الفصل الثالث والعشرون
الطمع كلمة تحتوى الكثير والكثير من المعانى والأفعال فبالطمع يقتل اخا أخيه وبالطمع تلفق القواضى لأناس ليس لهم شأنا بها ، الطمع يجعلك أقرب للشيطان من نفسه ، الطمع هو أسوء شهوة خلقت فى الأنسان فحينما طمع أحمد الحارونى أنتهى الأمر بأنه قتل أبن عمه و وزوجته قتل اخيها ، بالطمع قتل اسامة قبل أن يقتل العشرات ويلفق القواضى لمئات اخرين ، احذرو من الطمع فهو أكبر عدوا للأنسان ...
عودة للفلاش باك
بعدما ألقى القبض على صالح وتم نقله إلى قسم الشرطة دخل صالح إلى غرفة الضابط الذى طلب منه الجلوس امامه وبعدما جلس صالح اعطاه الضابط بعض الاوراق لينظر فيها ثم قال
_ الإيصالات دى بتاعتك ياصالح
= ورينى كده يا باشا
أخذ ثالح الايصالات لينظر إليها، فنعم هى تلك الايصالات التى مضى عليها للأشخاص الذين أقترض منهم الأموال فرد قائلا
= ايوه يا فندم دى بتاعتى
_ انت بقى بتنصب على الناس وتاخد فلوسهم
= انا استلفت الفلوس دى بضمان المحصول يا باشا علشان اقدر اجوز بنتى
_ طب وهتسدد الفلوس دى ولا ناوى تستعبط وماتسددش
نظر إليه صالح فى حسرة ثم اتبع
= فى ناس ولاد حرام حرقوا الارض والمحصول اللى عليها
_ بدأنا فى شغل اللوع
= حضرتك انا مش نصاب وهتلاقى محضر عند حضرتك بالحريقه اللى حصلت فى ارضى
_ انت مفيش قصادك غير حل من اتنين يا اما تدفع الفلوس ونقفل المحضر او نحول المحضر للنيابه وهما هناك يشوفوا شغلهم معاك
= لا هسدد يا باشا
_ كده الكلام الصح هنسدد ازاى بقى
= هبيع ارضى وارجع للناس فلوسها بس ممكن اعرف مين اللى قدم البلاغ ده
_ الاستاذ اسامه النميرى هو اشترى الايصالات دى من الناس واتعهد انه هيرجعلهم حقوقهم منك
= ماشى يا باشا ممكن طلب اخير
_ خير
= عاوز اشوف الاستاذ اسامه علشان اخلص معاه الموضوع ده
_ حاضر يا صالح هتنزل الحجز دلوقتى وشويه لما يجى الاستاذ اسامه هنشوف ايه اللى هيحصل
= ماشى يا باشا اللى تشوفه
على الجانب الأخر كان سعيد جالساً بالجنينة الخاصة بالڤيلا فدخلت عليه الدادة خيرية وكانت تجرى شعر سعيد بالقلق حيال ركضها هذا فسألها عن السبب
_ خير يا ست خيريه فى ايه
= الحق يا سعيد فى مصيبه
_ مصيبة ايه انطقى
= قبضوا على لمياء
_ قبضوا عليها ازاى
= انا معرفش البنت المسئوله على نضافة العياده كلمتنى من خمس دقايق وقالت ان فى بوليس دخل عليهم العياده وفتشها وقبض على لمياء
_ طب قبض عليها ليه ولا ودهوا فى اى قسم
= معرفش قبضوا عليها ليه بس البنت قالتلى ان اللى قبض عليها تبع قسم اكتوبر
_ ازاى ، انتى عارفة ان ظابط المباحث يبقى مصطفى خطيبها
= معرفش بقى هو دا اللى قالته البت
_ طب روحى انتى وانا هتصرف واوعى تجيبى سيره للبنات لحد ما نعرف فى ايه
= حاضر يابنى
أمسك سعيد بهاتفه وقام بالأتصال عدة مرات بصديقه مصطفى ولكنه كان يجد الهاتف مغلق ، توقف عن الاتصال به وقام بالأتصال بالمتر شريف الذى رد عليه من أول الرنين
_ الوه يا متر الحقنى فى مصيبه
= انا عرفت وفى طريقى لقسم 6 اكتوبر حصلنى على هناك
_ حاضر يا متر مسافة السكه واكون عندك
= سلام
أغلق سعيد المكالمة ثم ذهب ليرتدى ملابسه وبعدها توجه إلى القسم وحينما وصل سأل مباشرةً على مصطفى ولكنه لم يجد ، وعلم أن المتر شريف جالسا مع لمياء بغرفة المأمور فطلب أن يدخل لهم وسمحوا له دخل سعيد إلى مكتب المأمور فسأل المتر شريف عن ما توصل إليه
_ خير يا متر فى ايه
= اصبر يا سعيد دقيقه بس نفهم الموضوع كويس
رد عليه المأمور قائلا
= الموضوع مش محتاج فهم يا متر الدكتوره المحترمه بتعمل عمليات مشبوهه للبنات
أثارت تلك الكلمات غضب سعيد فرد قائلا
_ انت بتقول ايه انت مش عارف دى تبقى مين وبنت مين
فرد عليه المأمور
= ليه هو الفقراء بس اللى بيغلطوا
_ لا طبعا بس حضرتك تتاكد من المعلومه قبل ما تتهم بنت عمى بتهمه قذره زى دى
= ومين قالك ان احنا مش متاكدين من المعلومات اللى عندنا
_ هو حضرتك قبضت عليها وهى بتعمل عمليه مشبوهه
= لا مش كده
_ امال ايه ممكن تفهمنى
= احنا لما فتشنا العياده لقينا الكرتونه دى وكان فيها كميه من غشاء البكاره الصينى اللى بيستخدوه فى العمليات المشبوهه دى
_ وانتوا فتشتوا العياده على اى اساس
= احنا كان معانا اذن من النيابه بتفتيش العياده
_ وأذن النيابه ده طلع على اى اساس
= فى ظرف اتبعت للنيابه وفى صور للدكتوره وهى بتستلم كراتين ومع الصور دى بلاغ بيتهم الدكتوره انها بتعمل العمليات دى وعلى الاساس ده احنا اتحركنا
_ ممكن اشوف الصور دى
= الصور دى مش عندى الصور فى النيابه
_ طب والحل دلوقتى
= هضطر ابيتها فى الحجز النهارده لحد ما تتعرض على النيابه بكره الصبح
غضب سعيد اكثر بعد سماع تلك الجملة من المأمور فخرج عن شعوره قائلا
_ بنت عمى انا تبات فى الحجز ده انا اهد القسم على اللى فيه
= انا مراعى شعورك لحد دلوقتى لكن لو ذودتها اكتر من كده هرميك فى الحجز ومش هيهمنى انت ابن مين
_ انا موافق ترمينى فى الحجز بدالها سيبها تروح وانا مسئول قصادك انها تيجى النيابه بكره الصبح
= مقدرش دى مش من صلاحياتى
نظر سعيد للمتر شريف ثم قال
_ اتصرف يا متر
= انت مدينى فرصه اتكلم
_ خلاص هسكت اهو بس اتصرف
أخرج المتر شريف هاتفه ثم قام بالأتصال بأحدا ما وقام ليحدثه وبعدها عاد مرة أخرى إلى جلسته ثم قال
_ خلاص كده اتحلت
= ايه هو اللى خلاص كده
_ لمياء هتتعرض على النيابه فى العرض المسائى
= اهم حاجه عندى ان لمياء ماتقعدش ساعه واحده فى الحجز
نظرت إليه لمياء وكأنها نسيت كل شئ أمام ما يفعله سعيد من أجلها
= انت خايف عليا بجد يا سعيد
فرد عليها سعيد قائلا
= مش وقت كلام فى الموضوع ده اهم حاجه دلوقتى نخلص المشكله
فرد عليه المتر كي يطمئنه
_ ماتخافش يا سعيد كل حاجه هتخلص
نظر إليهم المأمور وحاول ان يساعدهم فقال
_ تقدروا تتفضلوا تقعدوا فى الاوضه اللى جمبى لحد معاد النيابه
اعتذر سعيد للمأمور عن الطريقة التى تحدث معه بها وبعدها و١ح له سبب كل تلك العصبية وتفهم المأمور الموقف ، وبعدها خرجوا وجلسوا بالغرفة المجاورة أخرج سعيد هاتفه واعاد الاتصال بمصطفى كثيرا حتى سأله المتر شريف
_ بتكلم مين يا سعيد
= بكلم مصطفى قافل تليفونه ومش موجود هنا فى القسم
_ وانت عاوز مصطفى فى ايه
= اكيد هيعرف يساعدنا فى المشكله دى
_ قولتلك ما تقلقش ولا انا مش مالى عينك يا ينى ولا ايه
= ازاى بتقول كده يا متر انت الخير والبركه
_ طب اقعد وما تربكناش
= انا هتصل بريهام ممكن يكون فى البيت
نظر إليه المتر وفهم أنه لن يهدئ فتركه على راحته
_ اعمل اللى يريحك
أتصل سعبد بأمل اخت مصطفى ولكنها أخبرته بأنها ليست بالبيت ولا تعلم اين هو مصطفى ثم اغلق المكالمة والتفت للمياء وجلس ليطمئنها وبعدها جلسوا يتحدثون حول من المستفيد من لتلفيق تلك التهمة لها ، وماذا فعلت الفترة الماضية هل اشترت بضاعة او بعض المستلزمات الطبية لكى يحلوا لغز القضية
على الجانب الأخر كان مصطفى جالسا مع صديقه وزميله بالعمل الملازم ابراهيم بمنطقة المقطم ، شعر ابراهيم أن الوقت يجرى بهم ولن يثل أيا منهم إلى شئ فأردف قائلا
_ احنا بقالنا اكتر من اربع ساعات بنخطط ومش عارفين نوصل لحاجه
= انت تعبت ولا ايه وبعدين مش انا عزمتك على الغداء على حسابى
_ ياعم انا مش تعبان بس كل الحكايه ان احنا سايبين القسم من الصبح وكده غلط
تذكر مصطفى انهم على قيد العمل ولا يعؤف أحدا أين هم
= تصدق صح ده زمان الدنيا مقلوبه علينا هناك وخصوصا اننا سايبين تليفوناتنا واللاسلكى بتاعنا على المكتب
_ طب يلا بينا يا مصطفى ونكمل شغلنا فى القسم
= يلا بينا
على الجانب الأخر بالبلد جاء اسامة إلى قسم الشرطة واستدعى المأمور صالح من الحجز وجلسوا وحدهم وتركهم المأمور يتحدثون
_ خير يا صالح عاوز ايه
= انت ليه بتعمل فيا كده
_ عملت ايه
= انت ليه مصمم تاخد ارضى
_ دى حاجه ماتخصكش
= امال تخص مين
_ انت اللى يخصك انك تخرج من الحبس وتاخد تمن الارض وبس
= وانا موافق ابيع
_ انا كده هحبك وعلشان تعرف انى بحبك انا هشترى منك الارض بتمنها ومش هخصم منها تمن الايصالات
= طب هخرج امتى من الحبس
_ حالا هتخرج وبكره هنخلص موضوع الارض
من ناحية أخرى كان بجلس سعيد ولمياء ومعهم المتر شريف ينتظرون ميعاد النيابة المسائية ، نظر سعيد إلى لمياء فوجد الحزن يملئ عينيها فسالها
_ مالك يا بنت عمى
= خايفه
_ متخافيش طول ما انا معاكى واوعدك انك مش هتباتى ليله واحده فى الحجز
= دى الحاجه الوحيده اللى مخليانى متطمنه الى حد ما بس اخواتى فين مفيش ولا واحده فيهم جات
_ انا قولت لخيريه ماتجيبش سيره للبنات لحد ما نتطمن عليكى
= كده كويس الحمد لله أنك عملت كدا
كانوا جالسين يتحدثون فدخل عليهم أمين شرطة بالقسم يبلغهم انهم سوف يتحركون الآن إلى النيابة هموا واقفين وخرجوا جميعا واثناء خروجهم كان مصطفى وإبراهيم قد وصلوا إلى القسم وما أن راى مصطفى سعيد ولمياء فجرى باتجاههم وسأل سعيد عن ماذا يحدث
_ فى ايه يا سعيد انتوا بتعملوا ايه هنا
= ده موضوع طويل مش وقته يا مصطفى
كان مصطفى مخضوض على لمياء بدافع الحب فهو لازال يحبها ويعشقها ايضا
_ فهمنى فى ايه ياعم انت
= احنا رايحين النيابه دلوقتى تعالى معايا وانا هحكيلك فى الطريق
_ طب ثانيه واحده هجيب تليفونى من المكتب
= هو تليفونك مش معاك
_ لا كنت ناسيه فى المكتب
= انا بتصل بيك من الصبح ومفيش فايده
_ دقيقه واحده وهرجعلك بسرعة
ذهب مصطفى لكى يحضر هاتفه وبمجرد أن ذهب سألت لمياء سعيد عن سبب مجيئه معهم
= هو مصطفى جاى معانا ليه
_ انتى ناسيه ان مصطفى صاحب عمرى وطبيعى يبقى معايا فى موقف زى ده
= لا مش ناسيه
نرظت بعدها لمياء إلى الأرض فعل ايضا تخشى أن يفهمها بطريقة خاطئة حينما يعلم سبب الامر
= بس هيقول ايه لما يعرف التهمه اللى انا فيها
رفع سعيد رأسها بيده ثم نظر فى عينيها واردف
_ محدش يقدر يقول عليكى حاجه طول ما انا عايش على وش الارض واللى هيفكر يجيب سيرتك بنص كلمه انا هقطع لسانه قبل ما يفكر ينطق
ابتسمت لمياء وقالت
= ربنا يخليك ليا يابن عمى
_ اول مره تقوليلى يابن عمى من يوم ماعرفتك
= علشان دى اول مره بجد احس فيها انك ابن عمى وضهرى وسندى فى الدنيا
_ انا بنفذ وصية المرحوم اللى وصانى بيها قبل مايموت ومهما تعملوا فيا انتى ولا اخواتك هتفضلوا بنات عمى وحقكم عليا انى احميكم
جاء مصطفى ووقف بجوار سعيد كان ينظر إلى لمياء بطريقة لا يراه فيها أحد كان يرد أن يقول لها كم هو مشتاق إليها ، وهم واقفين أتى الضابط الذى قام بالقيض عليها وفيده الاسورة التى توضع فى يدى المتهم ما تسمى بالكلبش وحينما فتحها ومدها إلى لمياء صاح مصطفى
_ أنت اتجننت يا اشرف ولا ايه ايه اللى بتعمله دا
= مصطفى باشا أنا بنفذ القانون أهدى بس وقولى عايز ايه
_ القانون دا يمشى على أى حد إلا الدكتورة
= اللى انت شايفه ياباشا
_ الدكتورة مش ختلبس كلبشات ولا هتركب عربية الترحيلات ، الدكتورة هتركب عربيتى انا
ثم ألتفت إلى سعيد وقال
_ يلا بينا ياصاحبى ، انا لسة مش فاهم أى حاجة بس واثق ان فى سوء تفاهم كبير
ركب مصطفى سيارته وركب معه زميله الضابط شريف بينما طلبت لمياء من سعيد ان تركب سيارة المتر شريف أفضل ، وصلت السيارات النيابة دخل المتر شريف مع لمياء بينما جلس سعيد يقص على مصطفى كل شئ حتى مجيئهم للقسم
_ ايه الكلام اللى انا سمعته ده
= انت مصدق حاجة من الكلام ده يا مصطفى
_ لا طبعا مش مصدق ولا كلمه من الكلام اللى بيتقال ده
= كده نعرف نتكلم
_ بس مين من مصلحته يعمل كده
= هو ده اللى عايزك تفكر فيه معايا
_ بس لمياء ملهاش اعداء لدرجة انهم يلبسوها قضيه زى دى
= نخلص تحقيق النيابه وبعد كده نقعد معاها ونشوف ايه هيحصل
_ عندك حق نخلص من حاجه حاجه الأول
وهم جالسين رن هاتف مصطفى فوجد المتصل ريهام اخته اجاب وكان واضحا عليه ان هناك مصيبة اخرى قد حدثت اغلق المكالمة فسأله سعيد ما الذى حدث
_ خير فى ايه تانى
= ريهام بتقول ان اخو هايدى اتصاب فى كمين النهارده وهو نازل القاهره
_ وبعدين فى المصايب اللى بتيجى ورا بعضها دى طب وهو فين دلوقتى
= فى مستشفى المعادى العسكرى
_ طب روح انت وطمنى عليه وقول لهايدى على المشكله اللى معايا
= كده ولا كده الزياره ممنوعه دلوقتى بكره الصبح ابقى اروح
_ ماشى يا يوسف طب سيف اخباره ايه
= ريهام بتقول انه اخد رصاصه فى رجله بس طلعوها وهو دلوقتى كويس حتى ابوه عنده فى المستشفى دلوقتى
_ كويس ان ريهام قاعده مع هايدى تلاقيها منهاره دلوقتى
= خير ياعم كل حاجة هتعدى انشاء الله
فى وسط هذا الحديث خرج المتر شريف ومعه لمياء فهم مصطفى وسعيد ذاهبين إليهم سأل مصطفى المتر شريف
_ خير يا متر طمنى
= خرجت بكفالة 05الف جنيه
_ طب ادفعهم يا منر خلينا نخرج من هنا
= الفلوس جايه فى الطريق انا كلمت هبه وهى هتجيب الفلوس وتيجى
_ طب تمام كده يا متر الحمد لله
عودة للفلاش باك
بعدما ألقى القبض على صالح وتم نقله إلى قسم الشرطة دخل صالح إلى غرفة الضابط الذى طلب منه الجلوس امامه وبعدما جلس صالح اعطاه الضابط بعض الاوراق لينظر فيها ثم قال
_ الإيصالات دى بتاعتك ياصالح
= ورينى كده يا باشا
أخذ ثالح الايصالات لينظر إليها، فنعم هى تلك الايصالات التى مضى عليها للأشخاص الذين أقترض منهم الأموال فرد قائلا
= ايوه يا فندم دى بتاعتى
_ انت بقى بتنصب على الناس وتاخد فلوسهم
= انا استلفت الفلوس دى بضمان المحصول يا باشا علشان اقدر اجوز بنتى
_ طب وهتسدد الفلوس دى ولا ناوى تستعبط وماتسددش
نظر إليه صالح فى حسرة ثم اتبع
= فى ناس ولاد حرام حرقوا الارض والمحصول اللى عليها
_ بدأنا فى شغل اللوع
= حضرتك انا مش نصاب وهتلاقى محضر عند حضرتك بالحريقه اللى حصلت فى ارضى
_ انت مفيش قصادك غير حل من اتنين يا اما تدفع الفلوس ونقفل المحضر او نحول المحضر للنيابه وهما هناك يشوفوا شغلهم معاك
= لا هسدد يا باشا
_ كده الكلام الصح هنسدد ازاى بقى
= هبيع ارضى وارجع للناس فلوسها بس ممكن اعرف مين اللى قدم البلاغ ده
_ الاستاذ اسامه النميرى هو اشترى الايصالات دى من الناس واتعهد انه هيرجعلهم حقوقهم منك
= ماشى يا باشا ممكن طلب اخير
_ خير
= عاوز اشوف الاستاذ اسامه علشان اخلص معاه الموضوع ده
_ حاضر يا صالح هتنزل الحجز دلوقتى وشويه لما يجى الاستاذ اسامه هنشوف ايه اللى هيحصل
= ماشى يا باشا اللى تشوفه
على الجانب الأخر كان سعيد جالساً بالجنينة الخاصة بالڤيلا فدخلت عليه الدادة خيرية وكانت تجرى شعر سعيد بالقلق حيال ركضها هذا فسألها عن السبب
_ خير يا ست خيريه فى ايه
= الحق يا سعيد فى مصيبه
_ مصيبة ايه انطقى
= قبضوا على لمياء
_ قبضوا عليها ازاى
= انا معرفش البنت المسئوله على نضافة العياده كلمتنى من خمس دقايق وقالت ان فى بوليس دخل عليهم العياده وفتشها وقبض على لمياء
_ طب قبض عليها ليه ولا ودهوا فى اى قسم
= معرفش قبضوا عليها ليه بس البنت قالتلى ان اللى قبض عليها تبع قسم اكتوبر
_ ازاى ، انتى عارفة ان ظابط المباحث يبقى مصطفى خطيبها
= معرفش بقى هو دا اللى قالته البت
_ طب روحى انتى وانا هتصرف واوعى تجيبى سيره للبنات لحد ما نعرف فى ايه
= حاضر يابنى
أمسك سعيد بهاتفه وقام بالأتصال عدة مرات بصديقه مصطفى ولكنه كان يجد الهاتف مغلق ، توقف عن الاتصال به وقام بالأتصال بالمتر شريف الذى رد عليه من أول الرنين
_ الوه يا متر الحقنى فى مصيبه
= انا عرفت وفى طريقى لقسم 6 اكتوبر حصلنى على هناك
_ حاضر يا متر مسافة السكه واكون عندك
= سلام
أغلق سعيد المكالمة ثم ذهب ليرتدى ملابسه وبعدها توجه إلى القسم وحينما وصل سأل مباشرةً على مصطفى ولكنه لم يجد ، وعلم أن المتر شريف جالسا مع لمياء بغرفة المأمور فطلب أن يدخل لهم وسمحوا له دخل سعيد إلى مكتب المأمور فسأل المتر شريف عن ما توصل إليه
_ خير يا متر فى ايه
= اصبر يا سعيد دقيقه بس نفهم الموضوع كويس
رد عليه المأمور قائلا
= الموضوع مش محتاج فهم يا متر الدكتوره المحترمه بتعمل عمليات مشبوهه للبنات
أثارت تلك الكلمات غضب سعيد فرد قائلا
_ انت بتقول ايه انت مش عارف دى تبقى مين وبنت مين
فرد عليه المأمور
= ليه هو الفقراء بس اللى بيغلطوا
_ لا طبعا بس حضرتك تتاكد من المعلومه قبل ما تتهم بنت عمى بتهمه قذره زى دى
= ومين قالك ان احنا مش متاكدين من المعلومات اللى عندنا
_ هو حضرتك قبضت عليها وهى بتعمل عمليه مشبوهه
= لا مش كده
_ امال ايه ممكن تفهمنى
= احنا لما فتشنا العياده لقينا الكرتونه دى وكان فيها كميه من غشاء البكاره الصينى اللى بيستخدوه فى العمليات المشبوهه دى
_ وانتوا فتشتوا العياده على اى اساس
= احنا كان معانا اذن من النيابه بتفتيش العياده
_ وأذن النيابه ده طلع على اى اساس
= فى ظرف اتبعت للنيابه وفى صور للدكتوره وهى بتستلم كراتين ومع الصور دى بلاغ بيتهم الدكتوره انها بتعمل العمليات دى وعلى الاساس ده احنا اتحركنا
_ ممكن اشوف الصور دى
= الصور دى مش عندى الصور فى النيابه
_ طب والحل دلوقتى
= هضطر ابيتها فى الحجز النهارده لحد ما تتعرض على النيابه بكره الصبح
غضب سعيد اكثر بعد سماع تلك الجملة من المأمور فخرج عن شعوره قائلا
_ بنت عمى انا تبات فى الحجز ده انا اهد القسم على اللى فيه
= انا مراعى شعورك لحد دلوقتى لكن لو ذودتها اكتر من كده هرميك فى الحجز ومش هيهمنى انت ابن مين
_ انا موافق ترمينى فى الحجز بدالها سيبها تروح وانا مسئول قصادك انها تيجى النيابه بكره الصبح
= مقدرش دى مش من صلاحياتى
نظر سعيد للمتر شريف ثم قال
_ اتصرف يا متر
= انت مدينى فرصه اتكلم
_ خلاص هسكت اهو بس اتصرف
أخرج المتر شريف هاتفه ثم قام بالأتصال بأحدا ما وقام ليحدثه وبعدها عاد مرة أخرى إلى جلسته ثم قال
_ خلاص كده اتحلت
= ايه هو اللى خلاص كده
_ لمياء هتتعرض على النيابه فى العرض المسائى
= اهم حاجه عندى ان لمياء ماتقعدش ساعه واحده فى الحجز
نظرت إليه لمياء وكأنها نسيت كل شئ أمام ما يفعله سعيد من أجلها
= انت خايف عليا بجد يا سعيد
فرد عليها سعيد قائلا
= مش وقت كلام فى الموضوع ده اهم حاجه دلوقتى نخلص المشكله
فرد عليه المتر كي يطمئنه
_ ماتخافش يا سعيد كل حاجه هتخلص
نظر إليهم المأمور وحاول ان يساعدهم فقال
_ تقدروا تتفضلوا تقعدوا فى الاوضه اللى جمبى لحد معاد النيابه
اعتذر سعيد للمأمور عن الطريقة التى تحدث معه بها وبعدها و١ح له سبب كل تلك العصبية وتفهم المأمور الموقف ، وبعدها خرجوا وجلسوا بالغرفة المجاورة أخرج سعيد هاتفه واعاد الاتصال بمصطفى كثيرا حتى سأله المتر شريف
_ بتكلم مين يا سعيد
= بكلم مصطفى قافل تليفونه ومش موجود هنا فى القسم
_ وانت عاوز مصطفى فى ايه
= اكيد هيعرف يساعدنا فى المشكله دى
_ قولتلك ما تقلقش ولا انا مش مالى عينك يا ينى ولا ايه
= ازاى بتقول كده يا متر انت الخير والبركه
_ طب اقعد وما تربكناش
= انا هتصل بريهام ممكن يكون فى البيت
نظر إليه المتر وفهم أنه لن يهدئ فتركه على راحته
_ اعمل اللى يريحك
أتصل سعبد بأمل اخت مصطفى ولكنها أخبرته بأنها ليست بالبيت ولا تعلم اين هو مصطفى ثم اغلق المكالمة والتفت للمياء وجلس ليطمئنها وبعدها جلسوا يتحدثون حول من المستفيد من لتلفيق تلك التهمة لها ، وماذا فعلت الفترة الماضية هل اشترت بضاعة او بعض المستلزمات الطبية لكى يحلوا لغز القضية
على الجانب الأخر كان مصطفى جالسا مع صديقه وزميله بالعمل الملازم ابراهيم بمنطقة المقطم ، شعر ابراهيم أن الوقت يجرى بهم ولن يثل أيا منهم إلى شئ فأردف قائلا
_ احنا بقالنا اكتر من اربع ساعات بنخطط ومش عارفين نوصل لحاجه
= انت تعبت ولا ايه وبعدين مش انا عزمتك على الغداء على حسابى
_ ياعم انا مش تعبان بس كل الحكايه ان احنا سايبين القسم من الصبح وكده غلط
تذكر مصطفى انهم على قيد العمل ولا يعؤف أحدا أين هم
= تصدق صح ده زمان الدنيا مقلوبه علينا هناك وخصوصا اننا سايبين تليفوناتنا واللاسلكى بتاعنا على المكتب
_ طب يلا بينا يا مصطفى ونكمل شغلنا فى القسم
= يلا بينا
على الجانب الأخر بالبلد جاء اسامة إلى قسم الشرطة واستدعى المأمور صالح من الحجز وجلسوا وحدهم وتركهم المأمور يتحدثون
_ خير يا صالح عاوز ايه
= انت ليه بتعمل فيا كده
_ عملت ايه
= انت ليه مصمم تاخد ارضى
_ دى حاجه ماتخصكش
= امال تخص مين
_ انت اللى يخصك انك تخرج من الحبس وتاخد تمن الارض وبس
= وانا موافق ابيع
_ انا كده هحبك وعلشان تعرف انى بحبك انا هشترى منك الارض بتمنها ومش هخصم منها تمن الايصالات
= طب هخرج امتى من الحبس
_ حالا هتخرج وبكره هنخلص موضوع الارض
من ناحية أخرى كان بجلس سعيد ولمياء ومعهم المتر شريف ينتظرون ميعاد النيابة المسائية ، نظر سعيد إلى لمياء فوجد الحزن يملئ عينيها فسالها
_ مالك يا بنت عمى
= خايفه
_ متخافيش طول ما انا معاكى واوعدك انك مش هتباتى ليله واحده فى الحجز
= دى الحاجه الوحيده اللى مخليانى متطمنه الى حد ما بس اخواتى فين مفيش ولا واحده فيهم جات
_ انا قولت لخيريه ماتجيبش سيره للبنات لحد ما نتطمن عليكى
= كده كويس الحمد لله أنك عملت كدا
كانوا جالسين يتحدثون فدخل عليهم أمين شرطة بالقسم يبلغهم انهم سوف يتحركون الآن إلى النيابة هموا واقفين وخرجوا جميعا واثناء خروجهم كان مصطفى وإبراهيم قد وصلوا إلى القسم وما أن راى مصطفى سعيد ولمياء فجرى باتجاههم وسأل سعيد عن ماذا يحدث
_ فى ايه يا سعيد انتوا بتعملوا ايه هنا
= ده موضوع طويل مش وقته يا مصطفى
كان مصطفى مخضوض على لمياء بدافع الحب فهو لازال يحبها ويعشقها ايضا
_ فهمنى فى ايه ياعم انت
= احنا رايحين النيابه دلوقتى تعالى معايا وانا هحكيلك فى الطريق
_ طب ثانيه واحده هجيب تليفونى من المكتب
= هو تليفونك مش معاك
_ لا كنت ناسيه فى المكتب
= انا بتصل بيك من الصبح ومفيش فايده
_ دقيقه واحده وهرجعلك بسرعة
ذهب مصطفى لكى يحضر هاتفه وبمجرد أن ذهب سألت لمياء سعيد عن سبب مجيئه معهم
= هو مصطفى جاى معانا ليه
_ انتى ناسيه ان مصطفى صاحب عمرى وطبيعى يبقى معايا فى موقف زى ده
= لا مش ناسيه
نرظت بعدها لمياء إلى الأرض فعل ايضا تخشى أن يفهمها بطريقة خاطئة حينما يعلم سبب الامر
= بس هيقول ايه لما يعرف التهمه اللى انا فيها
رفع سعيد رأسها بيده ثم نظر فى عينيها واردف
_ محدش يقدر يقول عليكى حاجه طول ما انا عايش على وش الارض واللى هيفكر يجيب سيرتك بنص كلمه انا هقطع لسانه قبل ما يفكر ينطق
ابتسمت لمياء وقالت
= ربنا يخليك ليا يابن عمى
_ اول مره تقوليلى يابن عمى من يوم ماعرفتك
= علشان دى اول مره بجد احس فيها انك ابن عمى وضهرى وسندى فى الدنيا
_ انا بنفذ وصية المرحوم اللى وصانى بيها قبل مايموت ومهما تعملوا فيا انتى ولا اخواتك هتفضلوا بنات عمى وحقكم عليا انى احميكم
جاء مصطفى ووقف بجوار سعيد كان ينظر إلى لمياء بطريقة لا يراه فيها أحد كان يرد أن يقول لها كم هو مشتاق إليها ، وهم واقفين أتى الضابط الذى قام بالقيض عليها وفيده الاسورة التى توضع فى يدى المتهم ما تسمى بالكلبش وحينما فتحها ومدها إلى لمياء صاح مصطفى
_ أنت اتجننت يا اشرف ولا ايه ايه اللى بتعمله دا
= مصطفى باشا أنا بنفذ القانون أهدى بس وقولى عايز ايه
_ القانون دا يمشى على أى حد إلا الدكتورة
= اللى انت شايفه ياباشا
_ الدكتورة مش ختلبس كلبشات ولا هتركب عربية الترحيلات ، الدكتورة هتركب عربيتى انا
ثم ألتفت إلى سعيد وقال
_ يلا بينا ياصاحبى ، انا لسة مش فاهم أى حاجة بس واثق ان فى سوء تفاهم كبير
ركب مصطفى سيارته وركب معه زميله الضابط شريف بينما طلبت لمياء من سعيد ان تركب سيارة المتر شريف أفضل ، وصلت السيارات النيابة دخل المتر شريف مع لمياء بينما جلس سعيد يقص على مصطفى كل شئ حتى مجيئهم للقسم
_ ايه الكلام اللى انا سمعته ده
= انت مصدق حاجة من الكلام ده يا مصطفى
_ لا طبعا مش مصدق ولا كلمه من الكلام اللى بيتقال ده
= كده نعرف نتكلم
_ بس مين من مصلحته يعمل كده
= هو ده اللى عايزك تفكر فيه معايا
_ بس لمياء ملهاش اعداء لدرجة انهم يلبسوها قضيه زى دى
= نخلص تحقيق النيابه وبعد كده نقعد معاها ونشوف ايه هيحصل
_ عندك حق نخلص من حاجه حاجه الأول
وهم جالسين رن هاتف مصطفى فوجد المتصل ريهام اخته اجاب وكان واضحا عليه ان هناك مصيبة اخرى قد حدثت اغلق المكالمة فسأله سعيد ما الذى حدث
_ خير فى ايه تانى
= ريهام بتقول ان اخو هايدى اتصاب فى كمين النهارده وهو نازل القاهره
_ وبعدين فى المصايب اللى بتيجى ورا بعضها دى طب وهو فين دلوقتى
= فى مستشفى المعادى العسكرى
_ طب روح انت وطمنى عليه وقول لهايدى على المشكله اللى معايا
= كده ولا كده الزياره ممنوعه دلوقتى بكره الصبح ابقى اروح
_ ماشى يا يوسف طب سيف اخباره ايه
= ريهام بتقول انه اخد رصاصه فى رجله بس طلعوها وهو دلوقتى كويس حتى ابوه عنده فى المستشفى دلوقتى
_ كويس ان ريهام قاعده مع هايدى تلاقيها منهاره دلوقتى
= خير ياعم كل حاجة هتعدى انشاء الله
فى وسط هذا الحديث خرج المتر شريف ومعه لمياء فهم مصطفى وسعيد ذاهبين إليهم سأل مصطفى المتر شريف
_ خير يا متر طمنى
= خرجت بكفالة 05الف جنيه
_ طب ادفعهم يا منر خلينا نخرج من هنا
= الفلوس جايه فى الطريق انا كلمت هبه وهى هتجيب الفلوس وتيجى
_ طب تمام كده يا متر الحمد لله