في ذاك اليوم دخل احمد علي والدته وهي تطهي الطعام وقال لها :
- ازيك يا ماما
الام:
- الحمد لله يا حبيبي اخبارك ايه؟
احمد:
- الحمد لله يا ماما يا ترى طبخالنا ايه النهارده؟
الام قائله :
- انا طبخالكم كل الاكل الي بتحبوه بالف هنا وشفا عليكم
احمد:
- يا حبيبتي يا ماما ربنا يخليكي لينا وميحرمنش منك ابدا
الام: ويخليك ليا يا حبيبي انت واخوك .
احمد:
- هو محمد راح الشغل النهارده؟
الام:
- ايوه راح بس كان متردد وهو رايح عشان معاه ناس جديده
احمد:
- ما يجربهم الأول ويشوف ان كان هيرتاح معاهم ولا لأ
الام: ما انت عارف اخوك طيب ومش بيعرف يتصرف في اي موضوع لوحده .
احمد:
- طب واخرتها ايه يعني هو كبر خلاص والمفروض يعتمد على نفسه





أجابت الام بنبره صوت منخفض قائله :

- وانت يابني ملكش بركه الا اخوك انا بوصيك تخلوا بالكوا من بعض بعد اما اموت
اقترب منها احمد وامسك يدها وربت عليها وقال لها:
- ربنا يهديكي الصحه يا ماما ويخليكي لينا يا رب وتفرحي بعيال عيالنا
قالت الام:
- هو انا هعيش يابني لحد ما اشوف عيال عيالكم المهم عايزاك في موضوع مهم يا احمد
أجاب احمد قائلاً :
- خير يا ماما ايه الموضوع المهم ده يا تري
ردت الام قائله :
- اما انا شفتلك حتة عروسه تقول للقمر قوم وانا اقعد مطرحك
قلت دي لأحمد حبيبي
أجاب احمد قائلا :
- بالله عليكي يا أمي أنا مش عايز اخطب ولا اتجوز دلوقتي ٠٠ اقولك جوزيها لمحمد اخويا


قالت له الام بانفعال وحده :
- انا مش هجوز حد قبل التاني انا نفسي اجوزكم انتوا الاتنين في ليله واحده واعملوا حسابكم على كده فاهم
قال احمد:
- ماشي ياماما بس سبيني انا اختار ده جواز مش قميص او اكله
قالت الام :
- وانت مستني ايه انا عايزه افرح بيكم قبل ما اموت وشقتك وشقه اخوك جاهزه مفيش غير العفش بس .



اخذ احمد يفكر فيما قالته ليه والدته وحديثها شغل كل تفكيره وتخيل اذا لو توفت والدته فعلا دون أن تفرح بزفافه وتطمئن عليه وترى احفادها وتحمله بين زراعيه ، ، ثم رجع الي وعيه من جديد وقال في نفسه من الآن سأخذ هذا الموضوع بجديه وسوف ابحث عن فتاه أحلامي التي ترافقني وتشاركني حياتي واسعد بها والدتي واحقق لها امنيتها قبل فوات الاوان .

وبعد ساعات عاد محمد الابن الأصغر من العمل واخذ ينادي على والدته

محمد بصوت مرتفع:
- ماما ماما انتي فين

جاءت والدته مسرعه:
ايوه يا محمد انا جيت اهه
محمد:كنتي فين يا حبيبتي
أجابت والدته:
- ابدا كنت بلم الغسيل من البلكونه

محمد: انا راجع من الشغل جعان اوي ومشوفتكيش في البيت

قالت والدته بغضب و انفعال :
- وايه يعني مشوفتنيش الاكل جاهز في المطبخ ليه مدخلتش وعرفت لنفسك الاكل انت مبقيتش صغير ولازم تعتمد على نفسك انا خلاص كبرت وصحتي على قدي والبركه فيكم بقي

اجابها محمد:
- انا مش بعرف اعمل لنفسي حاجه ، يلا بقى يا ماما جيبي الاكل كل ده عشان قولتلك جعان

وركضت والدته الي المطبخ وبدأت في إعداد الطعام لمحمد وذهبت به إلى السفره وجلست ثم أخذوا يتناولون الطعام

نظرت اليه والدته ثم قالت له:

- محمد انا عندي ليه حته خبر

نظر إليها محمد قائلا:

- خير يا ماما شكلك جيبالي خبر حلو

اجابته والدته في سرور:

- اما انا جيبالك حته عروسه حاجه كده عسل اوي وتقيله كده في نفسها انا متأكده انها هتعجبك جدا

نظر إليها محمد بدهشه وقال:

جري ايه يا ماما ايه حكايتك اليومين دول كل شويه تجبيلي عروسه

اجابته والدته:
- انا عايزه افرح بيك يا حبيبي

رد محمد قائلا:
- طب ما تقولي لأحمد اخويا عليها






نظرت اليه والدته واقترب منه ووضعت يدها عليه بعطف وقالت:  لأ يا محمد انا اخترتها ليك متكسرش فرحتي بقى ووافق يا محمد

نظر إليها محمد بابتسامه وقال لها:

- خلاص يا ست الكل انا هنشوفها عشان خاطرك

فرحت الام وقالت:
- ربنا يريح قلبك يابني وتكون من نصيبك
خلاص نروح بكره ان شاء الله نزورهم انا وانت عشان تشوفها

وفي اليوم التالي ذهب محمد بصحبه والدته لزياره منزل العروسه واستقبلتهم والدتها بكل فرح وسرور

والده محمد قائله :
- احنا جينا النهارده علشان نتعرف عليكم واحمد يشوف عروسته وهي كمان تشوفه



ابتسمت والده العروسه وقالت: ومالوا يا حبيبتي لحظه واحده


واخدت تنادي عليها قائله:
- يا سمر يللا يا حبيبتي يللا ادخلي بالعصير


قالت لها في خجل وهي ترتجف :
- ماما . . انا مكسوفه اوي

ردت الام قائله:
- يللا يا بنتي انا معاكي اهه متخافيش

دخلت سمر وهي تحمل صينيه العصير وقدمته لهم ثم جلست

قالت والدتها: هي دي العروسه

قالت والدته : شفت يامحمد عروستك زي القمر ازاي

نظر احمد بحياء وظل صامتا




ثم قالت والدته: بقولك ايه يا ام محمد مش هتيجي تفرجيني شقتك؟

قالت والده العروسه: طبعا يا حبيبتي اتفضلي ده بيتك طبعا

ظل احمد صامتا ثواني ثم تحدث مع سمر وقال:


ازيك

سمر:الحمد لله كويسه
محمد:انت معاكي مؤ هل ايه

اجابته سمر في خجل وقالت:

معايا معهد خدمه اجتماعيه
رد محمد قائلا:انا بقى بشتغل محاسب في شركه

واخذوا يتبادلون الحديث سويا حتى احسوا بتوافق في التفكير. ارتياح نفسي لبعضهم البعض وجار الحديث بينهم حوال نصف ساعه

ثم أتت والده محمد ووالده سمر وجلسوا يتبادلون الحديث مع بعضهم البعض

وبعد مرور بعض الوقت ذهب محمد ووالدته وفي أثناء عودتهم الي المنزل أخذوا يتبادلون الحديث في الطريق

والده محمد: ايه رأيك يا محمد في سمر

اخذ محمد يفكر ثواني ثم قال:

بصراحه يا ماما هي جميله ومثقفه

نظرت اليه والدته بفرحه وقالت:
يعني خلاص اقول مبروك؟


قال احمد: مش عارف يا ماما اقولك ايه انا محتار

نظرت والدته بدهشه وقالت: ليه بس يابني والله يا محمد دي عروسه كامله من كله مفيش فيها أي عيب

رد محمد قائلا: خلاص يا ماما الي تشوفيه

فرحت الام وقالت:خلاص يابني نتفق معاهم على معاد نحدد فيه الخطوبه





وبعد ايام قليله أقاموا حفل الخطوبه ولبس كلا منهمادبله
الخطوبه

وبعد ايام قليله جلست الام مع أبها الأكبر احمد وقالت اليه بشغف:

ايه يا احمد عملت ايه لقيت عروسه ولا اختارك انا العروسه زي ما اختارت لمحمد اخوك

رد احمد قائلا: لأ يا ماما الخطوبه والجواز ده عايز تأني مش سلق بيض يعني


وبعد مرور شهر من الحديث :

دخل احمد يركض مسرعا الي والدته بلهفه:

ماما   ماما. انتي فين يا حبيبتي

ذعرت الام من طريقه نداء احمد وظنت ان يكون حدث شيئا ما

واسرعت اليه قائله:

ايه يا حبيبي حصل حاجه فيه ايه طمني

احمد بابتسامه: خلاص يا ماما لقيت العروسه الي بحلم بيها


نظرت اليه والدته بفرحه وقالت:
صحيح يا احمد اخيرا هتحقق امنيتي وهفرح بيك انت كمان

انا كده خلاص معدش نفسي في حاجه

ثم قالت:انما تعالي قولي مين الي خطفت قلبك وخلت السعاده دي كلها في عنيك

اجابها احمد:
انا كنت في فرح واحد صاحبي وقابلت هناك بنت في قمه الجمال والرقه والشياكه وسألت محمود صاحبي عليها وطلعت بنت عمه


ردت الام قائله:ماشي يابني اهم حاجه تكون بنت ناس طيبين ونعرف أصلها وفصلها

اقترب احمد من والدته وقبل يدها وقال:

اطمني يا ماما محمود صاحبي من عيله كويسه وكل قريبه ناس طيبين

قالت الام:خلاص يابني نروح نزورهم ونتعرف عليهم وربنا يعمل الي فيه الخير

ويوم الجمعه ذهب احمد بصحبه والدته وأخيه محمد لزياره العروسه الجديده والتعارف

استقبلهم اهل العروسه استقبالها جميلا


جلس العائلتين مع بعضهم البعض يتبادلون الحديث ثم قالت والده احمد:

احنا جينا النهارده عشان نتشرف بخطوبه بنتكم لابني احمد
بصراحه هو شافها في فرح زميله ومن ساعتها وهي شاغله كل تفكيره

ثم قالت:هو احنا مش هنشوف العروسه ولا ايه

ضحكت والده العروسه وقالت:

ازاي طبعا هنادي عليها٠٠لحظه واحده

ثم أتت والده العروسه بصحبه ابنتها وجلسوا
نظرت إليها والده احمد وقالت:

ماشاء الله ايه العسل ده كله انا عرفت دلوقتي ان احمد كان عنده حق اما حكالي عن العروسه وعن جمالها
والده احمد:

انا من حوالي شهر خطبت لابني محمد عروسه حلوه برده وكل اما اجيب لأحمد سيره الخطوبه يقول بعدين لحد اما شاف عروستنا

ابتسمت والده احمد وقالت:
الكلام اخدنا ومعرفتش اسم عروستنا ايه


ابتسمت العروسه بخجل قائله:


انا اسمي داليا

والده احمد:عاشت الاسامي يا داليا

ثم نظر احمد لداليا بابتسامه وخجل وقال:

احنا عايزين نتفق على ميعاد الخطوبه ايه رايكم؟
ردت والده داليا قائله:




انتوا عارفين طبعا ان والد داليا متوفي ولازم اخد رأي أمامها الأول لأنهم اهلها

والده احمد:

طبعا يا حبيبتي خدوا وقتكم براحتكم وبعدين ردوا علينا






وبعدمرور اسبوع أخبروا اهل داليا احمد بالموافقه واتفقوامع بعضهم البعض على أقامه حفل الخطوبه في مركب على البحر


احتفل الجميع بخطوبه احمد وداليا وحضر الحفل جميع أباها والأصدقاء وكان من بينهم سمر عروسه محمد


تأملت سمر خطيبه محمد في الحفل قالت لنفسها:

مش معنا انا متعملش حفله زي دي في مركب على البحر؟

ثم اخذت محمد بعيدا عن ضوضاء الحفل ونظرت اليه بانفعال وقالت له:



مش معنا انا يا سي محمد متعملش حفله زي دي في مركب على البحر

ثم نظر إليها وحاول تهدأتها وقال:
ما انتي عارفه ان انا مش بحب المراكب والبحر والحاجات دي واحنا برده كنا عاملين حفله خطوبتنا في قاعه حلوه



نظرت سمر اليه وهي غاضبه وقالت له بشجن:


القاعه كانت حلوه ٠٠ولا حلوه ولا حاجه انت وبابا يوم خطوبتنا اتفقتوا عليا وصممتم تعملوا الحفله في قاعه ممش في مركب على النيل


انما داليا صممت على رأيها ومقدرتش احمد يقف ضد رغبتها

وانتهى الحفل في سلام وكان الجميع مسرور بينما عاد محمد الي المنزل حزينا متألما لما سمعه من سمر وجلس شاردا عندما كانت والدته تتحدث مع أخيه احمد


وأخذت والدته تتحدث عن تلك الليله وتقول لاحمد:

اما يا احمد كانت حته ليله ولا الف ليله وليله عقبال بقى الفرح ويكون احلى فرح ان شاء الله


رد احمد قائلا:



ايوه يا ماما بصراحه انا مكنتش متخيل ان الحفله هتكون بالروعه دي . .
يتبع .