١٨

جامعه

١٨

لا حول ولا قوه الا بالله

.الكل جاله تليفون من رقم غريب وبيقولهم ينفذو اللي هيقول عليه والا وقتها هيبعت فيديو للمدير الجامعه أنهم كانو عايزين يسرقو الامتحان


يونس : ده تهديد والفيديو ده متركب محدش هيصدق

ياسين : بس هنثبت ازاي أنه متركب ؟ ..

يزن : عقبال اصلا ما نثبت أنه متركب ومش حقيقي هيكون الامتحانات خلصت ودي اخر سنه في الجامعه وممكن نسقط كلنا

يونس : طيب والعمل

فاطمه : هنشوف الرقم ده عايز ايه لحد ما نعرف هو مين بالظبط

ذات : شكله عرفنا كويس اصله اتصل بينا كلنا

اسراء : هيكون مين . انا مليش أعداء. حد هنا ليه أعداء

فاطمه : أعداء ايه .اقعدي يا بت علي جنب . ايه الهبل ده . اقطع دراعي من هنا اما مكنش واحد اهبل من الجامعه وبيشتغلنا

يزن : اي حركه غلط هنروح في داهيه كلنا. لازم نتصرف يا جماعه

فاطمه: هنستني لحد اما نشوف عايز ايه


اتصل الرقم بيهم تاني علي موبيل يونس


الرقم : افتح الاسبيكر يا يونس

يونس : حاضر

فتح مكبر الصوت وبدأ الرقم يتكلم : هتقسمو نفسكم لمجموعتين شباب وبنات
طبعا كل واحد فيكم هيعمل مهمه واللي ينجح ليه عندي جايزه

فاطمه : معلش يا أستاذ ممكن اعرف نوع الجايزه ايه.

الصوت: فلوس.

فاطمه: بص انا كده معاك وش

يزن : ماديه حقيره

فاطمه : بس ياض احنا اعداء دلوقتي . مش انت من الفريق المنافس


الصوت : كل مجموعه تختار لنفسعا اسم مميز وكل اللي ينجح في مهمه هديله نقطه وفي الاخر نجمع النقط ونشوف مين اللي هيكسب .. انتظرو اول مهمه



اسراء : احنا نسمي نفسنا فريق الcats
ذات : لا .. احنا اسمنا البينك
فاطمه: لا. احنا فريق الملكات Queen


يونس : ايه يا رجاله هتشاركو
ياسين: اه . ادينا بنتسلي
يزن : بس التفاهين . بيتخانقو علي الاسم. بت انتي وهيا خلي اسمكم مجموعه البط



فاطمه: ملكش دعوه بينا خليك في نفسك

يونس : ياسطا ركز معانا هنسمي نفسنا ايه مجموعه المهندسين العباقره

ياسين : يا بني انت بتقدم نفسك علي القناه التعليميه

يزن : مش ده اسم شركه متهيالي. مالك ياض يا يونس انت فاكر نفسك هتحارب وله ايه . خلينا في اسم لذوذ كده


يونس: زي ايه مثلا

يزن : مجموعه الهشتاكه

ياسين : ليه فاكرنا راقصين وله حاجه .

يونس: احنا نسمي نفسنا المقاتلين

ياسين : الفرسان احلي

يزن : البطه السوداء احلي من الاتنين
ياسين : بس ياض


بعد وقت ..اتصل بيهم الرقم تاني

الرقم : ها. خلاص اختارتم اسم

يونس: اه . احنا الفارسان
اسراء: احنا الملكات

الرقم : ماشي. خدو بقي اول مهمه. عارفين طبعا الدكتور اللي اسمه عماد


ذات : اه. ماله

الرقم : تروحو تبوظو عربيته من غير ما يكتشف انكم انتم اللي عملتوها. واللي هيبوظ ياخد سبفي جنب العربيه

يزن: سهله ومش مستهله .. سلام يا بووص

قفل الرقم ما الشباب

فاطمه شاورت علي الشجر: بصو العاصفوره دي ..

بص الثلاثه شباب وهي جريت مع البنات وبيضحكو


يونس: اجري يا مجدددي

جري الشباب هما كمان ور البنات


البنات وصلت العربيه واسراء خدت عصايه وراحت كسرت الفانوس بتاع العربيه : بوووم

تسكت فاطمه اكيد لا حبت تشارك وراحت واخده طوبه ووقفت بعيد ورزعتها في الازاز بس لسوء حظها

أن الدكتور عماد كان معدي وهوب الطوبه تلبس في وشه

عماد : اااه . ايه ده مين بيضرب مين ..


فاطمه لطمت علي وشها : يا لهووتي هترفد روحت في داهيه

اسراء: يا خربيتك .. اسكتي يا بت ...

فاطمه : اسكت ازاي دي الطوبه لبست في دماغ الدكتور عماد


عماد: اه يا دماغي يا حثاله. يا زباله المجتمع
يالغالي رميت الطوبه

.طبعا الشباب الثلاثه كانو بيقربو من الدكتور ومش عارفين اللي حصل والبنات مستخبين ورا شجره


قفش الدكتور يزن من هدومه: انا عارف مين عمل فيا كده . اكيد انت

يزن : استهدي بالله يا دكتور . انا لسه جاي ..

الدكتور : لا انت اللي ضربتني بالطوبه في دماغي عايز تنتقم مني

ياسين أتدخل : هينتقم من ايه يا دكتور ده انت حبيبنا يا دكتور

الدكتور : لا. انا عارف انتم متغاظين مني علشان انا جان والبنات هتموت عليا وانتم محدش بقي يعابركم يا موكوسين


يونس : خلاص يا يزن هتحط عقلك بعقله

يزن : لا سبني . ده بيعايرني .
يونس: ما خلاص يا يزن

الدكتور ياسين ماسكه: يا متغاظ يا اصفر

يزن : يا عم روح بكرشك ده هضربك

الدكتور: تضرب مين يا فاسق يا عدو نفسك


فاطمه بتصقف: اديله يا دكتور ...يتستاهل الواد ابن سلطح باشا

ذات ' يا خربيتك. استخبي انتي يا بومه

فاطمه: اوعي سبيني اتفرج ده الدكتور هيخنق الواد يزن .. شاطر يا دكتور ... ربيه الواد اللي ناقصه ربايه ده


وبعد وقت الخناقه خلصت علي أن يزن هو اللي هيصلح عربيه الدكتدور


اتصل بيهم الرقم تاني ' وهو بيقول مبروك يا بنات .. كسبتو وفي أول تحدي ...

صرخت اسراء : كسبت ..كسبت

وقفت تخرج لسانها ليزن اللي ييولع من كتر الغيظ ...

ذات ؛ المهم . هنكسب ايه. قول متتكسفش

المتصل. : المره دي مفيش جوائز اصلي هجمعلكم النقط علشان الجائزه الكبرى

فاطمه : وانا اللي كنت قاكراك نصاب وهتاكل حقي .
طلعت طيب يا عمو

...

المتصل : ندخل بقي علي المهمه التانيه وبما أن فريق البنات هو اللي كسب ففريق الولاد هيتعاقب


يزن : انا اتعقبت وهصلح العربيه علي حسابي

المتصل: لا ... العقاب بتاعي ده احلي بكتير من تصليح العربيات .

ياسين : هيكون ايه العقاب

المتصل: الولاد هتلبس فستان وتروح لاي محل تشتري حاجه واللي هبنجح هياخد بوونس


يونس : انت اتجننت يعني ايه البس فستان

ياسين : علي جثتي الكلام ده.

يزن : انت اصلك واحد مهزق . انا مش ممكن اعمل كده

ياسين : وانا استحاله اعمل كده

يونس : انسي .. روح شوف نفسك واحنا اصلا اللي غلطانين علشان صدقنا واحد زيك


المتصل : كده . هتندمو

يونس : احنا بنحب الندم

ياسين : يلا يا عم . ماتخلنيش اغلط فيك


قفل الرقم و بعد دقيقة كان في ثلاثه فيديوهات مبعوته لكل واحد من الشباب
.

تنحو بصدمه ووقف الكل مستقيم

. ذات : في ايه .
اسراء : مالكم . شوفتم ايه علي الموبيل

فاطمه : ما حد ينطق ويقول في ايه

بس محدش رد عليهم من الشباب .. بعد وقت


كان يونس لابس فستان وواقف قدام محل

يونس : عايز بسكوت
الراجل بص ليونس بصدمه وفرك عينه علشان يتأكد من اللي شايفه


يونس : بسرعه يا اخ

الراجل : استغفر الله العظيم. ربنا يخدكم

يونس : شكرا .. فين بقي البسكوت يا عم انت جعان


رمي الراجل البسكوت في وش يونس : غور في داهيه . مش عايز اشوفك وشك هنا


يونس : والفلوس .

الراجل : مش عايز حاجه . امشي

خرج يونس من المحل بسرعه لان الراجل شكله قرفان منه وهيضربه رفع أيده بانتصار

وبكده خلص يونس من العقاب .. فاضل ياسين


راح ياسين علي محل في واحده ست

ياسين : كيس شيبسي يا حاجه ..

الست : حأضر يا بني

مسكت الكيس ورفعت عينها علشان تديه لياسين

صوتت : ايه ده يا واد .. جتك وكسه يا موكوس . لابس زي البنات ليه

ياسين: وانتي مالك .. خليكي في حالك

الست : حالي . ده يومك اسود .

خرجت الست بالشبشب : والله لاربيك ولعلمك الرجوله شكل امك معرفتش تربيك.


ياسين خد كيس الشيبسي من علي الارض وجري والست بتجري وراه ومصممه تضربه


ياسين: الحقوني من الوليه المجنونه دي .

الست : انا مجنونه يا واد يا بت.

ياسين : لا ده انا راجل اوي

الست ؛ انت عره الرجاله

..... وصلت العربيه اللي كان سايقها يزن ونط ياسين فيها وجري بسرعه قبل ما تضربه الست


ياسين : اوووف. كان يوم اسود علي دماغكم

يزن ضحك وبصوت بنات : وانا مالي يا اوختشي .

ضربه ياسين في كتفه ..


.....

دور يزن بقي

لبس فستان ووقف قدام واحدلابس نضاره وشكله كبير في السن : ساعات .. ساعات احب عمري واعشق الحاجات


يزن وبصوت بنات : يا اوسطا .. عندكش لبان دكر نفسها تبق نتايه

الراجل عدل النضاره: هي النضاره باظت وله ايه

يزن : يا اخ. عايزه متر لبان

الراجل : ها .. مفيش حاجه يا بنتي اسمها متر لبان.

يزن : خلاوص هاتاي بخمس جنيه لبان

الراجل : معلش .. هو انتي ايه. ولد وله ست

يزن : لا .. انت شكلك اتعميت . انا عفت يا راجل . نستني

الراجل. : عفت مين.

يزن : هات اللبان الاول وبعدين نتكلم


يزن خد اللبان واطمن والراجل يا عيني مش فاهم يزن ولد وله بنت وشاكك في نضارته


يزن : عمو. قول شاكوش

الراجل: ها . ليه يا بنتي

يزن : قول بس

الراجل : شاكوش

يزن : شعرك منكوش ...هههه . انا ولد مش بنت

وخد اللبان وجري قبل ما الراجل يخرج من المحل وهو ماسك عصايه ومصمم يضربه


....

يتبع