الفصل التاسع
نعمة بتبتسم.الصراحة يا افكار
انا مش من الناس اللى بتحب حد يزورها على غفلة
رودى مقاطعة.ايه ياماما اللى بتقوليه ده ميصحش
افكار.سيبيها يا حبيبتى
انا متعودة على مامتك من زمان
هى عندها حق على فكرة
نعمة بتضحك.اوعى تزعلى انا بس بقولك الصراحة
احنا مش متعودين نستقبل حد فى البيت
بنحاول نخلى علاقاتنا بالناس محدودة اوى
وبتكون برة البيت
لكن لما طلبتى العنوان مقدرتش اقولك لاء
بس متوقعتش انك ممكن تيجي بالسرعة دى ومن غير ما تبلغينى
كانت رودى مصدومة من صراحة امها المبالغ فيها
افكار بأحراج.انا اسفة يا نعمة
حقك طبعا
هى قلة ذوق مني من اول مكالمة التليفون
لحد ما خبطت على باب بيتك ودخلت بهمجية كده
لكن علشان مكنتش عارفة هجيب منين جرأة افاتحكم بيها فى الموضوع اللى انا عايزاه
حاولت اتعامل ببرود
علشان اعرف اقول اللى عندى
رودى بمجاملة.ولا يهم حضرتك ياطنط
بيتك
ونورتينا والله
احنا علطول قاعدين لواحدنا حضرتك جيتى ونستينا شوية
افكار.ده من ذوقك يا حبيبتى
يلا انا هقوم استأذن بقى
وهستنى ردكم عليا
نعمة.رد ايه تانى يا افكار
ما انا قولتلك البنت لسه بتدرس
افكار.مش فى الجواز يا نعمة
فى انها تقعد تسمع اللى عنده
وبعدين سيبى الموضوع زى ما ربنا عايزه يمشى
رودى.خلاص يا طنط هتفق انا وماما على الميعاد ونبلغ حضرتك
افكار.ان شاء الله الجاى يكون خير
يلا السلام عليكم
وسامحونى على انى تطفلت عليكم كده
نعمة محتارة من تصرف بنتها
رودى ب ود.شرفتينا يا طنط
بيتك اى وقت تحت امرك
نعمة بشرود.نورتينا يا افكار
مع السلامة
خرجت افكار مع ابتسامة مرسومة
ونعمة واقفة بتبص لبنتها اللى عنيها متعلقة فى المكان اللى مشيت فيه افكار
رودى لما اتأكدت ان افكار بعدت خلاص واختفيت من قدام البيت
قفلت الباب
ودخلت رميت نفسها على الكنبة
وبتتنفس براحة
رودى.اوووف دى رغاية اوى يا ماما
بس عارفة اللى يسمعها وهى بتتكلم جد
ميصدقش ان هنى الست الغلسة اللى كلمتنا فى التليفون
ولا يصدق ان اللى بتتكلم دى هى نفسها عروسة المولد اللى لابسة فستان ليلة العيد
نعمة وقفت قصاد رودى.هو انتى ايه العشم اللى اتعاملتى بيه ده يا رويدا
وبعدين ميعاد ايه اللى عايزة تحدديه
وعلي مين اللى هتقابليه
رودى بتضحك
نعمة بانفعال.متضحكيش وانا بكلمك جد
ردى على كلامى حالا
علشان انا مش فاهمة تصرفك ولا رد فعلك
رودى.طيب اقعدى ياست الكل
نعمة قعدت وهى بتقول لاحول ولا قوة الا بالله
رودى.صعبت عليا يا ماما
حسيتها شايلة جواها هم كبير
وما صدقت تلاقى حد تتكلم معاه
انا مش شاغلنى موضوع العريس او لاء انتى عارفة رأيي فى الموضوع ده
لكن حسيتها جواها وجع ومش لاقية اللى يشيل معاها
نعمة.ايوة يا رودى
بس انتى ردودك العايمة عليها دى تطمعها يا حبيبتى
وتعشمها كمان
واحنا مينفعش نعشم حد بحاجة مش هتحصل
رودى.بلاش نسبق الاحداث يا ماما
وبعدين بصراحة انا الفضول قتلنى اعرف ايه قصة علي ده
اصل مش معقول شاب بكل المواصفات دى
وجاية امه تدورله على عروسة بالطريقة المتخلفة دى
وعايزة اعرف ايه اللى حصل معاه
نعمة.ياحبيبتى احنا مالنا
وبعدين يعنى هو فيه واحدة هتقول على ضناها كلمة وحشة يا رودى
الام دايما بتشوف اولادها احسن الناس
رودى.علشان كده انا قررت نتقابل
واقعد اسمعه
ارضى فضولى
واثبت لنفسى اللى انتى بتقوليه ده
نعمة بعدم اقتناع.انا مش موافقة يا رودى على اللى انتى بتقوليه
بس انا كمان مش هجبرك تعملى اللى على مزاجى
شوفى انتى عايزة تعملى ايه
واعمليه
انا هطلع اوضتى بقى لانى صدعت النهاردة اليوم كله كلام
رودى بتبتسم.ماشى يا ست الكل
ومش عايزاكى تشغلى بالك يا ماما
كل اللى جاى خير ان شاء الله
نعمة ابتسمت لرودى
وقامت من على الكرسى ومشيت جنب بنتها وطبطبت على كتفها
وراحت على اوضتها
غيرت هدومها ولبست قميص نوم قطن بنص كم طويل
واخدت حباية للصداع
وراحت على سريرها
رميت جسمها عليه
وفردت البطانية فوقها
وراحت فى النوم
دخلت رودى المطبخ
وابتديت تجهز لنفسها فنجان قهوة
واخدته وطلعت على اوضتها وقفلت الباب عليها
وقعدت على مكتبها
قصاد اللاب توب
تدور على تراك تشغله وتسمعه وهى بتشرب قهوتها
رجعت افكار على بيتها
اللى كان عبارة عن بيت مكون من دورين
مساحته مش كبيرة
ولكن يدل على مستودى مادى ميسور
له بوابة خاصة
وحديقة صغيرة جدا
فى منتصف الحديقة
طاولة صغيرة حولها عدد اربع كراسى صغيرة
وعلى بعد خطوات
باب الشقة الخاصة بهم
فتحت افكار الباب بمفتاحها
فى بداية الباب ممر صغير
تخرج منه على ردهة واسعة قليلا
تحتوى على ترابيزة سفرة صغيرة وحولها اربع كراسى
على يمين المدخل غرفة متوسطة المساحة
وهى تحتوى على المكتب الخاص ب علي
ويفصل بينها حائط يستند عليه كونسول صغير
بمرأة جميلة صغيرة
وبجواره غرفة الصالون
تحتوى على اساس كلاسيكى شيك
بعد باب غرفة الصالون
بأقل من متر
بداية درجات السلم التى توصل الى غرف النوم الخاصة بالطابق الاول
وتحت السلم
مدخل المطبخ ومدخل الحمام
بيت بسيط وهادى واثاثه كله كلاسيكي
يسار السفرة
معلقة على الحائط لوحة كبيرة
فى داخلها صورة علي وامه مرسومة بالفحم
واسفل اللوحة
بوفيه صغير فوقه تحف صغيرة الحجم تحتوى على زهور
دخلت افكار على غرفة المكتب
كان على قاعد على مكتبه
وعنيه فى كتاب كبير ماسكه فى ايديه
سابت افكار شنطتها على ترابيزة منخفضة امام كراسى المكتب
وجلست بهدوء
لكن على كان مركز جدا فى الكتاب
ولم يبالى بدخول امه للغرفة
افكار.ايه يا على انت مش حاسس انى وصلت
على ساكت وعنيه فى الكتاب
افكار.على يابنى
بكلمك يا حبيبى انت مش سامعني
على وعنيه فى الكتاب.حمدالله على السلامة ياماما
افكار.الله يسلمك يا حبيبى
ايه مش هتسألنى عملت ايه
علي.عملتي زى كل مرة يا ماما
روحتى حكيتى حكايتى
علشان تستعطفى قلب الناس
وفى الاخر يرفضوا
وكأنى بنت كبرت فى الجواز وبيدورولها ع لى اى عريس والسلام
افكار بحزن.ليه يابنى بس الكلام اللى يحرق الدم ده
والله ابدا
ولا استعطفت ولا حكيت حاجة
انا بس عرفت البنت وامها عليك
وهستنى ترد عليا نحدد ميعاد تتقابل انت وهى وتحكيلها براحتك اللى عايز تقوله
انا مقولتش غير اللى حصل قبل السفر وبس
ولا حرف زيادة ولا حرف ناقص
على.يعنى انتى مقولتيش اى حاجة يا ماما متأكده
افكار.وغلاوتك يابنى ما قولت اى حاجة غير اللى قولتهولك ده
والبنت هتشوف وقت يناسبها وتقعدوا سوا
وتسمع منك بقى اللى عندك كله
علي.تلاقيها اى كلام علشان كده قررت تفكر فى الموضوع بالطريقة دى
افكار.مين قالك انها اى كلام
دى بنت ناس
دكتورة
وابوها الله يرحمه كان مهندس مبانى كبير
وامها كانت زميلتى فى الشغل
يعنى ناس مش اى كلام
والبنت لسه بتدرس
يعنى صغيرة
واخلاق وجمال ومال
واهلها ناس محترمين كلهم عايشين فى دول اوربية وعربية وشغلهم مناصب مرموقة يا علي
انت ليه يابنى شايف انك قليل وبتقلل من اى حد من غير حتى ما تقابله
علي وعنيه فى الكتاب.ياماما اصل هى لو بنت كويسة ومميزة
ايه هيخليها تقبل تتجوز بالطريقة القديمة دى
واحد كمان ظروفه هى لسه متعرفش عنها حاجة
افكار.هى لسه موافقتش
انا متفائلة خير
لكن انت بلاش تقاطع بس
وبعدين يا علي يعالم مش يمكن ترفض
احنا مش متأكدين من موافقتها
خصوصا ان امها رافضة فكرة جوازها قبل ما تخلص دراستها
انا مش من الناس اللى بتحب حد يزورها على غفلة
رودى مقاطعة.ايه ياماما اللى بتقوليه ده ميصحش
افكار.سيبيها يا حبيبتى
انا متعودة على مامتك من زمان
هى عندها حق على فكرة
نعمة بتضحك.اوعى تزعلى انا بس بقولك الصراحة
احنا مش متعودين نستقبل حد فى البيت
بنحاول نخلى علاقاتنا بالناس محدودة اوى
وبتكون برة البيت
لكن لما طلبتى العنوان مقدرتش اقولك لاء
بس متوقعتش انك ممكن تيجي بالسرعة دى ومن غير ما تبلغينى
كانت رودى مصدومة من صراحة امها المبالغ فيها
افكار بأحراج.انا اسفة يا نعمة
حقك طبعا
هى قلة ذوق مني من اول مكالمة التليفون
لحد ما خبطت على باب بيتك ودخلت بهمجية كده
لكن علشان مكنتش عارفة هجيب منين جرأة افاتحكم بيها فى الموضوع اللى انا عايزاه
حاولت اتعامل ببرود
علشان اعرف اقول اللى عندى
رودى بمجاملة.ولا يهم حضرتك ياطنط
بيتك
ونورتينا والله
احنا علطول قاعدين لواحدنا حضرتك جيتى ونستينا شوية
افكار.ده من ذوقك يا حبيبتى
يلا انا هقوم استأذن بقى
وهستنى ردكم عليا
نعمة.رد ايه تانى يا افكار
ما انا قولتلك البنت لسه بتدرس
افكار.مش فى الجواز يا نعمة
فى انها تقعد تسمع اللى عنده
وبعدين سيبى الموضوع زى ما ربنا عايزه يمشى
رودى.خلاص يا طنط هتفق انا وماما على الميعاد ونبلغ حضرتك
افكار.ان شاء الله الجاى يكون خير
يلا السلام عليكم
وسامحونى على انى تطفلت عليكم كده
نعمة محتارة من تصرف بنتها
رودى ب ود.شرفتينا يا طنط
بيتك اى وقت تحت امرك
نعمة بشرود.نورتينا يا افكار
مع السلامة
خرجت افكار مع ابتسامة مرسومة
ونعمة واقفة بتبص لبنتها اللى عنيها متعلقة فى المكان اللى مشيت فيه افكار
رودى لما اتأكدت ان افكار بعدت خلاص واختفيت من قدام البيت
قفلت الباب
ودخلت رميت نفسها على الكنبة
وبتتنفس براحة
رودى.اوووف دى رغاية اوى يا ماما
بس عارفة اللى يسمعها وهى بتتكلم جد
ميصدقش ان هنى الست الغلسة اللى كلمتنا فى التليفون
ولا يصدق ان اللى بتتكلم دى هى نفسها عروسة المولد اللى لابسة فستان ليلة العيد
نعمة وقفت قصاد رودى.هو انتى ايه العشم اللى اتعاملتى بيه ده يا رويدا
وبعدين ميعاد ايه اللى عايزة تحدديه
وعلي مين اللى هتقابليه
رودى بتضحك
نعمة بانفعال.متضحكيش وانا بكلمك جد
ردى على كلامى حالا
علشان انا مش فاهمة تصرفك ولا رد فعلك
رودى.طيب اقعدى ياست الكل
نعمة قعدت وهى بتقول لاحول ولا قوة الا بالله
رودى.صعبت عليا يا ماما
حسيتها شايلة جواها هم كبير
وما صدقت تلاقى حد تتكلم معاه
انا مش شاغلنى موضوع العريس او لاء انتى عارفة رأيي فى الموضوع ده
لكن حسيتها جواها وجع ومش لاقية اللى يشيل معاها
نعمة.ايوة يا رودى
بس انتى ردودك العايمة عليها دى تطمعها يا حبيبتى
وتعشمها كمان
واحنا مينفعش نعشم حد بحاجة مش هتحصل
رودى.بلاش نسبق الاحداث يا ماما
وبعدين بصراحة انا الفضول قتلنى اعرف ايه قصة علي ده
اصل مش معقول شاب بكل المواصفات دى
وجاية امه تدورله على عروسة بالطريقة المتخلفة دى
وعايزة اعرف ايه اللى حصل معاه
نعمة.ياحبيبتى احنا مالنا
وبعدين يعنى هو فيه واحدة هتقول على ضناها كلمة وحشة يا رودى
الام دايما بتشوف اولادها احسن الناس
رودى.علشان كده انا قررت نتقابل
واقعد اسمعه
ارضى فضولى
واثبت لنفسى اللى انتى بتقوليه ده
نعمة بعدم اقتناع.انا مش موافقة يا رودى على اللى انتى بتقوليه
بس انا كمان مش هجبرك تعملى اللى على مزاجى
شوفى انتى عايزة تعملى ايه
واعمليه
انا هطلع اوضتى بقى لانى صدعت النهاردة اليوم كله كلام
رودى بتبتسم.ماشى يا ست الكل
ومش عايزاكى تشغلى بالك يا ماما
كل اللى جاى خير ان شاء الله
نعمة ابتسمت لرودى
وقامت من على الكرسى ومشيت جنب بنتها وطبطبت على كتفها
وراحت على اوضتها
غيرت هدومها ولبست قميص نوم قطن بنص كم طويل
واخدت حباية للصداع
وراحت على سريرها
رميت جسمها عليه
وفردت البطانية فوقها
وراحت فى النوم
دخلت رودى المطبخ
وابتديت تجهز لنفسها فنجان قهوة
واخدته وطلعت على اوضتها وقفلت الباب عليها
وقعدت على مكتبها
قصاد اللاب توب
تدور على تراك تشغله وتسمعه وهى بتشرب قهوتها
رجعت افكار على بيتها
اللى كان عبارة عن بيت مكون من دورين
مساحته مش كبيرة
ولكن يدل على مستودى مادى ميسور
له بوابة خاصة
وحديقة صغيرة جدا
فى منتصف الحديقة
طاولة صغيرة حولها عدد اربع كراسى صغيرة
وعلى بعد خطوات
باب الشقة الخاصة بهم
فتحت افكار الباب بمفتاحها
فى بداية الباب ممر صغير
تخرج منه على ردهة واسعة قليلا
تحتوى على ترابيزة سفرة صغيرة وحولها اربع كراسى
على يمين المدخل غرفة متوسطة المساحة
وهى تحتوى على المكتب الخاص ب علي
ويفصل بينها حائط يستند عليه كونسول صغير
بمرأة جميلة صغيرة
وبجواره غرفة الصالون
تحتوى على اساس كلاسيكى شيك
بعد باب غرفة الصالون
بأقل من متر
بداية درجات السلم التى توصل الى غرف النوم الخاصة بالطابق الاول
وتحت السلم
مدخل المطبخ ومدخل الحمام
بيت بسيط وهادى واثاثه كله كلاسيكي
يسار السفرة
معلقة على الحائط لوحة كبيرة
فى داخلها صورة علي وامه مرسومة بالفحم
واسفل اللوحة
بوفيه صغير فوقه تحف صغيرة الحجم تحتوى على زهور
دخلت افكار على غرفة المكتب
كان على قاعد على مكتبه
وعنيه فى كتاب كبير ماسكه فى ايديه
سابت افكار شنطتها على ترابيزة منخفضة امام كراسى المكتب
وجلست بهدوء
لكن على كان مركز جدا فى الكتاب
ولم يبالى بدخول امه للغرفة
افكار.ايه يا على انت مش حاسس انى وصلت
على ساكت وعنيه فى الكتاب
افكار.على يابنى
بكلمك يا حبيبى انت مش سامعني
على وعنيه فى الكتاب.حمدالله على السلامة ياماما
افكار.الله يسلمك يا حبيبى
ايه مش هتسألنى عملت ايه
علي.عملتي زى كل مرة يا ماما
روحتى حكيتى حكايتى
علشان تستعطفى قلب الناس
وفى الاخر يرفضوا
وكأنى بنت كبرت فى الجواز وبيدورولها ع لى اى عريس والسلام
افكار بحزن.ليه يابنى بس الكلام اللى يحرق الدم ده
والله ابدا
ولا استعطفت ولا حكيت حاجة
انا بس عرفت البنت وامها عليك
وهستنى ترد عليا نحدد ميعاد تتقابل انت وهى وتحكيلها براحتك اللى عايز تقوله
انا مقولتش غير اللى حصل قبل السفر وبس
ولا حرف زيادة ولا حرف ناقص
على.يعنى انتى مقولتيش اى حاجة يا ماما متأكده
افكار.وغلاوتك يابنى ما قولت اى حاجة غير اللى قولتهولك ده
والبنت هتشوف وقت يناسبها وتقعدوا سوا
وتسمع منك بقى اللى عندك كله
علي.تلاقيها اى كلام علشان كده قررت تفكر فى الموضوع بالطريقة دى
افكار.مين قالك انها اى كلام
دى بنت ناس
دكتورة
وابوها الله يرحمه كان مهندس مبانى كبير
وامها كانت زميلتى فى الشغل
يعنى ناس مش اى كلام
والبنت لسه بتدرس
يعنى صغيرة
واخلاق وجمال ومال
واهلها ناس محترمين كلهم عايشين فى دول اوربية وعربية وشغلهم مناصب مرموقة يا علي
انت ليه يابنى شايف انك قليل وبتقلل من اى حد من غير حتى ما تقابله
علي وعنيه فى الكتاب.ياماما اصل هى لو بنت كويسة ومميزة
ايه هيخليها تقبل تتجوز بالطريقة القديمة دى
واحد كمان ظروفه هى لسه متعرفش عنها حاجة
افكار.هى لسه موافقتش
انا متفائلة خير
لكن انت بلاش تقاطع بس
وبعدين يا علي يعالم مش يمكن ترفض
احنا مش متأكدين من موافقتها
خصوصا ان امها رافضة فكرة جوازها قبل ما تخلص دراستها