الفصل الثالث
ام سيد.ايه ياواد انت ده
جايب الدم البارد ده منين
بقى يطاوعك قلبك اخواتك كل واحده منهم تعيش فى بلد بعيد عننا
وبيوت يعالم ساكنين فيها رجالة ولا لاء
ولو فيها رجالة هيكونوا عاملين ازاى
ولا الناس اللى هيشتغلوا فى بيوتهم هيكونوا ولاد حلال ويراعوا ربنا فيهم ولا هيأذوهم ويهينوهم
بقى بدل ما تقول لأبوك لاء اخواتى يقعدوا هنا
وانت واخواتك الرجالة تحطوا ايديكوا فى ايدين بعض
وتشوفوا شغلانة عدلة
تغنيكم عن السفر والشحططة
ويعالم تروحوا وترجعوا وانا على وش الدنيا ولا يكون ربنا افتكرنى
عبدالله واولاده كلهم فى نفس الوقت.ربنا يطول فى عمرك
عبدالله.ياست بلاش نبر بقى
ربنا يخليكي لينا وميحرمناش منك
وبعدين عيالك هيسافروا
لو شهر واحد قضوه هناك وحسوا ان فيه اى حاجة مش مريحاهم ولا مخوفاهم
انا هعمل قرد وارجعهم لحضنك تانى
ايه رأيك بقى
وبعدين مش كل واحدة منهم يمكن ترجعلك بعريس يفتح النفس
يطلعها من الفقر اللى عايشة فيه معانا هنا
ولا انتى عاجبك الاوضة اللى بننام فيها تحت السراير لأنها مش مكفيانا كلنا دى
ياولية فكرى فى مصلحة عيالك
ام السيد بتبص لأبنها سيد اللى بياكل وبيبص لأمه شوية ولأبوه شوية
ام سيد.وانت ايه رأيك يابنى
سيد.والله ياما ابويا عنده حق
انا مش مع ان البنات تسافر
بس اهو ده حال ناس كتير فى العيشة الصعبة اللى احنا عايشينها
ومتقلقيش لو واحدة فيهم حسيت باى حاجة زعلتها
زى ما سمعتى كده من الحاج
كلنا هنعمل قرود لحد ما نرجعها
خلينا نجرب حظنا فى مكان تانى
ام سيد.يابنى البلد دى احسن من غيرها
يوسف.لازم نجرب غيرها يمة علشان نعرف اذا كانت فعلا احسن ولا لاء
ام سيد.طيب وانا هروح فيكم فين بقى
كلكم اتفقتوا عليا خلاص
كلامى كله مالهوش لازمة
ياسر بيهزر مع امه علشان يروقلها اعصابها.لما كلام ست الستات وتاج راسنا مالهوش لازمة
هيكون مين يعنى اللى كلامه له لازمة
ها
حد فى عيالك المقاطيع دول يعنى
ولا انا بجلالة قدرى
ضحكت ام سيد وكلهم ضحكو
ياسر.ايوة بقى هى دى الضحكة اللى بتنور الدنيا
مش عارف انا من غيرى هتعملوا ايه فى البيت ده
ام سيد.اه منك يابكاش انت
واد ملعون
يخرب عقلك
يلا انا شبعت الحمد لله
اللهم ديمها نعمة واحفظها من الزوال ياقادر ياكريم
فاطمة.الف صحة وهنا على قلبك يا ست الكل
عبدالله.انا كمان الحمد لله شبعت
هقوم اغسل ايدي بقى
واشرب شوية شاى وانام شوية
كانوا الباقى لسه بياكلوا
ام سيد.طيب هعملك انا الشاى بقى
عبدالله.بلاش تتعبى نفسك
لما حد فى العيال يخلص يعملى معاه
ام سيد.لاء انا كمان عايزة اشرب شوية شاي بليمون
هعمل لنفسى معاك
سيد بينفض ايديه من العيش.الحمد لله
اللهم ديمها علينا نعمة
خليكى انتى ياست الكل انا هقوم اعمل طقم شاى لينا كلنا
ام سيد.لاء والله
انا اللى هعمل الشاى
وانتم يابنات لما تخلصوا لموا الطبلية
واشربوا الشاى وبعدين اغسلوا المواعين
رئيسة.تسلم ايديكى وعمرك لينا ياست الكل
ياسر.مش عارف انا من غيرك ومن غير دلعك ده كنا هنعمل ايه يمة والله
عبدالله.مش قولتلك ياواد انت مش بتفوت فرصة من غير ما تلاقى رد على اللى بيتكلم
ام سيد وهى بتضحك ورايحة على المطبخ اللى عبارة عن قطوع او فاصل خشب فى الاوضة بتاعتهم
بيفصل المطبخ وكل الادوات بتاعته عن الاوضة
وله ستارة من القماش بيقفلوها لما يكونوا مش بيستخدموا المطبخ فى حاجة
ام سيد.اخر العنقود ده يا ابو سيد
يعنى ده السكر المعقود بتاعنا
سيبه يدلع علينا براحته
وبيدلعنا كمان
علطول لسانه بينقط سكر
عبدالله.اااه حبيب امه ده
الدلوعة بتاعك
هسميه خلف ياختى علشان كأنك مخلفتيش غيره
ام سيد بتضحك وهى بتعمل الشاى على الوابور.انا كل عيالى حبايبى وحبايب قلبى
كلهم غلاوة واحدة
وبعدين علطول لسانهم بينقط سكر وعسل كمان
وانا حد بيدلعنى ولا بيجبر بخاطرى بعد ربنا غيرهم
عبدالله.خلاص بعد ماخلفتى مني ال5 عيال بقى ماليش لازمة
وهما اللى بيدلعوا وبيجبروا الخاطر كمان
وماله يعنى هى قلة البخت هتيجي عليكي
اعملى شوية الشاى خلينى اشربهم وانام
رئيسة بتضحك.ليه يابا بتقول كده
امى متقدرش تستحمل عليك الهوا حتى
هى بس تلاقيها بتنكشك
عبدالله.ربنا يجبر بخاطرك يارئيسة
انتى الوحيدة اللى نصفتينى
طمر فيكي شقايا
ياسر بيضحك.شقى ايه بس يا حاج
احنا هنقول كلام مبيحصلش ليه
لاء احنا ننصفك من غير الشقى ده خالص
لأنه مش موجود
بس انت ابونا يعنى
لازم نجبر بخاطرك برضه
عبدالله متعصب.اسكت ياض انت بدل م احدفك ببراد الشاى اللى امك مسكاه فى ايديها ده
مش قولتلك ان انت اول ما بتتكلم انا دمي بيتحرق
مش عايز اسمع صوتك تانى بقى لحد ما اتخمد
داهية تاخدكم
تحرقوا الدم
ده الواحد بيشوف العيال تفرح القلب
الا انتم مباخدش منكم غير اللئم والرد كلمة بكلمة
ام سيد بعد ما صبت الشاى.بننكشك يا عبدالله
هو الكلام حرام ياخويا
الواد بيهزر معاك
ياسر.حبيبتى ياست الكل يا فهمانى انتى
عبدالله بيبص لأم سيد ولياسر.لاء ده انتم عايزين تجيبولى النقطة بقى
تعرفى يا ام سيد
انا هدور للواد ده بالذات على سفرية
علشان اخلص من رذالته دى
محدش بيحرق دمي فى البيت ده غيره
ام سيد.بعد الشر عنك من النقطة
وبعدين يعنى يا عبدالله ماهو انت ياخويا بتقصر كتير معانا وبتعمل حاجات تنقط كمان
حد كان بيقولك حاجة ولا بيلوم عليك
عيالك بقى وبيدلعوا عليك
عبدالله.اه انتى بتعومي على عوم عيالك
انا احسن حل ليا انى اخد بعضى واقوم انام بقى
كفايا عليا كده قاعدة معاكم
واعملوا حسابكم بكرة ممكن نروح السفارة علشان نعمل الجوازات
فاطمة.هو احنا هنسافر بسرعة كده يابا
عبدالله.سلميها لله
عجباكى يعنى العيشة الفقر دى
بكرة تشوفى الناس اللى بحق وحقيقى
وتقولى كتر خيرك يابا انك خلتنى اشوف الدنيا
واعيش زى الخلق
فاطمة بحزن.كتر خيرك يابا من دلوقتى
عبدالله.يلا تصبحوا على خير
ناموا بدرى بقى علشان لو نزلنا الصبح
رئيسة بحماس.ربنا يهون
ياسر.ياه البيت هيفضى بقى خلينا ناخد نفسنا شوية
سيد.انت لو عندك دم مش هتقول كده
وكأننا قاعدين على قلبك
ياسر بضحك.لاء طبعا والله انا بهزر
ده البيت هيبقى مالهوش اى طعم من غيركم
بس انا بهون عليكم
يمكن اللى انتم رايحين تجربوه ده يكون احسن بكتير ليكم من هنا
ام سيد.ربنا يكتبلكم اللى فيه الخير
ويبعد عنكم الشر
انفضت الجلسة
وكل شخص منهم قام اخد مكانه بعد ما البنات غسلت الكوبايات
وخلصوا شغل المطبخ
وناموا
فات اليوم
وطلع النهار
وخرج عبدالله ومعاه فاطمة ورئيسة
وسيد
راحوا يطلعوا الجوازات
وعبدالله كان لازم يوقع انه موافق على سفر البنات بنفسه
وهو طبعا مترددش
فى اللحظة دى حسيت فاطمة
ان اى حاجة جواها من ناحية ابوها
انتهت
هى لحد اخر وقت مش مقتنعة انه ممكن يرضالهم انهم يتغربوا
ويشتغلوا كمان خادمات
لكن هو ده اللى حصل فعلا
فى اقل من اسبوع روتينى جدا
خلصت كل الاوراق
وكل الاجراءات
واخيرا جه يوم السفر
جايب الدم البارد ده منين
بقى يطاوعك قلبك اخواتك كل واحده منهم تعيش فى بلد بعيد عننا
وبيوت يعالم ساكنين فيها رجالة ولا لاء
ولو فيها رجالة هيكونوا عاملين ازاى
ولا الناس اللى هيشتغلوا فى بيوتهم هيكونوا ولاد حلال ويراعوا ربنا فيهم ولا هيأذوهم ويهينوهم
بقى بدل ما تقول لأبوك لاء اخواتى يقعدوا هنا
وانت واخواتك الرجالة تحطوا ايديكوا فى ايدين بعض
وتشوفوا شغلانة عدلة
تغنيكم عن السفر والشحططة
ويعالم تروحوا وترجعوا وانا على وش الدنيا ولا يكون ربنا افتكرنى
عبدالله واولاده كلهم فى نفس الوقت.ربنا يطول فى عمرك
عبدالله.ياست بلاش نبر بقى
ربنا يخليكي لينا وميحرمناش منك
وبعدين عيالك هيسافروا
لو شهر واحد قضوه هناك وحسوا ان فيه اى حاجة مش مريحاهم ولا مخوفاهم
انا هعمل قرد وارجعهم لحضنك تانى
ايه رأيك بقى
وبعدين مش كل واحدة منهم يمكن ترجعلك بعريس يفتح النفس
يطلعها من الفقر اللى عايشة فيه معانا هنا
ولا انتى عاجبك الاوضة اللى بننام فيها تحت السراير لأنها مش مكفيانا كلنا دى
ياولية فكرى فى مصلحة عيالك
ام السيد بتبص لأبنها سيد اللى بياكل وبيبص لأمه شوية ولأبوه شوية
ام سيد.وانت ايه رأيك يابنى
سيد.والله ياما ابويا عنده حق
انا مش مع ان البنات تسافر
بس اهو ده حال ناس كتير فى العيشة الصعبة اللى احنا عايشينها
ومتقلقيش لو واحدة فيهم حسيت باى حاجة زعلتها
زى ما سمعتى كده من الحاج
كلنا هنعمل قرود لحد ما نرجعها
خلينا نجرب حظنا فى مكان تانى
ام سيد.يابنى البلد دى احسن من غيرها
يوسف.لازم نجرب غيرها يمة علشان نعرف اذا كانت فعلا احسن ولا لاء
ام سيد.طيب وانا هروح فيكم فين بقى
كلكم اتفقتوا عليا خلاص
كلامى كله مالهوش لازمة
ياسر بيهزر مع امه علشان يروقلها اعصابها.لما كلام ست الستات وتاج راسنا مالهوش لازمة
هيكون مين يعنى اللى كلامه له لازمة
ها
حد فى عيالك المقاطيع دول يعنى
ولا انا بجلالة قدرى
ضحكت ام سيد وكلهم ضحكو
ياسر.ايوة بقى هى دى الضحكة اللى بتنور الدنيا
مش عارف انا من غيرى هتعملوا ايه فى البيت ده
ام سيد.اه منك يابكاش انت
واد ملعون
يخرب عقلك
يلا انا شبعت الحمد لله
اللهم ديمها نعمة واحفظها من الزوال ياقادر ياكريم
فاطمة.الف صحة وهنا على قلبك يا ست الكل
عبدالله.انا كمان الحمد لله شبعت
هقوم اغسل ايدي بقى
واشرب شوية شاى وانام شوية
كانوا الباقى لسه بياكلوا
ام سيد.طيب هعملك انا الشاى بقى
عبدالله.بلاش تتعبى نفسك
لما حد فى العيال يخلص يعملى معاه
ام سيد.لاء انا كمان عايزة اشرب شوية شاي بليمون
هعمل لنفسى معاك
سيد بينفض ايديه من العيش.الحمد لله
اللهم ديمها علينا نعمة
خليكى انتى ياست الكل انا هقوم اعمل طقم شاى لينا كلنا
ام سيد.لاء والله
انا اللى هعمل الشاى
وانتم يابنات لما تخلصوا لموا الطبلية
واشربوا الشاى وبعدين اغسلوا المواعين
رئيسة.تسلم ايديكى وعمرك لينا ياست الكل
ياسر.مش عارف انا من غيرك ومن غير دلعك ده كنا هنعمل ايه يمة والله
عبدالله.مش قولتلك ياواد انت مش بتفوت فرصة من غير ما تلاقى رد على اللى بيتكلم
ام سيد وهى بتضحك ورايحة على المطبخ اللى عبارة عن قطوع او فاصل خشب فى الاوضة بتاعتهم
بيفصل المطبخ وكل الادوات بتاعته عن الاوضة
وله ستارة من القماش بيقفلوها لما يكونوا مش بيستخدموا المطبخ فى حاجة
ام سيد.اخر العنقود ده يا ابو سيد
يعنى ده السكر المعقود بتاعنا
سيبه يدلع علينا براحته
وبيدلعنا كمان
علطول لسانه بينقط سكر
عبدالله.اااه حبيب امه ده
الدلوعة بتاعك
هسميه خلف ياختى علشان كأنك مخلفتيش غيره
ام سيد بتضحك وهى بتعمل الشاى على الوابور.انا كل عيالى حبايبى وحبايب قلبى
كلهم غلاوة واحدة
وبعدين علطول لسانهم بينقط سكر وعسل كمان
وانا حد بيدلعنى ولا بيجبر بخاطرى بعد ربنا غيرهم
عبدالله.خلاص بعد ماخلفتى مني ال5 عيال بقى ماليش لازمة
وهما اللى بيدلعوا وبيجبروا الخاطر كمان
وماله يعنى هى قلة البخت هتيجي عليكي
اعملى شوية الشاى خلينى اشربهم وانام
رئيسة بتضحك.ليه يابا بتقول كده
امى متقدرش تستحمل عليك الهوا حتى
هى بس تلاقيها بتنكشك
عبدالله.ربنا يجبر بخاطرك يارئيسة
انتى الوحيدة اللى نصفتينى
طمر فيكي شقايا
ياسر بيضحك.شقى ايه بس يا حاج
احنا هنقول كلام مبيحصلش ليه
لاء احنا ننصفك من غير الشقى ده خالص
لأنه مش موجود
بس انت ابونا يعنى
لازم نجبر بخاطرك برضه
عبدالله متعصب.اسكت ياض انت بدل م احدفك ببراد الشاى اللى امك مسكاه فى ايديها ده
مش قولتلك ان انت اول ما بتتكلم انا دمي بيتحرق
مش عايز اسمع صوتك تانى بقى لحد ما اتخمد
داهية تاخدكم
تحرقوا الدم
ده الواحد بيشوف العيال تفرح القلب
الا انتم مباخدش منكم غير اللئم والرد كلمة بكلمة
ام سيد بعد ما صبت الشاى.بننكشك يا عبدالله
هو الكلام حرام ياخويا
الواد بيهزر معاك
ياسر.حبيبتى ياست الكل يا فهمانى انتى
عبدالله بيبص لأم سيد ولياسر.لاء ده انتم عايزين تجيبولى النقطة بقى
تعرفى يا ام سيد
انا هدور للواد ده بالذات على سفرية
علشان اخلص من رذالته دى
محدش بيحرق دمي فى البيت ده غيره
ام سيد.بعد الشر عنك من النقطة
وبعدين يعنى يا عبدالله ماهو انت ياخويا بتقصر كتير معانا وبتعمل حاجات تنقط كمان
حد كان بيقولك حاجة ولا بيلوم عليك
عيالك بقى وبيدلعوا عليك
عبدالله.اه انتى بتعومي على عوم عيالك
انا احسن حل ليا انى اخد بعضى واقوم انام بقى
كفايا عليا كده قاعدة معاكم
واعملوا حسابكم بكرة ممكن نروح السفارة علشان نعمل الجوازات
فاطمة.هو احنا هنسافر بسرعة كده يابا
عبدالله.سلميها لله
عجباكى يعنى العيشة الفقر دى
بكرة تشوفى الناس اللى بحق وحقيقى
وتقولى كتر خيرك يابا انك خلتنى اشوف الدنيا
واعيش زى الخلق
فاطمة بحزن.كتر خيرك يابا من دلوقتى
عبدالله.يلا تصبحوا على خير
ناموا بدرى بقى علشان لو نزلنا الصبح
رئيسة بحماس.ربنا يهون
ياسر.ياه البيت هيفضى بقى خلينا ناخد نفسنا شوية
سيد.انت لو عندك دم مش هتقول كده
وكأننا قاعدين على قلبك
ياسر بضحك.لاء طبعا والله انا بهزر
ده البيت هيبقى مالهوش اى طعم من غيركم
بس انا بهون عليكم
يمكن اللى انتم رايحين تجربوه ده يكون احسن بكتير ليكم من هنا
ام سيد.ربنا يكتبلكم اللى فيه الخير
ويبعد عنكم الشر
انفضت الجلسة
وكل شخص منهم قام اخد مكانه بعد ما البنات غسلت الكوبايات
وخلصوا شغل المطبخ
وناموا
فات اليوم
وطلع النهار
وخرج عبدالله ومعاه فاطمة ورئيسة
وسيد
راحوا يطلعوا الجوازات
وعبدالله كان لازم يوقع انه موافق على سفر البنات بنفسه
وهو طبعا مترددش
فى اللحظة دى حسيت فاطمة
ان اى حاجة جواها من ناحية ابوها
انتهت
هى لحد اخر وقت مش مقتنعة انه ممكن يرضالهم انهم يتغربوا
ويشتغلوا كمان خادمات
لكن هو ده اللى حصل فعلا
فى اقل من اسبوع روتينى جدا
خلصت كل الاوراق
وكل الاجراءات
واخيرا جه يوم السفر