الفصل الثاني عشر

ردت سمر قائله :
- معلش يا حبيبتي. اي حمل في الأول بيكون كده..
ربنا يقومك بالسلامه..



ردت داليا قائله :
انا عايزه أسألك سؤال يا سمر..
انتي بجد فرحانه اني حامل زيك؟ ولا كنتي بتتمنى اني محملش خالص؟


ردت سمر بغضب:

وليه اتمنى انك متحمليش؟
ليه بتقولي الكلام ده يا دينا؟



ردت داليا قائله:
اصلي بصراحه مش مصدقه انك تفرحي لي.. انا عارفه انك عايزه تكوني البريمو هنا.. والكل يحطك فوق الراس..

ردت سمر قائله:

لا لا يا حبيبتي.. انتي اكيد اتجننت.

مش انا الي افكر كده. ممكن يكون عقلك المريض الي بيفكر كده
وشايف كل الناس زيه.

ردت داليا قائله:
انا عقلي مريض يا حقوده؟
ده انتي الي مريضه وفاكره كل الناس زيك..
لكن انتي اساسا ملكيش لازمه..






ردت سمر قائله:
بقولك ايه.. احترمي نفسك، انتي جيباني في بيتك عشان تشتمني وتغلطي فيا؟ ايه قله الأصل دي؟

انا ماشيه.. انا غلطانه إني جيت هنا اصلا وعبرتك..


أمسكت داليا بشعر سمر من الخلف وقالت لها:
انا قليله الأصل.. واستمرت في التشاجر معها..

ومن شده غيظ سمر منها اخذت تبعدها عنها حتى دفعتها الي الأرض..


أسرعت داليا وأخذت الهاتف وحدثت احمد وهي منهاره جدا
وببكاء شديد قالت له:

الحقني يا احمد بسرعه..


رد احمد بلهفه:
فيه ايه يا داليا؟ اتكلمي بسرعه.


ردت داليا قائله:
سمر كانت عندي دلوقتي.. قالتلي انا جايه اقعد معاكي شويه..

استقبلتها كويس قعدنا نضحك ونهزر.. وأما جبتها سيره الحمل
وعرفت اني مبسوطه وسعيده بالحمل.. قعدت تقولي كلام عبيط
وتقولي انتي مش هتاخدي مكاني في البيت ولا حماتي هتحبك
اكتر مني.. وانا ست البيت هنا..




رد احمد قائلا:
ايه الكلام الي انتي بتقوليه ده يا داليا؟



ردت داليا قائله:

يا احمد.. دي ضربتني وبه لتني ومن كتر الضرب اجهضتني..
موتت ابننا يا احمد.. واستمرت في البكاء.

انهار احمد عند سماع كلام داليا وقال لها:


متخافيش يا حبيبتي انا جايلك حالا.


اتصل احمد بوالدته لكي يخبرها بما حدث..
ثم اتصل بأخيه محمد أيضا وأخبره بما فعلت زوجته سمر..



غضب محمد بشده عند سماع كلام أحمد وترك عمله وذهب الي المنزل..


وبعد قليل ذهبت والده احمد عند داليا في المنزل وسألت داليا

بلهفه:

ايه الي حصل يا بنتي؟

ردت داليا بذكاء شديد وانهيار..

شفتي يا ماما سمر عملت فيه ايه؟ ضربتني وبهدلتني.. وموتت ابني وانهار في البكاء..


ردت الام قائله:
حصل ايه بس؟ احكيلي واهدي كده..


وقصت داليا لوالده احمد نفس الكلام التي قصته على أحمد..


وعندما سمعت الام هذا الحديث انهارت بالبكاء..


دخلت الام شقه سمر وهي غاضبه جدا وقالت لها:
ادعي عليكي بإيه بس يا شيخه..


ردت سمر قائله:
فيه ايه بس يا ماما؟ هي الي غلطت فيا الأول.. ومستني من شعري..

ردت الام قائله:
يعني ارتحت كده دلوقتي؟ لما سقطتيها.. وموتى الجنين الي ملوش ذنب..حسبي الله ونعم الوكيل فيكي يا شيخه..


ردت سمر بغضب:
بتقولي ايه يا ماما؟ سقطها؟ وموتت الجنين؟
لأ يا ماما انا معملتش حاجه.
انا كل الي عملته اني زقتها وبعدها عني لما مسكت شعري..



دخل محمد الشقه وهو غاضب جدا وسأل سمر عن ما حدث..
قصت له والدته ما سمعته من داليا..

ثم قصت له سمر أيضا الحقيقه.


ثم رد محمد قائلا:
وانتي راحه تتخانقي معاها في بيتها؟

وعايزه تطلعينها في الاخر هي الي غلطانه؟
دي حتى لو غلطت برده مينفعش تربيها.. وتخليها تسقط..

انتي مش ممكن تقعدي على زمتي ثانيه واحده بعد كده..

انتي طالق يا سمر


ردت الام قائله:
لأ يا محمد.. اصبر مش كده..

رد محمد قائلا:
لأ مش هتقعد معايا. هبص في عين اخويا ازاي بعد كده..
ومراتى موتت ابنه وقتلته..



انهارت سمر بشده ثم دخلت غرفها وأخذت تجمع ملابسها وهي تبكي واتصلت بوالديها لكي يحضر وأخذها معه..



خرجت سمر من شقتها هي وولادها وأثناء خروجها من باب الشقه وجدت داليا ونرمين ينظرون إليها بشماته ثم قالت:

نظرت سمر إليهم وقالت:
حسبي الله ونعم الوكيل في الي ظلموني.. مش هسامحكم ابدا..


وبعد ذهابها من المنزل أخذوا يضحكون عليها في شماته.


ومرت الايام وتغيرت داليا مع والده احمد وقطعت زيارتها لها نهائياً.. حتى شغل المنزل التي كانت تساعدها فيه.. امتنعت
عنه نهائيا:

وعندما عاد احمد من عمله طلب من زوجته داليا ان تقوم برعايه
والدته وخدمتها والسؤال عنها.. وحين طلب منها ذلك قالت له:


انا تعبانه.. انا هخدم في بيتي وفي بيت غيري؟

وكان موقف احمد سلبيا من هذا الكلام ولم يعلق على ما قالته..


نزل احمد ليسأل على والدته وحين أخبر والدته بإمتناع زوجته عن خدمتها ورعايته قالت له:

أصلها اتفرعنت لما بقت لوحدها في البيت..


وذات يوم كانت نرمين تسير في الشارع.. وفجأه صدمتها سياره
واخذها الناس الي المشفى في اله خطيره.

دخلت نرمين في غيبوبه وعندما افاقت بعد ثلاثه ايام..

قامت داليا وزوجها احمد وأخيه محمد ووالدته بزيارتها..

قالت داليا:الف سلامه عليكي يا حبيبتي..



وعندما وجدت داليا أمامها.. قالت لها نرمين:
شفتي يا داليا.. ربنا بيعاقبني ازاي على كل الي عملته..



نظرت داليا إليها وفهمت انها تقصد ما فعلوه لسمر..


وقالت لها:الف سلامه عليكي.. متتكلمش واهدي كده..



ردت نرمين ببكاء شديد قائله:

لأ. هو ده وقت الكلام.. علشان اكفر عن ذنبي مع سمر..


نظر محمد إليها بدهشه وقال:
فيه ايه يا نرمين؟ مال سمر ومالك..؟

ردت نرمين قائله:

احنا ظلمنا سمر اوي يا محمد..
انا ممكن اموت.. وعايزه اخلص ضميري.. وعايزه سمر تسامحني
على الي عملناه فيها انا وداليا..


نظرت داليا إليها بغيظ وقالت لها:

انتي الحادثه أثرت على دماغك؟ احنا عملنا ايه فيها؟
هتخرفي ولا ايه..



ردت نرمين قائله:
حرام عليكي.. عايزه اقابل ربنا وضميري مرتاح.. وعايزه سمر تسامحني..

يا محمد.. انا وداليا حاولنا نجهض سمر اكتر من مره..
لكن ربنا كل مره كان بينجيها..

داليا دي شيطانه.. وانا كنت اسوء منها..



ثم قالت ببكاء شديد وندم:
فاكر لما كنا نازلين من على السلم.. كنا متفقين موقعها من على السلم عشان الحمل ينزل..

سمر مسكينه معملتش حاجه..
داليا هي الي كانت بتكرهني فيها من كتر كلامها الوحش عليها..


ردت داليا بغضب:
انتي اكيد اتجننت.. متصدقوش كلامها..


ردت نرمين قائله:

اقسم بالله كل كلمه هقولها حقيقه..

مش بس كده.. الخناق بتاعه السوق. كنت انا وداليا متفقين مع بلطجيه.. علشان يضربها ويسقط ها..


رد محمد بغضب:

ليه كل الشر ده؟ عملت لكم ايه عشان تعملوا فيها كده؟

ردت نرمين قائله:

علشان داليا كان عندها مشاكل في الخلف.. والدكتوره قالت
مش هتخلف إلا بعد سنه بالعلاج..
علشان كده كانت عايزه تسقط سمر..



رد محمد قائلا:

ياه للدرجه دي قلبك قاسي ذي الحجر..
ده الحجر بيتكسر.. وقلبك متكسرش للمسكينه..


رد احمد قائلا:
استنى بس يا محمد.. يعني معنى كده ان مكنش فيه حمل ولا حاجه من دي خالص؟


نظرت داليا الي أسفل وهي صامته تماما..


وقال لها احمد بغضب:
انطقي.. ردي عليا..


ردت نرمين قائله:
لأ.. مفيش حمل حصل هي عملت كده عشان انت تفتكر انها حامل.. وتجيب مصيبه لسمر..

وانا الي قولتلها كده للأسف وهي نفذت..
ومحمد طلق سمر المسكينه..


رد احمد قائلا:
معقوله.. انتي كده.. انتي مش ممكن تكوني بني آدم.
ولا يمكن تكوني من لحم ودم..

حرام عليكم.. ليه كده..

ثم قال بصوت مرتفع:
انتي طالق يا داليا..

ردت داليا ببكاء شديد:
انت بتطلقني يا احمد..


رد احمد قائلا:
ايوه. علشان انا قرفت منك..
الي زيك مينفعش تقعد محترمه.. لأنها هتحرقه وهتخرب البيوت العمرانه..


وعندما سمع علاء زوج نرمين هذا الحديث قال غضب بشده
وقال لنرمين:

انتي طالق يا نرمين..
انتي زيك زي داليا.. وكويس ان ربنا كشفكم..

الي حصل ليكي ده من دعوه المظلومه سمر..
لأن دعوه المظلوم مفيش بينها وبين ربنا حجاب..



ذهب محمد الي منزل والد سمر لكي يعتذر لسمر بعدما تأكد
من ظلمها والمكيده التي وقعت فيها وكي يعيدها الي منزله


ثم قال لوالده سمر:
بصي يا حماتي.. انا مش هدخل في تفاصيل كتير..


انا عايز اقول.. ان انا وسمر اتعرضنا لخداع وظلم كبير اوي..
لكن ربنا مش بيرضي بالظلم.. وبينصر المظلوم ولو بعد حين..


داليا مكنتش حامل.. لكن ربنا كشفها وفضحها..
واحمد اخويا خلاص طلقها..


وانا جاي النهارده علشان أصلح غلطتي..
ومش هقول انا مستعد ابوس على دماغها..

لأ انا مستعد ابوس ايديها ورجليها..


ردت والده سمر وقالت:

استغفر الله يا حبيبي.. متعرفش قد ايه كلامك ده ريحني..

ده انا كنت زعلانه منها اوي.. علشان سقطت داليا..
حتى لو مكنش قصدها..
لكن كده. الحمد لله. وربنا على كل ظالم يابني..





رد محمد قائلا:
ممكن اشوف سمر بعد اذنك؟

ردت والده سمر:ثانيه واحده اشوفهالك..


دخلت الام حجره سمر وقالت لها:

يا سمر يا حبيبتي.. محمد قاعد بره..وجاي ندمان وعايز يصالحك ويبوس دماغك.. وعرف انك مظلومه. وانها كانت لعبه من داليا وربنا فضحها وكشفها..

وعايز يرجعك معاه البيت..


ردت سمر بغضب:
لأ يا ماما.. مش هرجع تاني. بعد الي حصلي هناك..




ردت الام قائله :
لأ يا حبيبتي.. هو عرف غلطته.. وبعدين هو انضحك عليه زيك..

وبعدين متنسيش الي في بطنك ده. فكري فيه..
مش ذنبه يطلع للدنيا.. ويلاقي امه في نحيه وابوه في نحيه..



خرجت ام سمر من الحجره وطلبت من محمد ان يدخل لزوجته
وعندما دخل محمد الحجره كان مسرورا جدا وقال لسمر:


- ازيك يا حبيبتي ؟ وحشتيني اوي..


ردت سمر قائله:
الحمد لله بخير..هو انا فعلاً وحشتك.. بعد ما رمتني انا والي في بطني..


رد محمد قائلا :

- انا مش جاي ادافع عن نفسي.. لكن هقولك حاجه قولتها لحماتي.. حسبي الله ونعم الوكيل فيهم..



- داليا كانت بتكذب.. ومكنتش حامل ولا حاجه
مش بس كده .

يتبع :