٢٥

الجامعه

٢٥

سبحان الله وبحمده

استعد الثلاثه علشان العقاب واللي كان عباره عن مقالب في الناس

وقف يونس و اسراء بتصور

يونس شاف واحده قاعده في البلكونه اول دور

الست قاعده في البلكونه عادي وبتشرب شاي وبتسمع ام كلثوم .. وهوب حجر اترمي عليها

بصت كان يونس بيجري ووراه اسراء

الست. : يا ابن ال . والله لوشوفتك يا حيوان لهضربك بالجزمه ..


وقف يونس بعد وقت وهو بيهنج : ها ايه رايك

اسراء : مش حاسه المقلب . اعمل واحد تاني

نفخ يونس : هعمل ايه يعني

اسراء : اعمل حاجه تانيه..

يونس بس حوليه كان في محل لعب اطفال ...

راح اشتري رشاش مايه ووقف علي جنب وقال لاسراء: صوري كويس

اسراء : يا عم متخفيش بصور اهو

وقف يونس وهو ماسك الرشاش وكان في ثلاث شباب معديين رش عليهم بالمايه وطلع يجري وهما وراه

اسراء وقعت علي الارض من كتر الضحك من شكله

وبعدها طلع في عماره ورن الجرس واول ما الناس فتحت طلع يجري ..


....

مع ياسين . كانت ذات بتصوره

اتنين قاعدين بيشربو شاي علي القهوه

راح واقف قدمهم وخد كوبايه وشرب منها شويه .. وبعدها حط في كل كوبايه شويه شطه وجري وهما طبعا قامو يجرو وراه



.. شاف واحد لسه بيقعد راح شد الكرسي من وراه وقع الراجل علي الارض ..

وقف وهو بيتشم في ياسين وذات مش عارفه تبطل ضحك من منظره



شاف اتنين في الجنينه واقفين بيحبو في بعض والبنت ماسكه بلونه وفرحانه

مسك دبوس وراح جاي من وراهم ومفرقع البلونه ، البنت صوتت والولد شتمه وجري وراه علشان يضربه
وهو يجري والولد مصمم يضربه .. وذات بتجري وراه بالكاميرا وهي بتضحك

......


أما بقي يزن اللي واقف ومستعد يعمل المقالب اللي في دماغه..

في الجامعه

دخل وكانت فاطمه معاه : احنا بنعمل ايه هنا معندناش محاضرات

يزن : هنعمل مقلب في دكتور عماد . بقالي كتير مرخمتش عليه

فاطمه : ده انت رخم . هو الراجل عملك حاجه

يزن : لازم ازاول فيه

فاطمه : وهتعمل المقلب ازاي

يزن : صوري بس وملكيش دعوه

فاطمه : ماشي

دكتور عماد ماشي بالعربيه راح يزن فتح باب العربيه اللي وراه واللي قدامه وجري قبل ما يشوفو

الدكتور : يا عفاريت يا حيوانات مين عمل كده

يزن جاله وهو حاطط أيده في جيبه وببرائه : في ايه يا دكتور زعلان ليه بس

الدكتور : واحد حيوان فتحلي البابين وجري

يزن : معلش يا دكتور .. امسحها فيا .. دي عيال صايعه متحبش التعليم

الدكتور : عيال زباله

يزن وقف واول ما الدكتور ركب العربيه كان سد الشكمان بتاع العربيه بطوبه

طبعا الدكتور بيحاول يشغل العربيه مره واتنين وثلاثه والعربيه مش بتشتغل نزل يشوف في ايه

العربيه ولعت في وشه .. وووشه كله بقي اسود ومهبب

فاطمه بتضحك : ههههه..حرام عليك هو الملطشه بتاعكم

يزن : علشان يحرم يحط امتحانات صعبه

فاطمه. :هههه . بس شكله فظيع . يهلك مني الضحك ... انت شر يا يزن

يزن : تعالي ورايا انا عندي شويه مقالب إنما ايه فل شمعه منوره .. معايا

فاطمه : معاك يا معلم

يزن كان ماشي وشاف واحد قاعد بيقرا الجرنال راح جايب كبريت وولع الجرنال من تحت

الراجل بيجري : ياض يا ابن الجزمه ..شوفتي الواد اللي جري من هنا يا انسه

فاطمه : اه يا عمو جري من هناك

جري الراجل ويزن مستخبي : جدعه يلا علي المقلب اللي بعده


شاف واحد جزار معلق لحمه وراح واقف بيضرب اللحمه بالبوكس

الجزار : بتعمل ايه يا مخبول انت

يزن : بربي العجل قليل الادب .

جري الجزار وراه بالسكينه : والله ما حد قليل الادب غيرك يا جزمه


.....



بعدها راح محل حلاقه وواحد قاعد بيحلق ....راح يزن ماسك جردل مايه ورماه علي الراجل وطلع يجري والراجل وراه: وديني لاربيك

يزن : ده لو عرفت تحصلني بكرشك ده


...


بعد كده شاف اتنين قاعدين رمي تحت رجلهم صاروخ .. فرقع الصاروخ والناس اتخضت

وهو ماشي امنه معملش حاجه



.....

شاور لتاكسي علشان يقف

فتح الباب وربط الكوتشي وقفله الباب تاني ومشي والراجل فصل يشتمه : يا رخم .. يا رزل

وهو ماشي وله علي باله


.....

يزن : الواحد حاسس براحه غريبه وهو بيضايق في الناس اوي . متعه والله

فاطمه : هههه. هموت من كتر الضحك . شوفت الراجل وهو بيجري وراك وانقلب علي كرشه .. كان شبهه الصرصار

يزن: وله الراجل الاقرع اللي شاف الناس بتجري راح جري معاهم . يا خربيت كده

فاطمه ' بصراحه انت مصيبه بطني وجعتني من كتر الضحك

يزن : وريني بقي الكاميرا اشوف المقالب

فاطمه : مقالب ايه ؟

يزن : اللي انا عملتها . عايز اشوف بتصوري حلو وله لا

فاطمه : ااااه مش تقول كده من الاول

يزن : هاتي الكاميرا يا بطه

فاطمه : انا بص . انا بص
يزن : ايه انا بص دي ... شكلك عامله مصيبه

فاطمه : يزن انت بتحبني وله لا
يزن : بت انتي هتسهبلي.. هاتي الزفته


فاطمه : انا محتاجه اعرف الحقيقه . هل انت بتحبني

يزن : اه بتزفت احبك

فاطمه : طيب مش عايزاك تضايق وافتكر انك بتحبني ..

يزن : قلبي مش مطمن. اوعي يكون اللي في بالي صح

فاطمه : اه هو .. هههه . انا نسيت اسجل المقالب

يزن : اااه قلبي . قلبي . هتشل امي . حد يمسكني

فاطمه : افهم بس يا يزن

يزن سكت شويه وبصلها : بتعرفي تجري ؟؟

فاطمه : اه. ليه

يزن بصوت عالي: حراميه . حراميه سرقتني وعايزه تخطفني . الحقوووني

. فاطمه : يا واطي ..

جريت فاطمه والناس وراها ويزن فتح الموبيل وبيسجل اللي بيحصل : تستاهلي يا كلبه . علشان تبطلي غباء


فاطمه وهي بتجري : يا خربيتك يا يزن.. نفسي اتقطع

.....

بليل

اتجمع السته مع بعض في كافيه وهما بيشوفو الفيديوهات

فاطمه : متفتحش بوقك معايا علشان مش طايقاك

يزن : يا بت انت اللي غبيه يعني مصورتيش كل اللي عملته

فاطمه : انا مش طايقه شكلك . عيل زباله

دخل الحمام وجه علشان يقعد

راحت فاطمه شدت الكرسي بعيد وقع علي الارض

يزن : اااه .

فاطمه : تستاهل

يزن : هو اللي بعمله في الناس هيطلع عليا وله ايه .. ما تلمي نفسك يا بت


مسك الكرسي ولسه هيقعد راح يونس حط بيضه قعد عليها واتكسرت وقف تاني وهو بيصوت

: ايه ده ..

يونس : انت فقست يا يزن

يزن : بلاش هزار البوابين ده يا جدعان

فاطمه : يعني اما خليت الناس تجري ورايا في الشارع مكنش هزار بوابين

يزن : كان مقلب . وبعدين انتي اللي مصورتيش اللي عملته من الاول .. . متلوميش الا نفسك

ياسين : شكلك مسخره . هتروح ازاي وانت متبهدل كده

يزن : حد يجيبلي بنطلون وله اي زفت

ياسين : بس كده. من عيني هروح اجبلك .. شوفت محل فاتح جنب الكافيه

خرج ياسين ودخل بعد شويه وهو ماسك شنطه

ياسين : خد ياض يا يزن. غير في الحمام

دخل يزن يغير وهما بيضحكو عليه وخرج وهو لابس جلابيه بيضا قصيره وطولها بعد الركبه وواسعه

.يزن مكشر وقالب وشه : ايه الهزار التقيل ده يا ياسين. اروح ازاي يا عم كده .

ياسين ويونس ضحكو والبنات

فاطمه : طلعت يا محلا نورها شمس الشموسه

يزن وهو بيرقص : يلا بينا نملاها ونحلب لبن الجاموسه

فاطمه : جاموسه راحت تقابل جاموسه . ااااه . جاموسه راحت تقابل جاموسه ملقتهاش جاموسه يا عين. لاقيتها بقره يا عين يا ليل ... الله

كملو ضحك وهزار ...وياسين خد يزن علشان يوصله للبيته

يزن لف علي وشه طرحه
. ياسين : اهم حاجه الحجاب يكون علي اقتناع
يزن. وهو بيقلد صوت الستات : هيهيهي. جاي وله الدور الجاي.

ياسين : لا مش جاي .

يزن : طب فاضي وله هتعمل قاضي

ياسين وهو بيبص في وشه : انتي لو صاحبتي ..كنت ابوس ايدك علشان تخونيني

يزن : ودي اشكال اصحابها يعني . انت فاكر نفسك راجل ده انت عره الرجاله


ياسين : وانت فاكر نفسك ست . ده انت ست اشهر

يزن : لا احنا كده بندخل في الأعراض.. وانا هبهدلك

ياسين : امشي . بره العربيه
. يزن خرج من العربيه واقف في الشارع : انا بكره هرفع عليك قضيه في محكمه الاسره

ياسين بيضحك . عدت واحده ست عجوزه وتقريبا مش بتشوف : يا بنتي مش كده. كل اتنين بيتخانقو ويتصالحو

يزن وهو بيعمل صوت الست : لا يا خالتشي. . ده راجل لا يطاق

الست : معلش هما كل الرجاله كده

يزن : علي رايك كل الرجاله سته في تسعه. الا ده اربعه في اتناشر

ياسين بيضحك : يخربيت فقرك. يلا اطلع قبل ما ابوك يقفشك

الست : ابوك . هو انت منهم

يزن وهو بيمدغ اللبان : طريقه العاصي كل معاصي يا ابلتي .

الست : أخص علي الرجاله

يزن : هههييهي. هو في رجاله دول كلهم ماتوا في الحرب يا اخوه .


******

يتبع