|•4•|

عاد الي المنزل الساعه الثانيه عشر بعد منتصف الليل وجد اخيه يجلس في انتظاره وملامحه شاحبه وبجانيه كنزي تغفو في النوم

ايهاب كنت في ده كله وموبيلك مقفول ليه
قالها رامي بلهفه كببره

انا بعت الموبيل بتاعي
اجابه بتلك الكلمه وهو يجلس علي الاريكه ويلقي مفاتيح الشقه باهمال علي الطاوله

تسائل رامي باستغراب عند السبب

الجامعه طالبه القسط بتاعها وطبعا لو مدفعتش مش هيدخلوني الامتحان والترم هيروح عليا
انهي عبارته تلك بغضب ثم اخرج النقود من سترته والقاها علي الطاوله واكمل بسخريه وحسره من قلبه
جاب الفين جنيه ميعملوش اي حاجه دول حتي ميدخلونيش باب الجامعه ولفيت علي الناس استلف منها محدش رضي قالولي ابوك مات قبل ما يسدد القديم

جلس رامي بجانبه ورتب عليه بحنو
هتفرج ان شالله شوف خالو سلطان اكيد مش هيهون عليه تضيع السنه عليك وهيتصرف

ضحك بالم ثم هتف بنبره حزينه
ده انا هونت علي امي الي جابتني من بطنها مش ههون علي خالي!!

لمعت عينيه بالدموع رغمآ عنه وهو يتذكر هيئتها امامه وهي تناوله النقود
روحت اشكيلها وقولت مهما كان دي امي مش هتستحمل تشوفني في الزنقه دي مكنتش قادره تسمعني دقيقتين علي بعض وادتني 200 جنيه ومش بس كده لا وقالتلي كمان لو خلصوا متجيش تطلب تاني انا مش فاتحها بنك

طول عمرها بتكرهنا فاكر لما كنزي كانت سخنه ولازم تروح لدكتور عملت ايه؟

تذكر ايهاب ذلك اليوم عندما كانت حراره الصغيره مرتفعه للغايه ويجب الذهاب بها الي الطبيب علي الفور ولكن هي ظلت ساعه امام المرآه تتزين

اكمل رامي كلماته
وبتكره بابا اكتر مننا دايما بتزعق فيه وتشتمه وهو مبيعملهاش حاجه

اكتست ملامح ايهاب بالحزن ثم اغمض عينيه وعاد براسه الي الخلف قائلا
لانه بيحبها كان بيخاف يزعقلها تزعل منه وحبه ليها هو الي موته

_____________

والايام تمر ولا وجود الي اي حلول والامر يتعقد اكثر واكثر منزل باكمله فوق راس ايهاب ومصاريف جامعته وتاخير المعاش كل شئ معقد للغايه
بحث ايهاب عن وظيفه ولكن وجد ان الرواتب قليله ولا تكفي لشئ وفوق كل هذا عناد اخيه وشقيقته معه

قام بفتح الباب عندما استمع الي طرقات عليه ليجد امامه جلال وعادل
هتف بجمود وهو يسد الطريق بجسده
نعم؟ العزاء خلص من زمان

مش هتدخل عمامك يا ايهاب
قالها جلال بعتاب

تنهد بقوه ثم سمح اليهما بدخول هاتفآ
انتو عايزين ايه

جلس كلاهما علي الاريكه ثم اخرج جلال من سترته بطاقة ائتمان وناوله اياها
الفيزا دي عليها مبلغ كبير ادفع منه قسط جامعتك علشان الترم ميضعيش عليك والباقي خليه معاك واصرف منه براحتك ولما فلوس تخلص بلغني
الرقم السري 3478

نظر ايهاب الي يديه الممدوه ثم قال
عرفت منين قسط الجامعه

من اخوك رامي كلمني وبلغني الزنقه الي انت فيها بردو كده يا ايهاب تبقي في الحيره دي ومتكلمش عمامك؟!

لحظه رامي يتواصل مع عمه جلال!! لعنه ايهاب بداخله واقسم انه سوف يقوم بتربيته من اول وجديد

كتر خيرك انا مش محتاج حاجه منك حاجه شيل الفيزا بتاعتك في جيبك

مط جلال شفتيه بعدم رضا ثم وضع بطاقة ائتمان علي الطاوله وقال بنفاذ صبر
وبعدين معاك يا ايهاب

بص يا حبيبي احنا عارفين ان كامل الله يرحمه قالك كلام كتير علينا مش كويس بس صدقني كل ده كان زمان احنا دلوقتي اتغيرنا

بجد؟ يعني بطلتوا تنصبوا علي الناس الغلابه وتاخدوا بيوتهم!! اوعي كمان تقولي انكم بطلتوا تشتغلوا في السلاح وسرقه الاعضاء!ايه غيرتوا نشاطكم واتجهتوا للمخدارت اكيد لقيتوا فلوسها احلي
انهي كلمته الاخيره وهو يغمز اليه بذات مغزي

كل حاجه حرام بطلنا نشتغل فيها هات مصحف نحلفلك عليه علشان تصدق وترتاح

هتف ايهاب ببرود
يا سيدي لنفسكم احنا مش عايزين حاجه منكم اخواتي هعرف اصرف عليهم كويس وقسط جامعه بتاعتي بردو هعرف اجيبه شكرا لخدماتكم

بس انا وكنزي عايزين يا ايهاب
قالها رامي الذي خرج توآ من الغرفه وهو يحمل حقيبه في يديه والصغيره تتمسك بيديه

زعق به ايهاب بعصبيه
انت تسكت خالص حسابك معايا بعدين

وسقط قلبه بين ضلوعه عندما وجد الحقيبه في يد رامي واكد ظنونه صوت جلال
اخواتك هيجوا يعيشوا معايا يا ايهاب

ضيق بين حاجبيه وحرك راسه وهو ينظر الي اخواته
ده بجد خلاص خدتوا قرار مع نفسكم

انت مش عارف تعمل حاجه حتي فلوس جامعتك مقدرتش تجمعها قولي امال هتعمل ايه بقي في مصاريف المدارس بتاعتنا ودروس وكل ده وعلي فكره عمو احمد جه وطلب الايجار النهارده معاك تدفع؟ حتي فلوس الموبيل الي بعته ميعملوش حاجه

ليقول جلال
حرام عليك تعذب اخواتك معاك سيبهم يجوا معايا علي الاقل يعيشوا عيشه مرتاحه

ظل ايهاب يتفحص كلآ من رامي وكنزي طويلآ ثم قال
وانتي يا كنزي عايزه تمشي وتسبيني بردو

انت تعال معانا ونروح كلنا هناك نقعد سوا رامي قالي ان هناك هيكون الاكل حلو وطعمه زي اكل ماما وكمان في العاب كتير
ضحك رغمآ عنه وقال
هو الاكل بتاعي طعمه وحش اوي كده

حركت راسها نافيه وقالت سريعآ
لا حلو بس مش زي بتاع ماما

يلا يا ولاد نمشي احنا ونسيب ايهاب يفكر مع نفسه يمكن يرجع في كلامه
قالها جلال وهو ينهض من مكانه ثم نظر الي بطاقة ائتمان الموجوده علي الطاوله
بلاش تضيع الترم عليك وروح ادفع القسط

تحرك كلاهما ناحيه الباب وقبل ان ترحل كنزي ركضت الي اخيها ايهاب الذي يقف ويتابع ما يحدث بصمت ثم تمسكت بيديه وقالت
تعال معانا يا ايهاب علشان خاطري بلاش تسيبني زي ماما

انحني هو الي مستواها قائلا
علي فكره انتي الي ماشيه وهتسيبني زي ماما

رامي قالي هناك كل حاجه هتكون حلوه دول قاعدين في فيلا كبيره وفيها حمام سباحه زي بتاع المصيف والعاب كتير اوي

رفع عينيه ثم نظر الي اخيه استطاع جيدآ ان يملئ عقلها واللعب به حتي تذهب معه

جذبته من يديه وهي تقول
تعال معانا يا ايهاب انا هخاف انام لوحدي وهسمع اصوات تخوف لكن لما بنام جمبك مش بسمع حاجع

اصدر تنهيده طويله ثم نظر الي يديه التي تتمسك به بقوه ثم قال
حاضر يا كنزي هاجي معاكم

ابتسم جلال بانتصار وبادل اخيه تلك الابتسامه وهو يحرك راسه ناحيه ايهاب كل شئ خطط اليه حدث كان يثق تمامآ انه يسيتطع الوصل الي ايهاب عن طريق اخوته

__________________

تحركت السياره ناحيه بوابه سمح اليها رجال الامن ان تعبر بعدما قاموا بالقاء التحيه علي جلال وعادل
وقفت السياره امام قصر كبير وكلآ من رامي ينظروا اليه من نافذه السياره بدهشه كبيره اما ايهاب ينظر امامه بجمود

نورتوا يا ولاد يلا انزلوا
هبط كلاهما السياره نظر الصغار حولهما بعدم تصديق جنينه كبيره وحمام سباحه واكثر من طاوله المكان بالخارح يشبه النادي الذي يذهب اليه
لا يصدق هو وكنزي انهم سيكونوا في هذا المكان طوال حياتهما

ركضت كنزي ناحيه المسبح وهي تهتف بحماس
انا عايزه انزل حمام السباحه يا ايهاب

بعدين يا حبيبتي تعالي يلا علشان ندخل الشنط

نظرت الصغيره الي المسبح بخيبه امل ثم اتجهت الي اخيها ايهاب الذي كان يقوم بتناول الحقائب من السياره منعه جلال قائلا
الشغالين هيدخلوا الشنط ويوصلوها كمان لحد اوضكم

ترك ايهاب الحقيبه وهو يضغط علي شفتيه ثم تحرك خلف اعمامه وعندما وصلوا الي الداخل كان كل شئ مبهر اكثر من الخارج الاثات والديكورات والارضيه كل شئ حتي المكان به رائحه مميزه وجميله

عاجبكم المكان يا ولاد
قالها جلال بتساؤل ليجيبه رامي بانبهار
تحفه يا عمي بجد

وايهاب لم ينطق بـ اي شئ انتبه الي سيده في بدايه الثلاثينات من عمرها تهبط الدرج وترتدي فستان اسود يصل الي ركبتها ويبرز تفاصيل جسدها بسبب ضيقه

ابتسمت وهي تتجه اليهما قائله بترحيب
بجد مكنتش مصدقه لما جلال بلغني انكم هتيجوا معاه اهلا وسهلا نورتوا بيتكم الجديد

مدت يديها وقامت بمصافحه ايهاب
انت ايهاب صح؟

رسم علي ملامحه ابتسامه بارده وهو يجيبها
بظبط انا ايهاب

صافحت رامي وهي تقول
وانت رامي

اوما راسه بالايجاب ثم اتجهت الي الصغيره واتحنت لمستواها هاتفه
وانتي طبعا الكتكوته الصغيره كنزي ايه الجمال ده قمر اوي

شكرا يا طنط وانتي كمان حلوه وشعرك جميل اووي
اطلقت ضحكه وهي تبعث بخصلات شعر الصغيره
مش احلي من شعرك يا قمر

هتف جلال وهو يشير ناحيه زوجته
دي سعاد مراتي اعتبروها مامتكم من اللحظه دي

وقفت ثم التفت الي جلال
مامتهم ايه يا حبيبي هو انت عايز تكبرني وخلاص دول ما شالله عليهم رجاله

ااه منك يلي خايفه علي نفسك تكبري خلاص يا ولاد اعبتروها اختكم الكبيره حلو كده؟

ضمت شفتيها وهي تحرك راسها بالنفي ثم نظرت الي ايهاب ورامي
الشباب القمر دول يعتبروني زي اختهم الصغيره مش الكبيره

وايهاب يحاول تقبل تلك السخافه ويضغط علي نفسه ان لا ينفجر ويخرج عن شعوره يضغط علي اسنانه بقوه ويحاول ان يبقي هادئآ

ثم اكملت وهي تقترب من كنزي
اما الكتكوته دي بقي تعتبرني زي مامتها بظبط ومش عايزه اسمعها بتقولي غير يا ماما

يتبع