البارت الاخير

توقفنا البارت السابق لما ندى  دخلت العمليات و حازم اتصل ب باباها و عرفه ان ندى تعبت شويه و نقلها للمشفى ، طبعا هنشوف اى اللى هيحصل و هل هيكمل و الا هاينتهي على ايه؟
    **************
حازم  : يتصل بوالد ندى عم صابر  ندى تعبت شويه و انا نقلتها الى المشفى
عم صابر  بقلق و خوف على ابنته :  بنتى مالها ايه اللى حصل ؟
و طبعا مامت ندى كانت واقفه و سامعه الحوار لتقول بصراخ : بنتي حبيبتي ما لها في ايه اللي جرى لها  ؟!
عم صابر : اهدي بس يا حاجه ما فيش حاجه هي تعبت شويه و حازم نقلها للمشفى 
عم صابر و هو يتحدث مع حازم : انتو فى اى مستشفى يا حازم دلوقتى ؟!
حازم : انا في مستشفى الحياه طيب احنا جايين  يا ابني  على طول
عم صابر هو و زوجته  مش قادرين يتمالكو  اعصابهم خوفا على ابنتهم الوحيدة و على الفور انتقلوا الى المستشفى ،،
وصل عم صابر الى المستشفى و برفقته زوجته التى ظلت تبكى حتى وصلت للمشفى 
عم صابر  : وصل المشفى و دخل على الاستقبال و سال على ندى و فى اى دور  طبعا بلغوه بان ابنتهم فى الدور الثالث فى العمليات 
طلع عم صابر و زوجته يجرون الى المصعد و وصلو الى الدور الثالث  ليجدوا حازم و والده و اخوه موجودين و حازم فى حاله يرثى لها و هو خائف جدا
عم صابر بقلق و خوف : حازم  فيه ايه يا ابنى !! و ايه اللى حصل  ؟!! و هى فى العمليات ليه ؟!!!  اسئله كثيرة وجهها عم صابر لحازم
خليل : أهدى بس يا ابو ندى و تعالى بس يا ابو ندى متقلقش بنتك كويسه الحمد لله
عم صابر  جلس على الكرسى و خليل : ندى ايه الي حصل لبنتى ؟!
حازم حكى لعم صابر الحوار الذي دار بينه و بينها و انه سوف يحضر هو و عائلته اليكم يوم الخميس  و هى كانت فرحانه جدا  و فجاة شعرت بالم فى قلبها و انا نقلتها للمشفى فورا
و بمجرد وصولها تم عمل الاشعات ووالتحاليل ليها و عرفنا انها عندها عيب خلقى منذ الولادة و طبعا دخلت العمليات على الفور
عم صابر : لا اله الا الله يا حببتى يا بنتى
خليل  : وحد الله كدة يا عم صابر  بنتك كويسه قول الحمد لله
عم صابر و زوجته : الحمد لله على كل حال 
بعد فترة من الوقت و قد استغرقت العمليات حوالى اربع ساعات خرجت ندى من العمليات و انتقلت بغرفتها و لكن كان ممنوع الدخول ليها
حازم  اول ما خرجت جرى عليها و ظل يبكى و هو و اسرتها  بس الحمد لله انها بخير
حازم  راح يسال الدكتور عن حاله ندى و يطمئن على صحتها
الدكتور عادل : اطمن يا حازم هى كويس يومين و ممكن تخرج ان شاء الله  و الحمد لله العمليه نجحت و مافيش عندها اى مشكله دلوقتي ؟!
حازم كان سعيد جدا انها بخير و حمد ربنا و شكره
حازم  راح يطمن عم صابر و والدتها على حالتها و ان العمليه نجحت و انها بخير و ممكن تخرج خلال يومين ثلاثه على حسب حالتها بس لازم تفضل تحت الملاحظة و تتابع العلاج و الدكتور
عم صابر يركع على ركبتيه بجوار سريرها و والدتها بجوارها منهاره من البكاء  الحمد لله انها بخير 
شكر عم صابر  حازم جدا و انه كان بجوارها وقت تعبها عم صابر : انت فعلا يا ابنى ابن اصل ربنا يبارك فيك و يحفظك يارب  
حازم : بتشكرنى على ايه ياعم صابر  انت  مش عارف ندى تبقى بالنسبالى تبقى ايه ؟! دى اول حب فى حياتى و ان شاء الله  بعد ما تخرج بالسلامة  و تسترد صحتها نعمل الفرح على طول 
عم صابر : ان شآء الله  يا ابنى احنا مش هنلاقى راجل احسن منك لبنتنا
حازم  كان سعيد جدا بكلام عم صابر و جات الممرضه  اتفضلو الكل يخرج بره اصلا ممنوع الجلوس بجوار المريض و انا سبتكو خمس دقايق  علشان تطمنوا عليها اتفضلو لو سمحتو خرج الجميع من غرفة ندى حيث كان الجميع ينتظرها حتى تفوق و تتحدث معهم ..

بعد مرور بضع ساعات و الجميع ينتظر خارج الغرفه صرح الدكتور عادل بالدخول لندى و الاطمئنان عليها و لكن لدقائق فقط و أن لا يتحدثوا معها كثيرا
عم صابر  و والده ندى : حمد الله على سلامتك يا حبيبتي 
ندى : الحمد لله يا بابا انا بخير
مامت ندى : سلامتك يا قلب امك
ندى : الله يسلمك يا ماما انا بخير اطمنى يا ماما
حازم  ينظر لندى و هى تنظر اليه ثم رفعت يدها ببطئ لكى تمسك بيدة
حازم امسك بيدها ثم قبلها : الف سلامه عليكي يا قلبي يا ريت كنت انا
ندى : بعد الشر عنك

       ************

دخل الدكتور عادل ليطمئن علي صحه ندى و طلب من الجميع ان ينصرف لكى  تستريح ندى
طلب حازم من عم صابر و زوجته و والده و اخوه محمود ان ينصرفوا و يذهبو الى البيت لكي يرتاح الجميع  و انه هو الذى سيبقى معها لكى يطمئن على صحتها
انصرف الجميع و ظل حازم معها في المستشفى و ظل طوال الليل علي الاريكه الموجوده بجوارها حتى صباح اليوم التالي ...

............

و فى صباح اليوم اشرقت الشمس و فتحت ندى عيونها لتجد حازم نايم على الاريكه التى بجوارها
ندى بصوت منخفض :  حازم حازم
حازم قام  من نومه مفزعا : ايه فى ايه ندى مالها
ندى متقلقش انا ندى
حازم جلس على ركبتيه و امسك بيدى ندى قائلا : صباح الخير و السعادة و الفل يا قلب حازم  حمد الله على سلامتك يا قلب حازم
ندى ابتسمت برقه : كل الحب دا ليه انااا و كمان طول الليل و انت جمبى
حازم : و ان شاء الله طول العمر  و احنا مع بعض

فجاة طرق الباب عليهم و دخل عم صابر و زوجته : صباح الخير عامله ايه يا ندى ياحببتى
ندى مبتسمه : انا كويسه يا ماما الحمد لله 
شكر عم صابر حازم كثيرا على وقفته بجوار ابنته و بنته ندى
حازم  : انا افيدها بروحى يا عم صابر  
حازم  ها هاروح اشوف الدكتور عادل و  تركهم حازم  مع بعض  لكى يطمئنو علي ابنتهم ندى

      **********
عدى تاني يوم  الحمد لله على خير و الدكتور قال ممكن تخرج عادى بس تبقى تيجى للمتابعه
فرح الجميع بخروج ندى
حازم : يالااا يا قلب زومه علشان الدكتور صرح بخروجك.
ندى  فرحت كثيرا قائله : الحمد لله  وشكرت الله انها قامت بالسلامه 
ركب حازم سيارته و بجواره ندى و فى الخلف جلس عم صابر و زوجته
وصل حازم الى قريه ندى حتى وصلاا للبيت و ترجل حازم  من السياره ممسكا بندى حتى صعدا على الدرج و دخلا شقتهم
عم صابر : نورتى بيتك يا حبيبه بابا
والده ندى :  حمد الله على سلامتك ياحببتى 
ندى : الله يسلمك يا ماما
حازم منوره بيتك يا ندى عقبال ما تنورى بيتى
ها نحدد امته الفرح
ندى  : انت مستجعل ليه كده و كمان فرح على طول.
حازم : ايوه ياستى انا شايف ان الخطوبه ما لهاش لازمه و بعدين خير البر عاجله هاااا تكونى مش موافقه على العريس  ثم ضحك
ندى  : هو انا هلاقى زيك فين كفايه وقفتك معايا و مسبتنيش و لا لحظه  ربنا يخليك ليا يارب و ميحرمنيش منك ابدا 
حازم  : و لا منك يا حببتى  ايه رايك يا عم صابر ؟
عم صابر  : ماعنديش اى مانع يا ابنى المهم تكونو سعداء
والده ندى :  الف مبروك يا ولاد ربنا يسعدكو و يهنيكو ببعض و قامت مزغرطه لولولو لولو لولى
حازم استاذن انا دلوقتي علشان ترتاحى و هابقى اجى اطمن عليكى
ندى  : تمام يا حبيبي  انا حسه انى عايزة ارتاح شويه 
حازم : تمام على فون بقى
هم بالخروج من المنزل و ركب سيارته ليذهب لبيته  فهو منذ ان تعبت ندى و هو معها و لم يرى والدته 
وصل حازم  الى منزله وجد والدته كريمه تجلس فى فناء المنزل
حازم : اهلا يا امى ثم قبل راسها قائلا : عامله ايه يا ست الكل 
كريمه : عامل انت ايه ياحبيبي و ندى عامله ايه دلوقتي ؟!
حازم : الحمد لله يا امى هى اتحسنت و بقت افضل
كريمه : الحمد لله يا حبيبي  دى بنت طيبه و انا حبتها زيك انت و اخوك
حازم : و هى كمان حبتك اوى يا ماما معلشى بقه يا ماما ه اطلع اخذ شاور و اغير ملابسى و ارتاح شويه على ما تجهزى الغداء يا ست الكل
كريمه : ماشي يا حبيبي  برحتك
طلع حازم لياخذ شاور ويغير ملابسه و بعد ان انتهى من الشاور جلس على سريرة حتى ذهب فى النوم

       ************
صحى حازم على صوت كريمه و هى تقف بجوار السرير و تنادى يا حازم يا حازم
فتح عيونه  انا اسف يا ماما راحت عليه نومه
كريمه  : معلش ياحبيبي انت كنت تعبان و عايز ترتاح بس يلااا يا حبيبي  علشان تتغدى المغرب اذن و بعدين عايزه  اروح اطمن على ندى
حازم : حاضر يا ماما اسبقينى و انا جاااى حالا
رحلت كريمه لكى تستعد و تغير ملابسها لتذهب لزيارة ندى بينما حازم  نزل للاسفل و تناول الغداء ثم اخذ والدته لزيارة ندى 
          ***********
ذهب حازم هو و والدته الى ندى بعد اشترى علبه شيكولاته لاخذها لندى وصل حازم الى منزل ندى وصعدا هو ووالدته على الدرج  ...
رن حازم جرس الباب فتحت لهم والدتها
والده ندى : اهلا يا حازم  يا ابنى
حازم : اهلا بحضرتك يا طنط معايا ماما جايه تطمن على ندى
والده ندى  : اهلا وسهلا اتفضلى يا ام حازم نورتى يا حببتى
دخلا كلاهما و جلسا فى الصالون  و استقبلهم عم صابر بابتسامته المعهوده و كلامه الجميل 
عم صابر : اهلا بيك يا حازم  يا ابنى نورتى يا هانم
كريمه : اهلا بحضرتك  يا ابو ندى الف سلامة على ندى
عم صابر : الله يسلمك و يحفظك يارب
حازم : ندى عامله ايه دلوقتي يا عمى
عم صابر : الحمد لله بخير و احسن من الاول
حازم : الحمد لله طب ممكن ممكن تدخل تطمن على ندى
عم صابر : ايوه طبعا اتفضلو هى صاحيه
تقدم عم صابر امام حازم و والدته الى غرفه ندى
عم صابر : اتفضلو يا ندى حازم و والدته
ندى : اتفضل يا بابا
حازم : عامله ايه يا ندى دلوقتى ؟!
كريمه : حمد الله على السلامه يا ندى
ندى : الحمد لله بخير يا طنط
جلست كريمه و حازم فترة ثم انصرفو متجهين الى منزلهم
***********
و فى صباح اليوم التالى ..
ذهب حازم الى الشركة و دخل حازم مكتبه فتتبعته سما بحجه تمضى بعض الاوراق طرقت سما باب المكتب
حازم : اتفضل
فدخلت سما و هى تمشى بطريقه غير مضبوطه و لبسه بنطلون ضيق و بلوزة شفافه و مجسمه تظهر مفاتن صدرها (شبه عاريه)
و طبعا هى عارفه ان ندى تعبت و هى فى الشركه بس للاسف لم تذهب اليها و لا حتى تطمأن عليها و لكن كان هدفها الاساسى هو الاستيلاء على حازم
سما : اهلا استاذ حازم الشركه كانت وحشها اوى من غيرك
حازم نظر اليها و مستغرب طريقة كلامها و من لبسها الاوفر
حازم : متشكر جدا خير فيه ايه
سما و قد اقتربت من مكتبه و وقفت بجواره ثم جلست على طرف المكتب و وضعت يدها على راسه قائله له : وحشتنى اووى يا حازم بجد اليومين اللى عدو و انت مش فى الشركه كانو صعب عليه جدا
حازم بصوت اجش : فيه ايه يا انسه الزمى حدودك
سما حاولت تتقرب من حازم و تجذبه نحوها و قامت بشدة من قميص قائله : انا بحبك ياحازم من اول مرة شوفتك فيها اناا اللى استاهل حبك مش الزفته اللى اسمها ندى فقدت سما اعصابها و بانت على حقيقتها و مدى كرهها لندى
حازم انتفض من مكانه قائلا : انتى ازاى تتكلمى كده و حب ايه اللى بتكلمى عليه و ازاى تتكلمى عن ندى صحبتك و صديقه عمرك كده انتى انسانه وقحه و حقودة و غيورة انتى انسانه مش طبيعية ، اتفضلى يا انسه خدى بقيت حسابك و مش عايز اشوف وشك تانى هنا خالص
سما و هى تبكى و تقول ؛ انا بحبك يا حازم ، ندى طمعانه فيك و بتكرهك و مش بتحبك انما انا بحبك
حازم طلب الامن ليخرجوها من الشركه و امرهم بعدم ادخالها الشركه مره اخرى ، سما تبكى بحرقه توسلت اليه قائله : سامحنى ارجوك ارجوك
حازم : يلا اا خدوها من هنا
قام الامن بطردها خارج الشركه بعدها اتصل حازم بندى و ابلغها بما حصل و ما صدر من سما و مدى كرهها و غيرتها منها
ندى انا كنت حسه فى الفترة الاخيرة بحاجة منها بس مكنتش اعرف انها بتكرهنى اوووى كده
انا خلاص ها اقطع علاقتى بالمخلوقه دى ..

***********
عدى ثلاثون يوما على عمليه سما و هنا قرر ادم ان يحدد ميعاد زواجهم
علم يوسف بزواج ندى و ذهب فورا الى بيت عمه و طلب منه ان يتزوج ندى
عم صابر : انت عارف ان ندى مخطوبه و خلاص فرحها كمان يومين
يوسف يحاول يقنع عمه بان يتزوج ندى و انه اولى منه و هى من لحمه و دمه و انه يحبها و يريد الزواج بها
عم صابر : معلشى يا ابنى انت عارف ان كل شى نصيب و ندى بتحب حازم و خلاص اتفقو على الفرح
حزن كثيرا يوسف و توعد بان ياخذ ندى من حازم حتى لو كلفه هذا حياته
*******************
حان موعد الزفاف و ندى بدات تتجهز لحين موعد العرس
حازم قام بتوضيب المنزل من زينه و انوار و عمل الدعوات لكتير من اصاحبه و رجال اعمال و عم الفرح فى بيتهم
كريمه كانت فرحانه و مبسوطه جدا و تتمنى ايضا ان ترى يوم زفاف محمود اخوه
و فى صباح يوم العرس ذهب حازم لياخد ندى لكى تذهب للكوافير لكى تتزين للعرس و هو نازل من بيت ندى هما الاثنين وجد يوسف ابن عمه فى انتظاره و معه سكين
يوسف بجنون : على فين يا عريس
ندى :انت بتعمل ايه يا يوسف ازاى تعمل كده مع بنت عمك اللى من لحمك و دمك
حازم : فيه ايه يا يوسف انت عايز ايه مننا
يوسف : ندى دى تبقى بتاعتى ليا انا و بس
حازم : يعنى ايه بتاعتك دى انت نايم و الا مسطول يا ابنى
يوسف تعصب و بدا يشوح له بالسكين و الشارع هاج و التفت الناس حوله حتى امسكه بعض الاشخاص من الخلف , هجم عليه حازم و القنه علقه ساخنه و كان ناوى يسلمه للشرطه لولا تدخل ندى و ابوها عم صابر
يوسف عرف خطاه و تاسف لحازم و لندى و عمه صابر بكى كثير امام الجميع فى الشارع وطلب منهم السماح
حازم عفى عنه و سامحه و ايضا ندى و عمه صابر
اخذ حازم ندى لكى تتزين لكى تكون ملكه يوم عرسها فى مساء العرس

و فى مساء العرس حضرت ندى كانت اجمل ما رات عينه ، كانت فتاة جميله جدا الكل داخل الحفله كان يشهد بجمالها و رقتها و ابتسامتها العذبه
كانت ندى سعيده جدا و حازم فى قمه سعادته كان يرقص و يضحك و السعاده تغمر كلا منهما
و عم صابر و زوجته فرحانين اوى بزواج ابنتهم الوحيدة بعريس مثالى زى حازم
كان الفرح حلو اوى و الجميع كان مبسوط و فرحان ليهم من قلبهم ، انتهت الحفله على خير و انصرف الجميع و اخذ حازم عروسته الجميلة ندى و سافرا الى شرم الشيخ لقضاء شهر العسل و كانت اسعد ايام حياتهم و بعد تسعه اشهر انجبت ندى خليل الصغير و كان الجميع سعيد جدا لوجود خليل الصغير و انجبت ندى ثلاثه اولاد و بنت و عاشت ندى و حازم احلى ايام عمرهم و كانو اسرة سعيدة جدا يعمها الحب و الصدق و الوفاء

********************
انتهت قصتى ارجو ان تكون نالت اعجابكو يارب اشوف حضراتكووو مع رواياتى الجديدة ان شآء الله
امضاء ( عاشقه الهوى)
الكاتبه / نجوى السيد