السابع

جوازه شيطان

الثامن

استغفر الله العظيم و اتوب اليه

لميس راحت لهمسه واتكلمت معاها أن يحي بيحبها وعايز يتجوزها واقنعتها أنها تحدد ميعاد مع والدها

...

حست أن عمر وحشها وبعد ما خلصت مقابله مع همسه . قررت تروح تزور عمر في الشركه

. وصلت الشركه ووقفت كان السكرتير قاعد بره

وقف اول ما شافها : مدام لميس . نورتي المكتب يا فندم

لميس : شكرا . هو عمر جوه

السكرتير : اه يا فندم . ادخل ابلغه

لميس : لا خليك ..انا هدخله
فتحت الباب كان عمر بيبص علي اللاب توب ..

اقفلت الباب بهدوء بعد ما دخلت ..شافها واستغرب

: لميس . في ايه . حاجه حصلت
لميس : لا . بس وحشتني وجيت اطمن عليك

عمر ابتسم : تعالي اقعدي

قعدت قدامه : ايه الاخبار

عمر : تمام . عملتي ايه مع همسه ..وافقت علي يحي

لميس قبل ما تروح مكان بتقوله الاول زي ما اتفقو( حقنا للدماء )

عمر : اكيد رفضت .

ضحكت لميس : ليه بتضايق من يحي والله هو طيب اوي وعسل

عمر بصلها بغضب : نعممم . بتقولي ايه

لميس في سرها : اهو اتحول بسرعه.

لميس : لا يا حبيبي مش قصدي حاجه . قصدي أنها وافقت. هي اصلا معجبه بيه وكانت فاكره ان يحي واخد الموضوع هزار . بس اما اتكلمت معاها المشكله اتحلت

عمر : اه . تمام

لميس : طيب ايه . خلصت شغل .

عمر : ليه
لميس : كنت عايزه نرجع البيت مع بعض .

عمر : نص ساعه واخلص .

لميس : ماشي هستناك

وبعد ساعتين لميس بصتله بملل : كل دي نص ساعه ..انا تعبت من القاعده و جعت اوي

ضحك عمر وقفل الاب توب : خلاص خلصت .. يلا بينا .. نروح نتغدا

وقفت : ياااه اخيرا يلا ده انا عصافير بطني بتصوصو

........

خرج الاتنين واتغدو بره ... الايام بتمر وعمر ولميس علاقتهم كويس

يحي وهمسه حدود يوم الخطوبه.. الكل كان فرحان

بس ام عمر ( ناديه ) مش عاجبها اللي بيحصل

قعدت هي مضايقه وبتفكر تعمل ايه ..

.....

يوم خطوبه يحي وهمسه كانت في فندق راقي جدا .. همسه لابسه فستان رقيق. ويحي فرحان بيها

يحي : ايه قمر ده. احلي واحده يا ناس . ما تقومي نرقص يا وحش

همسه : يحي اتكلم بأسلوب احسن من كده . ايه الاسلوب ده

يحي : يا بت بعاكسك . فتحي مخك معايا . يعني اقولك مسا مسا يا همسه. .تردي وتقولي مسا مسا
يا يحي وهكذا يعني

همسه : اسلوبك بيئه اوي بصراحه

يحي :انتي اللي جد اوي . فكي كده معايا عشان نفهم بعض .

همسه : شكلي اتسرعت.

يحي : نعم ... يعني ايه اتسرعتي

همسه : يعني انت دائما بتهزر . وانا مش بفهم اوقات انت بتقول ايه.

يحي : عشان انتي بسكوته اوي في نفسك . بصي انا هفهمك كل حاجه ..سيبي نفسك

همسه : اسيب نفسي ليك . لا شكرا مش مستغنيه عن نفسي ..

يحي : يا بت هعلمك ..
همسه : شكرا .

يحي : انتي الخسرانه
همسه : ماشي

....
. علي الترابيزه في الفرح . لميس قاعده وهي مكشره

لميس : مش طريقه دي علي فكره . انت قابض علي حرامي
عمر : مش هتتحركي من جنبي يا لميس

لميس : ليه بقي . ما كل الناس بتتحرك اهي اشمعانه انا

عمر : عشان انا عايز كده .
لميس : طيب اروح ابارك لهمسه

عمر : تباركي ليه . ما احنا في الفرح اهو . عايز ايه اكتر من كده

لميس : في الفرح بس مش بتحرك
عمر : مش عاجبك نمشي

لميس : لا عاجبني وامري لله . اعمل ايه يعني

عمر : ايوه كده خليكي عاقله

.....

العريس لبس العروسه الشبكه ورقصو مع بعض . كل ده وعمر مش مخلي لميس تتحرك من مكانها

خلص الفرح اخيرا .. والكل بارك للعروسين

.....

في العربيه

عمر : لميس مالك
لميس حطت أيدها علي دماغها : مش عارفه ، دايخه شويه

عمر : ليه كده ..نروح المستشفي
لميس : لا . مش مستهله اكيد بس علشان ماكلتش كويس

عمر : خلاص نروح نتعشا قبل ما نرجع البيت

لميس : اوكي

...

بعد العشاء رجعو البيت. ناديه ابتدت تفكر أن لميس خدت منها ابنها ولازم تتصرف في حل عشان تتخلص منها .
غيرانه أن عمر حب لميس ..

ناديه فكرت في حل يبعدهم عن بعض : مفيش غير حل واحد . عمر نقطه ضعفه هي الغيره والشك . وأما يحس أن لميس بتخونه اكيد هيرميها ويكرها . وكده اشوفله واحده تانيه علي زوقي واجوزه احسن منها

رتبت ناديه كل حاجه وبدأت تنفذ خطتها بمنتهي الشيطنه ( جايه من شيطان يعني واخده بالك )



....

الصبح

عمر بص للميس اللي لسه نايمه وهتتاخر علي شغلها : لميس .. كل ده نوم

لميس فتحت عينها بصعوبه : صباح الخير يا عمر
عمر : صباح النور .. مش رايحه الشركه

لميس : لا . مش قادره ..جسمي مكسر وتعبانه

عمر : ايه الحكايه دي . الفتره الاخيره دائما تشتكي من الموضوع ده . ما تيجي اوديكي للدكتوره

لميس : لا. انا هنام وهقوم كويسه

عمر : طيب اتصل بدكتوره تيجي تكشف عليكي هنا

لميس : صدقني انا كويسه . ممكن بس ارهاق . هنام وهصحي تمام . متقلقش عليا

عمر : نامي يا حبيبتي ولو احتجتي حاجه اتصلي بيا

لميس : شكرا يا حبيبي

.............

قبل جبينها . ونزل

عمر : صباح الخير يا ماما
ناديه : صباح الخير يا حبيبي . فين مراتك
عمر : نائمه اصلها تعبانه شويه

ناديه : ليه كده بس . الف سلامه
عمر : مش عارف لو فضلت كده هتصل بالدكتوره تشوفها . معلش يا ماما خلي بالك منها انهارده ولو تعبت اكتر اتصلي بيا

ناديه : طبعا يا حبيبي . دي لميس في عيني متقلقش عليها

عمر قبل يدها : حبيبتي ربنا يبارك فيكي .. عايزه حاجه

ناديه : لا يا قلبي . مع السلامه

خرج عمر من البيت ، ناديه ابتسمت بخبث ونادت علي الشغاله : حسنات.. بت يا حسنات

دخلت الشغاله : نعم يا ست هانم

ناديه : عايزاكي تتسحبي وتطلعي تجبيلي موبيل لميس من اوضتها

حسنات : اقولها يا عني يا هانم انك عايزه تليفونها

نفخ ناديه : يا غبيه . افهمي انا بقول ايه . بقولك اتسحبي . يعني من غير ما تحس وهاتي الموبيل

حسنات: ليه يا ست هانم؟ .

ناديه: وانتي مالك . أما اقول كلمه تسمعيها من غير كلام .انتي هتحققي معايا . اخلصي يلا

حسنات : حاضر . حاضر.

ناديه حذرتها تاني : زي ما قولتلك من غير ما تعرف. ولو شفتك في الأوضه وقوليها انك عايزه تنضفي ..

حسنات : حاضر يا ست هانم .

طلعت حسنات اوضه لميس وفتحت الباب براحه كانت لميس في سابع نومه محستش بيها .. دخلت حسنات تتسحب و دورت علي الموبيل

كان علي الترابيزه خدته براحه خرجت بسرعه
...

حسنات : اتفضلي يا ست هانم الموبيل اهو، هتعملي ايه بيه

ناديه : انت مالك يا حماره . امشي من وشي يلا

حسنات : يووه وانا يعني كنت قولت ايه وله عملت ايه . انا ماشيه اهو .

ناديه ضحكت بخباثه وفتحت الموبيل سجلت رقم
واتصلت بيه

ناديه : الو يا عاطف
عاطف : مين معايا
ناديه : انا مدام ناديه .. وده رقم لميس اللي قولتلك عليه

عاطف : اهلا هانم ..
ناديه : عارف هتعمل ايه
. عاطف : عارف طبعا يا ست هانم .
ناديه : ماشي اما نشوف . وليك عندي مبلغ حلو. بس اما تخلص اللي قولتلك عليه
. عاطف : انتي تؤمري بس يا هانم ..ده انا اتشقلب واعملك اللي انتي عيزاه

ناديه : اما نشوف . هقول دلوقتي
قفلت ناديه مع عاطف . اللي بعدها بعت رسائل كتير علي الواتساب . وناديه ردت عليه .

ناديه ضحكت : هيطلقك يعني هيطلقك يا لميس. وانا وانتي والزمن طويل عشان تبقي تعيشي في الدور اوي

... خلصت ناديه كلام مع عاطف .. وقفلت الموبيل

ناديه : حسنات خدي طلعي الموبيل زي ما جبتيه

حسنات : حاضر يا ست هانم

خدت الموبيل وهي بتتكلم : كل شويه طلعي ..نزلي . طلعي نزلي . ايه الشغلانه اللي تقصر العمر دي

دخلت وسابت الموبيل زي ما كان وخرجت تاني براحه

.....

عدا اليوم و لميس نايمه معظم الوقت .

وصل عمر بعد ما خلص. شغله

ناديه : انت جيت يا حبيبي
عمر : اه يا ماما . هي لميس فين

ناديه : فوق . بعتلها حسنات وهي مردتش تنزل

عمر : اتصلت بيها موبيلها مقفول

ناديه : غريبه . مقفول ازاي . دي البت حسنات قالتلي انها كانت ماسكه طول اليوم ..

عمر : ليه بيديني مغلق

ناديه : يمكن بقي فصل منها الله واعلم .

عمر كشر : يمكن

ناديه بخبث : اوعي تكون فاكر اني مش بهتم بيها. لا دي مرات ابني الغالي . انا طلعت وخبط عليها كتير بس هي مفتحش الباب اصلها كانت مشغول .

عمر : مشغوله في ايه يعني

ناديه : سمعت صوتها بتكلم حد وبتقول يا عاطف .
ممكن يكون عميل وله حاجه . مع أن ضحكتها كانت مسمعه لآخر البيت

عمر وشه احمر من الغضب وحاسس أنه مش شايف قدامه .. : عاطف

ناديه : اهدا بس يا حبيبي . قولتلك ممكن يكون عميل

عمر اتنفس بغضب وطلع علي السلم بسرعه

يا تري هيعمل ايه في لميس ؟؟؟.

تابعو هتعرفو
.....

يتبع

.