٢١

الجامعه

٢١
لا إله إلا الله


التحدي اللي بعده واللي جالهم رساله علي موبيل كل واحد فيهم

أن كل واحد فيهم هيوصل ليه صندوق والفريق اللي بيبع اكتر من التاني هو اللي هكيسب



يونس. : هو فكرنا ايه.. ملناش أهل .

ياسين : ده احنا ولاد ناس . حرام المرمطه دي

اسراء : انا مش بعرف ابيع حاجه

ذات : الراجل ده قرفنا . احنا نبلغ البوليس

يزن : وهتقولي ايه. واحد بيلعب معانا

فاطمه : ومش بعيد ينشر الفيديوهات ويلفق اي تهمه

ذات : طيب هنعمل ايه

يزن : هنكمل . مفيش حل غير كده

دخل واحد وهو شايل صناديق وكل صندوق مكتوب عليه اسم

فتح يونس الصندوق وكان نضارات شمس

يونس : منك لله ياللي ممرطني كده. يعني أنا مهندس ابيع نضارت

ياسين : الشغل مش حرام يا عم .

فتح ياسين الصندوق وكان ماسكات وش

ياسين : اعم حاجه انك تكون راضي .. انا هبيع كمامات يا عالم ظالمه

يزن : انا بقي هبيع صيني ..

ضحكت فاطمه ...

اسراء : هبيع مكياج.

ذات : وانا هبيع سندوتشات

فاطمه : انا هبيع اندومي .

وقف كل واحد من السته علشان يبيع اللي معاه


يزن وهو ماسك في كل ايد طبق : يلا الصيني . الصيني الاصلي . سليم ميتكسرش وراح خابط الطبقين في بعض اتكسرو

يونس : الله يا خربيتك ..هنخسر بسبب غبائك

يزن : يا سطا هو اللي باعت البضاعه بايظه .. وبعدين أنا بعمل ترويج للبضاعه ..


يونس : اسكت ياعم . خليني اعرف ابيع علشان اخلص من اليوم اللي مش معدي ده ... يلا يا بشمهندس . يلا يا مهندسه .. يلا يا ولاد البشمهندسين ..النضاره الشقيه جوه الصندوق مستخبيه ..النضاره ب ١٠٠ ج .. ١٠٠ بس قرب قرب قرب . واشتري قبل ما تجرب




يزن وهو بيقول بصوت عالي : كلي في الصيني يا سعديه انتي والبت هنيه . يلا يا مدام اشتري الصيني ...تعالي يا انسه اشتري مني

واحده قربت من يزن : بكام الطبق يا خويا

يزن : خدي الصندوق ده كله ب ٣ الف جنيه

الست : يا لهوووي ..كتشييير

يزن : يا وليه افهمي . علشان اما جوزك يضايق تضربيه بواحد منه

الست : ها. يا سلام

يزن : اسمعي مني . خدي الكرتونه وانتي اللي هتستفادي


قرب واحد : انت بتسلطها عليا يا جحش

يزن : مين . ابو اسماعيل

الست : لا ده سي عباس جوزي

يزن : لا . هو أبو إسماعيل . عنده عيل بغل كده اسمه اسماعيل

الراجل : والله ما انا

يزن : هو . قولتلك خدي الصيني مني. اهو راح لوحده بتحطله في الاكروبال يا منيله

الست مسكت الشبشب لجوزها : ليلتك سودا يا عباس . بتتجوز عليا وكمان عندك اسماعيل

عباس : يا وليه . انتي هتسمعي من الواد ده . ده عيل كداب

يزن : معلشي يا حاجه ..خدي جوزك اللي قرطسك وروحي اتخنقي بعيد ده مكان اكل عيش ..

الست جريت ورا جوزها وهي عايزه تضربه ..

يزن اتنهد : هيييح .اهم حاجه راحه البال. شوف الخير اللي عملته

يونس : خير ايه. انت صدقت نفسك . ده انت هتطلق الوليه من جوزها وتقولي خير . يا شيخ منك للي كلت دراع جوزها

يزن : هششش. ايش عرفك انت في فعل خير .



....

ياسين بينادي بصوت عالي : عندي كمامه تليق مع البندانه يلا يا بنات . اللي هتشتري واحده تاخد التانيه هديه .. وده اووفر حلو اوي .. قررررب . قرررب .. قررررب.

وقفت البنات تشتري

ياسين : بصي الكمامه دي هتاخد منك حته . جامده عليكي .

بيكلم واحده تانيه: لا لا . انتي خدي التريكواز هيليق معاكي .. اه


البنت : تفتكر هتكون حلوه

ياسين : طبعا هتكون حلوه

يزن نط في النص وهو بيصقف : تاخدي رقمي علشان اما تلبسيها ترني عليا اجي اشوفك

البنت : لا

يزن : ليه بس ..
ياسين : لم نفسك يا زفت وخليك في حالك

يزن : طيب تعالي خدي مني طبق ينفعك في جهازك
يا اوختشي .


...

اما البنات واقفين علي الرصيف اللي قدمهم في الشارع

اسراء : قربي يا انسه . قربي يا مدام معايا روج ومكياج. معايا بودر ومسكره . كل اللي تحتاجيه هتلاقي عندي ..مع اسراء شوب حياتك هتكون في الفوتوشوب.

قربت واحده. : هاخد الروج ده ٥٠ ج

اسراء : لا كده هتخسريني . خدي الاثتين ١٠٠ ج

البنت بصتلها : ماشي هاتي

خدت الروج ومشيت

ذات : انتي كده ناصحه يعني

اسراء : طبعا يا بنتي. هي كانت عايزه تضحك عليا وتاخد الروج بخمسين

ذات : وانتي بعتي الاثين ١٠٠. يعني الواحد ٥٠ .. ايش هذا نفس المعني والله غبي

اسراء : يووه . انا اول مره ابيع .. يعني أنا كان مخي دفتر ..



...



ذات : اسكتي بقي خليني اعرف ابيع

واقفه ذات تقطم في السندوتشات وتأكل منه : ايوه الشندوشات .. معايا شندوشات .. .. شندوشات جبنه.. شندوشات سدق.. معايا لنشون .. معايا لانشوووون .

ولد صغير : يا طنط عايز سندوتش كبده ..

ذات : مفيش كبده يا حبيبي . في سدق

الولد : ماشي . هاتي واحد

ذات طلعت سندوتش متأكل منه

الولد : السندوتش متأكل منه. انتي بتضحكي عليا .

ذات : يا واد ده من حلاوه السندوتش . كل من نفسه ..

الولد : لا. مليش دعوه . عايز واحد جديد. بدل ما اقول لامي

ذات : روح هات امك . انا هخاف وله ايه

الواد : ماشي

غاب الولد شويه وبعدها قرب ومعاه واحده تخينه اوي. ولابسه نضاره

ام الولد: انتي بتضحكي علي ابني ليه .

ذات : انا يا بني .. ده هو اللي فهم غلط . كنت بهزر معاه وبدوق الاكل. علشان لو ناقص حاجه

الست : طيب هاتي واحد كده ادوقه

ذات : خودي يا اوختشي . دلوقتي كده

الست كلت السندوتش في قطمه واحده

ذات : شكلك معرفتيش تستطعمي كويس .. اجبلك واحد تاني

الست : اه ..هاتي

ذات : بصي خدي كرتونه السندوتشات وعيشي مع نفسك وانا هعملك كوبايه شاي تحبسي بيها

الواد: يا ما . انا عايز اكل سندوتشات

الست : استني بس يا بقلظ اما ادوق

ذات : سيبها يا بقلوظه. .. كلي يا حبيبتي شكلك هفتانه . بس ابقي حاسبيني علشان بلم الجمعيه

الست وبوقها فيه اكل : حاضن يا ختشي ( حاضر يا ختي)

..


اما فاطمه واقفه بتسخن المايه وبتدلقه في كوبيات الاندومي. وهي بتقول : الاندومي بعجينه المكرونه .... تعال كل المكرونه وانسي اللي حصلك من الكورونا

.. كل اندومي من بطه وشوف اللي هيحصل في المحطه. ب ٥ ج الكوبايه. بخمسه وبس


بنت صغيره : يا ابله . يا ابله . عايسه( عايزه) اندومي باللحمه
. فاطمه : من عيني يا بنتي . عايزه الاندومي هنا وله تيك اوي

البنت : لا هنا . اصل لو ماما سافتني هتعجني

فاطمه:. معرفش مالهم ومال الاندومي . يكونش كان واكل حقهم ..

البنت : والله معرفس بيكروه ليه .

.....



يزن بصوت عالي : الطبق ب ٢ ونص وتعال وبس .



بيرقص في الأرض : طيب ب٢ وبس وخلي الشعب ياكل .

يزن : طيب اللي هياخد مني طبق ليه عندي طبق هديه . يالا يا ناس اشترو مني اشتري يا انسه يارب تتجوزي كرشك . .


...


.يونس : نضاره الشقيه. حد عايز نضاره
وحده ست قربت من يونس : عايزه نضاره ياخويا
حلوه كده زيك

يونس : حاضر من عيني

يزن : وانتي يا حاجه في سنك ده عايزه نضاره ليه .

الست : علشان تحمي عيني من الشمس ..

يزن : يا شيخه روحي بوشك اللي شبهه حله الكشري

الست : وانت مالك يا واد خليك في فرشتك..بدل ما اضربك بالشبشب علي بوقك

يونس : معلش ياما. حقك عليا. ده عيل عبيط ومعاه شهاده معامله اطفال

الست : يا ما ايه يا اللي تتشك في نظرك انت كمان . قال امك ايه

يزن : وانتي تطولي تكوني أمه . امشي يا وليه يا مضايقه من هنا ..

..........



ياسين : الكمامه للحمايه . البس الكمامه تحمي نفسك وعيالك . البس قبل ما تلبس

.....



وكل واحد فيهم ببيبع.

ذات : يا لهوووي البلديه جايه.
هاتي يا وليه الفلوس البلديه جايه

الست طلعت تمن السندوتشات وكانت خلصت صندوق الاكل

ذات : شالله يكرمك يا اميره يا بنت الامره .. كده فرجت ..

......

كل واحد شال الصندوق وجري بيه


فاطمه بتغني : جت الحكومه ..جت تفتش فتش فتش

يزن : يا باشا نزل ايدك عيب انا ابن ناس جيوبي مليانه ايوه عليك هبقشش

فاطمه : مشيني تشرب شاي ...

ويا تري مين اللي كسب في تحدي ده ؟؟

....

يتبع