اختفاء مفاجئ "الجزء الاول"
في مكان شبه الڤيلا كده على جبل عالي و شكله شيك جدا و ديكوراته رقيقة و بسيطة كان فيه مجموعة من البنات قاعدين سوا و سهرانين سهرة من سهرات البنات المعروفة ب الضحك و الهزار و الرغي و النميمة على فلانة و علانة و بنت منهم كانت واقفة قصاد المراية و بتبص على سنانها و هي بتقول لهم
ميرنا : انا حاسة أن صف اسناني اللي فوق مايل كده شوية و مش متظبط ، و انتوا شايفين ايه يا بنات ؟
صافي اللي كانت واقفة ورا بار المطبخ : يا بنتي ارحمي نفسك تفصيص و ارحمينا معاكي مش كده كل شوية تقفي قدام المرايا تطلعي في نفسك اي كارثة و خلاص و بعدين انتي جميلة اوي و زي القمر كمان
داليا قاعدة بتاكل ب شراهة : و بعدين يعني حتى لو مايلة شوية ايه المشكلة في كده مش فاهمه انا ، اكيد يعني مش هتروحي تعملي لها تقويم ، ولا ايه ؟!
ميرنا : و ليه لأ بقى ! على ما اعتقد أن أنا محتاجة اعمل التقويم ده فعلا
داليا قامت من مكانها و راحت ناحية صافي اللي كانت بتعمل فشار و هي قايمة من مكانها و هيغم عليها من جمال الريحة و بتقول لها
داليا : يا روحي انا ، يا احلى و اجمل صوت طرقعة بسمعه في حياتي
ميرنا بتمشي من قدام المرايا و هي بتجري و بتنط تنقعد على الكنبة و بتقول لهم : ها يا بنات ، هنتفرج على ايه النهارده في التليفزيون ؟!
ملك اللي كانت نايمة على الكنبة و بتتفرج على التليفزيون : هنتفرج على صرخة
داليا : صرخة ! و ده بيتكلم عن ايه ده ولا بتاع مين ؟!
ميرنا و هي ماسكة التابلت و بتجيب من عليه الفيلم : فيلم "Scream" يا دودي ، ايه متقوليش انك مش عارفاه ده فيلم رعب مشهور جدا و نزل و اتعرض في السينمات في فترة التسعينات
ملك بتغمز ل ميرنا : يا فاهمني انت ، والله يا بنتي ما فيه حد بيفهم دماغي هنا غيرك انتي
داليا ب خضة : ايه ! رعب ؟ انتوا هتفرجونا على فيلم رعب بجد ؟!
ميرنا : أيوة يا بنتي مالك فيه ايه
داليا : بس انا بخاف من الأفلام الرعب يا بنات ما انتوا عارفين
ميرنا : ما هو ده الهدف الأساسي من الأفلام الرعب يا داليا اننا لازم نخاف ، اومال هو اسمه رعب ليه يعني
صافي بعد ما خلصت الفشار و خرجت لهم ب الطبق و هي بتضحك و بتقول لهم : ياللا يا بنات ياللا انا خلصت الفشار اهو و جاهزة ، شغلوا الفيلم بقى
ملك : طيب مش هنستنى ندى لما تيجي الاول
صافي : ندى اكيد مش هتيجي
ميرنا ب استغراب : ايه ده ! ندى مش هتيجي ليه ؟!
صافي : لأن الهانم عندها ميعاد غرامي ، هتقابل الجو بتاعها النهارده .. يعني ب معنى الاصح كده هي منفضه لنا النهارده
ميرنا : امممم الجو قولتي لي
داليا ب ضحكة مخالطها فضول و بتاكل من الفشار : ندى طلع عندها جو ! اكيد غني و حد معروف طالما مقالتش حتى اسمه
صافي بتضحك على شكلها و طريقتها و بتقوم تاخد طبق الفشار من قدامها و هي بتقول لها : الفشار ده انا عملته لينا كلنا عشان كلنا ناكل منه و احنا بنتفرج على الفيلم يا انسة مفجوعة و انتي هتخلصيه قبل ما نقعد أماكننا حتى
داليا ب طفولة : اعمل ايه طيب ما انا بقول لك جعانة ، جعااانة .. و بعدين انتوا جيبيني في مكان مقطوع و مفيهوش حد اجيب منه اكل او اطلب منه دليڤيري حتى ، يعني انتي فكراني باكل كده ب مزاجي يا ست صافي ؟ ما انا لازم اعمل كده عشان انا لما بجوع اوي السكر عندي بيوطى و تبدأ بقى ايديها و رجلي يترعشوا .. و لو مكانش كده مكنتش اكلت خالص والله لكن اعمل ايه بقى انا مريضة سكر و لازم تاخدوا بالكم مني اكتر من كده ها
ملك بعد ما الفيلم حمل نطت من على الكنبة و هي بتقول لهم : الفيلم جاهز يا بنات ياللا كل واحدة تقعد مكانها عشان اشغل الفيلم
صافي بتقوم من مكانها و رايحة على كبس النور و هي بتقول لهم : طيب ابدأوا انتوا و أنا جاية بسرعة .. " و بعد ما طفت النور رجعت قعدت جنبهم و هي بتقول لهم" .. كده احلى عشان نعيش في جو الفيلم اكتر
داليا قاعدة خايفة : احيه بقى عليكوا انتوا مصممين يعني على الرعب ده طيب ما تشغلوا لنا فيلم كوميدي أو رومانسي اي حاجة حلوة كده
ميرنا قاعدة جنبها : يا ستي بقى بلاش تقرفينا ، بصي انا هقول لك على حل حلو .. انتي لو لاقيتي نفسك خايفة اوي ابقي غمضي عينيكي و سدي ودانك و ب الطريقة دي لا هتشوفي ولا هتسمعي حاجة
داليا : دمك تقيل و بطلي رخامة بقى
صافي بتضحك هي و البنات و بتقول لهم : طب خلاص بس بقى كفاية رغي الفيلم هيبدأ خلونا نتفرج
و اول ما الفيلم بدأ التليفون الارضي رن و صافي اتضايقت و قالت
صافي : يوووه بقى مين البارد اللي بيتصل دلوقتي مش عارفين نتفرج على الفيلم
داليا : احسن تستاهلوا
و قامت صافي عشان ترد و هي سايبة البنات عمالين يزاولوا في بعض و راحت هي ردت على التليفون و هي بتقول
صافي : الو
صوت رجالي غليظ و مخيف : مساء الخير يا حلوة ، يا ترى بتعملي ايه انتي و الحلوين اصحابك اللي معاكي في مكان مهجور زي ده و في وقت متأخر كده ؟ ايه مش خايفين لا حد يطلع عليكم يسرقكم ولا يعمل فيكوا حاجة أو يقتلكم مثلا ولا ايه ؟!
صافي ب حدة : انت مين و عايز ايه ؟!
الصوت : الحقيقة انا عايز اتعرف عليكم اكتر عن قرب اصلي بقالي كتير اوي براقبكم من بعيد و أن الاوان بقى نتعرف .. بصراحة انتوا جامدين اوي
صافي مردتش و بقت واقفة تبص حواليها ب خوف و معالم الرعب باينة على ملامحها و البنات لاحظوا ده ف ميرنا قامت من مكانها و بتروح لها و هي بتقول لها
ميرنا : مين يا صافي ؟ و بيقول لك ايه عشان لونك يبقى مخطوف ب الشكل ده ؟!
صافي بتفتح مكبر الصوت و كلهم اتلموا حواليها و هي مش بترد : .....
الصوت : حلو اوي كده ، انتوا كده كلكم سامعين كلامي اللي هقوله دلوقتي ..
ميرنا : انا حاسة أن صف اسناني اللي فوق مايل كده شوية و مش متظبط ، و انتوا شايفين ايه يا بنات ؟
صافي اللي كانت واقفة ورا بار المطبخ : يا بنتي ارحمي نفسك تفصيص و ارحمينا معاكي مش كده كل شوية تقفي قدام المرايا تطلعي في نفسك اي كارثة و خلاص و بعدين انتي جميلة اوي و زي القمر كمان
داليا قاعدة بتاكل ب شراهة : و بعدين يعني حتى لو مايلة شوية ايه المشكلة في كده مش فاهمه انا ، اكيد يعني مش هتروحي تعملي لها تقويم ، ولا ايه ؟!
ميرنا : و ليه لأ بقى ! على ما اعتقد أن أنا محتاجة اعمل التقويم ده فعلا
داليا قامت من مكانها و راحت ناحية صافي اللي كانت بتعمل فشار و هي قايمة من مكانها و هيغم عليها من جمال الريحة و بتقول لها
داليا : يا روحي انا ، يا احلى و اجمل صوت طرقعة بسمعه في حياتي
ميرنا بتمشي من قدام المرايا و هي بتجري و بتنط تنقعد على الكنبة و بتقول لهم : ها يا بنات ، هنتفرج على ايه النهارده في التليفزيون ؟!
ملك اللي كانت نايمة على الكنبة و بتتفرج على التليفزيون : هنتفرج على صرخة
داليا : صرخة ! و ده بيتكلم عن ايه ده ولا بتاع مين ؟!
ميرنا و هي ماسكة التابلت و بتجيب من عليه الفيلم : فيلم "Scream" يا دودي ، ايه متقوليش انك مش عارفاه ده فيلم رعب مشهور جدا و نزل و اتعرض في السينمات في فترة التسعينات
ملك بتغمز ل ميرنا : يا فاهمني انت ، والله يا بنتي ما فيه حد بيفهم دماغي هنا غيرك انتي
داليا ب خضة : ايه ! رعب ؟ انتوا هتفرجونا على فيلم رعب بجد ؟!
ميرنا : أيوة يا بنتي مالك فيه ايه
داليا : بس انا بخاف من الأفلام الرعب يا بنات ما انتوا عارفين
ميرنا : ما هو ده الهدف الأساسي من الأفلام الرعب يا داليا اننا لازم نخاف ، اومال هو اسمه رعب ليه يعني
صافي بعد ما خلصت الفشار و خرجت لهم ب الطبق و هي بتضحك و بتقول لهم : ياللا يا بنات ياللا انا خلصت الفشار اهو و جاهزة ، شغلوا الفيلم بقى
ملك : طيب مش هنستنى ندى لما تيجي الاول
صافي : ندى اكيد مش هتيجي
ميرنا ب استغراب : ايه ده ! ندى مش هتيجي ليه ؟!
صافي : لأن الهانم عندها ميعاد غرامي ، هتقابل الجو بتاعها النهارده .. يعني ب معنى الاصح كده هي منفضه لنا النهارده
ميرنا : امممم الجو قولتي لي
داليا ب ضحكة مخالطها فضول و بتاكل من الفشار : ندى طلع عندها جو ! اكيد غني و حد معروف طالما مقالتش حتى اسمه
صافي بتضحك على شكلها و طريقتها و بتقوم تاخد طبق الفشار من قدامها و هي بتقول لها : الفشار ده انا عملته لينا كلنا عشان كلنا ناكل منه و احنا بنتفرج على الفيلم يا انسة مفجوعة و انتي هتخلصيه قبل ما نقعد أماكننا حتى
داليا ب طفولة : اعمل ايه طيب ما انا بقول لك جعانة ، جعااانة .. و بعدين انتوا جيبيني في مكان مقطوع و مفيهوش حد اجيب منه اكل او اطلب منه دليڤيري حتى ، يعني انتي فكراني باكل كده ب مزاجي يا ست صافي ؟ ما انا لازم اعمل كده عشان انا لما بجوع اوي السكر عندي بيوطى و تبدأ بقى ايديها و رجلي يترعشوا .. و لو مكانش كده مكنتش اكلت خالص والله لكن اعمل ايه بقى انا مريضة سكر و لازم تاخدوا بالكم مني اكتر من كده ها
ملك بعد ما الفيلم حمل نطت من على الكنبة و هي بتقول لهم : الفيلم جاهز يا بنات ياللا كل واحدة تقعد مكانها عشان اشغل الفيلم
صافي بتقوم من مكانها و رايحة على كبس النور و هي بتقول لهم : طيب ابدأوا انتوا و أنا جاية بسرعة .. " و بعد ما طفت النور رجعت قعدت جنبهم و هي بتقول لهم" .. كده احلى عشان نعيش في جو الفيلم اكتر
داليا قاعدة خايفة : احيه بقى عليكوا انتوا مصممين يعني على الرعب ده طيب ما تشغلوا لنا فيلم كوميدي أو رومانسي اي حاجة حلوة كده
ميرنا قاعدة جنبها : يا ستي بقى بلاش تقرفينا ، بصي انا هقول لك على حل حلو .. انتي لو لاقيتي نفسك خايفة اوي ابقي غمضي عينيكي و سدي ودانك و ب الطريقة دي لا هتشوفي ولا هتسمعي حاجة
داليا : دمك تقيل و بطلي رخامة بقى
صافي بتضحك هي و البنات و بتقول لهم : طب خلاص بس بقى كفاية رغي الفيلم هيبدأ خلونا نتفرج
و اول ما الفيلم بدأ التليفون الارضي رن و صافي اتضايقت و قالت
صافي : يوووه بقى مين البارد اللي بيتصل دلوقتي مش عارفين نتفرج على الفيلم
داليا : احسن تستاهلوا
و قامت صافي عشان ترد و هي سايبة البنات عمالين يزاولوا في بعض و راحت هي ردت على التليفون و هي بتقول
صافي : الو
صوت رجالي غليظ و مخيف : مساء الخير يا حلوة ، يا ترى بتعملي ايه انتي و الحلوين اصحابك اللي معاكي في مكان مهجور زي ده و في وقت متأخر كده ؟ ايه مش خايفين لا حد يطلع عليكم يسرقكم ولا يعمل فيكوا حاجة أو يقتلكم مثلا ولا ايه ؟!
صافي ب حدة : انت مين و عايز ايه ؟!
الصوت : الحقيقة انا عايز اتعرف عليكم اكتر عن قرب اصلي بقالي كتير اوي براقبكم من بعيد و أن الاوان بقى نتعرف .. بصراحة انتوا جامدين اوي
صافي مردتش و بقت واقفة تبص حواليها ب خوف و معالم الرعب باينة على ملامحها و البنات لاحظوا ده ف ميرنا قامت من مكانها و بتروح لها و هي بتقول لها
ميرنا : مين يا صافي ؟ و بيقول لك ايه عشان لونك يبقى مخطوف ب الشكل ده ؟!
صافي بتفتح مكبر الصوت و كلهم اتلموا حواليها و هي مش بترد : .....
الصوت : حلو اوي كده ، انتوا كده كلكم سامعين كلامي اللي هقوله دلوقتي ..