٢٧

جامعه



بسم الله

في  كافتيريا الجامعه ... قاعدين السته

  اتصال علي موبيلهم

فتحت اسراء وكان رقم اللعبه

اسراء :  ارغي.. ايه المطلوب مننا

اللعبه : هتتقسمو لثلاثه فرق ..انتي ويونس ..و يزن مع فاطمه وياسين معاه ذات

اسراء : هنعمل ايه

اللعبه : هتتنافسو في مسابقه واللي يكسب  هو اللي يحكم علي الفريقين

يزن. : بسسسس  التحدي ده يلزمني والله لاخيكم تمشو في الشارع علي حماره

يونس:  علشان نيتك دي مش هتكسب

اللعبه : بكره تكونو في النادي الساعه ٤ العصر هتبدا المباره

ياسين : اتفقنا

...

تاني يوم

يزن : ركزي معايا . عايزك تنشني علي الخصم

فاطمه : خلاص فهمت هضربهم بمسدس الخرز في افاهم

يزن : ايوه .  اضربي الواد ياسين علشان ده مفتري وأيده طرشه

فاطمه : طيب ويونس

يزن : لا، يونس ده اخره أشيله النضاره من علي عينه وهو مش هيشوف حاجه

فاطمه : ماشي

...

علي جنب التاني

يونس واقف يطنط في المكان 

اسراء : انت بتعمل ايه
يونس : بسخن . لازم اسخن علشان اعرف العب

اسراء : هتعرف تهزمهم وله حكايتك ايه . انا مش مطمنه
يونس : عيب عليكي. معاكي اسد
اسراء : اما نشوف الأسد  هيعمل ايه

يونس : ثقه في الله نجاح

.....

ياسين واقف مع ذات

ذات : طبعا انت هتقضي عليهم 
ياسين :  دول عيال سيس.  بضربه واحده هخلص عليهم

ذات : متتغرش اوي كده
. ياسين : هتشوفي  هعمل ايه فيهم . انتي متعرفنيش

ذات  وهي بتاكل :  اما نشوف

. 

اول مسابقه كانت بين ياسين ويونس

ياسين بيضرب يونس في وشه

يونس : ايدك تقيله
ياسين : استسلم طيب
.يونس : مستحيل . هضربك يعني هضربك

يونس بيحاول يضرب ياسين . بس طبعا ياسين اقوي ....ضرب يونس بوكس واحد وقع في الأرض

اسراء : عمل تقولي عيب عليكي وانا اسد ..بذمتك في اسد يقع الواقعه دي .. ده انت مرفعتش ايدك عليه

يونس : انا لا احب العنف سيدتي . انا جئت في سلام

اسراء : ليه يا خويا . تكونش فاكر  نفسك باظ يطير .. قوم يا اسد ..

يونس وقف    : هو خدني علي خوانه
اسراء : اه ما هو باين 

...

ذات : يا جامد ،، خلصت عليه في ثواني ناقص بقي الواد يزن

ياسين : هخلص  عليه هو كمان 

ذات : الواد ده شبهه البرص . خلي بالك منه

ياسين : هضربه بالشبشب  ..

ذات  : يعني واثق من الفوز

ياسين : واثق

...

وقف في حلبه الملاكمه  الاثنين

يزن بيشاور لبطه علشان تضرب ياسين بالمسدس

بس هي قاعده تاكل وله علي بالها

يزن : يخربيت غبائك .. يا متخلفه.  بت . يلا اضربيه


ذات : هو الواد. يزن بيغمزلك ليه

فاطمه : اكيد بيعاكسني ..مشوفتيش النيولوك بتاعي . عماله جنان

ذات :  ده شكله عايز حاجه ..
. فاطمه : فعلا هو ناقص

ذات : مين ده اللي ناقص يزن ؟

فاطمه : لا، السندوتش يا غبيه

ذات : ههههه .. بحسبك بتتكلمي عن يزن

...

خلصت المباره بضربه في وش يزن نام علي الارض واغمي عليه

فاطمه : وعملي فيها شبح . ومخلص وانت اصلا بوق

يزن : منك لله . مش قولتلك تضربيه

فاطمه : اااه . علشان كده كنت بتشاور

يزن : يمهل ولا يهمل.

.....

وقت كان الاربعه بيرنو الجرس علي يزن
( يونس وياسين وذات وفاطمه)

فتحت واحده ست كبيره ماسكه عكاز

فاطمه : سلام عليكم يا تيته.  يزن موجود

الست : عدي علينا بكره ؟

فاطمه :  ليه يا حاجه .  هو مش هنا ؟
الست : مش انتي بتاعت الزباله, مفيش انهارده .تعالي بكره

فاطمه : انا مش زباله ، انتي فاهمه غلط

يونس : ابعدي انتي يا فاطمه شكلها مش طايقاكي .  انا هتكلم معاها. بصي ياتيته ، احنا صحاب يزن وجينا نطمن عليه؟

الجده :   اااه .  انتم صحاب الواد يزن الصايع . بس انت شكلك محترم ايه اللي واقعك علي الواد ده

يونس : القدر ياتيته
الجده :طيب تعال يا بني ادخل انت وصاحبك ومشي البت الزباله اللي معاكم

فاطمه : يا حاجه ، متجننييش عليكي ..انا مش زباله

الست : يبق انتي البت اللي نصبتي عليا الاسبوع اللي فات وبعتيلي الكشاف البايظ .

مسكت في هدوم فاطمه ...

فاطمه : يا تيته والله  انا اول مره اجي هنا واول مره اشوفك

الست : قالو الحرامي احلف , قال جالك الفرج

ذات ضحكت : تعالي بس يا ست الكل نقعد .. دي البت فاطمه تبعنا مش هي .

فاطمه :  هي مالها قرشه ملحتي ليه . عملتلها ايه دي

يزن : حد يوصلني للبيت مش قادر اتحرك

ياسين : تعال اوصلك


.....

في الجامعه

تاني يوم ...

فاطمه : الواد يزن مجاش الجامعه

ياسين : تعالو. نروح نشوفه

....


راحو السته ورنو الجرس وواحده ست كبيره في السن فتحت الباب

.. دخلو الشقه وسابتهم


ذات : هي الست دي راحت فين ؟
ياسين : يمكن دخلت تنادي علي يزن وله حاجه

يونس : تعالو نقعد ؟

اسراء : بس هي مسالتش عايزين ايه . انا مش مطمنه؟؟


قعدو وهما منتظرين حد يخرج ..


فاطمه : هي  دخلت تموت جوه وله ايه
يونس : شكلها نامت

ياسين : هدخل ادور عليه

اسراء : لا عيب

ذات : مش عيب . ادخل يا عم خلينا نخلص ونمشي



قام ياسين ودخل يدور علي  يزن : يزن.. واد يا يزن . هو البيت ده مسكون وله ايه .. ايه بيت الاشباح ده ...


فجاه وهو واقف خرجت الجده وبالعكاز نزلت بيه علي علي دماغه وضربته

ياسين : اااه ..

ووقع علي الارض أغمي عليه..

وقف الاربعه بقلق

اسراء : في ايه

ذات : ايه الصوت ده

يونس : مش عارف . تعالو نشوف ؟

دخلو المكان اللي فيه ياسين شافوه واقع علي الارض

ذات :  ياسين .. مين عمل فيك كده ؟

وهي بتتكلم كان يونس هو كمان وقع علي الارض وهي بعدهم وبعدها اسراء اللي ملحقتش تهرب ..

فاطمه صوتت وجريت : يا لهوووي . الحقوني.  هتموتنااااي ..

الست : اه يا حراميه يا ولاد النصابين .جاين تسرقوني.. عامله فيها زباله .انا عارفاكم جاين تغتصبوني

فاطمه : يا حاجه انتي اللي فاتحه الباب بأيديك  . وبعدين نغتصبك ايه ده انتي موتي قبل كده ٣ مرات وشكلك طالع من التربه بكفاله

الجده بتجري وراها في الشقه : بتقلي ادبك عليا يا بنت الحراميه .. انا فيا صحه احسن منكم

فاطمه : شكلك عندك زهايمر يا وليه قطعتي نفسي اقعدي بقي ... منك لله يا يزن انت وعيلتك نفر نفر

الباب اتفتح ودخل يزن وهو بيبصلهم

يزن : فاطمه . بتعملي ايه هنا

فاطمه جريت ووقفت وراه : الحقني  يا يزن . جدتك هتقتلني

يزن : في ايه يا تيته دي زميلتي في الجامعه

الجده : يعني مش حرامين

فاطمه : يادي النيله . مش انتي اللي فاتحه الباب بأيديك يا حاجه

الجده : محصلش

فاطمه : حصل والله ، ياعني احنا هندخل من الشباك وله من تحت الباب

يزن: معلش يا بطوط اصلها عندها زهايمر

فاطمه : طيب الحق العيال . مرمين علي الارض .. ضربتهم علي دماغهم خلصت عليهم ..دي فيها صحه احسن مني

الجده : الله اكبر في عينك . يا صفرا

.....

بعد وقت فوقهم يزن ...


فاطمه ؛ انتم عايله مجنونه .

يونس : عرفت انت وارث منين العبط

اسراء : دماغي مش قادره


يزن : ما تلمو نفسكم بقي متنسوش أنها جدتي

ياسين : تقدر تقولي غيبت انهارده ليه . انت ناسي أن في عقاب

يزن ': اصل تيته جت من السفر ومحدش هنا غيري .

خرجت جدته وبصتلهم : انتم بتعملو ايه هنا يا كلاب ، قاعدين وسايبين الشقه تضرب تقلب

يزن : يا تيته دول صحابي

الجده : اخرس يا خدام يا كلب . يلا امسح الشقه .. وحد يجي يغسل رجلي

يزن : شقه ايه يا تيته . ما هي نضيفه

الجده : بقولك اخرس  يا ولد . يلا امسح وانتم ياخدم يا بقر . اعملو بلقمتكم ..

يزن بصلهم : اما بمشو همسحلك الشقه ..

الجده : كلكم هتمسحو وتغسلو السجاد.. والبت الزباله اللي هناك تيجي تغسل رجلي

فاطمه : نعممم . انا رايحه عند امي

مسكتها من افاها : امسحي يا كلبه يا خدامه

فاطمه : ده علي جثتي

بعد وقت كانت البنات علي الارض بتغسل السجاد



ذات : كان يوم اسود يوم ما قولنا نطمن عليك يا يزن
اسراء : انا اصلا مش بغسل السجاد لامي

فاطمه : ياريت تقطع علاقتك بينا ومش عايزه اعرفك تاني

.الجده : شغلكم مش عاجبني .. بطلو رغي يا رمم

ضربتهم بالعكاز وهما صوتو

....


يزن بيسمح الارض

يونس بيمسح جنبه:  تعرف ياض يا يزن . انتم عايله مجنونه

يزن : شالله يخليك . انت مش اول واحد. يقولي الكلام ده علي فكره

يونس : كانت معرفه سودا

ياسين : منك لله يا دكتور عماد . إن شاء الله شعرك يوقع اكتر ماهو واقع وكرشك يفس زي كوتش العربيه


وهما بيتكلمو رن الموبيل

ياسين : نعممم . عايز ايه

اللعبه : العقاب يا حبيبي . انت نسيت وله ايه يا ياسين ؟؟

ياسين : انا كسبت في ام التحدي

اللعبه : بس الاربعه التانين خسرو ؟؟

يا تري هيكون ايه العقاب ؟؟

.......

يتبع