الفصل 8جزء 2

ذهب الطبيب وتركهم نظر ادهم لفرح الذي تكتم في شهقاتها وتبكي بانهيار اقترب منها وضمها بقوه فكان هو من يحتاج الي معانقتها وليس هي

فرح : بلال هيروح فيها مش هيتحمل يارررب بيحصل كده ليه معانا يارب اخويا هيموت

ادهم نزلت دموعه ودفن رأسه في عنقها

فرح : بلال لازم يعرف مين الا عمل كده

ادهم خرج من حضنها وقبل رأسها ومسح دموعه وقال : خليكي هنا مع روان وحاولي تهديها علي انا اجي
......................
في فيلا صخر يدخل صخر الغرفه ليجد هاجر تنام علي وتغمض عيناها والدموع تسيل علي وجنتيها تجاهلها واقترب من خزانة ملابسه وهو يقول

صخر بجدية : عارف انك صاحيه بدل ما تعملي شغل العيال ده قومي اعتذري

هاجر قامت وجلست علي السرير ونظرت له بعيون تبكي : مين فينا الا يعتذر

ترك صخر ما في يده ونظر لها بتحدي : انتي الا تعتذري عشان انتي الا غلطانه

هاجر بدموع : وانت مغلطتش

صخر اقترب منها وقال بهدوء : لا مغلطتش

هاجر وهي تمسك ذراعها بألم : ايوه فعلا صخر ثابت مبيغلطش

صخر : مفيش انسان مبيغلطش وانا يمكن اعصابي فلتت عليكي بس انا حذرتك قبل كده حصل ولا محصلش

هاجر بطفوله : حصل

صخر : واما تكلميني باسلوب وحش بدون اي سبب وترفعي صوتك عليا ده غلط ولا مش غلط

هاجر انزلت رأسها لاسفل بحرج : غلط

صخر رفع رأسها بيده لتنظر في عينه : المفروض الا يعرف غلطه يعمل حاجتين

هاجر باستغراب : ازاي

صخر ابتسم لها وهو يمسح دمعه هاربه علي وجنتيها : يعتذر وميكررش الغلط ده تاني

هاجر : انا اسفه مش هعمل كده تاني

صخر : وانا قبلت اسفك قومي بقا اغسلي وشك الصغنن ده عشان عاوزك في موضوع

هاجر بدأت علامات الغضب الطفولي تظهر علي وجهها لاحظها صخر

صخر : اي عاوزه تقولي اي

هاجر : يعني انا اعتذرت وانت مش هان عليك تعتذر ليا

صخر رفع حاجبيه باستنكار : اعتذر علي اي ان شاء الله

هاجر وهي تعد علي اصابعها : اولا اتعصبت عليا وزعقتلي جامد وانت عارف اني بخاف من الزعيق ثانيًا ضغط علي دراعي اوي اوي ووجعني اووي ثالثًا مشيت وسبتني من غير ما تصالحني يعني هونت عليك

صخر : انتي نصابه يا بت انتي

هاجر : اييه انا برضو ولا انت الا بتغلط ومتحبش تعتذر

صخر : حتي لو مبحبش اعتذر بس بدام هجورتي عاوزاني اعتذر هعتذر

هاجر : اه قلبي اتثبت يا حرام ابعد عني يا صخر

صخر : خلاص بقا انا اسف بس انتي عصبتيني بقولك ادهم عاوز الغربيه تيجي تعملي اي

هاجر عضت علي شفتيها بضيق

صخر : كنتي خايفه اقابل نوران صح ؟

هاجر ببكاء : بصراحه اه وكنت غيرانه

صخر تنهد : قومي اغسلي وشك وبطلي عياط وقتها تعالي كلميني

هاجر مسحت دموعها : خلاص اهو مبعيطش

صخر :قومي يا هاجر اسمعي الكلام وبلاش عند

قامت هاجر بتذمر طفولي وغسلت وجهها بالماء وعادت إليه وجدته يضع ملابسه في حقيبه السفر

هاجر بلهفه : صخر

انتبه صخر لها : اي يروح صخر مالك

هاجر : انت رايح فين بتلم هدومك ليه انت هتسبني يا صخر

صخر ضمها الي صدره حتي يطمنها : اسيبك واروح فين يا عبيطه اهدي

هاجر خرجت من حضنه واشارت علي ملابسه : اومال بتلم هدومك ليه

صخر : مسافر يومين يا هاجر وجاي تاني ومينفعش اخدك

هاجر بنفي : لا لا عشان خاطري متسبنيش

صخر: انا هقول كلمه وبعدها مفيش نقاش انتي وعدتيني هتسمعي الكلام

هاجر : لا موعدتكش

صخر نظر لها وتنهد : يبقي اوعديني يا هاجر

هاجر : مسافر ليه طيب

صخر : اما ارجع هقولك

هاجر بزعل وحاولت منع دموعها : تروح وترجعلي بالسلامه

صخر نظر لها بشك : اي العقل الا نزل عليكي ده انتي مين

ابتسمت هاجر شبه ابتسامه : انا البنت الا روحها فيك متتأخرش عليا يا صخر انا مبحبش اقعد من غيرك

صخر : روح صخر يا ناس انتي احلي حاجه في حياتي يا جوجو

هاجر ابتسمت له وقالت : كمل تحضير شنطتك وانا هعملك اكل

صخر : انا خلصت هما غيرين بس احتياطي انا مش هتأخر

هاجر : تمام. وجاءت لتذهب امسكها من يداها

صخر : زعلك مش هاين عليا ارجوكي مش هقدر اسافر وانتي زعلانه

هاجر ابتسمت له : مش زعلانه بس مش تتأخر عليا

حان المساء وصخر سافر بالفعل واخبر هاجر ان ارادت ان تذهب الي فيلا الانصاري لتجلس مع فرح والفتيات فالتذهب وهاتف ادهم واوصاه عليها فاقت روان وكانت لا تتحدث ابدا ابدلت فرح ملابسها وبعد ذلك اخذها ادهم وعادو الي القاهرة وطيلت الطريق وفرح تري دموع ادهم تتجمع كل دقيقه ويزيلها وشعرت بأن هناك شئ اخر بداخله واخبرو بلال بأنها معهم وانهم في الطريق إليهم .

في فيلا الانصاري يدخل ادهم وفرح وروان مستندة عليهم وحين رأها بلال ركض إليها واخدها بين احضانه ويشدد من احتضانها ابتعد كل من ادهم وفرح وهم يتبادلون نظرات حزينه منكسره

بلال : روان كنتي فين ردي عليا يا حببتي

فاطمه : انتو لقتوها فين

لم يجيب احد علي سؤالهم فقط ينطرون لبعض تفجاءو ببلال يصرخ وروان مغشي عليها بين يديه

بلال وهو يحمل روان ويركض بها لاعلي : دكتورر دكتووور بسرررعه

فاطمه الحقت به بخوف علي ابنتها الذي ربتها

فرح مسكت الهاتف بيد مرتجفه وبكاء ادهم اخذ منها الهاتف واماء لها باطمئنان واتصل بالطبيب وفي خلال مدة قصيرة وصل الطبيب وكشف علي روان

الدكتور : متقلقوش اغمي عليها عشان حصلها فقر دم وفي ضغط شديد علي اعصابها لازم تهتموا بأكلها كويس

فاطمه : شكرا يا دكتور اسفين لازعاج حصرتك

الدكتور : مفيش شكر علي واجب عن اذنكم

بلال كان يجلس بجانب روان ويضمها إليه ولا يفارقها

بلال بضعف : ماما

فاطمه بحزن وتأثر : نعم يا حبيبي

بلال : اعمل اكل لروان يا ماما عشان أكلها

فاطمه : حاضر يحبيبي هنزل اعملها اكل تعالي معايا يا فرح

فرح نظرت لادهم بخوف وتوتر اشار لها علامة الرفض لانه يعلم ان فاطمه سوف تستجوبها

فرح : انا تعبانه يا ماما وحابه اكون جمب روان

فاطمه : ماشي اكيد هنتكلم
خرجت فاطمه وبلال مازال يسكن بحضن روان معشوقته وهوسه وغرامه وزوجته

بلال بنبرة : ردي عليا يا روان سمعيني صوتك مالك احكيلي حصلك اي انا بلال انتي زعلانه مني عشانه مش عرفت اوصلك انا كنت بدور في كل حته كنت زي المجنون ردي عليا ياروان
لم يجد منها سوي دموعها التي تتساقط في صمت مما زاد قلقه عليها فقال وهو يقترب منهم متسائلًا لتلك الاثنان

بلال : انا عاوز اعرف كل حاجه بالتفاصيل روان كانت فين وانتو عرفتو مكانها منين واي الا حصلها بالظبط

ثم نظر علي شقيقته بشك : وانتي مالك وشك مزرق ومصفر وعنيكي وارمه ومش علي بعضك

فرح بتوتر: اصل اصل خايفه علي روان

بلال : وهو انا مش عارفك من وانتي خايفه علي حد او خايفه من حاجه في اي ما تكلموا

ادهم : تعالي معايا تحت وانا هفهمك علي كل حاجه

نزل بلال معه وبدأ حديثه

بلال : في اي يا ادهم ما تفهمني

ادهم : عاوز تفهم اي

بلال بعصبيه : انت هتستعبط يا ادهم جبت روان ازاي واي الا وداكو اسكندريه في اي مش فاهم

ادهم : لازم تفهم يعني

بلال بجنون : ادهمممممممممممم

ادهم قال مباشرة وبدون مقدمات : عادل خطف روان واغتصابها روان بقت مدام يا بلال

بلال ضحك : بطل عبط عشان انا ايدي طرشه

ادهم نظر له بشفقه : دي الحقيقه يا بلال

بلال بصوت جمهوري : انت بتقول ايييي

أتت فاطمه وفرح مسرعين علي صوت بلال الدي هز ارجاء الفيلا

ادهم اغمض عينيه بتعب وتنهد بقوة ونظر لفرح وهز رأسه يمين ويسار نظرت له ببكاء

بلال : عادل اي وزفت اي والكلام الفارغ ده انت اتجننت

فرح : بلال

بلال التفت لها بحده : بلال اي انتي مش سمعتي الا قاله قسمًا بالله لولا معزتك عندي لدفنتك مكانك يا ادهم

فرح بدموع : كلامه صح يا بلال هو ده الا حصل

بلال نظر في عيناها بزهول وصدمه شعر بدوار يصدح في رأسه وضع يده علي رأسه اقترب منه ادهم سريعا واسنده قبل ان يفقد توازنه دفعه بلال بغضب

بلال : ابعد عننيبييبييبييي انتو اتجنتوو ولا ايي

فرح : لا مش جنان وحكت لها ما حدث منذ لقاء عادل بي روان وتهديده لها حتي ما حدث اليوم