الفصل الثالث

البارت الثالث

فنظرت لهم كارما بابتسامة حزينة

- ترضاها لي يابابي فنظر لها ماجد
- انتي عندك شك اني بحبك ياكارما فجرت له وارتمت في احضانه وهي تحتضنه بقوة
- لا طبعا يابابي انا واثقة من حبك ليا
- يبقى خليكي متأكده اني بعمل كده لمصلحتك  اسمعوني انا واثق ان في سر كبير وراء جوازه شهاب من الزفتة سارة حاولت انا وخالد نعرف بس فشلنا انتي عارفه شهاب كتوم بس انا اللي متأكد منه زي ما انا متأكد من انكم ادامي انه بيحبك واكتر منك كمان ها واثقه في ابوكي ونحط ايدنا مع بعض علشان نفوقه فنظر له كريم
- انا معاك ياريس سيبك منها قولي بس دوري ايه انا والغلبانة دي وأشار لشهد واحنا معاك فضحك ماجد
- تمام ها ياكوكي

فابتسمت بخجل ودفنت راسها بصدره وهمست

- اللي تشوفه بابي فضحك وضمها وضم شهد بقوة
- ايوة كده بناتي حبايبي اسمعوني بقى البيه جي بعد بكره ح اروح استقبله انا ومنال وشهد واول مانوصل البيت ح ارنلك تيجي ومعاكي كريم ونظر لكريم وغمزه وانت بقى عايزك تشعلله فاهم بس بحدود يابيه فضحك كريم
- عيوني ده انا ح اخليه يولع ماتقلقش فرفعت كارما راسها من على صدر ماجد وقذفته بعلبه المناديل
- أيه تخليه يولع دي يازفت انت ده انا اللي ح اولع فيك فضحكوا كلهم عليها ونظر لها ماجد
- لا اجمدي كده انا عايز بنوتي ال سو كيوت هي اللي تظهر فاهمة لازم نشعلله علشان تصدقي انه بيموت فيكي حبيبتي
- ماشي يابابي
- كده يبقى متفقين احنا الاربعه وانا ح أبلغ منال وح ادي فكرة لخالد علشان نبقى كلنا سوا وانت ياكريم ح نفهم شهاب انك مأجل الخطوبة رسمي علشان اهلك وخالد مسافرين ومنتظرنهم لما يرجعوا
- تمام ياعمي بس اول مانخلص الموضوع ده ح اجيب اهلي واتقدم لشهد
- وانا موافق حبيبي الف مبروك ياولاد وقبل شهد من رأسها
                           
ذهبت كارما وشهد وكريم الي مكتب كارما ونظرت شهد لكريم
- كريم مش قلت لي عملت ايه في عُدي فنظر لها بغضب وضرب المكتب بيده وصرخ
- ماتجبيش سيرة الحيوان ده على لسانك تاني فاهمة

فدمعت عيون شهد واقتربت منها كارما وضمتها ونظرت لكريم بزعل

- في ايه ياكريم مش كده انت بتزعق لها كده ليه هي عملت ايه

فحزن كريم عندما وجد دموعها تتساقط واقترب منها ومسح دموعها وهمس بغضب  مكتوم بداخله

- انتي مش عارفة انا سمعت ايه من الحيوان ده انا لولا واثق في شهد كنت استحاله اكمل فوضعت شهد يدها على فمها ونظرت له
- قالك ايه ياكريم فنظر لها ووجدها ترتعش فكور يده بغضب
- خلاص حبيبتي هو غار في داهيه واستحالة يرجع تاني هنا
- كريم علشان خاطري قولي قالك ايه

فنظر لها بحزن وألم واقترب منها ممسكاً يدها

- قال كلام صعب اقوله حبيبتي اقله انك كنت بتكلميه فيديو من أوضة نومك بقميص النوم فصرخت وارتمت في أحضان كوكي وهي تهز رأسها
- والله ماحصل والله ماحصل

فضمتها كارما وامسك كريم يدها مقبلاً باطن يدها بحب

- انا عارف وواثق وعلشان كده دغدغت امه ورميته أدام ابوه وعرفته بنفسي وقلت له لو طلع عليه الصبح في مصر مش ح يعرف له طريق وفعلاً في الفجر كان مسافر مربعن فضحك الثلاثة
- مربعن انت منين يابني فنظر لها ولعب لها حواجبه
- بس ياخطيبتي المصون انا بقولك اهو واستمروا في مناغشتهم حتى انتهوا من عملهم وانصرفوا جميعاً سوياً وذهب ماجد لزوجته وقص عليها كل ماحدث فوافقته
                               
تجلس سارة في غرفتها واغلقت الباب خلفها حتى تتطمئن ان شهاب لن يستطيع الدخول وطلبت رقم

- هاي جورج اسمع انا خلاص مسافرة كمان يومين انت لازم تنزل مصر انا مش ح اقدر اقعد هناك وحدي فاهم جورج
- سارة اهدي ح نشوف طريقه ماتقلقيش اكيد ح اكون معاكي هناك بس انتي لازم تهدي امورك كويس علشان محدش يلاحظ حاجة فنفخت سارة بغل وقوه
- انا كنت فاكرة ان بجوازي منه ح اقدر اخد من وراءه كتير بس ماوصلتش للي عايزاه
- في مصر اكيد ح توصلي انتي بتقولي ح يمسك شغل ابوه وبعدين ماتقلقيش انا ليا معارف كتير في مصر ممكن يساعدونا
- اوك جورج ح اقفل دلوقتي وح ابعت لك لما اوصل مصر اوك
جورج: اوك باي
                            
مر الوقت وجاء موعد عوده شهاب واسرته وكانت كارما لم تنسى اكلاته المفضله فدخلت المطبخ وقامت بصنع العديد من اكلاته قبلها بيوم ووقفت منال تنظر لها بحب وتتمنى داخلها ان تكون في يوماً ما زوجة ابنه بدلاً عن تلك الحمقاء التي لا تحبها والتفتت كارما فوجدت منال تنظر لها وتبتسم فأقتربت منها وارتمت في احضانها

- مامي بليز بلاش يعرف اني انا اللي عملت الاكل ده وحياتي فأمسكت منال وجهها بحب
- ليه ياحبيبة مامي
- كده احسن يامامي انا بس مقدرتش اعرف انه جي ومعملوش الاكل اللي بيحبه فأبتسمت منال
- انا مش ح اقوله بس علشان مخطط ابوكي ينجح ويارب ينجح ونخلص من الحرباية دي بسرعة فنظرت لها كوكي
- هي وحشه كده يامامي
- شكلاً لا ياقلب مامي بس اخلاقاً وقلباً زفت انا عايزه اقولك على حاجة ياكارما هي بتحب تتعمد ادامنا انها تعامل شهاب بطريقة يعني فيها دلع مرء وهو ببقى حاسه انه نفسه يولع فيها لكن الغريب انها ادامنا بتعامل بنتها يعني الي حد ما بهدوء بس من ورانا بتعاملها وحش جدا واصلاً كده تحسي البنت مش بتحبها كوكي الصغيرة متعلقه قوي بشهاب لكن مامتها لا خالص بالعكس ح تشوفي اول ماتقرب منها البنت بتعمل حاجات غريبه
- ماشي يامامي ربنا يستر انا خلصت خلاص يامامي ح اطلع بقى اخد دش واستعد للمعركة وضحكت وضحكت معها منال واحتضنتها
- اطلعي ياقلب مامي
                           
جاء الصباح وكان يوم حضور شهاب وقامت كارما من غرفتها بعد أن ادت فرضها وارتدت ملابسها وتعمدت ان ترتدي سالوبيت من اللون الأزرق وتحته شميز من اللون الوردي وارتدت حذاء ذو كعب عالي وشنطة كحلي وقامت برفع شعرها بشكل عشوائي وانزلت منه العديد من الخصلات المتناثرة على سائر وجهها ووضعت بعض الرتوش الخفيفة من الميكاب وبعض رشات من برفانها المميز ونزلت للأسفل فوجدت ماجد ومنال ومعهم شهد وعندما نظروا لها اطلق ماجد صافرة عاليه وضحك

- بداءت الشعلله فضحك الكل
- بابي انا مش عارفة ح اقدر ولا لاء فقام وضمها لصدره
- لا بنتي قوية وح تقدري ومعاكي الواد كريم متوصي توصيةعاليةمني ومن منال ومن شهد كمان فضحكت شهد
- ايوة انا فطمته على كل حاجة يعملها فنظرت لها كارما وابتسمت
- ربنا يستر شهاب اصلا مش بيحب كريم ربنا يستر عليكي بقى يا اختي
- علشان انتي هبلة شهاب كان فاكر ان كريم بيحبك علشان كده كان مش طايقه فتأففت كارما
- طيب كلكم بتقولوا انه بيحبني اتجوز ليه حد يفهمني فأحتضنها ماجد
- ده اللي لازم نعرفه يا كوكي

ممكن تهدي يا كارما وقولي لي ح تعملي ايه دلوقتي

- ح اروح النادي يابابا واقابل كريم هناك وح نيجي لما حضرتك تقول
- تمام حبيبتي يالا اقعدي علشان نفطر
                          
ذهبت كارما الي النادي وتقابلت مع كريم وجلسوا يتحدثون حتى أتت لها رسالة من ماجد انهم وصلوا الفيلا فنظرت لكريم وشعر هو بتوترها

- وصلوا الفيلا
- ايوة
- مستعدة للمواجهة فتنفست كارمن بقوة ووقفت
- مستعدة يالا بينا

وقام كريم وانصرفوا من النادي في الطريق للفيلا ولا احد يعلم ماذا سيحدث بعد

يجلس شهاب في المنتصف بجواره منال من جهة وشهد من جهة أخرى وعلى ساقه تجلس كارما الصغيرة وتضع رأسها على صدر ابيها وجوارهم يجلس ماجد وأمامه سارة تجلس وهي تضع ساق فوق الأخرى واقتربت شهد من شهاب

- وحشتني قوي يا شيبو  وكوكي كمان وحشتني قوي ازيك ياقلب عمتو انتي

فنظرت لها كارما وابتسمت ووضعت وجهها في صدر ابيها فأخذت شهد تدغدغها بخفه

- قلب عمتو انتي ياخلاثي ياناس على العسل والسكر
- ع م تو كو كي حبك كتير فأبتسمت شهد
- قلب عمتو من جوه انا كمان بحبك قد البحر والسما والدنيا كلها

وتكلم شهاب بنبرة حزن

- امال فين كارما يا ماما برضه سافرت كالعادة
- لا ياحبيبي مسافرتش وهنا ابتسم فرحا وقبل ان يتحدث
                          
استمع لصوت ضحكات يعلم صاحبتها تمام المعرفة فأغمض عينه وكأنه يتنفس عبيرها وفجاءة استمع لصوتها ففتح عينه وهو يبتسم فوجدها تقف وبجوارها كريم وكان يعلم أن كريم له رغبة في خطبة كارما فغابت ابتسامته وبان على ملامحه الحزن ووقف وهو يحمل ابنته ومد يده لها فمدت يدها كذلك وتلامست يدهم وتاهوا قليلاً حتى انتبهت كارما

- اوووووووه حمدلله على السلامه شيبو نورت مصر
- الله يسلمك يا كوكي عامله ايه اخبارك ايه بقى لي كتيو ماشفتكيش كبرتي كوكي

فضحكت كارما بقوة ودارت حول نفسها وامسكها كريم من يدها قبل أن تقع

- بالراحة كوكي فنظرت له كارما وهي تبتسم
- ميرسي كريم دائما كده تلحقني بوقفتك جانبي ثم التفتت الي سارة فوجدتها كما هي تجلس بتعالي وتضع ساق على الاخري فهزت لها رأسها ونظرت لشهاب مراتك شهاب مش كده فهز رأسه فعادت ونظرت لها أهلاً مدام سارة نورتي مصر فردت سارة بنفور وتعالي
- عارفة طبعا اني نورت اكيد دي بقي بنت خالك خالد يا شهاب

فوقف ماجد وجذب كارما لصدره ونظر لها بتعالي

- كارما خالد الألفي ياسارة فاهمة يعني ايه ولا أوضح لك أوضح لك احسن علشان تبقى على نور كارما بنت اختي وبنت اخويا يعني بنتي لما تكلمي معاها تكلمي بأدب زي مابتكلمي معايا بالضبط كارما بنتي ودراعي اليمين وقبل رأسها فأحتضنته بيدها ونظرت له
- معلش يابابي أصلها ماتعرفش بس اللوم مش عليها بس مش مشكلة بابي ونظرت لكريم واتجهت له وابتسمت برقه سوري كريم صحيح شيبو نسيت اعرفك كريم زميلي في الجامعة وزميلي في الشغل فأكمل ماجد وهو يغمز لكريم
- وممكن يبقى اكتر كمان مش كده يا كريم... نورتنا يابني بقى لك كام يوم مش بتيجي ليه البت دي مزعلك فأبتسم كريم وهو ينظر لكارما
- معقول ياعمي كوكي تزعل حد كوكي ملاك نازل من السما فأحمرت كارما خجلاً ونظرت له وهمست
- كريم بس بقى الله

فضحك الجميع عليها عدا شهاب الذي كان يشعر بانسحاب الهواء من الجو وسارة التي شعرت بضألتها وهنا اخذت كارما الصغيرة تتحرك على يد ابيها حتى تهبط فأنزلها ونظر لها بحب

- عايزة ايه حبيبة بابي فتركت يده والكل ينظر لها وتحركت بهدوء واتجهت لكارما ثم رفعت يدها لها فحملتها كارما وهي تبتسم وقبلتها بحب فقبلتها كارما الصغيرة وهي تمسك وجهها وتنظر لها بجانب وجهها وهي تبتسم
- انا كو كي شه اب فضمتها كارما بقوة وتنفستها وكأنها تتنفس حبيبها فقد كانت تحمل رائحته وجلست أرضاً بجوار ماجد
- أهلاً أهلاً بكوكي هانم وقبلتها بقوه وابتسمت انا كمان اسمي كوكي شفتي فنظرت لها كوكي ووضعت يدها تحت ذقنها وكأنها تفكر
- يعني انا كو كي وان تي كمان كو كي فضحكت كارما وضمتها بحب
- اه انتي كارما وانا كارما فأبتسمت كوكي وقبلتها
- كو كي حبك كت ير كو كي وقبلتها ونامت على صدرها وهنا الكل صعق وكان ينظر عليهم بذهول عدا شهاب الذي كان يبتسم لهذا المنظر المحبب لقلبه فحبيبته تحتضن ابنته بحب فنظر لهم ماجد باستغراب وصرخ
- أيه ده من اول مره كده انا اعترض دي طلعت عينيا على ما بداءت تيجي لنا فضحكت كارما بقوه ومالت على الأرض وهي ترفع كوكي للأعلى و الأخرى تضحك بقوة وتحرك قدمها ويدها كأنها تطير
- يابابي مش اي حد ده انا كوكي وبعدين لازم الكارمنات يحبوا بعض واعتدلت وكوكي لازالت تضحك فأ غتاظت سارة بقوة وصرخت
- كوكي تعالي هنا فنظرت لها كوكي بغضب وهزت رأسها بعنف وهي تزوم وتهز نفسها بقوة  فضمتها كارما لصدرها وهي تهمس في اذنها ببعض الكلمات حتى تهدء فبداءت في الهدوء وشعر شهاب بتحرك سارة لتسحب كوكي من أحضان حبيبته فنظر لها بغضب فلم تتحرك من مكانها ولكن بداءت تحرك ساقها بعصبية فوقفت كارما وهي تحمل كوكي ونظرت لشهاب
- بعد اذنك شيبو ح اخذ كوكي امرجحها شوية على الغداء مايجهز ممكن
- اكيد طبعاً وقبل ان يكمل
- ميرسي شهاب تعال معايا كريم بليز
- اكيد طبعا يالا ياستي

وانصرفوا من أمامهم وهنا حاول ماجد تغيير دفة الحديث

- ح نتغدى امتى يانولتي
- حالاً حبيبي تعالي معايا ياشهد وانت يا شهاب خد مراتك حبيبي واطلع جناحكم غيروا هدومكم وانزلوا تكون السفرة جهزت فوقف شهاب ثم نظر لوالدته
- معلش يا امي ممكن تطلبي حد من الشغالات يدخل شنطي أوضة الضيوف حضرتك عارفة انا وكوكي بنام سوا علشان بتقلق كتير وسارة لما بتقلق مابتعرفش تنام تاني فارتبكت سارة قليلاً فنظرت منال له
- اه طبعاً حبيبي حالاً

وذهبت منال وابلغت واحده من العاملات فصعدت وقامت بإدخال الشنط الخاصة بشهاب وابنته الي جناح الضيوف الذي كان يجاور جناح كارما اما جناح شهاب فهو يجاور جناح شهد وصعد شهاب ومعه سارة التي شدته الي جناحها بغضب واغلقت الباب بقوة ولا زالت تمسك يده

- انت بتهرج يا شهاب بتعرفهم اننا مش بنام في مكان واحد فنظر لها ونفض يدها من على يده
- ده على اعتبار انهم مش عارفين لما كنا بننزل كنت بنزل انا في جناح كارما لكن دلوقتي كارما هنا ولو كنتي فاكره ان محدش واخد باله تبقى غبيه انا كنت بقولهم نفس الكلام اللي قلته النهارده عن اذنك ياهانم واخذ خطوة للخارج ثم عاد لها اه اتكلمي عدل وحافظي على لسانك مع الكل فاهمة وخرج وأغلق الباب خلفه فوجد كارما تصعد السلم ومعها كوكي في احضانها فجري عليها
- في ايه ياكوكي فنظرت له فقد كانت تفتقد النظر له وهو كذلك ولكنها انتبهت
- أبداً نامت فقلت اطلعها تنام
- طيب ادهاني ح اخدها لاني مش ح اقدر اسيبها فوق لو صحيت ولقت نفسها وحدها ح تتفزع ح اخليها معايا تحت فنظرت له ثم نظرت لكوكي
- خلاص سيبها معايا وروح انت خد شاور وغير هدومك وانزل وانا ح اخليها معايا تحت