الفصل الثاني

في المساء نزلت نوران من غرفتها لتجلب ماء لها فدخلت الي المطبخ واخذت قرورة مياه وفي طريقها الي غرفتها ولكن اوقفها صوت بلال

بلال : نوران

نوران بفزع : بسم الله الرحمن الرحيم خضتني يا بلال

بلا ل بنفس الرعب : انا الا اترعبت منك يا شيخه اي الا منزلك

نوران : كنت بجيب مايه وانت

بلال : الحمام عندي فوق مش وصله مايه نزلت اتوضئ في الحمام الكبير

نوران : ربنا يتقبل يارب صلي ونام عشان نصحي بدري ومش نتأخر كل مره

بلال : اممممم

نوران : امممم انت حساك عاوز تقول حاجه

بلال حك راسه بيده : مش عارف انام

نوران : ليه يا ولاه

بلال : ولاه فعينك غوري من وشي غوري

نوران بضحك : اهدي بس مش عارف تنام ليه

بلال : عادي ممكن قلق متشغليش بالك هصلي وهبقا كويس

نوران : اكيد طبعا بس انا يهمني اعرف مالك

بلال ابتسم لها : مفيش حاجه يا عسل يلا نامي

نوران نظرت له بسخريه : عسل بني ادم سئيل انا غلطانه وادارت ووجهاا وكانت تتخطي الدرج

بلال : نوران

نوران التفت له بكوميديا: الاه مالك يا لمبي

بلال بتهكم : هو الدكتور الا حكيتو عنه الصبح ده

نوران بخبث : ماله

بلال : لا مالوش تصبحي علي خير

نوران : لا بقولك اي انت بتشتغلني

بلال : وطي صوتك

نوران : صوتي معليش يا بلال انت الا مستفز

بلال : يا ستي مفيش حاجه خلاص

ذهبوا سويا الي الغرف وسمع صوت يصدر من غرفه فرح

نوران : اي ده هي فرح بتكلم مين

بلال : مش عارف اوعي كده

وفتح باب الغرفه وجدوا روان وفرح يجلسون علي الفراش ويلعبون الكوتشينه

فرح بدهشه: اي ده انتو صحين

نوران بترقب المكان : انتي بتعملي اي يا بت منك ليها

روان : بنلعب كوتشينه والبت دي حراميه

بلال : شويه اطفال والله

نوران قفزت في ثواني وكانت بجوارهم علي الفراش : الله يله هخش معاكوا الدور

بلال بقلة حيله : عليه العوض ومنه العوض

نوران : يله يا بابا من هنا طرقنا لو مش هتلعب

بلال : لعب اي انتو بتستعبطوا يله ننام ثم قال بتهكم لحسن الدكتور ده يدايقوا تاني ولا حاجه

روان بتذكر : اه يا خبر وانا الا هشيل فوق راسي وهمت بالوقوف جودلاق يا شباب

روان : عديني يا اخ

بلال : ما تعدي

روان : ما انت واقف قدام الباب

بلال : عدي يا ختي عمال اتحايل عليكوا تناموا واول ما جبت سيرة الدكتور قومتي زي الكلبه

روان : نينينيني معلش

نوران : يله خدوا الباب في ديلكوا

بلال : مش هتنامي

نوران : لا انا مش قادره اتحرك تاني هنام مع فرح

فرح باعتراض صارم : لالا علي اوضتك لا

نوران : بتطرديني

فرح بتأكيد : ايوه

نوران وهي تقوم  : قايمه بكرامتي يا ام فطيره عشنا وشوفنا فرح بقا ليها شخصيه

فرح بغلاسه : نينيينيني
في احد المنازل الراقيه يكون هو في شقته جالسا امام التلفاز لكن يبدو انه شاردا في ملكوت خاص به مع فنجان القهوه الذي يحتسيه ومازال يعشقها وقطع لحظته رن هاتفه فأبتسم واجاب

محمد : والله كنتي لسه عالبالي

سلمي : بس يا واطي من اول اسبوع ليك في مصر نستني

محمد : عيب عليكي انا انساكي بردو يا سلومتي

سلمي : ايوه انت

محمد بصدق : والله كنت هرن عليكي

سلمي : منا عارفه انت هتقولي المهم اخبارك اي

محمد : الحمد لله ماشي الحال تمام

سلمي : ربنا مش هداك علي طيب مكنا سوا في امريكا كان لازم تسبني لوحدي

محمد : ما خلاص بقا انا مصدقت خلصت الدكتوراه عشان انزل مصر

سلمي : شوفت انك بتاع مصلحه من الاول

محمد بضحك : حد قال غير كده اصلا

سلمي : طب قولي بنات مصراخبارها اي

محمد بتنهيدة : مصر كلها جميله يا سلمي

سلمي بحزن : عندك حق اشتاقت لمصر اووي

محمد : لا خليك انتي خللي في امريكا

سلمي : مسيري اجي ها بقا مش لقيت بنات حلوين في الكليه

محمد تذكر روان وموقفها : حق يعني في بنتين صواريخ الله الوكيل

سلمي : بالجوز يا ظالم

محمد : اومال لو قولتلك انهم اخوات هتعملي اي

سلمي : نهار اسوووح اخوات يا جبروتك

محمد ضحك : واساميهم تحسيها جاذبه كده نوران وروان يااه

سلمي ضحكت حتي تقطعت انفاسها : يخربيتك حتي في مصر مش عاتق نفسك ثم صمتت قليلا وقالت محمد هي نوران دي تبقي

محمد بشرود ونظر في عمق نقطه من الفراغ : اه

سلمي : يا مسهل خد بالك من نفسك كويس وسيبك من البنات ها

محمد : لا والله انا الا مخليني محترم نفسي اني المفروض دكتور وليا مكانتي مش اكتر

سلمي : انت هتقولي اه بس صحيح انت ناوي تفضل دكتور ف الجامعه بس وباقي يومك هتعمل اي

محمد : هشقط بنات هههههه

سلمي : لا بجد

محمد : اكيد هفتح مكتب محامي يعني

سلمي : ربنا يوفقك يا روحي

محمد بغموض : يارب
في صباح اليوم التالي مع تلك التي مازالت تنازع نومها وتتصبب عرقا وكأنها تلتقط اخر انفسها مازال يتكرر عليها ذلك الكابوس من صباها وهو لا يفارقها
انا برئ برئ انا برئ يا نوراان

نوران بدموع : انت مين انا معرفكش

- انا برئ مش تظلميني انا برئ

نوران باندفاع : انا معرفكش سبني فحالي وابعد عني

بصراااخ - انا برئ حرام حرام عليكي انا برئ

نوران بدموع : انت مين انا مش اعرفك شوف مين ظلمك

- انتي انتي الا ظلمتيني ظالمه ظالمه

نوران استفاقت مفزوعة بصراخ : لا لاااا لاااااااا

فرح بخضه : نوران نوران في اي يا نوران بتصرخي ليه

نوران استيقظت بفزع : مفيش مفيش

فرح : مفيش اي دانا كنت هعملها علي نفسي يا شيخه

نوران : طب وسعي يا موكوسه من وشي خليني البس

فرح : انتي كنتي بتحلمي

نوران : اه

فرح : استر يارب ده كابوس يا لمبي ده

نوران : اه يا ام اربعه واربعين وبعدين فين روان

فرح : روان بتلبس

نوران : اشطا انا نازله في ديلك

فرح : معنديش ديل نينينيني

نوران بجديه : ازاي

فرح بضحك : هو اي الا ازاي يا نوران

نوران : هو في معزه من غير ديل

فرح : اه انتي واخرجت لسانها بمرح

امسكت نوران بالوساده الصغيره بجانبها ودفشتها في وجهها
خرجت فرح من الغرفه سريعا وقالت : مجتش فيااا

نوران بتوعد : ماشي يا فرح اما انزلك

بعد قليل تنزل نوران وتجد بلال و روان يتشاجرون كاعادة صباحيه نظرت لهم بملل شديد

نوران : اصبحنا واصبح الملك لله

فرح : يلا يا ست تعالي خلصينا خناقه عنيفه بين الليفه والصابونه

فاطمه : يا بت اسكتي ليقلب عليكي

فرح : وانا مالي يا رمضان

نوران وهي تمر بجانبهم لا تبالي لي ذلك الاثنين الذي اعتادوا علي خناقتهم : ازيك يا فطوم عمله اي

فاطمه بضحك : بخير يا قلب فطوم اي مش هتخلصيهم

نوران : هيييح استعنا بالله واقتربت منهم ووقفت بينهم

بلال بغضب : قولت ميت مره مش تجادليني

روان ببرود : مش تتناقش معايا لو مش عجبك

نوران وهي بينهم : فهموني طيب في اي

بلال بنرفزه حاده : اسكتي انتي وملكيش دعوه

نوران بكوميديا : الاه اختي يا جدع

بلال : يا نوران وسعي من وشي كده اما اشوف البارده دي

روان : انا مش بارده انت الا متعفرت بدون سبب

بلال بغيظ : انا متعفرت يا قليله الادب

روان بحده واحتدت عيناها من الغضب : انا مش قليله الادب وخلي بالك من كلامك كويس

فاطمه : بلاااال خلاص بقا خلصنا

بلال : يا ماما

فاطمه : مفيش يا ماما انت عامل حساب لامك الا واقفه اصلا

بلال : انتي مش شايفه

فاطمه وهي ترفع صوتها : اه شايفه عصبيتك الزايده وزعيقك كل شويه ايييي في ايي مالك

بلال بحزن : ماليش عن اذنكو انا ماشي

نوران : استني بلال بلال

ولم تلحقه فقد خرج من الفيلا وركب سيارته وانطلق بها

نوران : عجبكوا كده زعلتوه

فاطمه : انا طهقت كل يوم خناقه

روان بأسف : انا اسفه يا خالتو انا السبب

فاطمه : لا ياروح خالتك حصل خير واما يجي نبقا نتصالح كلنا بلال طيب

فرح بصياح : اه وانا كل الناس خبتها السبت والاحد وانا خبتي ما وردت علي حد

نوران : بتندبي ليه يا بومه

فرح : بلال مشي ونسي ان في كائن بيوصله للمدرسه واهي طبلت فوق راسي يختااااي اه منكوا يا بعده

ضحك الجميع علي صغيرتهم وخفة دمها

نوران : هوصلك انا امري لله ربنا يخليني للغلابه الا زيك يا بنتي

فرح : بكره اشتري لامبورجيني زرقه ولا الحوجه ليكوا

فاطمه : واشمعنا زرقه بقا يا اخرة صبري

فرح : عشان الحسد يا بطوط

نوران : اومال حوش البت يلا يختي عشان مش نتأخر

كل ذلك وكانت روان شارده تفكر في ذلك الذي خرج غاضبا فهي تشعر بالذنب تجاه

نوران اقتربت من روان الشارده : وحدووووووووووه

روان بخضه : اي يا نوران خضتيني

فرح : سرحان في اي يا قمر

نوران بغمز : طويل ولا قصير

روان بسخريه : مدور نينيني

فرح بضحكه غلسه : هععععع هععع

نوران وهي تضع يداها علي صدرها بكوميديا : يا نصبتي مدور

روان : دانتو عيال بارده يله خلينا نمشي

وذهبوا الثلاث فتيات ولم تخلو خطواتهم من الشجار بينما كانت تضحك عليهم

روان : بقول اي انا هركب تاكسي انا عشان مش اتاخر علي المحاضره وانتي عارفه بقا

نوران : خلاص روحي انتي عشان مدرسه فرح بعيده

فرح بتشفي : اعيش واقرفكوا كمان وكمان يارب

نوران ركبت السياره وانطلقت بها وبجانبها فرح: انا قولت بلسانين محدش صدقني

نوران : قوليلي يا فرح يعني مدرسه فيها ولاد وكده محدش علقك يا بت افرح

فرح بتوتر : يعني اي يعلقني

نوران : بريئه يا به من يومك

فرح : اه منا مش فاهمه قصدك

نوران نظرت لها بتمعن : انتي مالك خدتي الموضوع جد كده ليه انا بهزر

فرح ضحكت بتوتر : اه مهو انا عارفه بس مخدتش بالي

نوران : اومال مهو واضح

فرح : وبعدين انا بردو اعرف حد عيب

نوران نظرت لها : يعني فهمتي اهوو

فرح : اه منا خدت بالي بقا

نوران : يا واد يا لماح انت

فرح : اومال انا مش اي حد

نوران : طب يله يا يختي مدرستك اهي انزلي

فرح : سلاموز بقا

نوران بضحك : سلاتفاح هههه

فرح بسخريه : بعبعبعبع

نوران تسير في طريقها الي الجامعه ولكن لفت نظرها وهو يقف علي جانب الطريق بهيئته الجذابه ويبدوا ان هناك عطل في سيارته تأملته لثواني وبعد ذلك انتبهت للطريق وقررت مساعدته فوقفت بسيارتها خلف سيارته ونزلت وشعرها يتطاير اثر الهواء تفجاء بها تأتي إليه وكانت في قمه انوثتها وجمالها ساحر فصمدا مكانه وكأنه راي شئ غير واقعي

نوران بخجل : احمم هي عربيتك عطلت

محمد بتأكد: نوران صح

نوران بابتسامه : اه انا كنت راحه الكليه ولاحظت ان عربيتك عطلانه

محمد ضحك بقوه

نوران ابتسمت بتلقائيه عندما رأت ضحكته : انت بتضحك علي اي

محمد بمنع ضحكته: اسف بس تخيلتك السقا اووي فنفسك

نوران بغضض : يعني انا غلطانه

محمد بتبرير: لا ابدا مش اقصد

نوران بغرور مصطنع  : وبعدين دانا بس شفقت علي الا هيحصل معاك

محمد : افندم وانا هيحصلي اي

نوران : اصلا روان راحة الكليه من بدري ومش استنت نوصل فرح المدرسه عشان خافت تتاخر علي محاضرتك

محمد بعدم فهم : واي يعني مش فاهم

نوران : اصل انت دلوقت الا متاخر ده هتصيح عليك لما تقول يا بس اختي وانا عارفها

محمد : غصب عني العربيه خلصت بنزين

نوران : تمام انا كده كده راح الجامعه لو حابب اوصلك مفيش مانع

محمد : بجد

نوران : ايوه يا عم طبعا

محمد : تمام بس لو هتعبك بلاش

نوران بسخريه : لا هو الصراحه العربيه هتعيط بس

محمد : هههه بتتريقي صح

نوران بابتسامه عفويه : اكيدد

في عربيه نوران

محمد بتلقائيه : هو انتي حاطه لينسز

نوران نظرت له بحده : لا بس انا خلقي ضيق

محمد : احمم مقصدش علي فكره

نوران : عادي ولا يهمك يعني انت الا حاطط لينسز

محمد : لا دي عيني

نوران : ودي عيني يسطا والله

محمد باستغراب : يسطا !!!!

نوران : اي انت زعلت ولا اي

محمد : في دكتوره تقول يسطا !

نوران : اما نوصل الجامعه هبقا اقولك يا دكتور

محمد : حيس كده معنديش مانع يا

نوران بتنبيه : نوران نوران

محمد : وبتتكي عليها ليه كده

نوران بضيق : بقولك اي انا اتخنقت منك انزل انزل هنا يله اي الا ركبك اصلا

محمد بصدمه : نعمممم

نوران : ايوه انزل انت تنح يله انا وقفت

محمد نزل في زهول ثم انطلقت نوران بسيارتها وهي تتمتم : اي التناحه دي   لينسز يا ممل !؟

محمد وهو يقف ومازالت الصدمه مسيطره عليه : دي مجنونه دي ولا اي يكنش ملبوسه يا ستار يارب تاااكسس

محمد : الجامعه لو سمحت

دخل محمد المحاضره متأخرا وملامحه غضبه من تلك المجنونه التي وقعت في طريقه

محمد : سلام عليكم بعتذر عن التأخير حصلي ظرف

روان بصوت عالي : ظرف شخصي ولا ظرف طارق

ضحك جميع الطلاب علي كلام روان

محمد بغضب مكتوم : لا ظرف طارق

روان : طارق ولا حسين

محمد نظر لها بغضب وتجاهل قولها : احمم هنبتدي المحاضره ب

روان قاطعته : بشرح ما هي الظروف التي تجعل ددكتور يتاخر علي محاضرته لا استني العنوان مش لايق

محمد بنرفزه : برره بره اطلعي بره

روان وهي تهم بالخروج : تصدق كنت مستنياها

خرجت روان من المحاضره وذهبت الي نوران وجدتها لم تنهي محاضرتها فخطر علي بالها تذهب لمكان وبالفعل خرجت من الجامعه باكملها واقفت سياره اجره

روان : ممكن توديني *****

وبعد قليل وقفت السياره التي بها روان امام مكتب بلال
دخلت ولم تجد السكرتير فتوجهت الي مكتبه ودخلت

روان : انا جيت ولم تكمل كلامها لانها رات فتاه تجلس بجانبه

بلال بابتسامه : روان

روان وهي تنظر لتلك الفتاه بحده : اه روان اي مش كنت عاوزني اجي

بلال انتبه لنظراتها : لا طبعا ازاي اعرفك مدام سما انا الا بصمم ديكورات الفيلا بتاعتها

روان بأرف : تشرفنا

بلال : اعرفك يا مدام سما روان بنت خالتي

سما : تشرفنا يا قمر هستأذن انا يا بشمهندس ونكمل مره تانيه

بلال : تمام وانا في انتظارك

بعد خروج سما

بلال فرحته برؤيتها جعلته يتنسي ما حدث : المكتب نور بوجدك يا ريو

روان بأندفاع : هو انت ازاي كنتوا قاعدين لوحديكو

بلال : ازاي اي

روان : ايوه لوحديكوا ده حتي ملقتش اسامه بره

بلال : ايوه مهو اوسامه راح يشتري شاي وقهوه عشان خلصوا

روان بغضب : اي الكدب ده

دخل اسامه المكتب : جبت بقا قهوه هتظبط الدماغ وتخلينا نخلص ..انا اسف مخدتش بالي ان معك حد

بلال : ولا يهمك يا اسامه شكرا علي القهوه اعملنا كوبيتين بقا عشان روان تدوق قهوتك

اسامه : اكيد طبعا من عنيا

بلال نظر لها بعتاب وفضل الصمت

روان بحرج : بلال انا اسفه بس كنت اقصد اصل نوران اشتريت قهوه من يومين وجبتلك

بلال وهو يقعد علي كرسيه : اممم واي كمان سامعك

روان وقد تساقطت دموعها : انا اسفه

بلال وهو ينظر لدموعها : اسفه علي اي بقا علي الا عملتي الصبح ولا علي الا لسه عملاه دلوقت

روان : علي دلوقت انا والله عمله علشانك اصل ميصحش

بلال : اممم زي بردو ما مش يصح تنزلي ببطلون ضيق واما اقولك غيريه تردي وتجادلي معايا

روان : انت مقولتش كده كان ممكن اطلع اغيره عادي رغم ان الشميز طويل لو مش كنت زعقت

بلال : انا مش زعقت غير لما قولتلي لا البلوزه طويله اي يعني الزفت طويله مش فاهم ما الخرا ضيق يبقا ميتلبسش

روان نظرت الي الارض وظلت تبكي بشده

بلال اتنهد وقام وقف امامها ورفع راسها لتنظر له فرفع حاجبه لها : هو ضربني وبكي ولا اي

روان وهي تمسح دموعها بكف يداها : انا عاوزه اروح

بلال ليغيظها : روحي زي ما جيتي

روانوهي تهم بالذهاب : ماشي عن اذنك

بلال مسكها من معصمها وضحك : اهدي يا هبله انتي راحه فين خلاص انا مش زعلان والله

روان : بجد

بلال بابتسامه : بجد ويله نروح ناكل بقا ونصالح فطوم الا هنجننها فيوم

في مدرسه فرح

كريم : خليكي قاعده هنا هروح اشتري شيبسي وحاجات واجي

فرح : وهاتلي شكولاته

كريم نظر لها بحب : احلي شكولاته

ذهب كريم وجلست فرح تنتظره وهي تبعث في هاتفها

حسام : فرح

فرح قامت وكانت سوف تغادر دون ترد عليه

حسام : استني يا فرح انا عاوزك

فرح : حسام لو سمحت متكلمش معايا واتفضل امشي

حسام : بلاش غباء يا فرح ساذجتك دي هتوديكي فداهيه

فرح : ساذجه اي انت مجنون اتفضل امشي قبل كريم ما يجي وتحصل مشكله

كريم بغضب : وانا جيت فعلا خير انت عاوز اي

حسام بديق : وانت مالك واقف مع زملتي

كريم : لا ملكش واقفه معاه واخر مره هحذرك

حسام : وان وقفت يعني هتعملي اي انت كنت اشترتها

كريم : اه اشترتها شئ ميخصكش بقا

حسام : وياترا بالرخيص ولا بالغالي

فرح بزعيق : بس بس انت وهو انا مش للبيع ومش عنت عاوزه اشوف وش حد فيكوا تاني ومحدش لي دعوه بيا فاهمين

ذهبت بغضب وتركهم

بينما في الفيلا كان روان وبلال يساعدون فاطمه في ترتيب الطعام علي المائده

فاطمه وهي تنظر عليهم : ياااه لما بتكونوا هادين مع بعض كده بحس ان الدنيا مش سايعني

روان : ربنا يهدي يا خالتوا

بلال : اه فعلا ربنا الهادي

روان : حاسه بتلقح عليا ولا اي

بلال : لا اله الا الله دانتي مشاكل يا به

روان : انا ولا انت

بلال بتحذير : نفسك تعيطي صح عارف بقالك ساعه بالظبط من غير ما تعيطي

روان : لا ماليش مزاج اعيط انا حره

بلال : خلصانه اظبطي لسانك بقا عشان مش اخليكي تعيطي غصب عنك

فاطمه : يلهوووي خلاص انا حسدتكوا ولا اي


روان وبلال في نفس الوقت : اسفين يا باشا

دخلت نوران عليهم

نوران : انا شامه ريحت محشي

فاطمه : عمله ليكوا انهارده كل الاكل الا بتحبوه

بلال بانتباه : ثواني بس فين فرح

نوران : اييه انا مجبتش فرح

بلال بنرفزه : نوران انا فكرتك هتجبيها انت الا موديها

نوران : في اي بتتعصب عليا ليه انا اصلا طالعه متأخر فقولت اكيد هتجبها

اخرج بلال هاتفه ليرن علي شقيقته الصغيره

روان : اهدي يا بلال هي عيله اكيد هتيجي يعني

فاطمه : اه يا ابني عادي هتعرف تيجي

نوران : معرفش انا اي الخوف الاوڤر ده

بلال : مش بترد

روان : يا بلال زمانها جايه

بلال : بس اكيد هتكون زعلت

نوران : وانا ذنبي اي يا بلال فكرتك هتجبها انا طلعت متأخر زي ما انت شايف هي المفروض تكون هنا من ساعه ونص

بلال : يعني هتكون راحت فين ومش بترد علي تلفونها ليه

فاطمه : استر يارب رجعها بالسلامه يارب

روان : يا جماعه اهدو وان شاء الله جايه

بلال بعصبيه : مش بترد علي ام الزفتتتت