الثاني
الساحره هيام وتحقيق الاحلام
الثاني
سبحان الله وبحمده
....
. دخل هارو مره تانيه علي هيام وانشراح
: امرك يا ست هيام
هيام بصت لانشراح : هارو ، ده الجني الخصوصي بتاعي . حاجه كده شغل فاخر من الاخر. مش بطلعه لاي حد غير للحبابيب
انشراح بخوف وهي بتبص علي هارو وبتترعش: ها .. ءء . ربنا يخليهولك يا ست هيام ،
هيام : شالله يخليكي
انشراح بصتلها : عارفه لو فكتيلي العمل . لقول لكل حبابيبي .واعملك زبون .. وكمان هجبلك كل اللي تامري بيه
هيام : بس كده . انا هفكلك العمل وافكلك أمه كمان
هيام بصت لهارو اللي واقف بييتسم : في واحده اسمها سعاد جاره الست انشراح .
هارو :عارفها مش دي الست اللي ساكنه في نفس عمارتك
انشراح.: ايوه يا خويا، عرفت منين
ضحكت هيام ما هي لسه قايله أنها جارتها
هارو: مش عفريت وله مش عفريت . المهم الست دي عملالك عمل وهفكه
هيام ؛ يلا يا هارو شوف شغلك
هارو : امرك ..
رمي هارو مكانه دخان واختفي
انشراح : كح كح . ايه ده
هيام ؛ ده هارو بيشوف شغله بس
انشراح ؛ طيب مش عايزه اي طلبات تانيه ..
هيام : طلبات زي ايه .
انشراح : يعني وزه مطلقه وله حمام جوزها مهاجر . وله بطه عندها سبع ولدات
هيام بصتلها بتفكير : انا نفسي في حمام محشي ومحشي ورق عنب
انشراح بصتلها : من عيني
.. هيام : اوعي تكوني فاكره ان دي طلباتي لا دي طلبات الاسياد . حابس حابس واللي جاي عليكم كابس . كتكوووت
انشراح : من عيني دي قبل دي . هو احنا لينا بركه غيرك انتي والاسياد . بكره زي دلوقتي يكون عندك
الحمام والمحشي
هيام : متنسيش الحلويات والفاكهه
انشراح : وده اسمه كلام . هجبلهم اللي يامرو بيه ..بس انتي خلصي موضوع سعاد
هيام : اعتبريه خلص . ده هارو بنفسه اللي راح
انشراح مشيت وهيام قعدت تعد الفلوس
****
هارو راح لسعاد و شكله مخيف.
سعاد كانت قاعده قدام التلفزيون فجاه النور طفاه
سعاد : يوه . طفي ليه ده
النور نور مره تانيه وطفي تاني وظهر هارو قدمها
سعاد صوتت واغمي عليها
.هارو ضحك ودخل علي الاوض وبهدلها وبعدين رمي ماده قدام باب الشقه
وخرج كانت سعاد بتفوق.
هارو: سعاد بنت فتكات
سعاد : بس بس بسم الله
هارو بصوت مخيف : انتي سعاد
سعاد : معملتش حاجه .انصرف . انصرف.
هارو : انتي هتمشي من هنا ومش عايز اشوفك هنا تاني ..المكان ده بقي مكاني خلاص
سعاد : ح حاضر . انا همشي حالا دلوقتي
خدت العبايه والطرحه وفتحت باب الشقه وجريت علي بره وهي بتصوت وقعت قدام الباب من الماده اللي رشها هارو.. قامت وكملت علي بره وهي بتصوت
........
ساعه ورجع هارو
هارو: ايدك علي نص الفلوس
هيام ؛ فلوس ايه
هارو: احنا هننصب من اولها عايز نصيبي من الفلوس اللي سابتها انشراح
هيام : انت مبتنساش
هارو : حقي في أيدي احسن من عشره علي الشجره ..
هيام قسمت المبلغ نصين: كده حقك
هارو: تمام ..
هيام : عملت ايه مع جاره انشراح
هارو: ده شغل عفاريت بقي
هيام : لا ، قول بجد عملت ايه
هارو : اقولك انا . اول حاجه شافتني وقعت من طولها وخافت .. وبعدين خربتلها كذا حاجه في الشقه . ثاني حاجه رميت ماده كده علي باب الشقه و ثالث حاجه ظهرتلها تاني فالوليه صوتت وعماله تشغل قرآن في الشقه وحلفت أنها هتعزل
هيام : ودخلت ازاي شقتها
هارو : طفشت الباب بشفطه
هيام : انت حرامي يا هارو
هارو ضحك : بهزر معاكي . يعني أنا عفريت هدخل إزاي . مش من الباب اكيد . فتحي مخك معايا
هيام : اه افتكرت ..
... وهما بيتكلمو
الباب خبط ..
هيام : من الجاي دلوقتي
هارو: يمكن يكون زبون
هيام قعدت بسرعه علي الكرسي ونطقت بصوت عالي : ادخل يالي عليك القصد والنيه
...
. دخلت ست لابسه عبايه سودا ومن شكلها كان باين انها خليجيه
هيام : هلا والله .. اشلونك.... اشلونك
الست فتحت عينها بصدمه : كيف عرفتي اني مو مصريه
هيام : يا جدعان مش باين اني ساحره وله ايه . اعمل ايه اكتر من كده .. ادخلي يا ست . تعالي ارتاحي .. نورتي مصر
دخلت الست وقعدت قدام هيام. اللي فضلت تقول شويه كلام اهبل ( حنبوش ابن عفرتوش ابن حلحوش . ) قولي يا شابه مالك ..
رمت البخور في النار والنار عليت
الست : انا حصه بنت عبدالله
هيام : حصه ايه يا ختي مش فاهمه معلش. عايزه تروحي للمدرسه
الست : انا اسمي حصه . مو قصدي دراسه
هيام : اه يا شابه . معلش. اصلي مليش في اللغات
حصه :شنو
هيام بصوت واطي : ها .. ايه اللبخه دي انا ناقصه
بصت للست : قولي يا حصه شكوتك ايه
حصه : جوزي يا ست هيام . مره خاين
هيام : يا ختي مره واحده ، دول الخيانه بتجري في دمهم .
قال على رأي المثل يا مأمنة للرجال يا مأمنة للمية فى الغربال
حصه : والله تعبت معاه يا ست هيام . وبالاخير عرفت انه راح يتجوز مصريه
هيام : يا ختي بيقولك .قصقصي ريش طيرك ليلوف علي غيرك
حصه : شنو . ما فهمت
هيام : يعني اسحبي منه الفلوس عشان ميبقاش معاه فلوس كتير ويتجوز عليكي
حصه : اي والله . بس هو كل شوي يجي علي مصر ويقولي شغل . ويتركني لوحدي بالدار. وبعد ما اتجسست عليه ، عرفت شنو صاير وياه
هيام بصتلها : اه قولتيلي . بصي بقي احنا عايزين نغير نفسنا .. مش هو بيحب واحده مصريه انا هقلبك مصريه
حصه : شكو
هيام : يا دي النيله .. يا ختي كلميني مصري عشان اعرف اخد وادي معاكي
حصه ؛ اوكي بيصير . شوفي بدك ايش وانا معاكي
هيام : انا عايزاكي كده تروشني نفسك.
حصه :اشلون. ما فهمت
هيام نفخت : يا بت قربي وهقولك تعملي ايه
هيام المره دي مستخدتمش السحر . هي استخدمت عقلها. عرفت من حصه أن جوزها عايز يتجوز عليها مصريه
علمت حصه كام كلمه مصريه و غيرتلها لون شعرها وقصيته وعملتلها نيولوك .
وراحت علي محل ملابس
هيام : اهم حاجه الاستايل. شايفه استايلي
حصه : وايد حلو. ابي متل هاد
هيام : ابي وله امي . كركركر
حصه : شنو هاد
هيام : دي الهدوم الل بتجيب من الاخر .. فتحي مخك معانا
حصه : اوكي . بيصير . زودي .. ابي كتير من هاد وهاد وهاد
هيام ؛ عايزاكي كده فرفوشه ونعنوشه
هيام : خدي بقي الحجاب ده تحطيه تحت راسه وكمان اول ما يقولك هيخرج ترشي من النقط دي علي العصير وشربيه
حصه : شو هاد
هيام : يا بت قولتلك اتكلمي مصري
حصه : يعني ايه ده
هيام : ده سحر جلب الحبيب . عشان ميشوفش غيرك
حصه خرجت مبلغ كبير واديته لهيام وهي فرحانه
...
هارو دخل لهيام وهو شايل كفته وكباب
هيام : في ريحه اكل . انا هموت من الجوع
هارو: هاتي حساب الست الخليجيه الاول
هيام : نعممم وانت كنت عملت ايه . انا اللي قومت بالليله لوحدي .. مش انت
هارو: بس احنا اتفقنا أن أي شغل ليا النص
هيام : خد الربع بس عشان انت معملتش حاجه .. وهات الاكل ده . اول مره اشوف عفريت مفجوع
هارو: وليه مفتريه .
. .....
اليوم اللي بعده
سمعت هيام صوت زغاريد ..
فتحت الباب ولاقت انشراح فرحانه وشايله صينيه فيها اكل كتير
انشراح : خدي يا ست هيام . اما إنما ايه يستاهل بوقك
هيام : ايه الاخبار . احكيلي
. انشراح : كله عال العال . رجعت البيت وبعد شويه سمعت جارتي بتصوت ولمت هدومها ومشيت وقالت انها مش راجعه تاني .. قالتلي أن في عفريت في شقتها وانهارده جوزها جه خد العفش ومشيو خلاص
. هيام ؛ اي خدمه يا انشراح . قولتلك هخلصك منها
انشراح : يا ختي ان شاء الله يخليكي .
....
خرجت انشراح بعد ما دفعت فلوس تاني لهيام
هيام قعدت تاكل بفجع .
هارو قعد ياكل معاها .
.هيام : واد يا هارو انت متاكد انك عفريت يا منيل
هارو: يا ست عفريت . احلفلك بايه اني عفريت .
هيام : بتاكل ليه يا واد
هارو: الاكل حلو اوي.
...
خلصو الاكل وجت حصه وهي فرحانه أن اللي عملته هيام جاب معاها نتيجه وأن جوزها كان فرحان بالتغير
هيام : استمري بقي علي نقط اللي قولتلك عليها وهو بعد كده هيبوس ايدك وينسي اي ست تاني
.حصه : بيصير خير . مشكوره يا ست هيام
دفعت حصه فلوس تاني وخرجت
هارو : نقط ايه دي اللي ادتيها للست دي
هيام : ده سر من أسرار الشغل . ملكش دعوه انت يا هارو
... ا....
وهما بيتكلمو دخل واحد وهو بيتلفت يمين وشمال
. الراجل : انتي الست اللي اسمها هيام بتاعت تحقيق الاحلام والسحر
هيام : اه . انا ،،انت مين ، وعايز ايه
الراجل : انا منير
هيام : تعال اقعد يا منير
.
بصت لهارو بقلق الراجل شكل مش مريح وعمال يلف حولين نفسه
هيام : اهلا يا استاذ منير .. اسم امك ايه
منير وهو بيحرك رأسه كل شويه : اسمها نعمات .
هيام : منير ابن نعمات . قول عايز ايه من الاسياد
رمت البخور والنار عليت اكتر
منير : حياتي مش ماشيه صح .. وكل اما اروح أخطب واحده يرفضوني
. هيام : هاااااارو
دخل هارو وهو لابس وش مخيف
هارو: شبيك لبيك يا ست هيام . تطلبي ايه
هيام : منير ابن نعمات. عايز يعرف ليه بيتمنع عنه الستات
. هارو: منير انت عليك قرين هو اللي قوي عليك واذيك ..
منير : كنت عارف . كنت عارف
هيام : والحل ايه يا هارو
هارو: الحل يضرب خمسين جلده . عشان يخرج منه
منير وقف : لا . ضرب لا .. ضرب لا
هارو ضحك بصوت مرعب وشاور لهيام تخرج من الأوضه ورمي الدخان
. : هتضرب يخرج منح القرين ..
منير : مش هضرب .. مش عايز اضرب
هارو : يا حسره عليه . يا حسره . جت رجليه
...
هيام واقفه بره بتضحك علي منير وهارو
هارو بيضرب في منير وهو بيطنط من مكان للتاني
الباب اتفتح وجري منير لبره وهو بيصوت
هارو وقع علي الارض من كتر الضحك .. وهيام بصتله : انت عملت ايه . افرض رجع وبهدلني
هارو : مش هيرجع . ده مريض نفسي
هيام : عرفت ازاي
هارو: دي اسرار شغل
******
يتبع
الثاني
سبحان الله وبحمده
....
. دخل هارو مره تانيه علي هيام وانشراح
: امرك يا ست هيام
هيام بصت لانشراح : هارو ، ده الجني الخصوصي بتاعي . حاجه كده شغل فاخر من الاخر. مش بطلعه لاي حد غير للحبابيب
انشراح بخوف وهي بتبص علي هارو وبتترعش: ها .. ءء . ربنا يخليهولك يا ست هيام ،
هيام : شالله يخليكي
انشراح بصتلها : عارفه لو فكتيلي العمل . لقول لكل حبابيبي .واعملك زبون .. وكمان هجبلك كل اللي تامري بيه
هيام : بس كده . انا هفكلك العمل وافكلك أمه كمان
هيام بصت لهارو اللي واقف بييتسم : في واحده اسمها سعاد جاره الست انشراح .
هارو :عارفها مش دي الست اللي ساكنه في نفس عمارتك
انشراح.: ايوه يا خويا، عرفت منين
ضحكت هيام ما هي لسه قايله أنها جارتها
هارو: مش عفريت وله مش عفريت . المهم الست دي عملالك عمل وهفكه
هيام ؛ يلا يا هارو شوف شغلك
هارو : امرك ..
رمي هارو مكانه دخان واختفي
انشراح : كح كح . ايه ده
هيام ؛ ده هارو بيشوف شغله بس
انشراح ؛ طيب مش عايزه اي طلبات تانيه ..
هيام : طلبات زي ايه .
انشراح : يعني وزه مطلقه وله حمام جوزها مهاجر . وله بطه عندها سبع ولدات
هيام بصتلها بتفكير : انا نفسي في حمام محشي ومحشي ورق عنب
انشراح بصتلها : من عيني
.. هيام : اوعي تكوني فاكره ان دي طلباتي لا دي طلبات الاسياد . حابس حابس واللي جاي عليكم كابس . كتكوووت
انشراح : من عيني دي قبل دي . هو احنا لينا بركه غيرك انتي والاسياد . بكره زي دلوقتي يكون عندك
الحمام والمحشي
هيام : متنسيش الحلويات والفاكهه
انشراح : وده اسمه كلام . هجبلهم اللي يامرو بيه ..بس انتي خلصي موضوع سعاد
هيام : اعتبريه خلص . ده هارو بنفسه اللي راح
انشراح مشيت وهيام قعدت تعد الفلوس
****
هارو راح لسعاد و شكله مخيف.
سعاد كانت قاعده قدام التلفزيون فجاه النور طفاه
سعاد : يوه . طفي ليه ده
النور نور مره تانيه وطفي تاني وظهر هارو قدمها
سعاد صوتت واغمي عليها
.هارو ضحك ودخل علي الاوض وبهدلها وبعدين رمي ماده قدام باب الشقه
وخرج كانت سعاد بتفوق.
هارو: سعاد بنت فتكات
سعاد : بس بس بسم الله
هارو بصوت مخيف : انتي سعاد
سعاد : معملتش حاجه .انصرف . انصرف.
هارو : انتي هتمشي من هنا ومش عايز اشوفك هنا تاني ..المكان ده بقي مكاني خلاص
سعاد : ح حاضر . انا همشي حالا دلوقتي
خدت العبايه والطرحه وفتحت باب الشقه وجريت علي بره وهي بتصوت وقعت قدام الباب من الماده اللي رشها هارو.. قامت وكملت علي بره وهي بتصوت
........
ساعه ورجع هارو
هارو: ايدك علي نص الفلوس
هيام ؛ فلوس ايه
هارو: احنا هننصب من اولها عايز نصيبي من الفلوس اللي سابتها انشراح
هيام : انت مبتنساش
هارو : حقي في أيدي احسن من عشره علي الشجره ..
هيام قسمت المبلغ نصين: كده حقك
هارو: تمام ..
هيام : عملت ايه مع جاره انشراح
هارو: ده شغل عفاريت بقي
هيام : لا ، قول بجد عملت ايه
هارو : اقولك انا . اول حاجه شافتني وقعت من طولها وخافت .. وبعدين خربتلها كذا حاجه في الشقه . ثاني حاجه رميت ماده كده علي باب الشقه و ثالث حاجه ظهرتلها تاني فالوليه صوتت وعماله تشغل قرآن في الشقه وحلفت أنها هتعزل
هيام : ودخلت ازاي شقتها
هارو : طفشت الباب بشفطه
هيام : انت حرامي يا هارو
هارو ضحك : بهزر معاكي . يعني أنا عفريت هدخل إزاي . مش من الباب اكيد . فتحي مخك معايا
هيام : اه افتكرت ..
... وهما بيتكلمو
الباب خبط ..
هيام : من الجاي دلوقتي
هارو: يمكن يكون زبون
هيام قعدت بسرعه علي الكرسي ونطقت بصوت عالي : ادخل يالي عليك القصد والنيه
...
. دخلت ست لابسه عبايه سودا ومن شكلها كان باين انها خليجيه
هيام : هلا والله .. اشلونك.... اشلونك
الست فتحت عينها بصدمه : كيف عرفتي اني مو مصريه
هيام : يا جدعان مش باين اني ساحره وله ايه . اعمل ايه اكتر من كده .. ادخلي يا ست . تعالي ارتاحي .. نورتي مصر
دخلت الست وقعدت قدام هيام. اللي فضلت تقول شويه كلام اهبل ( حنبوش ابن عفرتوش ابن حلحوش . ) قولي يا شابه مالك ..
رمت البخور في النار والنار عليت
الست : انا حصه بنت عبدالله
هيام : حصه ايه يا ختي مش فاهمه معلش. عايزه تروحي للمدرسه
الست : انا اسمي حصه . مو قصدي دراسه
هيام : اه يا شابه . معلش. اصلي مليش في اللغات
حصه :شنو
هيام بصوت واطي : ها .. ايه اللبخه دي انا ناقصه
بصت للست : قولي يا حصه شكوتك ايه
حصه : جوزي يا ست هيام . مره خاين
هيام : يا ختي مره واحده ، دول الخيانه بتجري في دمهم .
قال على رأي المثل يا مأمنة للرجال يا مأمنة للمية فى الغربال
حصه : والله تعبت معاه يا ست هيام . وبالاخير عرفت انه راح يتجوز مصريه
هيام : يا ختي بيقولك .قصقصي ريش طيرك ليلوف علي غيرك
حصه : شنو . ما فهمت
هيام : يعني اسحبي منه الفلوس عشان ميبقاش معاه فلوس كتير ويتجوز عليكي
حصه : اي والله . بس هو كل شوي يجي علي مصر ويقولي شغل . ويتركني لوحدي بالدار. وبعد ما اتجسست عليه ، عرفت شنو صاير وياه
هيام بصتلها : اه قولتيلي . بصي بقي احنا عايزين نغير نفسنا .. مش هو بيحب واحده مصريه انا هقلبك مصريه
حصه : شكو
هيام : يا دي النيله .. يا ختي كلميني مصري عشان اعرف اخد وادي معاكي
حصه ؛ اوكي بيصير . شوفي بدك ايش وانا معاكي
هيام : انا عايزاكي كده تروشني نفسك.
حصه :اشلون. ما فهمت
هيام نفخت : يا بت قربي وهقولك تعملي ايه
هيام المره دي مستخدتمش السحر . هي استخدمت عقلها. عرفت من حصه أن جوزها عايز يتجوز عليها مصريه
علمت حصه كام كلمه مصريه و غيرتلها لون شعرها وقصيته وعملتلها نيولوك .
وراحت علي محل ملابس
هيام : اهم حاجه الاستايل. شايفه استايلي
حصه : وايد حلو. ابي متل هاد
هيام : ابي وله امي . كركركر
حصه : شنو هاد
هيام : دي الهدوم الل بتجيب من الاخر .. فتحي مخك معانا
حصه : اوكي . بيصير . زودي .. ابي كتير من هاد وهاد وهاد
هيام ؛ عايزاكي كده فرفوشه ونعنوشه
هيام : خدي بقي الحجاب ده تحطيه تحت راسه وكمان اول ما يقولك هيخرج ترشي من النقط دي علي العصير وشربيه
حصه : شو هاد
هيام : يا بت قولتلك اتكلمي مصري
حصه : يعني ايه ده
هيام : ده سحر جلب الحبيب . عشان ميشوفش غيرك
حصه خرجت مبلغ كبير واديته لهيام وهي فرحانه
...
هارو دخل لهيام وهو شايل كفته وكباب
هيام : في ريحه اكل . انا هموت من الجوع
هارو: هاتي حساب الست الخليجيه الاول
هيام : نعممم وانت كنت عملت ايه . انا اللي قومت بالليله لوحدي .. مش انت
هارو: بس احنا اتفقنا أن أي شغل ليا النص
هيام : خد الربع بس عشان انت معملتش حاجه .. وهات الاكل ده . اول مره اشوف عفريت مفجوع
هارو: وليه مفتريه .
. .....
اليوم اللي بعده
سمعت هيام صوت زغاريد ..
فتحت الباب ولاقت انشراح فرحانه وشايله صينيه فيها اكل كتير
انشراح : خدي يا ست هيام . اما إنما ايه يستاهل بوقك
هيام : ايه الاخبار . احكيلي
. انشراح : كله عال العال . رجعت البيت وبعد شويه سمعت جارتي بتصوت ولمت هدومها ومشيت وقالت انها مش راجعه تاني .. قالتلي أن في عفريت في شقتها وانهارده جوزها جه خد العفش ومشيو خلاص
. هيام ؛ اي خدمه يا انشراح . قولتلك هخلصك منها
انشراح : يا ختي ان شاء الله يخليكي .
....
خرجت انشراح بعد ما دفعت فلوس تاني لهيام
هيام قعدت تاكل بفجع .
هارو قعد ياكل معاها .
.هيام : واد يا هارو انت متاكد انك عفريت يا منيل
هارو: يا ست عفريت . احلفلك بايه اني عفريت .
هيام : بتاكل ليه يا واد
هارو: الاكل حلو اوي.
...
خلصو الاكل وجت حصه وهي فرحانه أن اللي عملته هيام جاب معاها نتيجه وأن جوزها كان فرحان بالتغير
هيام : استمري بقي علي نقط اللي قولتلك عليها وهو بعد كده هيبوس ايدك وينسي اي ست تاني
.حصه : بيصير خير . مشكوره يا ست هيام
دفعت حصه فلوس تاني وخرجت
هارو : نقط ايه دي اللي ادتيها للست دي
هيام : ده سر من أسرار الشغل . ملكش دعوه انت يا هارو
... ا....
وهما بيتكلمو دخل واحد وهو بيتلفت يمين وشمال
. الراجل : انتي الست اللي اسمها هيام بتاعت تحقيق الاحلام والسحر
هيام : اه . انا ،،انت مين ، وعايز ايه
الراجل : انا منير
هيام : تعال اقعد يا منير
.
بصت لهارو بقلق الراجل شكل مش مريح وعمال يلف حولين نفسه
هيام : اهلا يا استاذ منير .. اسم امك ايه
منير وهو بيحرك رأسه كل شويه : اسمها نعمات .
هيام : منير ابن نعمات . قول عايز ايه من الاسياد
رمت البخور والنار عليت اكتر
منير : حياتي مش ماشيه صح .. وكل اما اروح أخطب واحده يرفضوني
. هيام : هاااااارو
دخل هارو وهو لابس وش مخيف
هارو: شبيك لبيك يا ست هيام . تطلبي ايه
هيام : منير ابن نعمات. عايز يعرف ليه بيتمنع عنه الستات
. هارو: منير انت عليك قرين هو اللي قوي عليك واذيك ..
منير : كنت عارف . كنت عارف
هيام : والحل ايه يا هارو
هارو: الحل يضرب خمسين جلده . عشان يخرج منه
منير وقف : لا . ضرب لا .. ضرب لا
هارو ضحك بصوت مرعب وشاور لهيام تخرج من الأوضه ورمي الدخان
. : هتضرب يخرج منح القرين ..
منير : مش هضرب .. مش عايز اضرب
هارو : يا حسره عليه . يا حسره . جت رجليه
...
هيام واقفه بره بتضحك علي منير وهارو
هارو بيضرب في منير وهو بيطنط من مكان للتاني
الباب اتفتح وجري منير لبره وهو بيصوت
هارو وقع علي الارض من كتر الضحك .. وهيام بصتله : انت عملت ايه . افرض رجع وبهدلني
هارو : مش هيرجع . ده مريض نفسي
هيام : عرفت ازاي
هارو: دي اسرار شغل
******
يتبع