مازالت حكايه غموض تلك الصبارة الراقصه والتى كانت هديه دمرت حياه هذة الفتاه مستمرة ، واليوم هو يوم راس السنه والجميع سعيد بهذا الحدث ونحتفل ديما مع باسل خطيبها وفجأه

وبعد ما دقت 11:59 دقيقه والنور بدا يطفي ونور في المكان وكل اللي في المكان قالوا 5 4 3 2 1 ودقت الساعه 12:00 وبدات سنه جديده لكن النور لسه بيطفي وينور وديمه اخدت بالها من حاجه خلتها تصرخ صرخه بخوف ورعب ديما شافت البنت الصغيره واقفه قدامها على الترابيزه لكن النور بيروح ويجيء والناس بتتحرك جامد في الكافيه ديما بتسرخ باعلى صوتها باسل مسك ايديها وقال


في ايه يا ديمه بتصرخي ليه ديما ديما لكن للأسف مش قادره تتكلم وحاسه انها بينها وبين البنت الصغيره ما فيش كام سنتي وبعد صريخ ديمه الدي جي اخذ باله و الموسيقى وقفت والنور ثبت وفتحت ديما عيونها لكن ما فيش حاجه

حقا لايوجد اى شىء غريب وغير منطقى أكن دبما راتها ، نعم رأت هذة الفتاه الصغيرة والتى طالما حلمت بها وهى متأكدة جل التأكيد تن هناك بنت صغيرة قد قامت باعطاءها تلك الهديه الملعونه وهى هذة الصبارة والتى كارما تتحدث لتجنن ديما


نظرت الفتاه إلى خطيبها وهى الان على امل ان يكون قد رأى ما ترى ، فثمه امر غير طبيعى يجرى واكن لم يكن احد ليعطي للأمر انتباه فالجميع يلهو وينتظر دقات عقارب الساعه حتى يلا عام جديد

ديما بتسال باسل شفتها يا باسم اكيد شوفتها صح ؟؟ كانت واقفه هنا قدامي ، باسل ركز معايا ارجوك اوعى تهزر معايا وتقول انك ما شوفتش حد ،على فكرة انا مش هايحصل كلمه زيادة منك ولازم تعرف ان الوقت دة مش وقت هزار خالص

بالفعل كانت الفتاه قد وصلت لمرحله التوتر ولم تعد تستطيع أن تتحمل ايه كلام او هزار من خطيبها الذى طالما اتهمها بالتخيل ويحاول بقدر قوته ان يقنعها انه لا توجد فتاه صغيرة وانك حبيبتى فقط كنتى تحلمين ان الصبارة الراقصه تتحدث

باسل
هي مين دي يا ديما اللي شوفتيها انا ما شفتش حد الدنيا زحمه زي ما انت شايفه والناس عماله ترقص وتغني وانتى بتصرخي ، فهميني انتى شفوفتى ايه بالضبط
ومن الواضح أن الفتاه قد رأت شىء ما يثير خوفها بل من المؤكد انه يثير الرعب بداخلها ، ولكنها لا تستطيع أن ننطق بما رأته فهى فقط تصرخ ولا تحد كان يسمعها وعندما تحدثت قالت

ديما
شوفت البنت الصغيره اللي اديتني الصباره كانت واقفه قدامي وبتبتسم ليا والله العظيم شوفتها كانت واقفه هنا

قالت هذة الكلمات وهى شبه متأكدة وتنتظر منه الاجابه بنعم ، ولكنه لاسف


باسل
ولما انتى شوفتيها وكانت واقفه قدامك ليه مش حاولتى تمسكيها ، ديما اظن انى استحملت بما فيه الكفايه ، كفايه بقى هيل وفضايح قدام الناس

ديمه
انا اتلخبطت وتوترت زي ما انت شايف والنور العالي موترنى اكثر الناس عماله تهلل بس البنت بصيتلى والله العظيم شفتها كانت واقفه هنا جنب الكرسي ده يا باسل انا متاكده


باسل طلب لديما كوبايه ميه واعتذر للناس وقال

انا اسف جدا يا جماعه اصلها اعصابها تعبانه شويه اتفضلوا انتم كملوا سهرتكوا


وباسل مسك ايد ديما وخرجوا لكن ما تكلمش ولا كلمه طول الطريق ووصلت ديمه اللي كانت مصدومه او مكسوفه من نفسها ومش عارفه تتكلم تقول ايه

وقبل ما تنزل بصت لباسل وقالت

انا اسفه يا باسل انا عارفه انك بتقول عليا مجنونه لكن صدقني البنت دي حقيقه وكريم حقيقه ، انا شوفته وقالى سامحينى لكن مكملش كلامه علشان الجو كان بيمطر


باسل
كريم مين ده كمان


ديما
كريم الجرسون اللي كان في المطعم ورحت انا وماما تاني يوم وسالنا عليه وقالوا لينا ما فيش حد اسمه كريم


انا شفته تحت العماره و كلمني وقال لي انتى صح يا ديما وانا هاحاول اساعدك واكشف المستور

باسل يضرب بيده على اب السيارة وكأنه يرفض هذا الهراء، فمحبوبته تواعد شاب اخر وتقابله تحت المطر، شاب اخر يعرف عنها تكثر مما يعرف خطيبها ، وبينما هو فى أشد لحظات الغضب فإن ديما تريد أن نجد من يسمعها بل هى تريد أن تجد من يصدقها يم يساعدها

انتى اتجننتى يا ديمه انتى بتخونيني انتى اتجننتى مين كريم ده كمان اللي بتقابليه تحت المطر اظن يعني لو اي راجل في مكاني وبيسمع الكلام ده كان فسخ الخطوبه صح ولا مستغربه ، اتفضلي يا ديما انزلي ويا ريت تقعدي مع نفسك اكثر من كده ما حدش في الكافيه شاف بنت صغيره انا سالت الناس اللي كانوا على الترابيزه اللي جنبي ، يعني معنى كده انتى بس اللي بتشوفى الحاجات دي مش عايز اقولك اني خائف ان لما نتجوز تفضل عندك التهيؤات دي

ديمه انا بحاول احللك مشاكلك مع عمك و عايزين نرتاح انا راجل ما بحبش النكد ولا ليا في المشاكل والحوارات دي وعايش اليوم بيومه يا ريت يا ديمه تفكري لو عايزانا نستمر مع بعض ما عنتش عايز اسمع الكلام ده تاني ، وعلى فكره ما تنسيش بكره اول يوم ليكى هتستلمى الشغل الساعه تسعه في الشركه يا ريت ما تتاخريش علشان مش تكوني كمان ضيعتى مستقبلك

بتنزل دي من العربيه وبتطلع السلم وهي طالعه بتبص على اوضه البواب وبتشوفه وهو قاعد بيشرب شاي و بيبصلها بنفس النظره

ديما بتكلم نفسها وتقول تبص ولا ما تبصش هي يعني جات عليك انت ، ما هي الدنيا خربانه معاي خالص

وبتطلع ديما شقتها وبتلاقي مامتها لسه قاعده مستنياها

الام
حمد لله على السلامه كل سنه وانتى طيبه يا حبيبتي ، ايه اللي يرجعكم بدري انا قلت انك هترجعى وش الفجر

ديمه
مش بترد على امها وسابتها ودخلت الاوضه

الام بتتدخل وراها

ديما يا حبيبتي خير ايه اللي حصل اوعي تكوني اتخانقتى مع باسل



ديمه
لا يا ماما ما اتخنقناش بس انا عايزه اروح لدكتور نفساني

الام
الف سلامه عليكى يا حبيبتي ليه بتقولي كده انت كويسه ايه اللي حصل احكيلي

وبدات ديما تحكي لامها عن اللي حصل واكدت لها انها شافت البنت واقفه جنب الكرسي اللي على طرابيزه ديما لكن النور كان بيجي ويطفي علشان كده ديما اتوترت و صوت الموسيقي العالي وترها اكتر حاولت تصرخ لكن ما حدش سمعها ولما حاسوا بيها والنور جه ، ديما فتحت ملقتش حد وطبعا الكل اعتبرها مجنونه


الام
عموما يا حبيبتي ما فيهاش حاجه اننا نروح نزور دكتور نفساني بس يا ريت بقى خطيبك ما يعرفش حاجه عن الموضوع ده اه علشان بعد الجواز ما يقولش انتى كنتى بتتعالجى عند دكتور نفساني



ديما
لا يا ماما باسل لازم يعرف علشان لو قرر يسيبني يبقى يسيبني من دلوقت انا دلوقت مشكلتي مش مع باسل انا مشكلتي اكبر من كده بكثير


وخرجت الام من اوضه ديما بعد ما اطمئنت عليها انها خلاص راحت في النوم ونامت ديما نوم عميق ومع طلوع الشمس صحيت ديما علي صوت في الاوضه بيقول...


لسه بدري

الصعب لسه ما جاش

افاقت الفتاه من غفلتها على صوت الصبارة وهى تتحدث بكلمات ربنجما تكون غير مفهومه ، ولكن الفتاه مستعده لغوض تجربه غموض جديده حتى يتسنى لها كشف الحقيقه ومعرفه من هو صاحب المصلحه الأولى فى ان يتسبب لديما فى الجنان
ديما تنظر للصبارة وتقول

كل ده والصعب لسه ما جاش ربنا ينتقم منك دمرتى حياتي بس انا مستنيه ولازم اعرف ايه هو الصعب اللي لسه ما جاش هو معقول في اصعب اللي انا عايشه فيه اليومين دول


وفجاه رن جرس المنبه جنب ديما ليعلن عن ان الساعه بقت سبعه صباحا وكده يدوب تقوم ديما وتلبس وتجهز علشان اول يوم ليها في الشغل

نزلت ديمه من بيتها هتجري ومستعجله ومن غير فطار خايفه تتاخر على الشغل وهي قدام العماره مستنيه تاكسي شايفت باسل جاي عليها بالعربيه من بعيد


صباح الخير يا حبيبه قلبي عامله ايه يا رب تكوني بخير


ديما
صباح النور يا باسل انت ايه اللي جابك ده انا قلت انك زعلان مني


باسل
ايه الهبل ده في حد يزعل من حبيبته وبعدين ازاي يعني اسيبك في اول يوم شغلك لازم اكون جنبك يا حبيبتي يلا بينا
وعلى فكرة انا جايب معايا فطار وعصير قلبى قالى انك مفطرتيش

ديما مش مصدقه نفسها وبتقول

بجد يا باسل متشكره جدا انا بجد من غيرك ولا حاجه

باسل
حبيبتي انتى كل حاجه ليا في الدنيا وانا اللي من غيرك ولا حاجه انا من يوم ما عرفتك انتى ووالدتك وانا حسيت ان ربنا عوضني بعيله تانيه يلا بقى عاوزك تشتغلي وتثبتى نفسك وكمان تترقى في الشغل وصدقيني يا ديمه لما تشغلي نفسك وتشغلي وقتك مش هتشوفى الحاجات اللي بتشوفيها دي تاني وما هيكونش عندك وقت انك تفكري فيها

ديما
الموضوع ده كنت عايزه اتصل عليك واتكلم معاك فيه

باسل
خير يا حبيبتي اتكلمي في حاجه جديده حصلت

ديما
ايوه يا باسل انا قررت اني ازور دكتور نفساني قصدى يعنى دكتور امراض نفسيه وعصبيه ولو الموضوع ده هياثر على علاقتنا فانا باحلك من اي ارتباط بيننا


باسل
بيمسك ايدها و يقول .....ايه الجنان اللي انتى بتقوليه ده ما فيش حاجه ممكن تحل الارتباط اللي بيننا غير الموت انتى فاهمه ولا لا وبالنسبه ل دكتور الامراض النفسيه والعصبيه انا بايدك في الموضوع ده وعلى فكره بقى انا سافرت بره كثير جدا وكل الناس في الدول المتقدمه ورجال الاعمال بيزوروا الدكاتره النفسيه مرتين في السنه على الاقل علشان ضغط الشغل و التوتر اليومي يؤثر على اعصابهم وهو ده اللي حصل لك يا حبيبه قلبي


ديمه سعيده جدا براى باسل ومتحمسه قوي للخطوه دي

باذن الله بعد ما ارجع من الشغل هادور على النت على اكبر دكتور نفساني في البلد وهاروح له

باسل
حبيبتي وانا هاكون معاكى في كل خطوه

وهنا يبدو للوهله الأولى ان الفتاه لم تكن تشعر بالارتياح من مجرد فكرة ان باسل سوف يكون موجود معها فى عياده الدكتور ، اذنماذا تفعل وكيف تستطيع أن تتهرب من هذا الموعد .

ديمه بلخبطه
لا لا معلش انا اسفه بلاش موضوع انك تبقى معاي ده خليني براحتي وانا هاقول لك على كل اللي بيحصل

باسل
تمام يا حبيبه قلبي ما فيش مشكله اهم حاجه عندي انك تبقى كويسه وعلى فكره يا ديمه اي مصاريف تحتاجيها عليا انا انتى خلاص تعتبرى مراتي ومصاريفك كلها عليا


ديما بتضحك وبتقول ايه ده انت ناسي اني بقيت موظفه كبيره جدا وليا مرتبي ولا ايه انا مش هاحتاج منك حاجه بالعكس انا هاوفر كمان من مرتبى

باسل بيضحك وبيقول مرتبك .... ده انتى لسه ما استلمتيش العمل اوعي تكوني ناويه تروحي تقولي لهم قبضوني ولا هتقبض وني كام ولا تكونيش فاكره نفسك انك هتشتغلي باليوم الشغل فى الدوله يا حبيبه قلبي بتقبضى بالشهر يعني بعد ما تشتغلي الشهر كله وتطلع عينك في اخر يوم منه بيسلموكى المرتب وعلى فكرة هيبقى حاجه بسيطه ما تقضيهش سهره زي بتاعه ليله امبارح ، لكن ما تخافيش انتى ليكى مني كل شهر مرتب محترم عايزك تجيبي اشيك لبس وطبعا يبقى محترم اوى انتى عارفه انا راجل حمش اوى و صعيدي وباغير على مراتي موت ههههه


وبيوصل باسل وديمه ل مقر الشركه وبتنزل ديمه وهي مبسوطه لكنها لسه متوتره شويه وبيدخلوا مكتب مدير الشركه اللي بتتفاجا ديما ان السكرتيره بتاعته تبقى هنادي صاحبتها


ديما ترى تلك الفتاه التى طالما قامت بعمل مقالب سخيفه بها وتى الانسه هنادى ، ديما تتوتر وتحاول ان تتراجع بعض الخطوات للوراء ولكن باسل يمنعها ويقول لها ، حبيبتى ما بك هيا فلتبداى مشوار الالف ميل بخطوه، ولكنها يبدو عليها جليا علامات التوتر


باسل
في ايه يا ديما مالك اتوترتى ليه لما شفتى السكرتيره

ديما
اصل السكرتيره دي تبقى هنادي كانت زميلتي في الكليه وانا وهي ما بنحبش بعض

باسل
وانتى مالك ومالها انتى ليكى شغلك وهي ليها شغلها وما تخافيش انا موصى عليك جامد قوي في الشركه وما تقدرش تتكلم معاكى واللى اعرفه ان مدير الشركه راجل جد جدا ومالوش في حوارات البنات


هنادي بتاخد بالها من وجود ديمه بتقرب منها وتقول ايه ده معقول اهلا يا ديمه نورتى الشركه على فكره انا شفت اسمك في الاوراق المتقدمه ووصيت المدير يقبلك مش تعرفيني يا ديمه على الاستاذ


ديما بلخبطه ومش مصدقه كلام هنادي

ده باسل خطيبي

هنادي بتمد ايدها تسلم عليه و ابتسمت وقالت اها اهلا يا باسم حمد لله على السلامه انا عرفت انك اتعرضت للضرب النار وكلمت ديما عشان اطمئن عليك

ديما بتبصلها نظره معناها يا كذابه انتى اتصلتى بس علشان تشمتي فيا


وبتدخل ديمه تستلم الشغل اللي كان بالنسبه لها سهل جدا و بينها وبين نفسها قررت انها تنتصر على مخاوفها وتنتصر على ظروفها وتثبت للعالم كله واولهم باسل انها جديرة بيه وقد ثقته فيها

وبعد ما اليوم خلص بترجع ديما بيتها وهي مبسوطه جدا و سعيده والفرحه باينه على وشها


والام بتسالها
عملتى ايه في الشغل

ديما
تصوري يا ماما مين السكرتيره بتاعه المدير بتاعي ....البنت هنادي اللي فرحها تفشكل وهي قاعده في الكوشه من مقلب صغير عملناه فيها


الام
ايه الكلام ده انا اول مره اسمعه معقوله تعملوا فى صاحبتكوا مقلب تخلي جوزها يطلقها وهي في الكوشه انتى مجنونه يا ديمه امتى الكلام ده حصل


ديما بتضحك وتقول خلاص يا ماما الموضوع ده خلص من اكثر من ثلاث سنين واحنا لسه في سنه اولى و لسه ما تجوزتش ولا اتخطبت وبتشتغل سكرتيره المدير بتاعي انا عارفه انها بتغير منى ونفسها تحرق دمى
لكن انا بقى الشغل ده هيبقى لعبتي الشغل بسيط قوي وسهل ولازم اثبت للعالم كله اني استحق وبجداره مكانه احسن من اللي انا فيها

الام بتبص لديمه وبتقول سبحان مغير الاحوال اللي يشوفك امبارح بالليل ما يشوفكيش دلوقت عموما يا حبيبتي انا دخلت على النت و بحثت عن اشهر دكاتره الامراض النفسيه والعصبيه ولقيت لك عنوان دكتور الكل بيشكر فيه واخذت لك ميعاد كمان والميعاد الليله الساعه ثمانيه

ديما
معقول يا ماما الليله كده على طول انا جايه تعبانه ونفسي انام واكلم باسل احكي له على كل اللي حصل في الشغل من ساعه ما ماسبني

الام
معلش يا حبيبتي الدكتور اهم من اى حاجه دلوقتى احنا اتفقنا وخليك شاطره و استغلى الوقت باسل بيقول انه قبل شهر هاتكونوا متجوزين

ديمه
عندك حق يا ماما فعلا انا لازم افوق من اللي انا فيه علشان ابقى اجهز لفرحي

وبتتغذى ديمه و غيرت هدومها ونزلت علشان تروح عنوان الدكتور
وهي نازله كانت ليله شتاء بارد جدا والشارع هادى قوي

وبينما هى تنتظر فى الشارع لتستقل تاكسي ، والشارع يسودة الهدوء التام ، وأقل ما يمكن أن يقال على مثل هذا الشارع انه حرفيا مخيف بل مرعب ، تنظر الفتاه عن يمينها لترى شىء لم تكن تضعه فى الحسبان ...


فهل يا ترى ماذا يخبىء لها القدر اكثر من هذا وهل يا ترى ان الدكتور النفسانى سوف تجد لديه الل لكل مشكلتها ام انه هو الاخر سيكون مشكله جديدة تضع فيها الفتاه نفسها وفى الاخير سوف تستسلم لقدرها،