الفصل 17 الجزء 2

في فيلا صخرثابت كان صخر يتمرن في غرفة الرياضه وهو عاري الصدر لتدخل عليه هاجر وهي ترتدي اسدال الصلاه وتتابعه بأبتسامه عاشقه توقف صخر عن اللعب حين رأها وبدأ بتشيف وجه بالمنشفه وتوجه إليه

صخر : صباح الخير علي قمري

هاجر : صباح النشاط اي الحلاوه دي

ضحك صخر عليها : صليتي

هاجر : اه وانت

صخر : رايح اصلي اهو

هاجر : طب بقولك نوران اتصلت عليه وقالتلي انهم هيروحوا لروان بعد العصر

صخر : اه مهو ادهم قالي برضو وقولتله استنونا

هاجر بفرحه طفوليه : هييه هنروح معاهم لبلال وروان بس لازم اخد طاري من البت فرح الاول

ضحك صخر علي كلامها : طارك ازاي عملتلك اي فرح

هاجر بغيظ طفولي : واحنا في الفرح امبارح هي جاعت قالتلي تعالي معايا البوفيه روحنا جابت جاتوه وكالنا سوا وفجاءة قالتلي بصي بصي وراحت مبهدله وشي شكولاته بالمعلقه

انفجر صخر ضاحكًا : ااه يا مجانين شوية اطفال  صح

هاجر : انت بتضحك

صخر متصنع الجدية : لا طبعا وانا كنت فين لما عملت كده

هاجر : ما انت وادهم كنت مع بلال استني عليا بس دانا هوريها

صخر : ايوه اوعي تسيبي حقك بس بلاش عصبية عشان البيبي

هاجر : لا متخفش علي البيبي انا واخده بالي منه كويس

صخر : وسعي بقا يا طفله عشان الحق الضهر

هاجر : اوكيه هحضر الفطار علي اما تخلص

بعد قليل جاء صخر الي السفره بعد ان اقضي فرضه واردتدي بنطلون جينز اسود وقميص ابيض وكانت هاجر تعد الطعام علي السفره

صخر : اساعدك

هاجر : لا خلاص انا خلصت ثم انتبهت له وقالت اي ده انت رايح فين

صخر : عندي شغل مهم في الشركه

هاجر : يعني مش هنروح لبلال وروان

صخر : اكيد لا تعالي هوديكي عند نوران وهعدي عليكي بعد ما اخلص شغل وهنروح سوا

هاجر : اوكيه اذا كان كده ماشي

صخر وبدأ في تناول الطعام : بتحبيهم

هاجر : اه جداا بحسهم اهلي اووي وطنط فاطمه بتعاملني كاني واحده من بناتها

صخر وهو يقول في سره : اه لو تعرف انك بنت ضرتها

هاجر : روحت فين

صخر ابتسم : بقول لو سمعتك بتقولي طنط دي هتزعل اووي

هاجر : اه ديما تقولي بلاش طنط وانا بنسي اصلا شكلها ولا التلاتينات

صخر : ايوه كلي بقا بسرعه واطلعي البسي عشان متأخر وزمان ادهم راح الشركه
...،..................
في فيلا الانصاري كانت فرح تقف مع فاطمه في المطبخ ويجهزوا الطعام

فرح : هو نوران ومحمد اتأخروا في النوم كده ليه زي ما يكون ما صدقوا

فاطمه : بس يا بت بطلي قلة ادب ما تسبيهم

فرح بمرح : يا عين امه ما صدق تقوليه تعالي نام هنا

فاطمه : يابت اتلمي راجل ومراته انتي مالك يا رخمه

فرح وهي تحاول اتقان اللهجة الصعيدية : يا ندامة يا فاطنه اختشي دول معملوش فرح

ضحكت فاطمه علي ابنتها : يختي فرح اي دول داخلين علي سنة كاتبين كتابهم سيبك

فرح : هييح عقبالي انا وادهمي

فاطمه : شوف البت البجحه يختي اتكسفي وبعدين دانتي لسه قدامك 7 سنين كلية

فرح توقفت عن تقطيع الخضروات : وانا اي الا هيخليني افضل مخطوبه سبع سنين

فاطمه : اه شكلك عاوزه بلال يولع فيكي

فرح : الاه ما اكيد مش هفضل مخطوبه سبع سنين

فاطمه بجدية : هو اكيد طبعا بس هو ادهم قالك اي

فرح : تصدقي ادهم مقاليش حاجه يا ماما مش المفروض يكون هو الا مستعجل

فاطمه : مش عارفه يا فرح بعدين نبقا نقعد ونحدد يله طلعي الاطباق علي السفره

فرح بشرود : حاضر
...............................
في غرفة نوران

محمد بهدوء : يعني انا بقولك اسف مش  هتردي عليا

نوران بجمود : ممكن ننزل بقا عشان احنا اتأخرنا علي الفطار

محمد : فطار اي بس مش هتنزلي وانتي زعلانه

نوران بلامبالاة : مش زعلانه ممكن ننزل بقا

محمد : اه مهو واضح انك مش زعلانه

نوران : وبعدين يعني

محمد : علي فكره المفروض انا الا ازعل بس كل الموضوع انك مش هاينه عليا

نوران : كتر خيرك

محمد مسك يداها وذهب بها الي الاريكه وجلس واجلسها بجانبه

نوران بغضض : مش هنخلص بقا انهاردة

محمد : اقعدي بس نتفاهم يا بنت الحلال

نوران بزعل : نتفاهم ومالو سمعاك

محمد : امبارح واحنا قاعدين قولتلك اني بغير عليكي وان عاوزك تقعدي من الشغل اعتراضتي باسلوب وحش واضيقتي وكشرتي وانا اتقبلت ده وسكت جيتي روحتي قايله هنام مع فرح وقعدتي تقولي مش هنام جمبك ودي كلمه تزعلني وجامد وتهين رجولتي كمان وده الا خلاني فقدت اعصابي عليكي

نوران بدموع تسيل علي وجنتيها : اهانة اي انا مكنش فنيتي حتي اضايقك انا كنت بتكلم عادي مش قصدي حاجه من دي

محمد مسح دموعها بأنمله وقبل رأسها : وانا مصدقك يا ست البنات كفاية عياط عشان مش هاين عليا زعلك

ابتسمت نوران بحب : مش زعلانه بس انا والله العظيم ما كان قصدي اهين رجولتك ولا اي حاجه من دي

محمد : خلاص انا عارف حصل خير

نوران ضحكت : بس انت رزعتني رزعه كنت هتكسر دراعي

محمد بندم : خلاص بقا انسي

نوران : بهزر يعم متزعلش نفسك

محمد : ماشي يا بطل عندي طلب

نوران نظرت له بخوف : ياريت ميكنش سيبان الكلية

محمد : هو انا عاوزك تسبيها بس مش غصب براحتك

نوران بعصبية : متقوليش براحتك دي مره تانيه انا مبحبهاش منك

محمد نظر لها بحده : بتتعصبي كده ليه ما انا ممكن ازعلك مني

نوران صمتت بضيق

محمد بتحذير : اياكي تتعصبي كده عليا مره تانيه فاهمه

نوران بزعل : قول يا محمد الطلب

محمد نظر له ورفع حاجبه : كنت عاوز اعرفك مفيش فكرة انك تنامي في مكان غير الا انا فيه تمام يما

نوران لوت فمها : تمام

محمد : لا مش حساسها مش عجباني

نوران نظرت له وهي علي وشك البكاء وحين تجمعت الدموع في عيناها مستعدة للنزول

محمد ابتسم علي شكلها الجذاب وهو يقول بنفي : لا لا خلاص خلاص بالله بهزر متعيطيش

انهمرت دموعها بغزارة واحمر وجهها بشدة ضمها محمد وهو يطبط علي ظهرها ويردد

محمد : خلاص والله انا اسف مش قصدي ازعلك

نوران وهي تضربه بقوة علي ظهره : كل شويه تعيطني

محمد بتصنع الالم : اي يا مفترية

نوران وهي تمسح دموعها : رخم

قاطع حديثهم صوت طرق علي الباب وصدر صوت فرح من الخارج وهي تقول

فرح بملل : ما تخلصونا بقا ده روان وبلال زمانهم صحيوا وانتو لا

ضحكت نوران علي فرح

محمد : سامعه الارشانه بتقول اي قوللها اتوكسي

نوران بهمس وحرج وهي تصنع بيداها دائرة : حاسه ان خبيتنا قد كده

محمد لوي فمه بكوميديا : قد كده بس اتنيليييي

فرح من الخارج : خلصوني بقا عاوزه اطفح

خرجت لها نوران ومحمد

محمد : اي يابت الرزاله دي

فرح : اخيررا عاش من شافكوا

نوران : بس يا مزعجه

فرح وهي تغمز لها : بقيت ازعاج دلوقت يا عسل

محمد نظر لنوران بتشفي وهو يقول : اقول ولا مقولش

فرح : يقول اي

نوران : بس يا حببتي

تجمعوا علي مائدة الطعام مع فاطمه وفطروا سويا وبعدها جاء صخر ومعه هاجر الذي جريت عليها فرح تحتضنها

فرح : كل ده تاخير اكيد هولاكو ده الا اخرك

صخر : بس يا اوزعه بقا تبهدلي مراتي بالجاتوه

هاجر : استني عليا دنا محضرلها مقلب هيطلع من نفوخها

فرح بغرور مصطنع : ولا تعرفي تعملي حاجه دانا فرح والاجر علي الله

فاطمه : تعالي يا صخر افطر انت ومراتك

صخر : تسلمي يا فطوم احنا فطرنا قبل ما نيجي

نوران : بجد ولا اي

صخر نظر لها وابتسم : عيب عليكي ده بيتي التاني  يعني لو جعان هأكل

محمد : خلصانه يله بينا

نوران بلهفة : انت رايح فين

محمد: اي يحببتي هروح فين يعني هشتغل شويه علي القضية واجي عشان نروح لبلال

صخر : وانا هسيب مراتي هنا امانه علي اما اخلص شويه اوراق في شركه خلي بالكوا منها مراتي حامل

فاطمه : بجد الف مبروووك طب مش تقول من بدري

فرح ونوران حضنوا هاجر بفرحه حقيقيه ويهنوها

محمد : مبروك يا صاحبي

صخر ابتسم : الله يبارك فيك عقبالك

محمد : قول يارب

خرج محمد وصخر وكل من هما ذهب من طريق اتجه صخر الي الشركة ومحمد الي مكتبه وبعده مده حان المساء وتجمع محمد وصخر وادهم امام الفيلا

ادهم وهو ينزل من سيارته : الله اكبر علينا موعدنا مظبوطه

محمد : طول عمري

صخر : يله نشوفهم جهزوا ولا اي

دخلو الرجال الي فيلا وكانت فاطمه تجلس ويبدو عليها انها مستعدة للذهاب فكانت ترتدي جيبة وبلوزه طويله وتلف عليها حجاب كبير

صخر : ست الكل اومال البنات فين

فاطمه : فوق بيلبسوا

ادهم : يختااااااي يبقا مش هنخلص

محمد : هما بيلبسوا من بدري ولا اي

صخر : اعتقد هاجر لابسه

نزلو الفتيات علي الدرج وكانو الثلاثه مرتدين الحجاب وقف الثلاث شبان مزهولين من جمالهم وكل منهما ينظر علي الفتاة التي تخصه اقترب الفتيات منهم بحرج وخجل

ادهم : مين دول

فاطمه بفخر : بناتي

محمد وهو ينظر الي نوران بشهوة : مين

صخر نظر الي هاجر بفرحة كبيرة فهذا ما كان يتمناه منها : اي القمر ده هو في جمال كده

هاجر بخجل : شكلي حلوه بيه بجد

صخر وهو يسرح في وجهها ويتأملها : حلوه بس شكلك جميل جداا ربنا يباركلي فيكي

عند ادهم وفرح

فرح تنظر له منتظره بعض الكلمات المادحه ولكنه خالف توقعتها ولم يتكلم

فرح  : مش ناوي تقول حاجه

ادهم حاول ان يكون رومانسي ولكنه دائمآ يفشل : شكلك جميل

فرح بقلة حيلة : الله يخليك

تنهد ادهم وقال بتلقائية: انتي عارفه اني مبعرفش اعبر عن اعجابي وحبي بس والله العظيم انتي جميلة بيه اووي وانا نفسي تلبسيه علي طول

فرح : وانا بحبكك اوو اووي وبحب انك مش بتعرف تبقي رومانسي وبتكلم بطبعتك

عند محمد ونوران

محمد : طب انا اعمل اي دلوقت

نوران باستغراب : في اي

محمد : مش قادر امسك نفسي قدام الجمال ده كله تيجي نطلع وطظ  في بلال انا اهم

نوران بخجل شديد : محمد انت بقيت وقح اووي

محمد وهو يوزع نظراته عليها وعلي جسدها بشهوة : بقيت ! نوران انتي اتغشيتي فيا

نوران ضحكت : حاسه كده

محمد : طب تعالي نطلع بقا انا

نوران همست له : اما نيجي

محمد : وعد؟

نوران : وعد

فاطمه : يله بقا اظن خدتوا راحتكوا وانا واقفه زي عمود النور عماله اتفرج عليكوا

ضحك الجميع وخرجو ليركب كل اثنين متروجون سيارتهم معادا فاطمه ركبت مع ادهم وفرح
........................
في شقة بلال بعدما ايقظ روان واخبرته انها تحسنت ودخلت الي الحمام خرجت وجدته في انتظارها

بلال قام عليها بلهفة : اي حاسه لسه بوجع

روان : لا يا حبيبي بقيت كويسه اطلع برا بقا خليني البس عشان زمانهم علي وصول

بلال : طب واي يعني غيري

روان ضحكت :بطل يله واخرج عشان خاطري

بلال : عسان انتي تعبانه بس هخرج ومش هدايقك رغم انك نمتي كتير وسبتيني

روان : انا اسفه هعوضك بس اصلي كنت تعبانه اووي

بلال : ولا يهمك يا روحي المهم تكوني استريحتي

روان : الحمد لله

خرج بلال وتركها لتبدل ثيابه استمع صوت
رنين جرس الباب ذهب ليفتح فوجد العائلة بوجه وبعد تحيات الجميع وحضن امه له تجمع الجميع في الصالة في حالة من السعادة والمرح

نوران : انا عاوز اعرف اختي فين بقالنا ربع ساعة قاعدين

بلال : الاه ما قولتلك بتلبس الصبر سكت البت دي يا محمد

محمد : بس يا حببتي

بلال : لا يا بنات بس الحجاب مشاء الله احسن خطوة خدتوها

صخر : ربنا يثبتهم عليه

فرح : انا كنت صاحبة الفكره

بلال بمرح : طول عمرك فتاة صالحة يا اختي

فرح بغرور : اومال يا ابني

فاطمه : روان اتأخرت ليه كده

ادهم : هي مكسوفه مننا ولا اي بت يا رواااااان

بلال : اششش بلاش حد يجيب سيرة الكسوف هي اصلا هتلاقيها ده كله بتفكر تطلع ازاي

ضحك الجميع وبعد دقيقة خرجت روان بخجل وهي تضحك واستغربت من منظر الفتيات وحين اخبروها انهم ارتدوا الحجاب سعدت بشدة وتحمست هي الاخري لترتديه وقضوا وقت من المرح والاجواء السعيدة وذهبت نوران وروان يصنعون الشاي والحلوي والجميع علم بخبر حمل هاجر مما زاد بهجة وسرور للجميع ولا تخلو القعدة من طفولة فرح وهاجر ونقار ادهم وصخر ومشاغبة بلال ونوران وكانت فاطمه تتابعهم بعيون دامعة وشعرت بحزن شديد واحتياج له بجانبها ويشاركها تلك الفرحه مسحت دموعها سريعًا حتي لا يلاحظها احد انتبه الجميع لصوت جرس الباب همت فرح بالقيام لتفتح

بلال : خليكي يا فرح انا هشوف مين

ذهب بلال ليفتح الباب وحين فتحه كادت عيناه ان تقتلع من مكانها من شدة زهوله من رؤيتها لذلك الشخص

احمد ودموع الفرح في عينه : اي مش هتاخد ابوك بالاحضان ولا اي

بلال بلهفة شديدة وقال بصوت استمعه الجميع : بابااا

احمد بتأكيد : مش مصدق اني قدامك احضني

اندفع بلال الي حضن ابيه بقوه عانقه احمد بشده  وبادله بلال العناق وهو يردد بابا وحشتني اووي