الفصل الرابع عشر

رد عليها المتر شريف
_ سعيد ليه تلت ميراث المرحوم حسب الشرع والقانون
كانت شيرين تشغ غضبا وغيظا فرد عليه
= دا اسمه نصب وسرقة
ردت عليها مريم بعدما احست بأنها تهين المتر شريف
_ احترمى نفسك يا شيرين وخدى بالك من كلامك
= انتى مش شايفة اللى بيحصل
ارادت لمياء معرفة الأمر بهدوء
_فهمنى ازاى طيب يا أونكل هيورث معانا
= الشرع والقانون بيقول كده والدك كل خلفته بنات يعنى اولاد الاخ ليهم فى الورث
ثم اتبعت مريم
_ يعنى بابا يتغرب ويشتغل ويشوف الويل وفى الاخر يجى حد تانى ياخد فلوسه وتعبه الكلام ده ميرضيش حد ابدا
رد المتر شريف
_ يابنتى دا شرع ربنا اللى بيقول كدا
كان سعيد منصتا إلى ان خرج عن صمته
= يامتر الجدال دا كله ملهوش لزمة اصلا انا مش عايز حاجة من الورث دا

ردت عليه شيرين وكأنها تريد الشجار معه
_ انت اصلا ملكش حاجة عشان تتكلم وتقول اقبل او ارفض
رد عليها المتر شريف
_ لأ ليه ، ليه تلت الميراث
زادت المشاجرات والخناق واستمر لأكثر من ساعتين دون جدوى من بعدها قرر المتر شريف إنهاء المناقشة وذهب ورجع سعيد إلى الاستوديو وظلوا البنات جالسين مع بعضهم
فقالت شيرين وكانها تريد اثبات ما قالته بالأول
_ مش قولتلكم عارفة الاشكال دى ، الواد دا نصاب وحرامى ومحدش صدقنى
ردت عليها مريم
_ نصاب ازاى يابنتى واونكل شريف بنفسه اللى بيقول كدا
= انا مش بتكلم عن الورث
ردت لمياء مستفهمة
_ قصدك ايه
= الواد ده لعبها لعبه مظبوطه من اول وموضوع المستشفى والفيلم الهندى ده ، ده مش بعيد مايبقاش ابن عمنا اصلا وعامل الحدوته دى كلها وضارب ورق
_ بس دا صاحب مصطفى
فردت شيرين
= ومصطفى ده يبقى مين مش يبقى حفيد الراجل اللى سرق جدنا زمان على حسب كلامه هو شخصيا
_قصدك ايه يا شيرين
= قصدى ان مصطفى فى الاول لعب عليكى وخلاكى تحبيه ولما اتقدملك وبابا رفضه لانه كان كاشف خطته اختفى شويه وقلب فى الماضى وجاب الواد ده وضربله الورق اللى بيثبت انه ابن عمنا وعملوا الحوار اللى حصل
_ طب ركزوا فيها كده بعد موضوع رفض بابا لمصطفى مصطفى رجع عمل حوارات كتير على لمياء علشان ترجعله وبعد ما رجعتله اخترع موضوع سعيد صاحبه وانه بيدور عليه وفجأه بابا يتعب فى المعادى ويظهرله سعيدمع ان سعيد عايش فى المقطم وياخده على المستشفى
كانت البنات قد سرحت فى كلام شيرين وبالأخص مريم
_ كلامك يبان اوفر لكنه مقنع
فأكملت شيرين
_ لا وعلشان يحبكها اكتر قال ينسى يديكى مفتاح العربيه بتاعة بابا طبعا علشان يستنى لتانى يوم يكون بابا فاق وعرف الموقف البطولى اللى عمله ويعرف انه ابن اخوه فجأه يوصل سعيد المستشفى وطبعا بحجة انه نسى مفتاح العربيه ويحصل الفيلم الهندى اللى انتوا شوفتوه
فردت لمياء
_ طب ونتأكد ازاى من الموضوع دا
فاحابت شيرين
_ لازم نتصرف بذكاء وسرية تامة
= ايوا هنعمل ايه
_ اول حاجه نعملها نروح المستشفى اللى بابا اتحجز فيها وانا واثقه ان احنا هنلاقى اى معلومه هناك ممكن تفيدنا
فردت مريم
_ خلاص من بكرا نروح المستشفى ونشوف هيحصل ايه
كانت لمياء لا تعرف كيف تتعامل مع مصطفى بعد ما قالته اختها
_ طب وانا هتصرف ازاى مع مصطفى الفترة دى
= اتعاملى معاه طبيعى عشان محدش يحس بحاجة
_ تمام يا شيرين

انتهت البنات من وضع خطتهم وذهب كلا منهم إلى غرفته
على الجانب الأخر كان سعيد يفكر طوال الليل فيما يحدث حتى اصبحت الساعة التاسعة صباحا نظر من نافذة الغرفة وجد شيرين جالسة بالجنينة فخرج ليجلس معها ويحدثها
_ ازيك يا مريم
= اهلا
_ مالك بتكلمينى كده ليه
= مفيش بس تعبانه ومنمتش كويس
_انا عارف احساسك ده كويس علشان كده مش زعلان منك ولا من اخواتك
= ههه كويس انك بتحس
_ انا لولا ان عمى وصانى عليكم قبل ما يسافر وانا وعدته انى احافظ عليكم كان زمانى سبتكم واكتفيت بانى اسأل عليكم من وقت للتانى
= وفر على نفسك التمثيل ده كله انت كل همك الفلوس
_الله يسامحك يا بنت عمى
= حد قالك قبل كده انك ممثل عبقرى
_ انتى شايفه انى بمثل عليكم
= كفايه تمثيل بقى انت خلاص حققت هدفك وهتورث فلوس عمرك ما كنت تحلم بيها
_ انا مش عاوز الفلوس دى انا عاوزكم انتوا ، انتوا ورثى الحقيقى
=انت عاوز تلهف كل حاجه مش مكفيك الفلوس اللى هتاخدها
_ على العموم انا مش هزعل منك لانى مقدر غضبك ومسير الايام هتثبتلك انى انا عكس الصوره اللى انتى متخيلاها عنى عن اذنك
ترك سعيد مريم وذهب مرة اخرى إلى غرفته أخرج هاتفه واتصل بصديقه مصطفى
_ الوو
= مالك يا صاحبى صوتك متغير
_ انت فين
= انا فى القسم
_ كنت عاوز اقعد معاك شويه
= خير فى حاجه
_ مش هينفع فى التليفون لازم اشوفك
= طب تعالى القسم نقعد شويه
_ مسافة السكه واكون عندك
ابدل سعيد ملابسه وتحرك متجها نحو القسم الذى يعمل به مصطفى دخل اليه وجلس معه بمكتبه
_ مالك يا سليم فى ايه شكلك متضايق
= انا ورثت تلت ثروة عمى
_ طب دى حاجه تزعلك
= انت مش متفاجئ بالخبر
_ واتفاجئ ليه دى حاجه متوقعه وخصوصا ان عمك مش مخلف غير بنات يعنى من حقك تورث تلت الثروه
= انت ماشوفتش معاملة بنات عمى اتغيرت معايا ازاى دول مش طايقنى خالص من بعد ما عرفوا الخبر
_عادى يا عم ده متوقع كلها شوية وقت وينسوا
= مش باين انهم ممكن ينسوا
_ سيبك من الكلام ده
= على ما اظن مش هيبقى معايا غير الكلام ده فى الفتره اللى جايه
_ يابنى متبقاش متشائم كده
= نت كلمت لمياء من امبارح
_ اه كلمتها بالليل بس مقالتليش حاجه على موضوع الورث ده
= طب اسيبك تشوف شغلك ونبقى نكمل كلامنا بعدين
_ خلاص يبقى تعدى عليا بالليل نتعشى مع بعض
= لا خليها بكره
_ تمام

على الجانب الأخر كانت البنات استعدت وخرجت وذهبوا إلى المستشفى وقفوا قليلا ليتحدثوا فبدات الحديث لماياء
_ احنا لازم نقسم نفسنا وكل واحده تدور فى اتجاه
ردت شيرين
= طب فهمينا نعمل ايه
_ انا هروح الاستقبال واشوف التقارير بتاعة بابا
وبعدها مريم قالت
= وانا هروح للدكتور عمار اللى كان مسئول عن حالة بابا واحاول اعرف منه اى معلومه
قالت شيرين
= طب وانا هعمل ايه
ردت عليها مريم
= تعالى معايا
= تمام كده

ذهبت لمياء إلى موظف الاستقبال بالمستشفى
_ صباح الخير ، انا لمياء سعيد الصفوانى ، والدى كان محجوز هنا من اسبوعين
= صباح الخير يا فندم اقدر اساعدك بأيه
_ انا عاوزة تقارير المتابعة بتاعت والدى
= ظفيش مشكلة يا فندم طب هاتى بطاقة حضرتك وانا هبعتها للأدارة
اخرجت لمياء بطاقتها واعطتها للموظف
_ اتفضل

انتظرت لمياء فى حدود العشر دقائق حتى اتى الموظف ثانيا واعطاها ملف اوراق
_ اتفضلى يا فندم دى كل التقارير بتاعة والد حضرتك
= شكرا .... بس كنت عاوزه خدمه بسيطه
_ خير يا فندم
= عاوزه اقابل الدكتور عمار
_ممكن اعرف السبب
= اه .... هو كان المسئول عن حالة والدى وعاوزه استفسر منه على كام حاجه بخصوص والدى
_ الدكتور عمار مش موجود
= طب هيجى المستشفى امتى
_ مش هيجى المستشفى تانى
= ليه كده
_ الدكتور عمار اترفد من المستشفى من اسبوع
= اترفد ليه
_ علشان كان حرامى .... كان بيسرق ادويه مخدره من المستشفى ويبعها
= طب شكرا .... طب ممكن رقم تليفونه او عنوانه لو سمحت
_ للاسف الموضوع ده مش فى ايدى ومش هقدر اخدمك فيه
= تمام انا هتصرف
انتظرت لمياء اخوتها حتى اتم وتحدثوا معها
_ عرفتى يا لمياء التقارير دى فيها ايه
= التقارير مظبوطه .... بس المشكله ان الدكتور اللى عملها مقدرش اثق فى كلامه بعد اللى عرفناه عنه
فردت عليها مريم
= عندك حق .... انا وشرين سمعنا عنه مصايب من الممرضات اللى فى المستشفى
اتبعت شيرين كالمنتصرة
= انا قولت من الاول ان الزفت ده نصاب وجاى علشان يسرقنا وجايب دكتور شمال علشان يعملوا علينا المسلسل ده
_ لازم نوصل للدكتور ده علشان نعرف الحقيقه
فردت مريم
= احنا نروحله العياده بتاعته
= وهنعرف العياده بتاعته ازاى .... ده موظف الاستقبال رفض يساعدنى نهائى
كانت شيرين هى الحل
= متخافيش انا معايا عنوان البيت والعياده ورقم التليفون
تفاجات مريم وسالتها
= جبتيهم ازاى
= عادى 200 جنيه غمزت بيهم واحده ممرضه وجابتلى كل المعلومات دى
ضحكت لمياء واتبعت
_ يخرب بيت عقلك ده انتى داهيه
= اى خدمه
_ طب يلا بينا نروح للزفت ده
= يلا بينا
ذهبوا البنات إلى منزل الدكتور عمار وحينما وصلوا استقبلهم البواب ، اتفقت معهم لمياء بانها من ستدير الحوار
_ خير يا فندم عاوزين ايه
= لو سمحت الدكتور عمار ساكن هنا
_ كان ساكن هنا
= امال راح فين
_ الدكتور عمار تعيشى انتى
ردت مريم وشيرين فى نفس الوقت
= مات
_ ايوه ، عمل حادثه من 5 ايام ، كان راجع بالليل متاخر والظاهر كان سرحان وهو بيعدى الشارع عربيه خبطته
= طب عرفتوا مين اللى كان سايق العربيه دى
_ لا الشارع كان ضلمه والسواق الظاهر خاف جرى بسرعه
= طب شكرا

عادت البنات إلى الفيلا لكى يتحدثو عن ما عرفوه بهذا اليوم فسألت شيرين
_ تفتكروا الحادثه دى مدبره ولا صدفه
ردت عليها مريم قائلة
= خلاص انا مش عارفه اى حاجه وحاسه ان دماغى هتنفجر من كتر التفكير
اتبعت شيرين
_انا هكلم اونكل شريف يجى ونقوله كل اللى حصل ونشوف هيقول ايه
قالت لمياء فخوف
= انا خايفه نكون وقعنا فى ايد سفاح
_ انا هكلم اونكل شريف دلوقتى
فردت عليها مريم
= طب بسرعه

قامت شيرين بالاتصال بالدكتور شريف واخبرته انه لابد وان ياتى إليهم فى اسرع وقت ، وبعد غضون ساعة أتى إليهم المتر شيريف وقصوا عليه ما عرفوه فى تلك اليوم فرد
_ ايه اللى بتقولوه ده يا بنات
فردت شيرين
= احنا من الصبح يا اونكل واحنا بندور فى الموضوع ده
وبعدها مريم
=بصراحه احنا خايفين نقعد معاه فى مكان واحد
ثم لمياء
=وبعدين ده ممكن ميطلعش ابن عمنا ولا حاجه ويكون نصاب وضارب ورق علشان يسرقنا
فرد عليهم المتر شريف
_ طب هو فين دلوقتى
إجابته شيرين
= قاعد فى الاوضه بتاعت الجنينه
_طب خليكم هنا وانا هروح اشوفه

تركهم المتر شريف وذهب إلى سعيد لكى يتحدث معه وجد بابا الغرفة مفتوح فدخل عليه كان جالسا على كرسي بالريسبشن فدخل وجلس على الكرسي المقابل له
ثم بدأ فى الحديث
_ انت مين
= ازاى يعنى مش فاهم
_ هجبهالك من الاخر .... انت فعلا ابن اخو المرحوم
=انت جاى النهارده تسأل السؤال ده يا متر
_النهارده حصلت حاجات جديده وجاى استفسر عنها منك
= حاجات ايه
_ البنات راحوا المستشفى
وقص المتر شريف كل ما حدث لسعيد
فردت سعيد فى عدم فهم
= وايه اللى يخلينى الف اللفه الطويله دى علشان انصب عليهم
_اعذرنى يا بنى بس بنات عمك امانه فى رقبتى ولازم اتطمن عليهم
= طب وانا ايه اللى فى ايدى ممكن اعمله
_هات بطاقتك وانا هكشف عليها
ضحك سعيد من تلك الكلمات
= يعنى البطاقه دى هى اللى هتثبت كلامى ماشى يا متر اتفضل البطاقه اكشف عليها براحتك
_ فى حاجه اخيره انا عارف انك هتعذرنى عليها
=حاجة ايه يا متر
_ معلش انت لازم تسيب الفيلا اليومين دول لحد ما الامور تهدى
= انا اصلا رافض ان اعيش فى الفيلا بس انت وعمى اللى غصبتوا عليا اعيش فيها
_ متقلقش كلها يومين وترجع الفيلا تانى .بس الامور تهدى وبنات عمك يريحوا اعصابهم شويه ولو تحب انا ممكن احجزلك فى اى فندق
= ملهاش لازمه ، انا هعرف اصرف امورى كويس ورقمى معاك اول ما تطمن كلمنى
_ انا من ناحيتى متطمن ومش قلقان بس دى امانه وانا لازم اصون الامانه
= وانا ما اعترضتش عن اذنك الم هدومى وامشى
_ اتفضل يابنى

لملم سعيد كل حاجته واخذ شنتطه واتجه إلى منزل مصطفى دخل البيت وقص على مصطفى كل ما حدث
_ ايه الهبل ده دول اكيد اتجننوا
=حقهم برضه يتاكدوا
_مفيش الكلام ده انا رايح دلوقتى هناك واشوف ايه فى
= اهدى بس الحكايه مش ناقصه مشاكل
_ استنى هنا ساعه وهرجعلك تانى
= براحتك

اردتى مصطفى ملابسه وذهب للفيلا استقبلته لمياء بوجه لا يبدو منه اسقبال امراة لحبيبها
_ نعم ..... عاوز ايه
= ايه اللى حصل مع سعيد وازاى تخلوه بسيب البيت
_ خلاص التمثليه اللى كنتوا عاملينها اتكشفت خلاص
=تمثيليه وعاملينها .... قصدك ايه بالكلام ده
_ انت تحاول تخطبنى ولما بابا رفضك جيبت واحد وضربتله ورق علشان يبقى ابن عمنا .... وحكت كل اللى حصل
= انتى شايفه ان انا ممكن اعمل حركه حقيره زى دى
_ ومتعملهاش ليه .... مش جدك سرق جدى بطريقه قذره .... وزى ما المثل بيقول العرق يمد لسابع جد
= لحد هنا والكلام انتهى .... عن اذنك يا لمياء هانم

تركهم مصطفى وهو يفكر كيف للمياء ان تتغير عليه بتلك الطريقة وما حدث لبنات الدكتور سعيد هذه الفترة كان مصطفى يشع غضبا حتى وصل إلى المنزل فرأه سعيد وسأله عن ما فعله
_ عملت ايه هناك
لم يجب عليه مصطفى
_ مالك ساكت كده ليه
= انا هسألك سؤال واحد وجاوبنى بصراحه
_ وانا من امتى كدبت عليك
= انت لما انقذت عمك كنت تعرفه
_ انت هتعمل زى بنات عمى
= بصراحه هما عندهم حق يشكوا فيك
_ طب وانت بتشك فيا
= انا بتكلم على بنات عمك
_ سيبك من بنات عمى دلوقتى وخلينا فيك انت ..... انت فعلا بتشك فيا
لم يحب عليه مصطفى ونظر إلى الأرض فأتبع سعيد قائلا
_ خلاص انا مش محتاج اجابه منك ..... لما انت يا صاحب عمرى بتشك فيا يبقى بنات عمى عندهم حق ..... لما انت يا اللى متربيبن مع بعض من يوم ما فتحنا على الدنيا بتشك فيا يبقى الغريب عنده حق
= افهمنى يا سعيد
_ لأول مره فى حياتى اتمنى انى مكونش فاهمك ..... على العموم يا صاحبى خلاص كده .... انا هرفع عنك الحرج بس ياريت ماتدورش عليا تانى ومسير الايام هتثبتلك الحقيقه اللى غايبه عنك .... عن اذنك
= استنى يا سعيد ماتبقاش عصبى كده
_ خلصت يا صاحبى .... يا خساره مكانش نفسى تخلص بالطريقه دى بس معلش الغلط عندى انا .... الظاهر كده انا مبعرفش اختار اصحابى .... فشلت زى ما فشلت قبل كده فى اختيار الانسانه اللى احبها ..... معلش محدش بيتعلم ببلاش
= اعذرنى يا صاحبى انا بعد اللى أسامه عمله خلانى مش عارف اثق فى حد
= مع السلامه يا اخويا .... او يا اللى كنت اخويا

اخذ سعيد سنطته وخرج من منزل مصطفى ولا يعلم الى اين سيذهب