
كانت تجلس والغيره تتأكلها ولكنها لم تستطع الكلام
وكانت ياسمين تجلس بجوارها وهي تشعر بها
***************
في مكان تاني خالص
والله يا واد يا جعيدي زي ما بحكيلك كده بت لهطة جشطه زي ال بنطلع عليهم في التليفزيون جميلة الجميلات ماشيه مع زين ولد المنشاوي بيجولوا بنت عمه محمود
محمود وولاده ماتوا وماعدش غيرها
واه واه أكيد شبه أمها عشان كده عارض المنشاوي الكبير وخرج من تحت طوعه
والله يبجاله حج أنا أتفاجأت لما شوفتها إنتفض الإثنان
علي صوت صراخ كبيرهم
واد يا مخبل منك ليه سايبين شغلكم و جاعدين  تتسامرو
مع بعض يومكم أسود شكل وشوشكم 
جعيدي أبدا يا كبير
فاروق ::هتنطق ولا أطخكم أنتم الأتنين
حمد ::خلاص والله يا كبير كنا بنتحدد عن بنت محمود المنشاوى
فاروق ::بإستغراب  هو محمود جه هو وولاده البلد
لا بيجولوا  مات هو وولاده وبعتوا جابوا البنت الفاضله
بس بنت كيف الجمر ماشوفتش حريم زييها  قبل سابج غير في التلفزيون
فاروق ::بإهتمام  للدرجه دي
حمد ::والله يا باشا لو شوفتها ما تقدر تبعد عينك عنيها أبدا كأنها جمر في ليلة تمامه بتنور لوحديها
فاروق ::وهو شارد طيب شوفوا شغلكم وإلا هخلص عليكم
****************
في المساء
دخل زين وخلفه عشق تحمل حذائها في يدها
ضحك الجميع علي منظرها
هند ::واه يا عشق أنتي ماشيه حافيه
ردت بخجل أعمل أيه يا طنط رجلي مش قادره منها
خروجة النهارده بعمري كله
إبتسم الجد أهم حاجه تكوني مبسوطه إقتربت عشق منه وإنحنت تقبل يده جدا جدا يا جدي زين فسحني  أماكن
كتير وجميله جدا تهديء  الأعصاب كان نفسي أنام فيها

محمد بهمس إستحمل غضب فهد لأنه متضايق جدا منك

زين بتوتر ليه أنا عملت حاجه .

مروان ::شايف إنك زودتها وأنا معاه .

هو أنت فاكر نفسك في المحكمه أنا بقا معايا ال تخرجني منها زي الشعره من العجين .

ضحك مروان أنت بتحلم مافيش حد يقدر يخلصك منه حتي جدك .

زين ::بإبتسامه خبيثه لا فيه .

فهد ::بقوه أرعبتهم  وخاصتا زين حمدلله علي السلامه يا حضرة الظابط يا عاقل حد يعمل في بنت عمه كده ويلف بيها حسابك معايا .

بعد إذنك يا أبيه فهد أنا ال طلبت منه يفرجني علي كل الأماكن الجميله عندكم هو كان عايز يروح ونرجع يوم تاني الأماكن كلها كانت أجمل من بعض والوقت سرقنا
معلش عشان خاطري سامحه المره دي .

رمقه فهد بنظرة إنكتبلك عمر المره دي وإبتسم لعشق
عشان خاطرك يا عشق .

مروان يابن الأيه إنكتبلك عمر جديد إحمد ربك .

تشاهد زين علي نفسه ولكنه حمد الله علي ذكاء إبنة عمه وحسن تصرفها .

رغم قوته وجبروته خارج المنزل لكنه كالطفل الصغير أمام أخيه الكبير لا يستطيع مجاراته أو رفع عيونه أمامه
وهذا ليس ضعفا إنما إحترام  وأخلاق وعادات وتقاليد
تستوجب اإحترام الصغير للكبير .

نظرة له خلود بحزن ولم تستطع الجلوس صعدت غرفتها
استغربت عشق من تصرفها فهي لم تتحدث معها إقتربت  عشق من نعمه وقبلتها ماما أنا  طالعه لأن أدهم هيكلمني  كمان شويه
طيب خليكي أجهز لك وكل وبعدين إطلعي
لا هاكلم  أدهم الأول وبعدين أنزل صعدت السلم بسعاده
أدت فرضها  وجلست على السرير في إنتظار مكالمه أدهم
************
زين جدي لو سمحت عايزك في موضوع
دخلوا غرفة الجد وأغلق الباب خلفهم
الجد:: خير يا ولدي
بص يا جدي أنا كنت عايز أتجوز عشق أنا أولي بيها من الغريب
كيف ده عايزني أطلجها من جوزها و أجوزهالك
بينك أتخبلت
زين ::بترجي أرجوك يا جدي وافق أنت بس وأنا هحطها جوه عيوني أمل مصطفى.

الجد ::بحزن ما ينفعش يا ولدي مش هكرر نفس غلطة زمان وأغصب علي حد في الجواز كفايه خسرت أبني
وولاده بسبب قرار زي ده
بنت عمك بتحب جوزها وجوزها كمان بيحبها وأنا مش ممكن أخرب حياتهم بيدي
أنسي يا ولدي جوزها لو عرف حاجه زي دي مش هايخليها تيجي حدانا مره تانيه وأنا مش هقدر علي بعدها
وهي هاتخاف منك تخسرها  إكسبها أخت ليك بدل ما تضيع خالص وربنا يريح جلبك

*************
عندما رن هاتفها تناولته بلهفه ألو
شعر بخفقان قلبه من اللهفه الواضحه  في صوتها
حمدلله علي سلامتك
عشق بحب الله يسلمك
أدهم ::رجعتي أمتي
من نص ساعه بس
يااه كل ده يا عشق بره
أه والله البلد جميله جدا وفيها أماكن كتير زورنا مصنع اللحوم ومزرعة الدواجن والأرض بتاعت القصب أماكن سا حره جدا يا أدهم وروحنا أرض زراعيه كبيره جدا أكلنا    فطير سخن وعسل اليوم كان جميل جدا جدا
وكان يبقا أجمل بوجودك وأرسلت له صور كثيره في أماكن مختلفه ومنها بعض الصور مع زين
أدهم ::أنا كنت معاكي بروحي يا قمري

ماما وروان وحشوني جدا عايزه أروح ليهم
هانت يا حبيبتي كلها أسبوع ويكونوا هنا

**************
بعد إنتهاء المكالمه بينهم توجهة عشق إلي غرفة خلود وقامت بالطرق علي باب غرفتها فتحت لها ياسمين
إتفضلي
دلفت للداخل بإبتسامه كعادتها وجدت خلود تجلس علي طرف السرير ويبدوا عليها البكاء
مالك يا خلود طلعتي بسرعه كده ليه إنتي كنتي بتعيطي
خلود بنفي لا
جلست عشق بجوارها وتحدثت بحنان مالك يا حبيبتي مش إحنا أخوات  نتكلم ونفضفض لبعض لم ترد عليها
وجهة كلامها لياسمين مالها يا ياسمين في أيه مزعلها
قامت ياسمين بخفض وجهها ولم تتحدث
عشق بإحراج أنا أسفه يظهر أن بفرض نفسي عليكم تصبحوا علي خير وتوجهة للباب وقبل ان تضع يدها علي المقبض تحدثت خلود ببكاء أنا اسفه يا عشق أنا كمان بعتبرك أختي
رجعت لها عشق قامت خلود بإحتضانها وهي تبكي بشده
ظلت عشق تمسد علي ظهرها حتي إرتاحت
. خلود  من بين شهقاتها أنا بغير منك قوي

عشق ::بإستغراب بتغيري مني أنا طب ليه عندي أيه مش عندك 
تحدثت ::بحزن كل حاجه وأهم حاجه

طيب زي أيه فهمني.

أولا جمالك ال لفت نظر الكل حب وإهتمام الكل الكسبتيه
في يومين
حتي. حتي
عشق ::حتي أيه
حتي زين
عشق بإبتسامه أه قولتي زين بقا كده يا ست خلود ماشي
بصي يا حبيبتي أنا بعشق زوجي لدرجه مش ممكن تتخيليها  ثانيا زين أخويا وبن عمي مش أكتر
بس هو مهتم بيكي أكتر مننا
عشق بهدوء هو مهتم بيه كا أخت ليه أو بنت عمه اليتيمه لكن مش ال في دماغك ده
ياسمين ::أصلها بتحبه جدا وهو مش سأل فيها ودايما يتعمد يضايقها
عشق ::بذكاء عادي إحنا نقدر نلاعبه ونخليه هو ال يقدم فروض الطاعه والولاء ويطلب العفو كمان
تحدثت بلهفه إزاي
عشق بمرح إتقلي يا أختي شويه وبلاش يحس إنك مدلوقه عليه وبلاش نظرة الهيام لما يكون قدامك أو تيجي سيرته ساعتها هو ال هيتجنن عشان يعرف سبب التغيير وهيجيب مائة فكره وفكره هيعمل المستحيل
عشان يلفت نظرك مره تانيه .

وده دورك بقا أما انا هلعب العب الكبير وإبتسمت ربنا يوفقنا علي  جمع القلوب في حلاله
*************
في الصباح
عشق جدوا ممكن أخرج أتمشى شويه
أستني لما اي حد يرجع عشان أكون مطمن عليكي
أنا مش هبعد ورقمي مع ماما نعمه وحياتي يا جدو وافق
خلاص يا حبيبتي بس خلي بالك من نفسك وبلاش تتأخري عشان ماقلقش

  حاضر يا جدي

خرجت وكانت تتحرك بهدوء وهي تشعر بالراحه النفسيه
من المناظر الساحره حولها في كل مكان حتي إبتعدت
دون ان تشعر وجدت نفسها في مكان لا تعرفه
************
إنتهي البارت
توقعاتكم في ما قد يحدث
لعشق هل تستطيع الوصول بأمان
أم سوف تقع بين براثن قطاع الطرق
أم بين يد حمدي لينتقم من أبيها المتوفي