طفلي الكبير ❤️

#حلم_عمري
#بقلم_أمل_مصطفي
#البارت_29
*********///
نزلت عشق أمام مشفي كبير وحمل خالد الطفل وتوجهوا للداخل
دخل به غرفة الكشف كانت عشق تشعر بالإعياء وسألت علي التويلت تحرك بجوارها خالد ولكنها رفضت تركه لذالك الطفل المسكين .

ظلت تستفرغ حتي خارة قواها وجلست علي أرض التويلت

الدكتور ::لخالد أزاي تسيبوه كده ده عنده نزلة برد حاده وكان ممكن يحصله مضاعفات من إرتفاع الحرارة  لوكنت أتأخرت ساعه كمان كان حصله تشنجات ؟؟

:: ردد خالد الحمدلله خير إحنا مانعرفش هو مين
وحسس علي وجهه بحنان الحمدلله إننا لحقناك

تركه الدكتور وخرج بعد أن ركب له المحاليل
ألق نظره علي الباب لقد تأخرت بالحمام طرق عليها الباب لم تستجب طرقه مره أخري وهو ينادي عليها لم ترد خبط الباب بكتفه بقوه دخل بإحراج وقلق وجدها تفترش الأرض
خالد بفزع عشق عشق قومي حملها وخرج ينادي علي أحد يسعفه ركض إليه دكتور وممرضه وهو يسأل ما أصابها

خالد ::بحده وأنا اعرف منين بقالها ساعه بتستفرغ
ولاقيتها فاقده الوعي الدكتور وهو يكشف عليها هي متجوزه ولا أنسه ؟؟

لا متجوزه نظر للممرضه نادي دكتوره وفاء بسرعه
رفع خالد هاتفه وطلب أدهم الذي رد بسرعه عندما رأي
رقمه خير يا خالد

خالد ::بتوتر ممكن حضرتك تيجي مستشفي *****
وقف أدهم مالها عشق ؟؟

تعبت شويه وبعدين فقدت الوعي لم يعطيه فرصه للإكمال خرج من مكتبه بسرعه

دخلت الدكتوره وطلبت منه الخروج وقف بجوار الباب
وجد أدهم يدخل ويبدوا علي وجهه الخوف في إيه يا خالد مالها عشق
خالد تعبت في الطريق وإستفرغت
وهنا دخلت الحمام ولما أتأخرت ومش بترد عليا لأقيتها فاقده الوعي والدكتوره معاها جوه
قام بفتح باب الغرفه باللهفه

الدكتوره بغضب أيه ده أنت داخل كده ليه مش تستأذن
نظر لها نظره ناريه أخرستها توجه لعشق بلهفه مالك يا حبيبتي أيه حصلك حاسه بأيه
الدكتوره هو حضرتك جوزها أدهم أه أومال أخوها
نظرة له بحرج مبروك مدام عشق حامل نظر لها بعدم تصديق ثم نظر لعشق وهو يقبلها بحنان بحبك يا عشق
مبروك يا قلبي ❤️
إعتدلت في جلستها بتعب الطفل عمل أيه
أدهم بسؤال طفل مين قصة له ما حدث
نادا خالد الذي دخل وهو يخفض عيونه حمدالله علي سلامتك يا عشق هانم
عشق بتعب الله يسلمك يا خالد الولد طلع عنده إيه
الدكتور قال نزلة برد حاده
ولو كنا أتأخرت في علاجه كان هيموت لأن درجه حرارته عدت ال٤٠

عشق الحمد لله أنا عايزه أشوفه؟

أدهم ::برفض أستني لما نطمن عليكي ونشوف الحركه كويسه ولا غلط
حبيبي أنا مش مسافره ده خطوتين
أخذها ودخل الغرفه وجد ممرضين يحملوه وهو يرتدي زي المشفي
عشق هو ماله
كنا بنحطه تحت المايه عشان الحراره تنزل

إقتربت منه عشق لتتحسس حرارته  ولكنها رجعة خطوه عندما رأت
وجههه وشعرت بالدنيا تدور بها لحقها أدهم الذي حملها بين أحضانه بخوف وتملك وذهب بها لغرفتها قام

بالإتصال علي أمه التي أتت علي وجه السرعه  غاده وهي تكاد تطير من السعاده إحتضنت إبنها بسعاده شديده وهي تقبله ألف مبروك يا عمري يتربي في عزك يارب

الله يبارك فيكي يا أمي بس أنا خايف علي عشق دي تاني مره تفقد وعيها في ساعه

غاده ::بإطمئنان ماتقلقش هم أول ٣شهور صعبين وعشق أكلتها ضعيفه بس بالغذا والفيتامينات هتكون بخير
إستيقظت وهي تبكي أدهم بلهفه مالك يا حبيبتي أيه تعبك أنا عايزه أشوف الولد ؟؟

::تحدث برفض  لا أنتي تعبانه ومحتاجه ترتاحي ؟؟

عشق بإنهيار أرجوك أنا لأزم أشوفه وحياتي يا أدهم !

قولت لا يا عشق يعني لا ؟

غاده إهدي يا حبيبتي العياط غلط عليكي أهدي
أرجوكي يا ماما لأزم أشوفه أرجوك يا أدهم

أدهم ::وهو ينظر لها بإستغراب مالوا الولد ده الدكاتره معاه ليه منهاره كده و
أرجوك يا أدهم عشان خاطري طيب مش همشي شيلني أنت ؟

::خلاص يا حبيبي ريحها

::توجه لها  حاضر يا أمي حملها وتوجه بها إلي غرفت ذالك الطفل ووقف بها أمام سريره نزلت عشق وهي تسند علي أدهم وتأملت وجهه ودموعها تسيل
وطلبت من أدهم أن ينظر علي ظهره هل يوجد وحمه سوداء

فتح أدهم قميص المشفي وألقي نظره ورجع بنظره
المصدوم لعشق كيف علمت بمكانها هل من الممكن

عشق في ولا لاء ؟؟

أدهم وهو يعتدل أه فيه عرفتي أزاي
عشق بهمس مش معقول يونس
إقترب منها أدهم بتقولي أيه
يونس أخويا ده يونس

أدهم ::أنتي قولتي إنهم كلهم ماتوا في حدثه من خمس سنين أو أكتر

:: أه بس ده شبه بابا خالص والشامه دي هو وارثها من بابا
******************
الجد ::رايح فين يا فهد

فهد مسافر عند أدهم يومين يا جدي

نعمه ::طيب ممكن أجي معاك عشق وحشتني أوي
نظر لها فهد بحيره فهو لا يريدها أن تري إنهيار عشق
ولو رفض سوف تحزن

::عندما رأت نعمه تردده شعرت بالخجل أن يكون لا يريدها لكي يقضي يومين مع زوجته خلاص خليها مره تانيه ❤️
::لا يا ماما تعالي معانا

الجد ::روحي معاهم يا نعمه بس ماتجيش من غير عشق أصلها وحشتني جدا

**************"*
إتصل فهد بأدهم بعد سفر إستمر ٤ساعات
وصف له أدهم المكان
وكان في إنتظاره علي بوابة المشفي وسلم عليه وعلي نعمه التي تحدثة بخوف مالها عشق

أدهم ::بخير تعالوا نطلع وصلوا أمام جناح ودخلوا قامت عشق وهي تركض علي نعمه وتبكي في حضنها نعمه مالك يا قلبي فيكي أيه ليه بتبكي كده

إلتفتت لفهد أبيه وكادت تقترب لتحتضنه ولكن يد أدهم كانت أسرع وأقوي عندما أوقف قربها وجذبها لأحضانه
نظر لها بغيره قاتله لو كنتي عملتيها كنت قتلتك يا عشق
هكذا همس لها أدهم

أما فهد فقد إبتسم علي غيرته الواضحه وضوح الشمس

مالك يا عشق توجهة للطفل الممدد علي السرير وبكت ده أخويا يونس فهد بصدمه مين
أما نعمه كانت في لحظه بجواره تتأمل ملامحه كأنها تري أمامها عشقها حركت يدها علي وجهه وتحدثة محمود
نظرة لها عشق مش كده يا ماما شبه بابا نعمه بدموع أه الله يرحمه
فهد وهو يقترب ليري ملامحه ياماما يخلق من الشبه أربعين

عشق وهي تكشف ظهره ودي كمان نظرة نعمه دي كانت عند محمود الله يرحمه

أدهم ::عشق صممت تعمل تحليل الDNAولما النتيجه تطلع نتأكد أيه رأيك يا أبيه لما تعمله أنت كمان

::رد فهد  بموافقه أه في الطبيعي كان بيحتاج ٤او٥أيام أما حاليا بالاجهزه الحديثه وطبعا بيكون فيه فرق في السعر بيظهر بعد يوم

****************
ماما أنا عايزه أخد رأيك في حاجه
قولي يا حبيبتي كل اللي نفسك فيه
زينب أنا الوقت بشتغل معاكي في المصنع بقول لو نشوف جمعيه ندخلها ونقبضها في الأول وأجيب مكنه
وأعمل شغل هنا جنب المصنع لتحسين الدخل

::فكره حلوه يا زينب بس هتبقا تعب عليكي ؟؟

مافيش حاجه لما أتعب سنه أو أتنين وبعدين نرتاح
المبلغ اللي أنتي عيناه من الفلوس أبقا أجيب بيه خامات
و نظبط أمورنا ونعمل كام قطعه كده حلوه و نعرضها عند ناس ولو إتسحبت هانتعرف وهيكون علينا طلب
وأنا وأنت نشتغل من البيت

سناء وهي تحتضنها وأنا موافقه يا حبيبتي ربنا يكملك بعقلك زينب وهي في حضنها هي عشق ما قلتش هتيجي أمتي
::تحدثة سناء وهي  تنظر لإبنتها عشق برده هو أنا ماكنتش شايفه نظراتك ووشك اللي بيحمر كل ما يبص ناحيتك ؟؟

::ردت  زينب بخجل هو ممكن الإنسان يحب حد ما شفوش غير مرتين بس ويحس أنه هو ده الشخص اللي بيتمناه؟؟

سناء ::بحنين ومن مره وحده كمان أنا شوفت باباكي
مره وحده بس حاسيت أن روحي أتعلقت بيه وحياتي كانت نقصه لحد ما هو ظهر الحب جميل قوي يا زينب
بس الحب الطاهر البرئ اللي بيكمل بالجواز ؛؛

يارب يا ماما يفكر فيه أو أكون لفت نظره

سناء ::وهي تضمها بحنان مين يقدر يقاوم وحده في جمالك ده كفايه الغمزات القمر دي

"*****************"
رجع خالد وهو يشعر بالإرهاق فقد كان يوم صعب وكان يشعر بالقلق والخوف علي عشق دخل من الباب وجد أمه تجلس أمام التليفزيون تشاهد المسلسل التركي

مساء الخير يا أمي

::إلتفتت له وهي تخفض الصوت أحضرلك العشاء يا حبيبي ؟؟

ياريت يا أمي لو حاجه سريعه ل علي ما أخد دش و أغير لأن عايز أنام
خرج وجد والدته وضعت الطعام وتجلس في إنتظاره
جلس جوارها وبداء في تناول طعامه نظر لها بإبتسامه
عشق حامل

فردوس :: يألف نهار أبيض يا ألف نهار مبروك طب خليني أبارك لها

مش هينفع الوقت لما أكون معاها لوحدنا هخليكي تكلميها

عقبال ما أفرح بيك يا حبيبي وأشتال عيالك

::ما أنا كنت عايز أخد رأيك في الموضوع ده

فردوس ::بسعاده يعني عايز تتجوز

::لسه بدري علي الجواز في بنت عجباني وكنت عايز أخطبها بس صراحه مش عارف أهلها ممكن يوافقوا
ولا لا

ومين يرفض شاب زيك ماشاء الله طول بعرض وشهامه

يأمي الطول والعرض مش هم اللي هيأكلوا بنتهم ويغطوها في البرد مين ها يواقف أن بنتهم تعيش مع أهل جوزها وكمان وضع دخلنا ده

فردوس ماتقلقش إن شاء الله هيوافقوا

دخلت غرفتها وخرجت بعلبه صغيره بها خاتم وسلسله
دول كنت عيناهم عشان اليوم ده ورغم الظروف اللي مرينا بيها رفضت أطلعهم وقولت دول لعروستك
خالد وهو يقبل يدها جبتيهم منين دول كانوا دهب أمي الله يرحمها ثمنهم يبقوا أغلي من دهب الوقت وهات بيهم خاتم و دبله وأنا هعمل جمعيه وندهن أوضتك و نجبلك عفش جديد

::لو وفقوا هنبقا نشوف موضوع الجمعيه ده .

يارب يا حبيبي يسعدك ويريح قلبك زي ما أنت بتريح قلوبنا

**************
فتح عيونه بتعب وجد نفسه في مكان لا يعرفه إعتدل في جلسته وهو ينظر حوله وجد ناس تجلس معه في نفس الغرفه

وقفت عشق بلهفه يونس حبيبي حمدالله علي سلامتك
يونس مين أنا اسمي البرنس أنا أيه جبني هنا ؟؟

عشق وهي تقترب منه لتحضنه أنا أختك عشق عارفه إنك مش فاكرني لأنك كنت صغير

قفز من فوق السرير قبل أن تلمسه

إهدي يا حبيبي أنا مش ممكن أذيك

يونس ::بعنف أنا محدش يقدر يأذيني

::تحدثة نعمه بدموع تعالي يا حبيبي أنا ماما نعمه
تمني أن يصدقها و يرتمي في حضنها فيبدوا عليها الطيبه والحنان ولكنه يعرف طريق أمه وقسوتها التي جعلته يهرب من المنزل

توجه إلي الباب لكي يهرب ولكن فهد فتح الباب فجاه
وجده أمامه

فهد ::أنت رايح فين

يونس ::وهو يرجع بظهره وأنت مين أنت كمان هو أنا وقعت  وسط عصابه لا أنا لحمي مر وماحدش يقدر عليا قفز علي السرير التي تقف عشق بجواره وسحب مشرط ووضعه علي عنق عشق في دخول أدهم الذي رفع سلاحه دون أن يراعي طفولته وخوفه الواضح بعيونه

أدهم بغضب أنت بتعمل إيه يلا إتشاهد علي روحك ؟

عشق ببكاء لا يا أدهم إلا يونس أنا ممكن أموت وراه

أدهم ::بخوف شديد عليها ده مش أخوكي يا عشق ده كلب صعران مش عارف يميز بين صحبه وعدوه

عشق لا هو بس خايف أنت مش عارف كان شكله أيه وهو مرمي في الشارع أرجوك ؟؟

يونس حبيبي أنا أختك الكبيره عشق وكنت فاكراك ميت أنت وبابا وماما وأخوك حمزه أهدي أنا مش ممكن أسيب حد يأذيك تعال في حضني وأنت تفتكر ياما شلتك وأنا بذاكر وياما حميتك والشامه إللي في ضهرك دي يوم ماشوفتها وأنت مولود كنت في سنك وقولت لماما أنا عايزه وحده زيها يومها ضحكة وقالتي دي مش بتتباع دي جايه من عند ربنا زي بابا بالظبط بابا عشان يأكد كلامها خلع قميصه و وراني .

سكن لحظه وتركها وإبتعد .

ركض عليها أدهم وحضنها وهو ينظر لذلك الوحش أوعدك لو ما طلعتش أخوها أقتلك بإيدي عشان اللي عملته فيها

أما فهد كان ينظر لذالك الشرس هو يتعامل بشراسه
لكي يحمي نفسه وهذا يدل علي أنه ليس لديه من يحميه

رجع يونس بظهره وجلس علي الأرض في ركن من الغرفه
وجلس الجميع ينظر له

أزاي أنتي أختي وهي أمي وأنا أصلا هربان من أمي وأبويا لأنهم قاسيين و بيعذبوني لما يلاقوا الفلوس أقل من اللي هم عايزنها ؟؟

فهد::بسؤال فلوس أيه أنت بتبيع حاجه ؟

::رد يونس بتلقائيه لا بسرق

عشق ونعمه بشهقه بتسرق

أه كنت بسرق من ناس ومن المحلات هو عودني علي كده
كان الأول بياخدني معاه ويعرفني أعمل أيه ولما لأقاني ذكي وبتعلم بسرعه سابني في المنطقه بتاعته وراح هو مكان تاني ؟؟

كانوا يستمعوا له بعدم تصديق فهو يتحدث بطريقه مختلفه عن عمره كأنه شاب في العشرين

::وجه له أدهم سؤال أيه اللي خلاك تهرب ؟؟

مافيش أنا كنت بنزه نفسي وأجيب أكل نضيف وأتفسح
وبجيب لبس بخبيه بعيد عن البيت ولما لأقي الفلوس كل فتره بتقل بداء هو ومراته يضربوني ويحبسوني من غير أكل كام يوم مثلت عليهم إني ندمان وأتعلمت من غلطي
ولما سابوني هربت بقالي ٦شهور ؟؟

كادت عشق تساله أين كان ينام عندما طرق الباب ودخل الطبيب بالتحليل

عشق بلهفه خير يا دكتور

التحاليل مطابقه بنسبة ٩٠×١٠٠
يعني أخويا مش كده الدكتور أه النسبه دي صلة دم
من الدرجه الأولي

توجهة له عشق وهي تحتضنه وتبكي كنت عارفه
بكي في حضنها يعني الناس دول مش أهلي
عشق لا يا حبيبي إحنا أهلك
دكتور هو ممكن يخرج أمتي
هو بقاله ٣أيام بيأخد علاج وأنا شايف أن حالته أتحسنت
هكتبله علاج يكمله أسبوع كمان وممكن يخرج النهارده
***************
نهاية البارت رأيكم يهمني
❤️❤️❤️