٢٢

الجامعه

٢٢

لا إله إلا الله

في القسم

دخل الشباب الزنزنه والبنات زنزانه تانيه

يونس  وياسين ويزن واقفين جنب بعض

يونس :  لو ابويا عرف اني هنا.  مش بعيد يتبري مني
ياسين :  ايه القرف ده.  الريحه هنا فظيعه

يزن :  معلش نسينا نرش برفيوم علشان ياسين باشا جاي الحبس

يونس : انت ليه محسسني أنك متعود انت هادي ليه احنا مقبوض علينا

يزن :يا بني يعني هعمل ايه افضل اصوت زي الستات. .. وبعدين متخفوش طول ما انت معاك صايع حقك مش ضايع

ياسين : ربنا يستر

قرب واحد ضخم وبصلهم وبص لواحد جنبه   :  مين العيال السيس دي   ياض يا بليله

بليله : دول  ضيوف جداد يا معلم عنتر

عنتر وشه فيه جرح واقرع  :  ده كده لازم نوجب معاهم   يا واد يا بليله

بليله : نوجب يا معلمي .. تحب نبدا بتحيه العلم

عنتر : وماله . نبدأ
...

يونس لياسين :  مين الراجل اللي شبهه  الو رجل مسلوخه ده

ياسين : وانا ايش عرفني . شايفني عايش هنا يا يونس . بلاش غباء يا جدع

يزن : بالصلاه علي النبي كده.. شكله كده ده الكبير بتاع الزنزانه وشكله هيعمل معانا الواجب ..تنشف انت وهو ...

يونس. : طيب اتصرف يا يزن . انت اكيد بتعرف تكلم النوع ده من الناس

يزن. هو عامل فيها صايع ومخلص :يا سطا انا معايا كتالوج الناس دي . سبوني اتكلم معاه .. علشان محدش يستقل بينا ويتعمل علينا حفله

ياسين :  اتفضل اتكلم ...



.....

قرب يزن وهو  عاوج بوقه زي الصيع : صبح صبح يا عم الحاج .. اسم الكريم ايه

عنتر : ايه

يزن : قلبظ بجنيه
بليله : بيلعب كارتيه

يزن :  وبعدها باليه

عنتر : باليه مين ياض .. ماتنشف كده مالك طري ليه

يزن :  لا مؤاخذه في الكلام ...الجدع جدع  حتي لو علي قده.  والاصيل اصيل حتي لو الزمن هده

عنتر : ياض عمر الجدع ما هيعيش تلميذ وعمرك ما هتشوف من العويل تنفيذ


.....

يونس لياسين : هما بيقولو ايه ؟
ياسين : دي عبارات صيع ؟
يونس. : اه ..  كلام تكاتك يعني 
ياسين : ايوه . هو كده

...

يزن : طيب انت قادر وانا غلبان بس وقت الجد  انا راجل وانت جبان

عنتر :  ده العيال رجليها شالتها والمعافنين الفلوس نضفتها وله ايه ...واد يا بليله

بليله :نعم يا سيد المعالمين

عنتر : علم الواد ده الادب علشان بيطاول عليا
.بليله : اومرك يا معلمي

مسك يزن من هدومه ؛ تعال يا روح امك . تعرف ايه انت عننا .. الصياعه فن مش عن عن
.

يونس وياسين بيتفرجو علي يزن اللي بيضرب بووم في بطنه وفي وشه ولسه

يزن :  الصحاب  في اجازه وله ايه . محدش هيساعدني .. 

يونس وياسين بيتفرجو عليه

يزن وهو بيعيط: صحيح المثل اللي بيقول . غلو سعر الكلاب علشان بقت اوفي من الصحاب

.....

وبعد شويه كان يزن متعلق  علي الحيطه

يزن : سبوني عليهم   هموتهم يا منطقه مفكيش راجل

عنتر: بتقول علي مين ياض

يزن : مش عليك يا معلم .. ده انا بكلم صحابي

يونس : اتوكس يا موكوس .. كنت اضربه وانت علي الارض ..جاي تضربه وهو معلقك

عنتر : تعال يا حونين انت كمان ...

يونس : بتكلمني انا ... حضرتك

عنتر : اه بكلمك . ايه ياض حضرتك دي شايفنا في مدرسه وله ايه ....

يونس: ده انا بحترمك ...

عنتر : اه . قولتلي ..طيب شايف رسمه العربيه دي علي الحيطه .. عايزك تركب العربيه وتسوقها كمان

يونس : الاثتنين.  اركبها واسوق كمان.  لا واضح أن خيال حضرتك  عالي اوي

عنتر : العربيه . عايزه بنزين.  فولها

يونس : كمان . يا ياسين تعال الحقني ..

ياسين : مالك ومال صاحبي وله علشان هو عبيط  بتعملو فيه كده

.عنتر : تعال يا طعم يا نيتي . يا حبيب امك .. يا مسمسم انت .. تعال اركب الموتسيكل ده

ياسين : ده عند الست اللي ولدتك يا عنتر .  فاكرني  زي جوز الهطل دول . لا فوق  انت وهو انا ياسين
النجار

عنتر :اه .. يعني عايز تضرب ياض ...

ياسين : لا مش  انا  اللي بضرب يا طعم . انا بضرب بس ..

عنتر : انت بوق وبطنك فاضيه
ياسين : نشوف مين اللي هيطلع بو في الاخر ...

وكلمه منه علي كلمه من ياسين مسكه نفضه و ضربه هو وبليله

ياسين وهو مكتف الاتنين : ما  انا قولتلك .بلاش .بلاش ..  ومحدش سمع مني  .. لازم أقل ادبي عليكم ..وبعدين يا عم الرجوله دي قلب مش كلام. وانت اخرك كلام . وانا اخري أفعال

يونس وهو بيصقف : جدع يا ياسين. خدت حقنا
. الجيم باين عليك . مروحنا لكابتن ظاظا جاب نتيجه معاك ..


يزن : طيب ياريت تبطلو رغي وحد فيكم يجي  ينزلني .. انا دوخت من المرتفاعات

يونس : مش كنت عاملنا فيها صايع . اشرب بقي يا يزن

......

مع البنات

  ست قاعده وشكلها كبيره السجن وبتبص للبنات

الست :   ارقصي يا بت منك ليها ، عايزين نفرفش

اسراء : لا.  انا مش بعرف ارقص

الست : بقولك ارقصي يا بت ؟ بلاش وجع دماغ

واحده تانيه من المسجونين : وانتي تعالي امسحي الارض هنا

ذات :  مين يا ختي . ما تمسحي انتي . اتشلتي وله ايه

الست : ليلتكم مش معديه ..  بتردو علينا

فاطمه  بترفع كم أيدها :. اوعو من تكونو مفكرين علشان اللبس ده . أننا  بنات  فافي  وبنقول بابي و مامي  ..لا أصحي انتي وهي . احنا معفنين اساسا

ذات : اللي  هيضيقنا هنزعله . لامؤاخذه في الكلام.

الست :  علموهم الادب يا نسوان

جريت الستات اللي في الزنزانه علي الثلاثه بنات

بس فاطمه وذات مسكو فيهم وضربوهم

ذات : اضربي يا بت يا اسراء

اسراء : مش بعرف اضرب . انا ممكن اتفرج بس

فاطمه : اركني علي جنب .  انا هضربهم.

وبعد وقت  كانت بطه واقفه والستات  اللي في السجن علي الارض نايمين

ذات : كان لازم نستخدم  العنف . ما كان من الاول

فاطمه : وانتي يا ختي ياللي عمله فيها فتوه . قوليلي بقي.. جايه السجن بتهمه ايه

الست : انا بشتغل في كل حاجه

ذات : منوعات  يعني

الست : اه  يا ختي منوعات .
فاطمه: وانتي ياللي جنبها . جايه في ايه

التانيه متكلمتش .. فاطمه : شكلك عايزه تضربي تاني

ردت بسرعه : لا .. انا جايه في ممنوعات يا ختي


........


... في سجن الرجاله

يزن : واحد في واحد بتساوي كام ياض

عنتر :  بواحد

يزن : لا بيساوي صاحب جدع يا روح امك

يونس.  : يا خربيت حكمك يا يزن.   انت بعد العلقه اللي خدتها مفروض متتكلمش تاني . شكلك بقي وحش اوي

يزن : لعلمك انا كان ممكن اضربهم بس عضله السمانه كانت مجهده شويه ....

يونس: ياض انت شبهه البرص الجعان ..
.....

.... عند البنات

فاطمه  بطبل : يلا يا بت ارقصي  كويس ..هيصه ..هيصه كبيره .  لا لا
ام فاروق  اللي هناك زغرطي  ياختي كويس .. عايزين الفرحه تعم في السجن ..
.وانتي يا وليه مش بتصقفي ليه.. يا بت ياللي هناك
ارقصي عدل ... يلا ياختي .مش بياكولها بالساهل


اسراء بتضحك : يا خربيت فقرك يا فاطمه .. ه‍ه‍ه‍ه‍ه‍

فاطمه : تعالي يا بت يا اسراء ارقصي وفرفشي علي نفسك يا مكبوته

اسراء: مش بعرف

جت واحده : انا بعرف... اعلمها الرقص يا ابلتي 
اسراء: ابلتك في عينك .  ابعدي عني

البت :  ده انا كنت شغاله في كباريه وهعلمك

اسراء: لا...شكرا انا مش عايزه ارقص وله اتزفت حد يلحقني

ذات كانت بتضحك  واسراء متغاظه منها

. ....

يتبع