البارت الأول
هاي ياحلوين ازيكم الأول اعرفكم بنفسي انا كارما الألفي عندي ٢٣ سنة وبيدلعوني يقولولي ياكوكي بحب الاسم ده مهما كبرت لأن اللي طلعه عليه هو حبيبي اللي بحبه وح افضل احبه رغم انه مش حاسس بحبي ده واتجوز كمان وسبني اهئ اهئ اهئ اهئ لكن خلاص مش ح ابكي تاني وح اقفل على قلبي بالضبه والمفتاح ههههههههههههه مش عارفه يعني ايه ضبه ومفتاح بس سمعتهم مرة بيقولها كده ماتستغربوش وتفتكروا اني بنت مدلعة وفافي انا اه يمكن مدلعة لاني بنت وحيدة جت بعد عذاب وكمان مامتي أية الألفي اتوفت وهي بتولدني ودادي خالد الألفي مقدرش يستحمل سافر بره ومسك فرع الشركة بتاعتهم بره وسبني لخالي ومراته اللى هى فى نفس الوقت تبقى عمتى  وانا لسه بيبي صغنن لما كبرت شوية وفهمت الأول زعلت كتير اني من غير دادي ومامي بس خالو ماجد حبني كتير قوي وكان بيعاملني معاملة حلوه قوي يمكن كنت بحس ساعات انه بيحبني اكتر من بنوتة شهد اللي اصغر مني بسنة وعندها ٢٢ سنة وكمان اكتر من ابنه شهاب اللي عنده دلوقتي ٣٠سنة وانا بقوله بابي وكمان انطي منال  انا اتعودت اقولها مامي  بتموت فيا وانا كمان بعشقها قوي
                            
عادت كارما من الشركة فهي تعمل مع خالها في قسم الديكور فشركتهم شركة كبيرة متخصصة في الرسومات الهندسية والتصميمات الداخلية والخارجية وكارما رغم صغر سنها وحداثة تخرجها اثبتت وجودها بجدارة وتفوق وكان دائما ماجد فخور بها جدا واليوم عادت وهي سعيدة للغاية فقد كسبت للشركة مناقصة كبيرة لتصميم الديكور الداخلي والخارجي لمجموعة فنادق عالمية فدخلت وهي تقفز كعادتها وتنادي بعلو صوتها
- يا أهل الدار ياقوم انا جيت انتم فين يابشر فقد عادت كوكي سالمة غانمة

وكانت منال تخرج من المطبخ وهي تضحك بقوة

- يابت انتي مش ح تبطلي لماضة

فأقتربت منها كارما تزغزغها وهي تقفز حولها

- بذمتك يا مامتي حد بيعمل حس للبيت ده غيري انا وهبابة البرك اللي اسمها شهد يجعل كلامنا خفيف عليهم

وهنا وجدت يد تضربها على رأسها من الخلف فاستدارت ووجدتها شهد

- هو انتي مش ح تلمي لسانك اللي طوله ٢ متر ده وعماله تهلفطي بكلام مش مفهوم

فنظرت لها كارما باستغراب

- مين تهفلطي ده عربي ده ياشهد

فضحكوا سويا وهي تعود وتضربها مرة اخري

- اسمها تهلفطي ياهبله يعني تقولي كلام عجب زيك بقى انا هبابة البرك يا قعر الحلة انتي وايه سالمة غانمة دي كمان راجعة من حرب ياهبلة

فصرخت منال

- بسسسسسسسس دوشتوني ياكلبة منك ليها اهمدوا بقى يالا روحوا شوفوا بابا فين قولوله الغداء جاهز

وجرى الاثنان سوياً وهم يصرخون يابابي يابابي انت فين يا حجوج ودخلوا المكتب وهم يصرخون وسبقت كارما

- بتعمل ايه يابابي يالا الغداء جاهز وصاحت شهد
- يالا يابابي بقى جعانين

وفجاءة استمعوا لصوت جعل شهد تصرخ فرحاً وكارما تقف مكانها في حزن واضح وصريح

- شيبو حبيبي وحشتني ازيك وازي كوكي
- كلنا كويسين حبيبتي انتم عاملين ايه ازيك ياكوكي

فأنتبهت حينها ورسمت ابتسامة خفيفة لا ترى

- الحمد لله ياشهاب انا كويسة بابي الغداء جاهز عن اذنكم ح اروح اغير هدومي

وانصرفت سريعاً للخارج فأغمض ماجد عينه قليلاً ثم عاد متحدثاً لولده

- خلاص يا شهاب فكر وابقى رد عليا ناوي تعمل ايه حبيبي وانا ح اكلمك تاني
- حاضر يابابا بس انا

وصمت قليلاً ثم نظر لشهد

- بقولك ياشهودتي روحي شوفي كارما كده مالها

فابتسمت وهزت راسها

- بتوزعوني اوك سلام ياحلوين وخرجت شهد واغلقت الباب خلفها

ونظر شهاب لأبيه

- مال كوكي يابابا
- مالها ازاي يا شهاب ماهي كويسة اهو
- لا يابابا كوكي مش كويسة بقى لها فترة طويلة مش هي دي كوكي اللي اعرفها بقت بعيد عني من ساعة ماسافرت ولا قادر حتى اشوفها لما بنزل مصر بتكون عند خالو ولما برجع هنا الاقيها رجعت مصر

  فتنهد ماجد بقوه فهو يعلم بمشاعر ابنة اختة ناحية ابنه ولكنه لم يستطع ان يفعل شيئاً

- حبيبي انت تعرف عن كوكي ايه انت سبتها بقى لك كام سنة المهم زي ماقلت لك فكر في موضوع الشغل ده ورد عليا
- حاضر يابابا ح افكر واقولك
- ماشي حبيبي سلام دلوقتي بقي، وابقى سلم لي على خالك
- حاضر يا بابا مع السلامة
                           
خرج ماجد فوجد شهد تجلس مع منال ولم يجد كارما فصعد لغرفتها وطرق عليها فسمحت بالدخول

- كوكي حبيبتي فنظرت له وعيونها حمراء وجرت وارتمت في احضانه
- اسفة يابابي بس

فوضع يده على فمها وضمها بقوة لصدره

- حبيبتي هدى نفسك هو اللي غبي وحمار بس انا بقولك اهو انا عارف انه بيحبك بس مش حاسس

  فأبتسمت كارما بحزن

- يحبني ايه يابابي ماهو اتجوز وخلف ده اتجوز اول مسافر يابابي
- وما اخدتيش بالك انه سمي بنته على اسمك
- على اسم بنته الصغيرة يابابي زي ما دايماً كان بيقول
- مش انتي بتصدقي بابي حبيبك

فأحتضنته ووضعت رأسها على صدره

- طبعا يابابي
- عايزك تسمعيني كويس ياحبيبة بابا انا بقنع شهاب ينزل مصر يمسك معايا الشغل هنا

فابتعدت كارما عن أحضان ماجد ودمعت عيونها

- معقول يابابي معقول ح ينزل يعني انا المفروض استحمل وجوده ووجود مراته

فعاد ماجد وضمها وهو يمسح دموعها

- اسمعي بابي كويس ياقلب بابي بصي ياستي انا اصلا شاكك في جوازه ده وحاسس انه متورط فيه حاسس انه ادبس ولازم قريب ح يفوق صدقيني يابنتي انا أمنية حياتي انه يفوق ويرجع لنا أي نعم ح يبقى معاه بنته بس انا عارف بنتي كويس
- كلها احلام يابابي
- حبيبتي ممكن تسمعي كلامي
- حاضر ياحبيبي
- يالا بقى ياستي علشان ننزل نتغدى احسن زمان مامتك واختك ح يخنقونا فضحكت كارما
- يالا يابابي

                          
جلس شهاب في مكتبه في منزله وارجع رأسه للخلف يفكر في نظرات كارما له واخذ يحدث نفسه
عارف انك اتغيرتي من ساعة ماتجوزت ياكوكي قلبي عارف انك مجروحة مني وزعلانة بس ياريتك تعرفي انه غصب عني حبيبتي يااااااااااه وحشتيني قوي ياكوكي ياعمري انتي عارفة انا صممت اسمي بنتي كارما على اسمك علشان تفضلي دايماً أدام عيني واسمك مايغبش عن لساني أبداً حبيبتي وابتسم قليلاً واكمل كبرتي ياقلبي قوي نفسي اشوفك قوي وفجاءة انتبه لفتح الباب بقوة ودخول زوجته سارة التي كانت نصف مصرية

- جري ايه يا شهاب جيت من الشغل دخلت مكتبك من غير كلام ولا سلام في ايه فتأفف شهاب
- في ايه ياسارة خير داخله بزعابيبك ليه
- بنتك زهقتني وقرفتني في عيشتي قلت لك ندخلها مدرسة داخلية خاصة بحالتها رفضت فأنتفض واقفاً
- عارفة ياسارة انا السبب الوحيد اللي مستحملك علشانه هو كارما فاحترمي نفسك وعاملي البنت كويس مش ذنبها ان امها مستهترة وشربت زفت على دماغها وهي حامل فيها فأثرت عليها، البنت كويسة وكل اللي محتاجاة رعاية وحب ياسارة وانتي فاقده كل ده ، بقولك ايه اعملي حسابك احنا نازلين مصر خلاص ونهائي، وان كان عجبك مش عجبك خليكي هنا وانا ولا ليا دعوة بيكي، فصرخت سارة به
- يعني ايه يا شهاب؟
- اللي سمعتيه ابويا محتاجني امسك معاه الشركات هناك ،وانا قررت خلاص عجبك كان بها مش عجبك براحتك.
- سيبني افكر.
- براحتك ادامك اسبوعين فأقتربت منه بدلع.
- شيبو وحشتني هو انا كل ده ماوحشتكش؟

فنظر لها شهاب بغضب

- ابعدي ياسارة عن وشي وروحي شوفي كارما ،قتأففت بقوة
- اووووووف انا زهقت بقى انت بقيت مش ممكن انا ست وليا احتياجاتي يا استاذ،

فنظر لها وعيونه أصبحت حمراء من الغضب، وصرخ بها

- عارفه لو ماتحركتيش من ادامي ح اعمل فيكي ايه؟

فضحكت سارة بسخرية ونظرت له

- اهو ده اخرك كلام وبس،

والتفت لتنصرف فلم يشعر بنفسه سوي وهو يديرها له ،وبعزم ما به نزل بيده على وجهها حتى انها صرخت الماً ووقعت أرضاً فأمسك شعرها بشدة، وهمس بفحيح

- لو لسانك نطق بالزبالة بتاعتك دي تاني ح تشوفي وش عمرك ماشفتيه ،وصرخ بها فاهمة فهزت رأسها بالموافقة فترك شعرها انا طالع لبنتي  ،وانصرف وتركها فجلست على الأريكه
- ماشي ياشهاب ماشي ما انا ماوقعتكش علشان اطلع كده من غير حاجة، لا ياحبيبي انا لازم اخد منك اللي اقدر عليه  وان كان على نزول مصر ماشي انزل مصر هناك ح اخد اكتر وبعدها بقى خليلك بنتك المعاقة دي، انا ح ابلي نفسي بيها ليه

وكانت ابنتها قد أصابها مرض نتيجة شرب امها الكحوليات وهي حامل بها جعلها فتاة سريعة الغضب تميل للوحده اكثر لا تحب اقتراب اي احد منها والا يصيبها حالة من التشنجات كلامها متقطع تحب ابيها جدا ولكن امها لا تحبها، وكلما اقتربت منها تصرخ بها بشدة وتظل تقذفها باي شئ حولها ،تحب خالد والد كارما كثيرا ،وتحب زوجته هادئة معهم وتحب اللعب مع أولادهم ورغم حبها للوحدة فهي ذكية جدا. دخل شهاب الي ابنته

- كوكي حبيبة دادي بتعملي ايه ؟

فأبتسمت كارما وقامت من مكانها تجري عليه وترتمي في أحضانه.

- دادي انا ك ن ت ب لع ب فضمها لصدره بقوة.
- تعالي ياقلبي نلعب سوا

وجلس بجوارها واخذ يلعبوا سوياً وهم يضحكون حتى نامت كارما كعادتها في أحضان ابيها.
                          
تجلس كارما في غرفتها وتدخل عليها شهد وهي ترتمي بجوارها على الفراش وتقوم بدغدغتها

- اهمدي يازفته انتي، فضحكت شهد
- قومي ياقعر الحله ههههههه حلوة قعر الحلة دى تصدقى لايق عليكى اكتر من كوكى ههههه قومي خلينا نروح النادي شوية انا زهقان والجو حلو
- ماليش مزاج ياشهد.
- بليز كارما بليز قومي بقى علشان خاطري، ما انتي عارفه بابي ومامي عمرهم ما ح يخلوني اروح وحدي يالا بقى،

فنظرت لها كارما بخبث

- ممممممم قولتيلي بقى بس صحيح هو عُدي رايح النهاردة؟

فخجلت شهد وابتسمت لها وهزت رأسها بالموافقة فضحكت كارما بقوة واحتضنت وجه شهد بضحك

- خلاثي ياناس على الواد اللي بيحمر من الكسوف ده قومي يالا البسي على ماخد شاور وننزل نروح النادي

فقفزت شهد بعد أن احتضنتها وقبلتها وخرجت سريعاً من الغرفة بعد قليل ذهبوا الاثنان الي النادي بعد أن استأذنوا ماجد

- روحي انتي يا شهد شوفي عُدي فين انا ح اتمشى في التراك شوية خدي بالك من نفسك فاهمة ،ولو في اي حاجة كلميني

وانصرفت كل واحدة في طريق، وكانت كوكي تضع سماعات الفون في اذنها وتستمع لبعض الاغاني وهي تجري ولم تنتبه الا واحد يمسكها من يدها فاستدارت سريعا وكادت تتهجم عليه لولا انها وجدته كريم كان زميلها في الجامعة، وكانوا اصدقاء مقربون ولكنه كان مغرم بها وطلب منها التقدم لها ولكنها رفضت وعلم منها انها تحب شخصا اخر وقرر ان يظلوا أصدقاء، وسافر منذ عام للعمل بالخارج وكان دائم التواصل معها

- يخرب عقلك ياكريم خضتني يازفت كنت ح اضربك دلوقتي ،فضحك كريم بقوة
- لسه فيكي الداء المهبب ده اول ماحد يلمسك تهبديه بالبونيه.
- ما انت عارف مش بحب حد يلمسني وبعدين تعالي هنا انت مش لسه مكلمني من يومين ماقولتش ليه انك ح تتهبب على عينك تيجي

فارتبك كريم قليلاً ونظر لها ثم أبتسم

- بصراحة زهقت لوحدي ومالقتش حد ارخم عليه هناك زيك انتي والبت شهد فرجعت، هي فين دي كمان

فضحكت كارما بشدة وسرح كريم في ضحكتها

- راحت تقابل سي عُدي ياسيدي.
- لسه برضه بتقابل الزفت ده مافيش فايدة مش قادرة تقتنع انه زبالة ،فتنهدت كارما
- قلت لها كتير ومافيش فايدة وقلت لبابي ماجد ،وطلب مني اسايرها بس عيني عليها علشان ماتغلطش لغاية ماتكتشف انه زبالة لوحدها، واديني بعمل كده والحمد لله شهد متربية زي وعارفه الحلال من الحرام والصح من الغلط.
- ربنا يستر الواد ده مش سهل والحب دهوله يا كارما.
- الحب دهوله اسمه الحب بهدلة ياخويا، تعال معايا نروح نشوفها فين

وذهبت هي وكريم للبحث عنها وتفاجئت بها تجلس بجواره وهو يضع يده على كتفها ويضمها له بقوة، فصرخت

- شهددددددد فأنتفضت شهد مكانها وابتعدت فوراً عن عُدي

الذي نظر لكارما بخبث وأبتسم وكانت كارما أقتربت ووقفت أمام شهد ونظرت لها بلوم وعتاب

- اتفضلي ادامي ياشهد هانم ،وجاءت لتتحرك فوقف عُدي وهو يضع يده في بنطلونه
- لسه بدري ياكوكي، فأقتربت منه كارما والشرر يتطاير من عيناها
- لو لسانك ده نطق الأسم ده تاني ح اقطعه لك فاهم واتقي شري يا عُدي ،فضحك بقوة
- انا مش فاهم حاقدة علينا ليه علشان بنحب بعض وانتي ياحرام حبيبك طار

وهنا شهقت شهد ووضعت يدها على فمها واقترب هنا كريم من كارمن وعُدي وفجاءة ضرب عُدي بالبونية اوقعه أرضاً ،واقترب منه وهمس بفحيح

- عارف انا ممكن اعمل فيك ايه دلوقتي ممكن قوي انسفك لكن ده تحذير ياحيوان قسماً بربي لو ما احترمت نفسك لأدفنك ،فوقف عُدي ونفض ملابسه وأبتسم ونظر له
- اه ما انا نسيت انك دايب فيها وهي مدياك الطرشة

وكانت كارما قد استدارت فالتفت له ورفعت ساقها وضربته تحت الحزام فتأوهه ووقع أرضاً بألم

- خليك كده حيوان طول عمرك حيوان نبهتها مليون مرة بس مافيش فايدة بس العيب مش عليك العيب على الهانم اللي اعتبرتها اختي بس خلاص خلصت انتهينا كنا اخوات لكن خلاص يابنت خالي

وكانت شهد تبكي بحرقة فقد أفشت كل أسرار اختها وصديقهم وعندما سمعت كلام كارما ارتمت في أحضانها وهي منهارة

- لا يا كارمن لا اوعي تقولي كده علشان خاطري طيب بلاش علشان خاطري علشان خاطر بابي ومامي طيب انا غلطانة والله روح منك لله ياعُدي بليز كارما سامحيني قلها ياكريم علشان خاطري سامحوني

وفجاءة وقعت أرضاً مغماً عليها فجرت عليها كارما وكريم وحاولوا افاقتها ولكن دون فائدة فحملها كريم والتفت الي عُدي

- وديني لأربيك ياحيوان خد بالك من نفسك بقى وابعد عن طريق اي حد فينا والا ح ادمرك وانت عارف ممكن اعمل فيك ايه يالا كارما

وجروا على السيارة، وذهبوا للمستشفى ودخلوا بها وقام الطبيب بالكشف عليها وبعد أن انتهى خرج لهم