صفقة على شرف أنثى البارت 3

رواية
صفقة على شرف أنثى
الفصل الثالث





*******************************
ندى في البارت اللي فات أخبرت والدتها بأنها ستذهب بزيارة لبيت حماها وحماتها هي وزوجها عصام وستسبقه هي حتى يعود من الشغل على بيت حماها الذين يقطنون بالاسكندرية أيضا.... وفور سماع والدتها بذلك طلبت منها الام ان تبلغهم سلامها فور لقائهم، فأجابتها ندى بأنها ستفعل ذلك وتبلغهم سلامها عند وصولها لقصرهم ثم اغلقت الهاتف معها واستقلت سيارتها وذهبت إلى قصر أهل زوجها أحمد المحمدي
...وفور وصولها استقبلتها الخادمة فالقت عليها التحية وسألتها قائلة طنط ألفت موجودة ،فردت الخادمة التحية وقالت لها الهانم بالصالون يا مدام ندى اتفضلي حضرتك
فردت ندى عليها وشكرتها قائلة: ميرسي ،ثم دخلت فاستقبلتها السيدة ألفت بالترحيب قائلة: أهلا يا ندى تعالي وحشتيني ("مدام ألفت إمرأة في الخمسين من عمرها تتمتع ببعض الجمال سيدة أعمال لكنها تعاني من مرض السكر مما جعلها تلقي بمسؤولياتها والشركة التي ورثتها عن ابيها على كاهل زوجها أحمد المحمدي وهي رغم أنها من الطبقات الارستقراطية الا انها تتميز بالتواضع والاجتماعية وتمتاز بخفة الدم والبشاشة وتعشق ندى كثيرا فهي من اختارتها زوجة لابنها عصام عن طريق لقاءها بوالدة ندى باحدى النوادي ")
فاجابتها ندى بابتسامة: صباح الخير يا طنط ازي حضرتك عاملة إيه
حماتها: تمام يا حبيبتي الحمد لله... بس انتي عارفة السكر هو اللي تاعبني....بس طمنيني عنك انتي وعن عصام أخباره ايه
ندى : أنا كويسة الحمدلله وعصام تمام ومشغول بشغله اوي يا ماما
ألفت: ربنا يعينه مسؤلياته زادت المهم عندي ان يكون بخير ويهتم بنفسه وصحته ...ونادت على الخادمة تجهز الغداء
ندى: لا ميرسي ياطنط ماليش نفس لحاجة دلوقتي
ألفت: بقا كده يا ندى كل ما تيجي القصر واطلب منك تاكلي معايا تقوليلي ماليش نفس ده أنا باقول عليكي بنتي التانية بعد فدوى ...ده انا حتى فرحت لما عصام بلغني انكم جايين تقضوا معايا اليوم انا وحماكي
ندى: وانا كمان انبسطت اوي لما عصام قالي اسبقه على هنا لحد ما يخلص شغله ويجي لانكم وحشتوني اوي
ألفت: عصام ما قالش انه هيتاخر كده ووعدني يجيبك ويجي
ندى:عصام راح الشركة وهيخلص ويجي على هنا
ألفت: وعمك راح يخلص شغل بالشركة عالسريع وهيجي عالغداا عنشان نقضي اليوم كلنا مع بعض

ندى :فدوة أخبارها ايه
ألفت: كويسة هترجع من أمريكا على اخر الشهر
ندى: ربنا يوفقها في دراستها يارب هي وشادي أخويا
ألفت:يارب يا حبيبتي ويسعدك .... باقولك تعالي نتصل عليها ونكلمها شوية
ندى: اوكي تعالي ده حتى وحشاني اوي يا ماما
واتصلت مدام ألفت على ابنتها المقيمة بأمريكا

ألفت : ألووو :فدوة عاملة ايه يا حبيبتي اخبارك ايه
البنت: الحمدلله بخير انتوا اخباركم ماما وحشتونى اوي باعتذر يا ماما ما كلمتكيش الفترة اللي فاتت انتي عارفة فرق التوقيت وبارجع تعبانة من امتحانات السنة دي

الام: احنا بخير ربنا يوفقك يا عمري المهم تخلي بالك من نفسك
البنت : تسلميلي ماما
الام: حذري فزري مين معايا دلوقتي
فدوة: مين ماما
الام: ندى يا حبيبتي جات تقضي اليوم معانا هي وأخوكي عصام هو كمان هيجي بعد ما يخلص شغله وهنسهر مع بعض
فدوة: بجد طيب فينها خليني احكي معاها دي وحشتني اوي
ألفت:،خودي يا ندى كلمي فدوة
ندى: اوكيه ثم انتقلت وجلست بجوار حماتها :صباح الخير يا دودي عاملة ايه يا حبيبتي
فدوة: الحمدلله بخير يا قلبي عصام عامل ايه واخباره ايه معاكي
ندى: اه كويس اوي
فدوة: يارب يسعدكم يااارب ...ثم اخدهم الوقت حتى اتى حماها أحمد المحمدي والقى عليهم التحية وسلم على ندى ثم جلس ليرتاح قليلا ("أحمد المحمدي هو رجل بأواسط الخمسينات من عمره يتميز ببعض الوسامة نشيط مكافح بنى إمبراطورية المحمدي بذكائه واجتهاده يعتبر ندى كابنته وانها الوحيدة التي تليق بابنه وستقف بجانبه حتى يستمر على دربه")

ألفت:بنتكلم مع فدوة يا أحمد

احمد المحمدي: بجد طيب خليني احكي معاها شوية
ثم بدأ يتحدث هو الاخر مع ابنته
الاب: عاملة ايه يا حبيبتي اخبارك ايه

الابنة: كويسة بابا انتا عامل ايه يا حبيبي

الاب: تمام يا قلب بابا المهم انتي عندي وهتيجي امتا بقا وحشتيني

فدوة :على اخر الشهر يا بابا اخلص امتحاناتي وارجع

وظلوا يتحدثون بعض الوقت وبعد ان انهى حديثه مع ابنته واغلقوا الخط فقال لزوجته انا راح اصعد لغرفتي أبدل ثيابي على ما يأتي عصام من شغله ونتغدى سوى

الحجة زينب: على راحتك يا حبيبي ثم قالت لندى تعالي معايا نشوف الخدم عملوا ايه بالمطبخ
ندي: اوكيه
ثم دخلا المطبخ واعدت إحدى الخادمات لندى فنجان قهوة فرنسي

وبعد قرابة الساعة جاء عصام وجلسوا يتسامرون ويضحكون وقضوا سهرتهم مابين حكايات عن الاهل والأصحاب والعمل وصفقته مع خالد ثم بعدها ذهب عصام وندى الى فيلتهم وأثناء عودتهم قالتله ندى بصراحة كانت سهرة حلوة اوي بجد بابا وماما ناس مافيش منهم في الزمن ده
عصام: فعلا هما مختلفين وطبين اوي وقريبين من القلب حبوكي بسرعة يا قلبي... ده انتي اختيارهم في الأساس
ندى: عارف انا بجد حبيتهم اوي كأنهم أهلي ربنا يديهم الصحة ويبارك في عمرهم يارب
عصام: آمين يارب

--------------------------------------------------
وبعد عدة ايام وبعد ان استقر أحمد بشغله وبسكنه الجديد واستلم مهام عمله بالكامل وصار مسؤولا عن فرع الشركة بالاسكندرية قرر ومن أول يوم عمل جولة داخل الشركة ليتفقد سير العمل بالشركة فقابله احد المهندسين المسؤولين عن العمل بالمشروع قائلا له: ممكن اخد من وقت حضرتك خمس دقايق يا باشمهندس في حاجة مهمة ولازم حضرتك تعرفها
أحمد: اتفضل حاجة ايه دي
المهندس: بخصوص المشروع انا من المهندسين اللي موجودين بأرض المشروع والمسؤول عن العمال والشغل هناك وفيه حاجة كنت عايز حضرتك تيجي تشوفها بنفسك لانه الشغل بقاله يومين يعتبر واقف بسببها
أحمد: خير مشكلة يعني في المون مثلا او في المخططات
المهندس: لا مش مشكلة بالمون ولا تفاصيله بس المهندس محمود اللي قبل حضرتك له ناس شغاله معانا بالمشروع هو اللي كان جايبهم تبع مقاول من معارفه وصبحي بيه ما رضيش يقطع عيشهم وقال هم مالهمش ذنب وسابهم بس بصراحة هما مش شايفين شغلهم صح وبيفتعلوا المشاكل كل يوم
أحمد: طيب تعالى نقعد بمكتبي واشرحلي ازاي يعني وليه بيعملوا كل ده وماحدش قالي ليه قبل كده
المهندس: تمام ثم ذهب معه للمكتب وبعد ان جلس
سأله احمد قائلا: احكيلي كل حاجة بالتفصيل
المهندس: الموضوع بخصوص العمال عاملين اضراب عن الشغل ولو حد كلمهم بيقولوا انهم ما اخدوش حقوقهم ومستحقاتهم بقالهم شهرين وانهم مش هيشتغلوا غير لما ياخدوا حقهم وانا تعبت معاهم واعطيتهم جزء من المبلغ ورجعوا عملوا اضراب تاني وعطيتهم جزه كذا مرة على تقصيرهم وتسببهم في تعطيل العمل وقولتلهم اني هاحكي مع حضرتك بس نشوف شغلنا بالاول وما فيش فايدة ما سمعوش مني خالص وصبحي بيه ما أعطنيش الصلاحية الكافية اني افصل أي حد يتجاوز بالشغل او يغلط وبيقولي دول عمال غلابة وما ينفعش نيجي عليهم بزيادة
أحمد: طيب هم من امتا بيشتكوا
المهندس: من يومين وحاولت معاهم بس مافيش فايدة كل يوم بيجوا بس ما بيشتغلوش والمقاول بتاعهم بيجيبهم ويمشي علطول وحاولت اكلمه كذا مرة بس مش لاقيه بحسه بيتهرب مني وبيترك أزمة العمال عليا كأمر واقع
أحمد: وهو مين رئيس العمال اللي بيجيبهم ومسؤول عنهم
المهندس: ده مقاول عمال تبع المهندس محمود اللي مسؤول قبل حضرتك ما تستلم الشغل هنا
أحمد: اه فهمت طيب تعالى معايا هنروح الموقع سوا ونشوف المشكلة دي ولو فعلا بيعملوا كده عشان تأخير اجورهم يبقى نشوف حل لمشكلتهم بدل الجزاءات وقطع عيشهم دول عمال غلابة ما يرضيش ربنا تيجي عليهم
المهندس: تحت امرك يا باشمهندس ...ثم ذهب أحمد والمهندس الى الموقع واحضر كبير العمال ومعه بعض العمال
وسألهم: عايز اعرف بقا ليه بتعملوا مشاكل ومش بتشتغلوا وموقفين الشغل ليه وانتوا عارفين ان فيه ده خساير كبيرة

الكل صار يتكلم مع بعض بنفس الوقت فاحمد لم يفهم شيء فقال لهم واحد بس اللي يتكلم ويقول مشكلته عشان افهم سوء التفاهم ده واحله لان نظام الهرج ده ما ينفعش هنا

فرد احد العمال قائلا:انا هاشرح لحضرتك كل حاجة
أحمد: تمام اتفضل اشرح

العامل: حضرتك احنا اللي جابنا هنا الحج عبدالله مقاول كبير تبع المهندس محمود اللي كان رئيس الشركة قبل حضرتك ومن قبل ما المهندس محمود ما يمشي وهو ما ادناش حقوقنا وبعتنا شكوى للشركة وما حدش رد علينا وكل ما نكلمه يقولنا كلمت صبحي بيه والمهندس محمود ولسه ما حدش رد عليا

احمد: المهندس أيمن قالي انكم ما اخدتوش مستحقاتكم من شهرين الا جزء مقدما

العامل: فعلا من شهرين يا باشمهندس ودي مدة كبيرة اوي على ناس غلابة زيينا عندها بيوت وأسر بتصرف يوميا

أحمد: طيب فين المقاول بتاعكم ليه ما راحش لمكتب مدير الشركة صبحي باشا بنفسه او حتى اتصل بيه وليه ما جاش ليا الشركة لما استلمت الشغل بدل الاضراب ده وتعطيل العمل

العامل: فعلا كلمناه بس مافيش رد من الشركة خالص واحنا ربنا عالم بحالنا حضرتك عارف عامل اليومية فاضطرينا للاضراب كحق مشروع لينا

أحمد: خلاص ولا يهمكم هتتحل وأنا عارف كويس حالكم انا من أسرة فقيرة وعيشت نفس الوضع وعارف ان ده حقكم بس ما تقلقوش النهاردة بإذن الله هتاخدوا كل مستحقاتكم المالية والجزاءات اعتبروها ملغية ما فيش جنيه واحد هيتخصم من اي عامل فيكم خليكم مطمئنين ...ثم قال للمهندس المقاولة بتاعهم يجي ياخد نصف مستحقاتهم النهاردة والنصف التاني خلال اسبوع هيتصرف ليهم من الإدارة المالية للفرع وعشان اعرف هو ليه سايب العمال كده

المهندس: تمام هحاول ابلغه باي شكل يجي لحضرتك الشركة

أحمد نظر للعمال وقال لهم :بعد كده لو حصلت معاكم اي مشكلة لازم تتكلموا وتحكوا مشكلتكم عشان نحلها بدل تعطيل الشغل والاضرابات ده تمام .لان الافضل اننا نحل المشكلة مش كده ولا ايه

العمال: صح يا باشمهندس واكمل عامل من بينهم قائلا:بس حضرتك عارف ظروف الحياة والعيشة والغلاء واليومية يادوب بتكفي وبقالنا شهرين ما قبضناش فغصب عننا بنعتذر اننا عملنا كده بس الاضراب عن العمل حق مشروع للعامل صح

احمد: عارف وكلامكم صح مية بالمية ولا يهمكم أنا هتصرف وان شاء الله كل عامل هياخد حقه بما يرضي الله وما حدش هيتاكل حقه بعد كده وكل اسبوع هتاخدوا اجوركم كاملة ولو المقاول فكر انه ياكل حقكم لازم تبلغوني عشان اوقفه عند حده تمام

العمال: تمام يا باشمهندس ربنا يكرمك ياااااارب

احمد: يالا بقا شوفوا شغلكم بلاش كسل وخليكم مطمئنين ان فلوسكم هتوصلكم قبل ما تروحوا سلام عليكم

العمال: وعليكم السلام يا هندسة

وذهب الكل وبدأوا بمباشرة عملهم وهو أيضا ذهب لمكتبه وهو مرتاح النفس والبال وبدأ بممارسة مهام عمله دون مشاكل
ثم نادى على سكرتير مكتبه وقاله : عايزك تعرفلي المقاول ده ليه ما كانش بيجي ياخد اجور العمال وليه قالهم انه قدم شكوى بالكذب تمام
المهندس المساعد: وكمان المحاسب يا باشمهندس برضه حضرتك لازم تعرف ليه ما قالش ليكم عن موضوع تأخير يوميات الناس بالشكل ده

أحمد: اكيد طبعا هاعرف منه كل حاجة و على العموم لازم اعمل إجتماع لكل رؤساء الاقسام في الشركة عشان اعرف الشغل ماشي ازاي وانتا بما انك المسؤول عن الموقع هتحضر وتعرفني كل امور الشغل ماشية ازاي بالمشروع تمام
المهندس: تمام تحت امرك يا باشمهندس

وبالفعل على اخر اليوم جاء المقاول وذهب إلى أحمد كما طلب
فسأل المقاول السكرتير قائلا: احمد بيه موجود
السكرتيرة: موجود يافندم اتفضل... أقول ميين
المقاول: بلغيه ان الحج عبد الله المقاول جه لمكتبك كما طلبت
السكرتيرة: دقيقة ابلغه ثم رفعت الهاتف وقالت لأحمد الحج عبدالله عايز يقابل حضرتك

أحمد: دخليه علطول
ردت السكرتيرة عليه: تمام يافندم واغلقت الخط ثم قالت للمقاول اتفضل احمد بيه بإنتظارك

فدخل المقاول والقى التحية على أحمد وهو متوتر لانه يعلم جيدا ان أحمد سيسأله عن موضوع العمال فدخل وقال لاحمد
مساء الخير يا باشمهندس

فرد عليه أحمد التحية وقاله مساء النور ياحج عبدالله اتفضل استريح ثم سأله قائلا :قولي ياحج عبدالله ليه العمال ما اخدوش اجورهم من شهرين لحد ما العمال عملوا اضراب ووقفوا الشغل لأيام

المقاول بتلجلج وتلعثم: الحقيقة الموضوع مش بايدي يا باشمهندس المحاسب المسؤول كل ما اجي واقوله على المستخلص يقولي مافيش سيولة اليومين دول اصبر شوية انا كلمت صبحي باشا وهو هيتصرف والكلام ده

أحمد وهو يحرك رأسه فرفع سماعة الهاتف وقال للسكرتيرة ابعتيلي المحاسب مدحت فورا
السكرتيرة: حاضر يافندم

مرت برهة من الوقت وبعد خمسة دقائق جاء المحاسب ....ولما وجد الحاج عبدالله تلعثم أيضا في الكلام وقال خير يا باشمهندس

أحمد: فهمني بقا انتا لما جالك الحج عبدالله المقاول لحد مكتبك وطلب مستخلص اجور العمال المتأخرة ليه قولتله مافيش سيولة وانتا عارف العمال دول ظروفهم ايه...ايه غرضك بقا عشان تأخر عليهم حقهم بالشكل ده
المحاسب بتوتر وارتباك وظل ينظر للمقاول فقال: ما هو يعني ماكنش فيه سيولة قبل حضرتك ما تستلم الفرع

أحمد فهم انه في لعبة بالموضوع فما حاولش يبين للمحاسب فطنته بذلك فقال تمام اصرف للعمال كل مستحقاتهم وما تخصمش ولا مليم من اجر اي واحد فيهم وبكرة هنتكلم في الاجتماع باستفاضة عن كل حاجة
فرد عليه المحاسب بتلعثم : تحت امرك يا باشمهندس

أحمد: اتفضل مع المحاسب ياحج عبدالله هيصرفلك مستخلص مستحقات العمال وخلي بالك لو خصمت قرش واحد من أجرهم هاعرف وهيبقى ليا حساب تاني معاك وبعد كده ما تأخرش عليهم حقهم الناس ربنا عالم بيهم هما بيشتغلوا عشان يلاقوا ياكلوا مش بيشتغلوا عشان يحوشوا

المقاول: تحت امرك يابيه ثم ذهب مع المحاسب وهما يتأففان ضيقا من كلام المهندس أحمد ويتحدثان سويا
المحاسب: شكله هيخربلنا شغلنا مع المهندس محمود
المقاول: انا ماليش صالح بشغلكم بعد النهاردة انا مش مستعد اخسر شغلي عشان حد
فرد عليه المحاسب: انتا واحد جبان لما كان المهندس محمود هنا كنا بناكل الشهد من وراه لكن ده شكله هينشفها على الاخر
المقاول: ماليش دعوة بيكم ياعم اديني المستخلص خليني اروح اقبض الناس
المحاسب: خلاص خلاص تعالى معايا الحسابات وخود مستحقاتك وخلصني


---------------------------------------------------
وباليوم التالي بفيلا عصام وقبل أن يذهب إلى الشركة قال لندى حبي جهزي نفسك عشان هنروح نقضى البريك في أفضل مكان تختاريه بنفسك.
ندى بفرحة: بجد يا عصومتي هتاخدني فين بقا
عصام: بجد ياقلب عصومتك واخذها بحضنه وقبلها بجبينها ثم قال لها المكان اللي تختاريه انتي هنروحه يا قلبي .

ندى: اوكي بما اننا في اسكندرية حاليا فعايزة اروح على البحر ممكن؟
عصام: من عيوني ياقلبي هنروح على البحر ...بس لما ارجع الاقيكي جاهزة عشان هنخرج مباشرة اوكيه
ندى: اوكيه يا قلبي ثم قبلته بخده
فتبسم عصام ثم قال لها: يالا ياقلبي سلام مؤقت
ثم خرج وذهب إلى الشركة.

وبعد خروج عصام خرجت ندى وجلست بحديقة الفيلا واتصلت على إنجي صديقتها
إنجي: صباح الجمال ايه ياندوش ايه الحلاوة دي لأ لأ انا كده هاتشجع واوافق على مصطفى ابن عم بابا
ندى: ايه ده هو انتي جالك عريس امتا وفين وازاي احكيلي وليه ما اتصلتيش بيا تقوليلي اتكلمي هموتك.

انجي: ههههه براحة يابت هاحكيلك اهدى
بص ياستي مصطفى ده يبقى قريب بابا من ناحية تيته بس هما عايشين بالمانيا بحكم شغل باباه.

ندى: يعنى لما تتجوزوا هتعيشوا بالمانيا
انجي: اه
ندى: انتوا عارفين بعض كويس ولا مجرد قرايب وخلاص
انجي: لأ نعرف بعض كويس طبعا لكن ماكانش في تفكرينا جواز ولا حاجة
ندى: ما فهمتش
انجي: خلاص هاحكيلك اسمعي يا قلبي هو لما كان بينزل مصر مع اهله اجازات كان دايما معظم الوقت بنقضيه مع بعض ك قرايب ولم جه بقا يفكر بالجواز فمامته هي اللي قالتله عليا وهو وافق لانه طلع بيحبني وكان ناوي اصلا يفاتح اهله بالموضوع بس خاف ارفض طبعا فلمحلي وانا فهمت واديتله موافقة بطريقة غير مباشرة فهو راح وكلم اهله علطول ومجرد ما قال لمامته وابوه راح جاب مامته وأبوه واتقدملي رسمي والخطوبة الاسبوع الجاي إن شاء الله ها ارتحتي حكيتلك بالتفصيل اهو.

ندى: اكيد انتي اختي وحبيبتي وعايزة اطمن عليكي
انجي: تسلميلي ياندوش يا قلبي انتي قوليلي بقا عصام اخباره ايه معاكي بيحبك ولا روتيني
ندى: بصراحة كويس جدا وبيحبني اوي اوي كمان
انجي: ربنا يسعدكم دايما يارب
ندى: بس انتوا هتعملوا الفرح مباشرة ولا هتستنوا شوية؟

انجي: بعد اربع شهور من الخطوبة بس بألمانيا عشان مش هينفع يسيب شغله وحاله هناك وينزل مصر وكمان اكون خلصت امتحانات اخر الترم واكون كده خلصت الجامعة وابقى اكمل هناك دراستي لو حبيت.
ندى: ربنا يوفقك ويسعدك يارب
انجي: اكيد هتيجوا تحضروا الفرح انتي وعصام واهو منه اشوفك عشان وحشتيني
ندى: إن شاء الله هاقول لعصام ونشوف ظروف شغله وبعدين أبلغك ياقلبي ربنا يسهل ونقدر نحضر وبعدين لسه بدري لما يجي وقتها المهم الف مبروك ياحبيتي وربنا يسعدك وما تقلقيش انا جاية جاية
انجي: الله يبارك فيكي ياقمر ...اكيد طبعا لما انتي ما تجيش مين هيجي بقا
ندى: ابقى صوريلي الخطوبة عايزة اشوفك اوكيه
انجي: اوكيه من عيوني بث مباشر كمان
ندير: طيب ياحبيبتي ألف ألف مبروك ربنا يفرحك ويسعدك يالا سلام بقا روحي شوفي تحضيرات الخطوبة الاسبوع بيعدي فى دقيقة وانا هحاول اشوف ظروفي واحضر
انجي: معاكي حق مصطفى جاي دلوقتي اساسا وهنخرج سوا نشتري شوية حاجات يالا سلام يا قلبي
ندى: سلام يا انوج وابقى سلميلي على طنط وعمو كتير ماشي
انجي: اكيد ياحبيبتي تسلميلي انتي يارب .... هتوحشيني اوي خلي بالك من نفسك .
وبعد ما خلصت المكالمة وصل عصام الفيلا ودخل متعصب اوي
ندى: فيه ايه يا حبيبي .....


يتبع.......
_____________€
# بقلمي

عمر يحيى