١٢

الجامعه

١٢

بسم الله الرحمن الرحيم

في الاتوبيس اللي هينقلهم المطار

فاطمه وذات قاعدين في اخر صف ..وقدمهم ياسين ويزن في الكراسي ..وقدمهم يونس قاعد لوحده والكرسي اللي جنبه فاضي
.....

طلع  الدكتور عماد الاتوبيس  وهو  لابس شورت وقميص هواووي مشجر و شبشب وطاقيه بحر

يزن : ايه يا دوك اللي انت عمله في نفسك ده

الدكتور : ده لازوم الشياكه.. مش طالعين رحله بقي

يزن : واضح الصرف . انت لو مسافر جمصه هتتشيك اكتر من كده

فاطمه : انا عارفه الطقم ده كويس اكيد من عند ابو نسمه اللي في الوكاله

الدكتور بثقه : اووف كورس . انتي تعرفي ابو نسمه

فاطمه : ايوه يادوك . اعرفه  ..ده انا  بلبس من عنده ..

يزن :  اه يا جزمه وبتتضحكي عليا وتقولي لبسي كل برندات . 

فاطمه : ايوه ياض ..   برندات  ابو نسمه

ضحك الشباب عليها ..  وهما بيتكلمو طلعت اسراء   ...

ياسين : الحق ياض يا يونس . البت اسراء  هتيجي معانا كوريا

يونس نط علي الكرسي وعينه بتطلع قلوب  : يا  مساء الانور

يزن :مالك قلبت علي مدحت شلبي كده ليه .  أثبت ياض وخليك تقيل في نفسك

ياسين : افتكر اللي قولنا عليه.  البنات بتحب

يونس : افتكرت . الراجل الناشف من بره والطري من جوه

ياسين : اتقل بقي  تاخد حاجه نضيفه

يونس :  قشطه .. انا جوز هند في نفسي

قعد علي الكرسي تاني وهو رافع رأسه لفوق ..

اسراء شافته وقعدت علي الكرسي اللي جنبه  : ازيك يا يونس

يونس بيصفر وعامل نفسه مش سامع  ...

اسراء : يا يونس .. يونس انا بكلمك انت بتعمل كده ليه

يونس : انا ناشف من بره وطري من جوه علي فكره

يزن : يا لهووووي . هيشلني

ياسين : حد يجبلي حبايه القلب بسرعه . هتجلط

ذات بقلق  : ايه ده يا ياسين انت تعبان

ياسين : لا . بس  اخوكي  هيشلني .. 
.....

اسراء : لو مضايق مني انا هقوم من علي الكرسي

يونس. : لا مش مضايق . خليكي عادي . انا اصلا مش شايفك

يزن لياسين : الواد ده غشيم وهيخلي البت تكرهه
ياسين :  متخلف مش غشيم

ذات : ما تلمو نفسكم ..علي فكره بقي يونس ده طيب ونقي من جوه

فاطمه : مش زي ناس   .عارفين بنات بعدد شعر راسهم

يزن : احم . بتلقح الكلام علي مين دي

ياسين : اكيد مش عليك . انا صاحبي من البيت للجامع ..

ذات : ده انت من كتر الكدب هتتسخط قرد
....

الاتوبيس اتحرك علي المطار

.نزل الشباب وكل واحد بيجر شنطته
   في جزء التفتيش

الظابط واقف وشنط قدمه  بتاعت  الدكتور عماد

الظابط : برطمان ايه ده .. وايه ده
الدكتور :  ده برطمان مش .. ودي  رنجه .. اصلي ضغطي بيوطي بسرعه

الظابط : ممنوع  يا استاذ..

الدكتور : انا دكتور عماد  علي فكره

الظابط : دكتور علي نفسك .  بقولك ممنوع الاكل ده

الدكتور  خاف : ماشي  . 

الظابط :  اللي بعده  

قرب ياسين وخلص تفتيش ويزن وقف قدام الظابط

: التدخين ممنوع في الطياره

يزن : بس

الظابط : قولت ممنوع . ده ايه اليوم اللي مش هيعدي ده  .. 

رمي الظابط السجائر في الزباله

وقف قدامه يونس والظابط فتح شنطته : جايب عيش ليه يا بني .. وايه ده صنيه كيكه وسندوتشات مفتقه ..  وعلب تونه  وصينيه مكرونه بالبشاميل
ايه يا بني كل ده . انت طالع كوريا وله طالع فين بالظبط

يونس عدل نضاره : معلش يا فندم .  دي تقريبا الحاجه هي اللي عملت كده . اصلها فاكره كوريا سافوريا ..

الظابط فتح بوقه ومش فاهم : ها.. مين سافوريا دي

يونس: لا ..ده موضوع كبير

الظابط فضي الاكل : ممنوع تاخد اكل علي الطياره

يونس:يب بقولك ايه يا باشا.   اصل الست الوالده بتعمل المكرونه حلوه اوي . ممكن تديني خرطه منها

الظابط : يلا ياض من هنا بدل ما احبسك

يونس: لا وعلي ايه ..  السلام عليكم

خد الشنط ووقف جنب صحابه .. خلصو التفتيش وكل الإجراءات وطلعو علي الطياره

الدكتور وقف في نص الطياره : يلا كل واحد يقعد في المقعد بتاعه

يزن : مقعد ؟ .دي الكلمه دي اتلغت من ال٩٠

الدكتور : ياسين .

ياسين: نعم يا دكتور

الدكتور : قوم من هنا بسرعه

ياسين ؛ ليه في حاجه

الدكتور : قوم بس . بسرعه اتحرك

ياسين قام من مكانه : في ايه
الدكتور قعد هو علي الكرسي : اصلي عايز اقعد جنب الشباك

ياسين بصله بقرف : تافهه اقسم بالله

كل واحد قعد مكانه .. ( يزن قعد جنب يونس )
( ياسين قاعد جنب الدكتور) البنات جنب بعد


واول ما الطايره بتبدي تطلع

يونس : بسم الله . بسسسسم الله
يزن : في ايه يا عم . براحه

يونس : انا خايف يا يزن ..
يزن : يا بني . اما انت بتخاف من الطياره بتطلع ليه الرحله

يونس ماسك في يزن : لا...نزلوني
يزن : ياعم اهدي ..هي بس الاقلاع بيكون صعب

..وهما بيتكلمو كان الدكتور ماسك في رقابه ياسين وبيصوت زي البنات : يا لهووووي . الحقوني . هممموت


ياسين : انت اللي هتموت ..وله انا . هتخنق امي . سيبني يا عم

الدكتور : عاااااا .. هموت

المضيقه قربت عليهم : مش كده يا فندم. انت هتعمل رهاب للراكبين

الدكتور : نزلوني . هموت

ياسين : يا ست الكتكوته اديله اي مهدا..

يزن : معندكيش الحقنه المهدا بتاعت الحيوانات

المضيفه : لا

يزن : طيب اديله اي منوم .. الواد ياسين هيموت في أيده

الدكتور : نزلني .. نزلني .عايز ارجع البيت . انا عايز ماما

ياسين ضربه في وشه بالبوكس والدكتور أغمي عليه

يزن : الله يخربيتك عملت ايه

ياسين : نيمته .. هيموتني الله يخربيته

يزن : طيب تعال ادي الواد يونس بوكس خليه يتكوع وينام علشان خنقني

ياسين : مع نفسك يا حمار

يزن ضرب يونس في وشه نام ..

ياسين : خلصنا منهم .. تعال بقي انقل الاتنين جنب بعض

قعدو الدكتور جنب يونس

يزن : ذات ..تعالي اقعدي جنب ياسين

نقلو الكراسي ... ذات قعدت جنب ياسين .. وفاطمه جنب يزن


ياسين لسه بيحط أيده علي ايد ذات لطشته بالقلم

ذات : نزل ايدك يا حيوان

ياسين بصدمه : انتي عملتي ايه

ذات : فاكر يعني علشان بكلمك هتحط ايدك عليا . لا يا بابا ..استوب عندك .. ده انا اقطع ايدك

ياسين : بيئه

ذات : اه . انا بيئه بص قدامك علشان اتفرج علي الفيلم

شغلت فيلم علي الشاشه اللي قدامها وحطت السماعات .. ياسين أيده علي خده ومصدوم

....

بتتفرج علي اغنيه لفرقه B t s

فاطمه : بس دول أعضاء الفريق ..قولي بقي مين ده

يزن بغباء. : ده وله ده

فاطمه : يا بني ده

يزن : ده هو ده . كلهم شبهه بعض

فاطمه : لا طبعا يا غبي . ده جونغكوك وده جين ..

يزن : يعني ده مش هو ده

فاطمه : لا... ده بقي مين اهو سهل ..اقصر واحد فيهم .

يزن : ده .. معرفش

فاطمه : يا خربيتك .. ركز يا بني . ده جيمين

يزن : اه صح .. نسيت .

فاطمه : احنا مش هننفع للبعض .
يزن : انا وله الbts يا بطه

فاطمه : مفيش وجهه مقارنه اكيد ال b t s
يزن. : واطيه . خليهم ينفعوكي

وقف يزن .. فاطمه : يلا في داهيه . قال فاكرني هفضله علي البتس من الغبي ..


يزن راح عند المطبخ

المضيفه: ممنوع يا فندم . وجودك هنا ممنو

المضيفه: حضرتك اتفضل علي مكانك

يزن بإعجاب : يا مساء العنبر . ممكن النمبر
المضيفه : افندم

يزن : في ايه بس يا قمر . انا معجب .. متجيبي رقمك

المضيفه : ممنوع يا فندم . اتفضل اقعد

يزن : محدش هيعرف

المضيفه : قولتلك ممنوع

يزن واقف وحس بحاجه بتخبطه في كتفه

: اااي . في ايه

فاطمه : بتعمل ايه يا يزن

يزن : ده انا كنت تايه وقولت اسال البوصله
فاطمه : لا ازاي . لو تايهه ارجعك لطريقك ..تعال

مسكت من الهدوم وقعدته

يزن : في ايه يا بطه . ايه الاسلوب ده

فاطمه مردتش عليه بس بتفكر تعمل فيه ايه علشان تنتقم

...

بعد وقت

نام يزن في الطياره . خرجت فاطمه كريم من شنطتها وبصت حوليها ملقتش حد مركز معاها

وارحت دهنت شعر يزن بيه وهي بتضحك بشر

فاطمه : ههههه .. شكلك هيبقى مسخره

....

تفتكرو فاطمه عملت ايه في شعر يزن ؟؟



يتبع