في الجامعه

١

لا حول ولا قوه الا بالله

المحاضره شغاله ودكتور عماد واقف بيشرح في الميكروفون

وفجاه فتح الباب ودخل يزن

الدكتور : رايح علي فين يا بني . هي وكاله من غير بواب

يزن : معلش يا دوك . اصلي اتاخرت في الطريق.  انت عارف بقي المواصلات 

الدكتور : امشي اطلع بره .. محدش بيدخل بعدي

يزن : يا دكتور . بس
الدكتور : برررررره

بص يزن علي المدرج كان يونس قاعد في أول بنش  وبيضحك عليه وياسين قاعد في اخر مدرج

شتم الدكتور براحه  وخرج : الله يحرقك دكتور فصيل .  انا اطردت في الجامعه اكتر ما بحضر . ه ايه القرف ده  وربنا ما هسكت

خرج يزن ودور علي عربيه الدكتور عماد وراح  نيم كوتش العربيه بتاعته ...

يزن : بسسس.  تستاهل عشان تبق تزعقلي حلو ...
......
..

... في نص المحاضره الدكتور مندمج في الشرح ويونس مركز جدا وفجاه الدكتور عينه جت علي ياسين اللي نام  علي المدرج من كتر الملل ..

الدكتور ': الاستاذ اللي نايم  هناك يصحي ..

يونس بص علي ياسين ونفخ : فاشلين

الدكتور : انت يا طالب قوم اقف ..
ياسين فاق علي صوت الميكرفون : ها . اهلا يا دكتور عماد ..  اذيك

الدكتور :   انت ازاي تتجرا  وتنام  في محاضرتي

ياسين ؛ يا دكتور . اصلي  كنت تعبان .  كنت بريح راسي بس مش نايم     فايق اهو

الدكتور : طيب اخر حاجه قولتها كانت ايه

أأيه

الدكتور :    بررره . 

ياسين : يادكتور انت طردت نص الطلاب
الدكتور : بررره  احسنلك بدل ما اسقطك

ياسين : لا وعلي ايه.   سلام عليكم .
......

خرج ياسين  و راح علي الكافتيريا  كان يزن قاعد كالعاده بيشرب سجاير : اهلا برفيق الانحراف .

ياسين : ايه يا عم الدكاتره المقرفه دي . الواحد ميعرفش ينام شويه .  الراجل عمال يرغي لحد اما كل وداني
يزن ضحك :  ملوش حق.   بس سيبك انت انا عملت فيه موقف هيطلع من نفوخه 

...

في الوقت ده

كانت ذات داخله هي وفاطمه علي الكافتيريا وبيتكلمو بهدوء

يزن واقف  :  العب ...

ياسين : في ايه ياض . ما تقعد

يزن : اقعد ايه . ده البط جه اهو
ياسين : البط هيجي الجامعه ليه

يزن : اركن علي جنب .. شكل قعدتك مع الواد يونس قصرت علي نسبه ذكائك

ياسين مش فاهم بس راقب يزن اللي  مشي

...

فاطمه :   بت يا ذات هاتي عشرين جنيه
ذات : ليه

فاطمه : اكمل عشان اجيب شورما وبيبسي

ذات :  خدي وهاتيلي معاكي

قعدت ذات علي الترابيزه وفاطمه راحت تجيب الاكل

يزن : يا مساء  الدمار ممكن اعزمك علي الفطار

فاطمه بصتله : انت تاني  يا سافل

يزن : يا مساء الحنيه ، ممكن اتعرف علي الحراميه

فاطمه : حراميه ايه يا مجنون انت اهبل يلا
يزن : ايوه حراميه . سرقتي قلبي يا بطتي


فاطمه : بطتك مين ياض .. انت اكيد عندك خال اهبل

يزن : لا عمتي كانت تخينه شويه ههه
فاطمه : يا رخم
يزن : اهدي علي نفسك عشان هيطقلك عرق

فاطمه : يا عم ابعد عني انا مش ناقصه قرف ..

يزن : وانا مبعدتش
فاطمه : هفرجك عليك الجامعه  باللي فيها
‏يزن : هدي دنيتك ، العصبيه غلط علي البط اللي ذيك
فاطمه : انا هفتحلك دماغك
مسكت المسطره الكبيره اللي علي حرف T

ذات وقفت بسرعه : في ايه يا فاطمه

فاطمه : الواد السافل ده عمال يعاكسني .. لا وكمان بيقولي يا بطتي

ذات : احترم نفسك يا جدع انت
ياسين جري علي يزن : في ايه يا يزن . مين دول .

يزن : ياسطا مفيش .  وانتي يا بت وطي صوتك معنديش بنات تعلي صوتها بره البيت

. فاطمه : يا خربيت برودك .  هو انا اعرفك قبل كده

يزن غمزلها : نتعرف يا قمر ..

ذات : علي فكره ده مش اسلوب .  لو اختك تقبل أن حد يتعامل معاها كده

ياسين : لا  ، مينفعش احنا اسفين يا وزه

ذات برقت : يا متحرشين


.. ياسين : قصدي اسفين يا انسه . 
‏اصل هي بطه يبق انتي وزه. بالعقل كده
ذات : انتم الاتنين مش محترمين .  وانا ممكن اكلم اخويا يجي يقطعكم هنا

يزن : يقطعنا احنا . مين اخوكي بقي ده

ذات : هتعرف اما تشوفه
فاطمه : هفتح دماغك ومحدش هيحوشك مني

يزن : متقدريش .بصي العضلات

فاطمه : فين دي العضلات . دي عضمات

يزن : لا ،،،بس لو اتكيت كده هتبان .    بس انا مش عايز


يزن بيصفر و بيغني  ويستفز في فاطمه

البط يقوم فرحان من النوم يغطس ويعوم وهات يا لعب

فاطمه نفخت : انت شكلك مش هتحترم نفسك غير اما تتضرب

فاطمه رفعت المسطره ولسه هتضرب ادخل يونس شاف خناقه وناس متجمعه : فاطمه بتعملي ايه
هو ايه اللي بيحصل ايه اللي لم الشامي علي المغربي هو مين يعرف مين هو مين بيضرب مين هو مين
يزن : ما تخرص بقي
يونس: حد يفهمي بتعملي ايه يا فاطمة
فاطمه : هضربه ابعد انت يا يونس
يونس : عملتلها ايه
يزن - انت تعرفها
يونس مسك قميصه : ايوه اعرفها
انت مش هتخلي عندك دم بقي .  والكل تعاكس بنات الناس ..

فاطمه : اضربه يا يونس وافتح دماغه

ذات : يا بت اتهدي .. خلاص يا يونس
يونس : لا مش خلاص . وروحي اقعدي علي جنب كده

ياسين : ما خلاص يا يونس . سيبه هو ميعرفش أنهم تبعك

فاطمه : لا متسبوش ... علمه الادب

يزن : انتي بوتجاز.. ما تهدي يا بت
يونس : كلامك معايا انا .
‏ياسين ؛ ما خلاص يا يونس بقي . أعتذر يا يزن
يزن : ما قولتله مكنتش اعرف انه تبعه
الطلاب كلهم اتجمعت .ودخل الاستاذ ووقف في النص .
وفاطمه بتحاول تضرب يزن . وذات كمان
يونس ماسك في يزن وياسين بيحوشهم وفجاه الدكتور اضرب بالبوكس في وشه

دكتور: ليلتكم سوده .. انا دكتور عماد اضرب
محدش مركز ما الدكتور والشباب ماسكين في بعض و فاطمه وذات قلعو الجزم ونازلين ضرب في الولاد
‏الدكتور طلع وقف علي الطربيظة و قال ايه بقي اسكتوووو انا هنا
‏محدش بص ولا رد
‏احم معقول انا شفاف كده
‏انتو يا بهايم
‏بردو محدش رد
‏ايه الاحراج ده طب والله لا انط في وسطهم و افطسهم كلهم هه
‏و فهلاً الدكتور نط و اخد علقة محترمة عشان محدش شايفة اصلاً
‏ والدكتور اتمرمط ... الخناقه اتفضت اما وصل حرس الجامعه وخدهم كلهم علي مكتب عميد الكليه
يونس واقف وهدومه متبهدله. ويزن نفس الشكل وياسين
والبنات واقفين علي جنب عاملين فيها مؤدبين ومحترمين

دكتور عماد قاعد علي الكرسي وهو رابط دماغه اللي اتفحت بسبب المسطره الخشب الكبيره اللي مش عارف نزلت علي دماغه ازاي
العميد : اللي حصل ده قلت ادب و بلطجه . في طلاب محترمين يعملو اللي عملتوه
‏وعيط: وبعدين ليه ضربتوني انا ايه ايه ايه
‏ياسين : الحق يلا الدكتور بيعيط
‏يزن: هههه هموت يخربيت فقرو
‏يونس: اهدا يا دكتور حصل خير
‏الدكتور: عشان خطرك يا يونس يلا احكولي بقي ايه اللي حصل
فاطمه : هو الواد ده اللي بدا .. وعاكسني
يونس : بس انتي اسكتي خلاص حسابك معايا في البيت
العميد : اخرس انت وهي
الدكتور : والله لاسقطكم في مادتي ووريني ازاي هتعدو و بعدين متزعقوش قدامنا احترموني ونبي بقي
يونس : يا دكتور وانا ذنبي ايه . انا كل سنه بطلع بتقدير ممتاز أو جيد جدا

الدكتور : ابق قبلني لو عديت السنه دي .. انت وله جوز الصايعين اللي معاك
‏يونس: يا دكتور في ايه انا يونس حبيبك ده انت لسه قايل كده
‏الدكتور: اخرس
‏ ذات : يونس هيقتلنا
فاطمه : الله يرحمنا بقي .
يونس بص ليزن ويسن
ياسين : حقك علينا يا دكتور . حضرتك طيب جدا
العميد.: اخرس أنت وهو . اسبوع فصل من الجامعه ولو الموضوع ده اتكرر هيام فصلكم نهائي
خرج الخمسه من مكتب العميد وكل واحد بيبص التاني بشر

يونس : انتم حسابكم معايا في البيت .. ومفيش جامعه تانيه. انتم اللي ذيكم يقعدو في البيت
ذات : ما خلاص يا يونس مكنش طرد اسبوع.
يونس : انتي تخرسي خالص .

.ياسين : خلاص يا يونس حقك عليا . شوفت الموضوع كبر ازاي

يونس زقه : ابعد عني . ومش هعمل بروجيكت وزفت ... خلاص مستقبلي ضاع بسببكم .. راح تعبي في الاربع سنين اللي فاتو بسببكم ..
. يزن ' هتفضل تندب كتير .. يا عم خلصنا .

ياسين : انا هشوف حل في الموضوع ده .

ذات : يونس تعال روحنا
يونس : اخرسي خالص انتي وهي
ذات زعلت .. وفاطمه كمان
ياسين. : حرام عليك دول اخواتك الصغيرين . يا ريت كان عندي اخت صغيره ..
‏
الدكتور خرج من مكتب العميد وهو رابط دماغه اللي اتفتحت وشاف العربيه الاربعه فرد نايمه علي الارض

الدكتور : يا شياطين.. هروح ازاي دلوقتي .. منكم لله

يونس بص علي ياسين ويزن وهو شاكك فيهم

  ياسين: اتفضل يا دكتور اوصلك ..
الدكتور : لا مش عايز حاجه منكم

يزن : والله ما يحصل يا دكتور .. انا اشيلك علي راسي و اوصلك للبيت .   حضرتك متعبش نفسك .. ده احنا عنينا ليك .. 

يونس واقف بعيد : يا ولاد اللذينا اقطع دراعي من هنا او مكنش اللي عملها واحد فيكم ...


ياسين فتح باب العربيه للدكتور اللي نسي المرمطه و دماغه اللي اتفحت وركب في عربيه ياسين


****

يتبع