٨

في الجامعه

٨

بسم الله

فاطمه قاعده مع ذات وهي مكشره
ذات : ما خلاص يا فاطمه انتي بقالك يومين مكشره

فاطمه : انتي السبب انا مكنتش عايزه اتزفت واجاي الجامعه ..

ذات : يعني هتضيعي مستقبلك علشان يزن

فاطمه : مش عايزه اسمع اسمه
وهما بيتكلمو لاقو يزن وياسين ظهرو وقعدو جنبهم
ياسين : بتصل بيكي مش بتردي عليا ليه يا زوزا
ذات : الموبيل باظ ومتقوليش يا زوزا

ياسين خرج موبيله واتصل بيها وهي قاعده

ياسين : ما هو بيرن اهو .. شكلك وحش اوي . مش عارفه تكدبي صح


ذات : طيب لعلمك بقي . انا مش عايزه ارد عليك

ياسين : ليه كده يا ذات
ذات : علشان أنت زي صاحبك اكيد خاين
ياسين : الله . وانا مالي يا لمبي
ذات : الرجاله كلها حيوانات وخاينين
يزن : الله يكرم اصلك .. ما تلمي قريبتك يا بطوطه
فاطمه : متتكلمش انت . علشان مش عايزه اسمع صوتك
يزن : ليك عين تتكلمي بعد اللي عملتيه
فاطمه ؛ هو انا لسه عملت حاجه .
يزن : انتي كنتي عايزه تعملي ايه اكتر من كده
...

ياسين لذات : بصي مليش دعوه بكل ده .. هو خان. انا مالي
‏ذات : صاحبك وانت زيه . متتكلمش معايا
ياسين : ذات اعقلي
ذات : مش عايزه اعرفك تاني يا ياسين ...

...

يزن : بصي يا بطتي انا مسامحك رغم اللي عملتيه
فاطمه مردتش
ياسين : يا ذات انا مالي
‏ذات : السيئه تعم

يزن : خلاص بقي يا جماعه .. مكنتش غلطه ياعني .. . انا قررت اغير حياتي واصلح من نفسي ومش هبص بره وكمان هروح جيم .. خلاص كده..
فاطمه سكتت ..
ياسين : اهم هيتصلحو .. انا بقي مال اهلي
ذات : صاحبتي وانا وهي علي الحلوه والمره مع بعض
‏..
ياسين بيحاول يقنع ذات تسامحه وفاطمه مش بترد علي يزن
يزن : اسمعوا دي . مره واحد ميكانيكي راح حافله تنكريه لبس وش سلندر .. تين تراررن تن تن
فاطمه بصت له بقرف هي و ذات ..
يزن : ايه وحشه . طيب اسمعو دي
مره واحد بتاع عدس عطس قال عتسي تن تررارن تن تن

ذات وقفت هي وفاطمه ومشيو وسابوه
يزن : مالهم دول. ليمونه في بلد قرفانه كده ليه
ياسين : ولا ...مش عايز اعرفك تاني .
ياسين مشي وسابو .. يزن : ولا .. ولا . تعال اقولك نكته تأتي
يزن جري وراه : طيب قولي ليه الياباني بيخاف

ياسين : ليه
يزن : لانه Japan ههههههه
ياسين : اقطع علاقتك بيا
مشي ياسين ويزن : انتم عيال نكد مش مقدرين مواهبي . ده انا دمي خفيف.. وقريب هنافس يا الخليل كوميدي

........

يونس كان رايح علي المكتبه ومعاه الملزمه لاسراء
هو في الطريق سمع اسراء مع صاحبتها بيتكلمو
صاحبتها : بقولك الواد بيحبك

اسراء : وانا مالي ما يحبني .. انا عمري ما ابصله

صاحبتها : بس هو مش وحش
اسراء : انتي مجنونه يا بنتي . انا ابص لده . شكله غريب وعاملي شعره علي جنب وكفايه نضاره تيته اللي لابسها دي . تحسي أنه عايش في كهف .. لا انا وله اي واحده ممكن نبصله ..

يونس وقع الورق من أيده وزعل علي كلامها
خرج من المكتبه وهو حزين
ياسين شافه : مالك يا يونس
‏يونس : مفيش .
ياسين مسكه : يا عم اقف . جاي من المكتبه وشكلك زعلان ليه . حد كلمك وله البت إسراء نكدت عليك
يونس : ابعد عني يا ياسين ... انا مخنوق ومش عايز اكلم حد .
ياسين : لا مش هسيبك .. واقف كلمني
يزن شافهم : في ايه يا رجاله. مالك ياض يا يونس
يونس : ابعدو عني
ياسين ؛ ياعم اهدا بس وقولي في ايه
يونس : البت اسراء طلعت بتشتغلني .. سمعتها مع صاحبتها بتتريق عليا وبتقولها انها عمرها ما هتبصلي
ياسين : سيبك منها . بكره تعرف قيمتك
‏يزن : انا هعرفك علي واحده احسن منها . هخليها تتلوح اما تشوف البت اللي معاك
يونس : انا محدش هيحبني

ياسين : ياض انت حلو مش وحش .. انت قمر
الدكتور كان ماشي وسمعهم بيتكلمو كده : اعوذو بالله . ربنا يلعنكم .. يا بهايم
يزن حط أيده علي بؤ الدكتور : ايه يا دوك هتطلع عليا سمعه .. انا مش شمال والله
ياسين : يادكتور انت بتقول ايه . انت فاهم غلط
‏.الدكتور: سمعتك ياض وانت بتعاكسه ... شكلكم مش مريح
يونس : لا يا دكتور ده بيرفع من روحي المعنويه
ياسين ؛ اصل البت اللي بيحبها .كانت بتشتم فيه

الدكتور : اه ..قولتولي . مش تقولو كده من الاول
يزن : لا ،،، يا دكتور ده احنا ميه في السليم
‏الدكتور : يلا علي المحاضره انت وهو

.....بعد ما خلصو محاضرات خرج يونس مع يزن وياسين ....

يزن اقنع ياسين ويونس يروحو الجيم
ياسين خدهم علي جيم يعرفه


في الجيم
يزن وهو داخل وجنبه ياسين ويونس
يزن : العقل السليم في الجسم السليم .. كده نبدا اول طريق التغير .. لازم نصلح نفسنا
ياسين وهو شايف واحده معديه وشكلها حلو : عندك حق ياض .. الجسم سليم مفيش كلام
يزن ضحك : شوفت . قولتلك
بنت تانيه معديه ويزن مشي وراها : يا مزه .. يا انسه ... يا صاروخ
وقفت البنت : عايز ايه
يزن : ينفع ادرب معاكي
البنت : ما تدرب الجيم مفتوح اهو قدامك
يزن : لا .. انا محتاج مساعده ..

وهو بيتكلم لقي واحد بيحط أيده علي كتفه
يزن وقع في الارض : ايه ياعم حيطه بتسند عليا
يونس وياسين واقفين بيضحكو علي يزن
يزن رفع رأسه كان في واحد ضخم : براحه يا عم .. ايه الافترا ده
الضخم : انت مين يا شبح وبتعمل ايه هنا
يزن : انا مشترك هنا جديد في الجيم وجاي ادرب .. عايز اعمل فورمه الساحل .. انت بقي مين يا شبح

الضخم : انا الكابتن ظاظا.. صاحب الجيم ده

ياسين : عاش يا كابتن ، انا ياسين ودول صاحبي وعايزين ندرب هنا
ظاظا بص علي جسمهم : عايزين شغل كتير
‏.
شاور علي يونس : والواد ده عايز يتعلق ليه محلول جفاف
يونس : انا هروح اذكرلي كلمتين تنفعني

ظاظا : هو دخول الحمام زي خروجه .. مينفعش تخرج من هنا غير اما تدرب .. يلا ياض علي الجهاز واجري نص ساعه ...

يونس : اجري . لا مش عايز ...انا هامشي
ظاظا رفعه من هدومه : بقولك روح اجري ياض
يونس خاف : حاضر يا باشا.. هاجري حالا
ظاظا بص علي يزن : انت بقي . تعمل خمسين مره ضغط

يزن : نعم .. بتقول ايه . مش سامع من الدي جي
ظاظا : بقول اللي هيحصل . قدامي ياض
يزن وهو بيجري : انا مني لله

ظاظا بص علي ياسين : انت بقي . يجي منك شويه . احسن منهم
ياسين : انا مش زي العيال ، الهفا دول
ظاظا : روح بقي ارفع الحديد . عشرين رافعه

ياسين : انا اهفا منهم

ظاظا : اخلص ياض منك ليه . جيم كابتن ظاظا اللي يدخله يطلع منه وحش.. اسد ..

ظاظا وقف والثلاثه بيعملو ضغط قدمه
ظاظا : عااااش . وحش . يلا ياض يا خرع منك ليه . كملو.
يونس : منك لله يا يزن
ياسين : كان يوم اسود يوم ما سمعت كلامك

ظاظا : قلل كلام كتر ضغط.. يلا .. عاش ..

و بيكمل عد : ثلاثين .. واحد وثلاثين
يزن : انا كل افكاري سودا .. انا مني لله .. اه يا ايدي .. اه ياني ياما

بعد وقت

ظاظا : خمسين . برافو يا شباب . يلا بقي علي الحديد
بيبصلهم لقي الثلاثه واقعين علي بعض و شكلهم أغمي عليهم
ظاظا : هات يابني جردل مايه.. نفوق العيال دي
فاق الثلاثه وبعد عناء خلصو

ظاظا وقف. : عشان عارف انكم عيال خرعه . اللي مش هيجي بكره هجيبه من بيته . فاهم انت وهو وله لا .
الثلاثه : فاهمين

.. رجع كل واحد علي بيته وهو خلصان
.


.*******

في البيت ..


الام. : مالك يا واد يا يونس . داخل البيت متبهدل كده ليه
يونس وهو علي السرير: كنت في الجيم يا امي . والكابتن طلع عينينا
الام : وايه اللي يوديك الجيم يا واد . انت مش كنت في الجامعه..

يونس : منه لله صاحبي يزن . قالي نروح نبني جسمنا وفضل يقولي الجسم السليم وكلام كده
الام : طيب قوم كل و رم عضمك
يونس : انا مش قادر ارفع صوابعي .
‏ الام :: انت مش قد الجيم بتروح ليه يا موكوس
يونس : ادعي يا ما معايا . يارب الجيم يتحرق وكابتن ظاظا يولع...
الام : يابني حرام عليك تدعي علي الناس كده..
يونس : لا مش حرام يا ماما . ادعي عليه . ده احنا لو مروحناش هيجبنا من البيت
ضحكت الام : يووه جتك نيله . عيل اهبل بصحيح
خرجت الام .. ودخل ذات : هو في ايه مالك يا يونس .. مين ضربك
يونس : محدش ضربني . كنت في الجيم مع صحابي
ذات : صحابك مين ..
يونس : ياسين و يزن

ذات : اه قولتلي.
خرجت ذات بعد ماعرفت مكان الجيم واتصلت بفاطمه واتفقو يروحو يراقبو ياسين ويزن

تفتكرو يزن هيتغير ؟؟؟


*****

يتبع