الفصل الخامس عشر
رئيسة بأندهاش.ايه انا جايلى عريس
وده مين بقى
هو انا حد يعرفنى غير حضرتك واسامة ونسمة
ابتسم طاهر بعد ما شرب رشفة عصير.طيب اهو العريس اتعرف
اسامة
رئيسة فتحت عنيها بأندهاش.اسامة مين
اسامة بتاعنا
بتاع المكتب
عايز يتجوزنى انا
طاهر ابتدا صوته يعلى فى الضحك.مالك فى ايه
ايوة هو مين غيره يعنى اسامة يعرفك
جالى العيادة النهاردة
وطلبك مني
ومستني الرد
رئيسة متوترة
ووشها بقى لونه احمر
وحاسة ان ضربات قلبها بتزيد
طاهر لاحظ كسوفها.متتكسفيش يا رئيسة
اعتبرينى ولي امرك
مش انا فى سن والدك
فكرى على مهلك وردى عليا
بس بالنسبالى
اسامة راجل محترم وابن ناس
وكمان جدع
هو اه انا مش عارف هيقبل يخليكي تكملى شغل معايا ولا لاء
ودى مشكلة طبعا
لكن بالنسبالى سعادتك اهم
رئيسة بأرتباك وابتسامة.مش عارفة يا دكتور المفروض اقول ايه انا دلوقتى
اصل انا اول مرة حد يقول انه عايز يتجوزنى
طاهر.كل البنات بتتكسف وتتوتر زيك كده
علشان كده بقولك فكرى على مهلك
وردى عليا
وبعدين نشوف الخطوة اللى بعد كده
رئيسة بأبتسامة.حاضر يا دكتور
طاهر.يلا بقى انا الحمد لله اتعشيت
هدخل اوضتى
وانتى ادخلى نامى
لو عرفتى
اوعى تخلى الفرحة تسهرك للصبح
ماشى
رئيسة بتضحك.الف هنا يا دكتور
لاء متقلقش الا النوم
بحط راسى على المخدة مش بحس بالدنيا
طاهر.تصبحى على خير يابنتى
رئيسة.وحضرتك من اهل الخير
دخل طاهر اوضته
ومسكت الصنية رئيسة ودخلت بيها على المطبخ
وغسلت الصنية والكوباية بتاعت العصير والمعلقة
ورميت علبة الزبادى الفاضية
وراحت تجرى على اوضتها
قفلت عليها الباب
ووقفت قصاد المرايا تتنطط
والضحكة مرسومة على وشها
مش مصدقة
اسامة شاب جميل ووسيم
ومسؤول
ومن وقت ما وصلت للبلد
وهو واخد باله منها
من غير ما يتصرف اى تصرف غير لائق
وكل ده كان مبهر بالنسبة لرئيسة
اللى كانت شايفة ان اخيرا ربنا قرر يعوضها بالخير
فاتت الليلة على كل ابطالنا مابين فرح وتوتر وحزن وندم
ومابين اشتياق
وما بين قهرة
كل حد منهم كانت جواه احاسيس مختلفة عن التانى
ام سيد اللى جوزها طلقها وباعها بعد السنين دى كلها
سيد اللى اهله واحشينه ونفسه يطمن عليهم
ياسر اللى مصدوم من خراب البيت
فاطمة اللى مرعوبة وخايفة من محمد وتصريحه ليها بحبه
رئيسة اللى طايرة من الفرحة بسبب اسامة
كل واحد منهم نام وقلبه وباله جواهم احساس هما بس اللى عارفينه
طلع النهار على ابطالنا
وبالنسبة لسيد نفس الروتين
بيصحى ويصحي اصحابه اللى معاه فى السكن
ويصلوا الفجر جماعة وبعد كده يدخل سيد او اى حد من زمايله حسب الدور لأن كل واحد منهم له يوم يحضر فيه الفطار
يجهزوا فطارهم
واللى يعمل شاى
واللى يحضر الطبلية
ويتجمعوا كلهم على الفطار سوا
يدردشوا علشان يفوقوا نفسهم ويبدأو يومهم بتفاؤل
ويخلصوا فطار
منهم اللى يقوم يلم الاطباق
واللى يغسلهم
كانوا متعاونين
وبعد ما يخلصوا كل ده يدخلوا يغيروا هدومهم
وينزلوا على شغلهم
ده حالهم كل يوم
ويقضوا ساعات شغلهم
ويرجعوا على البيت
يرتاحوا شوية
وكل واحد ورا التانى يدخل ياخد الدش بتاعه
وبعد كده يبدأوا يجهزوا الغدا
بنفس الطريقة اللى بيجهزوا بيها الفطار
لحد بعد العشاء
يصلوا ويناموا
اما عند رئيسة صحيت بدرى جهزت اخدت دش وصليت الصبح
ودخلت على المطبخ تجهز فطار طاهر
وجهزت السفرة
واستعدت لبقية يومها وهى عندها طاقة جميلة وقوية من السعادة
فاطمة كانت الليلة دى مش نايمة كويس
صحيت وهى حاسة بأرهاق بسبب قلة النوم والتفكير
قامت اخدت دش
وصليت الصبح
وغيرت هدومها
وخرجت على المطبخ
كانت سرحانة طول الوقت
سارة.ايه يا فاطمة مالك
دخلتى مكلمتيش حد
ولا قولتى هنفطر ولا اى حاجة
فاطمة بشرود.معلش يا سارة مش نايمة كويس
مفوقتش لسه
رغد.ليه يافقرية مش نايمة كويس
اومال لو مش اجازة
ولا لو كنتى مقضية يومك فى الخروج واالفسح
فاطمة بتصطنع ابتسامة.قلقانة والله يا رغد
ماليش نفس لحاجة
سارة بأستغراب.مالك طيب فى ايه
كانت فاطمة قلقانة انها تحكي اللى حصل
هى كمان مش واثقة حد منهم يروح يحكى لمدام لينا ولا لاء
علشان كده حاولت تلاقى اى رد تقوله علشان تسكت سارة ورغد بيه
رغد.مالك يابنتى انتى تايهة فى ايه
فاطمة.مفيش بس اهلى وحشونى اوى يا بنات
امي
هتجنن واشوفها واطمن عليها
نفسى تاخدني فى حضنها
مش عارفة ليه الاحساس ده زايد اوى عندى من امبارح
وكان نفسى اختى تكون معايا
نفسى اشوف اهلى
سارة بحزن.كده برضه يا فاطمة
هو انا ورغد مش اخواتك يعنى
ليه عايزة تنكدى على نفسك
مش احنا بنصبر بعض هنا على فراق حبايبنا
ولا احنا مش عاجبينك
فاطمة بترسم ابتسامة.لاء والله يا سارة
ربنا عالم انتم مهونين عليا اشتياقى ليهم ازاى
رغد قامت من على الكرسى اللى كانت قاعدة عليه وقربت من فاطمة اللى كانت واقفة ناحية الحوض
وحطيت ايديها على كتفها
وقربتها لحضنها وابتديت تطبطب عليها
لكن فى اللحظة دى فاطمة مقدرتش تمسك دموعها
هى من جواها حاسة بخوف
ومش مرتاحة
وفى نفس الوقت مش قادرة تتكلم
سارة لما شافت فاطمة بتعيط.يانهار ابيض
للدرجة دى انتى زعلانة يا فاطمة
انا كنت فاكرة ان عادى يعنى شوية نكد على الصبح وخلاص
رغد.بس يا سارة بقى بلاش تقل دمك ده
انتى مش شايفة حالتها
سارة.يا رغد والله بحاول اخفف عنها
انا مش عايزاها تكون زعلانه
فى اللحظة دى حصلت حاجة اول مرة تحصل
البنات وهما واقفين بيتكلموا
سمعوا صوت غليظ.احم احم
اتخضوا
وكلهم بصوا ناحية الباب
وشافوا محمد واقف قصادهم
فتحوا عنيهم على اخرها
لكن محمد واقف مثبت عنيه فى عيون فاطمة اللى مليانة دموع
لاحظت رغد وسارة نظرات محمد
لكن محمد مشغلش باله بيهم
وقرب من فاطمة ورغد اللى بعدوا عن بعض خطوات
محمد.مالك يا فاطمة بتعيطي ليه
فاطمة ساكتة وبتمسح دموعها
ورغد وسارة بيبصوا لبعض
محمد.بسألك مالك
بتعيطي ليه
رغد.مفيش يا استاذ محمد
هى بس اهلها وحشوها
ونفسها تشوفهم
محمد بيبص لفاطمة وفهم انها متكلمتش مع حد فى حاجة
سارة. حضرتك كنت محتاج حاجة يا استاذ محمد
فيه حاجة اساعد حضرتك فيها
محمد بيبص لفاطمة.طيب ياستى خلاص خدى اجازة وروحي اطمني عليهم
فاطمة فتحت عنيها على اخرها.بجد
والله صحيح
يعنى انا ممكن اسافر اطمن عليهم
محمد.اه طبعا
ايه المانع
انا هكلم ماما
واقنعها
وهى هتقدر حالتك النفسية ومش هتعترض
ايه رأيك
ومفيش داعى للدموع دى
سارة ورغد ابتسموا وهما شايفين فاطمة الفرحة مش سايعاها
ومحمد ابتسم لما شاف سعادة فاطمة
سارة.شكرا يا استاذ محمد
بس حضرتك برضه مقولتش كنت محتاج حاجة من المطبخ
اول مرة حضرتك تيجي هنا
محمد وعنيه متعلقة مع فاطمة.لاء يا سارة شكرا
بعد اذنكم
سابهم محمد وخرج من المطبخ
وراح على لينا اللى كانت قاعدة فى الريسيبشن
وسارة ورغد قربوا من فاطمة وابتسموا
سارة.يلا ياستى اهو مين قدك
واسطة جامدة اوى دى
هتروحى تشوفى اهلك بقرار جمهورى
فاطمة بسعادة.انا مش مصدقة تفتكروا ممكن مدام لينا توافق
سارة.مدام استاذ محمد اللى هيتكلم هتوافق من غير نقاش
رغد.سيبكم بقى من كل ده
انتى ياسارة ملاحظتيش ان استاذ محمد منزلش عنيه من على فاطمة
ارتبكت فاطمة واتوترت
سارة.تصدقى صح
والغريبة انه دخل المطبخ لأول مرة
واصلا هو كان مش عايز حاجة
ياترا ايه اللى فيها
ايه يا بطة
هو البيه عينه منك ولا ايه؟
فاطمة بتوتر.ايه اللى بتقولوه ده
عيب على فكرة الكلام ده
وبعدين المدام لو سمعت الكلام ده حتى لو بهزار ممكن تولع الدنيا علينا
رغد.ياستى بنهزر
ويعنى هو ده معقول يكون جد
احنا بس بنحاول نطلعك من الغم اللى انتى فيه
سارة.لاء انا بقى بتكلم جد
فاطمة.وبعدين بقى يا سارة
وبعدين ما هى رغد قالتلك اهى
مستحيل ده يحصل بجد
بلاش بقى خيالك يسرح لبعيد
خلونى اشوف شغلى
واجهز الفطار
هربت فاطمة من نظراتهم
ورغد اتعاملت عادى
لكن سارة مقتنعة ان محمد ونظراته لفاطمة مش عادية
محمد قعد على كرسى الصالون قصاد الكنبة اللى عليها لينا وهى ماسكة مجلة بتقرأها
محمد.صباح الخير يا اميرتنا
لينا بأبتسامة.صباح الهنا كله على ملك قلبى
عامل ايه ياعمرى
محمد.بخير يا ست الكل
طول ما انتى بخير ومنورة حياتنا
لينا بسعادة.حبيبى انت يامحمد
علطول لسانك بيخرج منه كلام زى الشهد
محمد.ياست الكل احنا من غيرك منسواش حاجة
لولاكى حياتنا تبقى ضلمة
ولو مشكرناش ربنا عليكي كل ثانية
يبقى احنا مش مقدرين قيمة النعمة اللى فى حياتنا
فتحت لينا ايديها لمحمد اللى قام من على الكرسى بتاعه وقرب من امه ودخل فى حضنها
وهى بتطبطب على ضهره
لينا.ربنا يسعد قلبك زى ما انت علطول بتفرح قلبى بكلامك الحلو ده
محمد.انتى فرحة قلبى يا ست الكل
اسمعينى بقى
انا عايز اكلمك فى حاجة
لينا بحب.انت تشاور بس
وعيونى ليك ياعمرى
محمد.لاء اللى هكلمك فيه مش علشانى
علشان فاطمة
لينا بأستغراب.فاطمة مين؟
محمد.فاطمة يا ماما الطباخة
لينا.مالها فاطمة
ضايقتك فى حاجة
محمد بنفي.لالا خالص والله
دى بنت غلبانة
بس كنت داخل المطبخ اقولهم يحضروا الفطار بسرعة شوية لأنى مستعجل
لقيتها بتعيط
والبنات بيقولوا اهلها وحشوها
صعبت عليا الحقيقة
انا عارف احساسها
ده انتى لما بسيبك وبخرج للشغل بحس ان اليوم كله دمه تقيل
ومش برتاح غير لما بشوفك
محمد كان مقنع جدا
وبيعرف يسيطر على مامته
بس فى الاصول
لينا ابتسمت.يعنى انت عايز ايه طيب
دى مكملتش سنة شغل يا محمد
محمد.ياست الكل
دى بنت غلبانة
وبعدين لو نفسيتها تعبت ممكن تأثر على صحتها
وبدل ما تبقى بتساعدنا
هنبقى احنا اللى بنعالجها
وساعتها ممكن نستغنى عنها
ويبقى ذنبها فى رقبتنا
انتي خليها تنزل زيارة لأهلها
تطمن عليهم
وترجع تانى
هتلاقيها شايلة البيت من تحت لفوق على راسها
ونفسيتها هتخليها مش عرفة ترضيكي ازاى
لينا بأبتسامة.يامحمد ما هو سفرها ده محتاج تكاليف
وهى بتاخد حقها وزيادة صدقنى انت عارف انا مش ببخل عليهم
محمد.معلش يا ست الكل
كله فى ميزان حسناتك
واحنا الحمد لله الخير عندنا كتير
بس حرام بنت غلبانة
انا بتوسطلها عندك
واللى يريحك نفذيه
القرار ليكي انا مش هدخل نفسى فى حاجة
انا بس قولتلك رأيي
لينا بتفكير.طيب بس هتسافر فترة قد ايه
محمد.ياستى اسبوعين تلاتة ولا حتى شهر
دى ممكن ترجع على الشهر ده بدل السنة اتنين تتكسف تقولك عايزة اجازة
بسبب الموقف اللى تعمليه ده
لينا.طيب خلينى بس اكلم شركة الطيران واشوف المواعيد بتاعتهم ايه
وهحجزلها ذهاب وعودة
بس ده علشان خاطرك
انا كنت مستحيل اقبل بأجازة طويلة كده لحد لسه مكملش سنة
بس ماشى
علشان عيونك
محمد بسعادة.ربنا ميحرمنيش منك ياست الكل
ودايما سباقة بالخير
لينا.بس انا مش هقولها حاجة غير لما احجز بقى
محمد.اللى يريحك
جهز الفطار
واتجمعت الاسرة كلها على السفرة
ويوم كل البيت مشى كعادته
وفاطمة على امل انها فعلا تنزل تزور اهلها
لكن كملت شغلها باقى اليوم زى كل يوم
وحاولت تتعامل مع البنات عادى علشان محدش يلاحظ عليها حاجة
فى بيت ام سيد
كان عبدالله بايت برة
وياسر مقالش لأمه اللى حصل
لأنه رجع متأخر جدا علشان تكون هى نامت
كان مش عارف هيقولها ازاى
صحى ياسر من نومه
وكانت امه مش فى البيت
دور عليها وطلع يبص على السطح
لكن هى مش موجودة
اتوتر سامح وقلق امه تكون سابت البيت ومشيت
لكن اتفاجئ بيها داخلها من باب البيت
وهى لابسة فستان اول مرة يشوفه عليها
وباين عليه انه مش بتاعها
ياسر فاتح عنيه على اخرها.ايه يمة اللى انتى لابساه ده
كنتى فين على الصبح
دخلت ام سيد قعدت على الكنبة والابتسامة على ملامحها.كنت بشم هوا شوية على البحر يا ياسر
صحيت مخنوقة ونفسى مكتوم
قولت اطلع افك عن نفسى شوية
ياسر.كده يمة
بالفستان ده
انا اول مرة اشوفك لابسة كده
ده بتاع مين
ام سيد.فستان رئيسة
ياخويا قولت ابسط نفسى بقى
الواحد نسى شكل الالوان
مبلبسش غير عبايات سودة
كفايا عليا نكد
عجزت نفسى بدرى
ياسر بيبص لأمه مستغرب
ام سيد بأبتسامة.بس يعنى انا زعلانة منك يا ياسر
كده ابوك يطلقنى امبارح قصاد كل خلق الله
وانت متجيش تقولى واعرف من الناس الغريبة
انا خدت على خاطرى
ياسر فتح عنيه على اخرها
واتصدم اكتر
وده مين بقى
هو انا حد يعرفنى غير حضرتك واسامة ونسمة
ابتسم طاهر بعد ما شرب رشفة عصير.طيب اهو العريس اتعرف
اسامة
رئيسة فتحت عنيها بأندهاش.اسامة مين
اسامة بتاعنا
بتاع المكتب
عايز يتجوزنى انا
طاهر ابتدا صوته يعلى فى الضحك.مالك فى ايه
ايوة هو مين غيره يعنى اسامة يعرفك
جالى العيادة النهاردة
وطلبك مني
ومستني الرد
رئيسة متوترة
ووشها بقى لونه احمر
وحاسة ان ضربات قلبها بتزيد
طاهر لاحظ كسوفها.متتكسفيش يا رئيسة
اعتبرينى ولي امرك
مش انا فى سن والدك
فكرى على مهلك وردى عليا
بس بالنسبالى
اسامة راجل محترم وابن ناس
وكمان جدع
هو اه انا مش عارف هيقبل يخليكي تكملى شغل معايا ولا لاء
ودى مشكلة طبعا
لكن بالنسبالى سعادتك اهم
رئيسة بأرتباك وابتسامة.مش عارفة يا دكتور المفروض اقول ايه انا دلوقتى
اصل انا اول مرة حد يقول انه عايز يتجوزنى
طاهر.كل البنات بتتكسف وتتوتر زيك كده
علشان كده بقولك فكرى على مهلك
وردى عليا
وبعدين نشوف الخطوة اللى بعد كده
رئيسة بأبتسامة.حاضر يا دكتور
طاهر.يلا بقى انا الحمد لله اتعشيت
هدخل اوضتى
وانتى ادخلى نامى
لو عرفتى
اوعى تخلى الفرحة تسهرك للصبح
ماشى
رئيسة بتضحك.الف هنا يا دكتور
لاء متقلقش الا النوم
بحط راسى على المخدة مش بحس بالدنيا
طاهر.تصبحى على خير يابنتى
رئيسة.وحضرتك من اهل الخير
دخل طاهر اوضته
ومسكت الصنية رئيسة ودخلت بيها على المطبخ
وغسلت الصنية والكوباية بتاعت العصير والمعلقة
ورميت علبة الزبادى الفاضية
وراحت تجرى على اوضتها
قفلت عليها الباب
ووقفت قصاد المرايا تتنطط
والضحكة مرسومة على وشها
مش مصدقة
اسامة شاب جميل ووسيم
ومسؤول
ومن وقت ما وصلت للبلد
وهو واخد باله منها
من غير ما يتصرف اى تصرف غير لائق
وكل ده كان مبهر بالنسبة لرئيسة
اللى كانت شايفة ان اخيرا ربنا قرر يعوضها بالخير
فاتت الليلة على كل ابطالنا مابين فرح وتوتر وحزن وندم
ومابين اشتياق
وما بين قهرة
كل حد منهم كانت جواه احاسيس مختلفة عن التانى
ام سيد اللى جوزها طلقها وباعها بعد السنين دى كلها
سيد اللى اهله واحشينه ونفسه يطمن عليهم
ياسر اللى مصدوم من خراب البيت
فاطمة اللى مرعوبة وخايفة من محمد وتصريحه ليها بحبه
رئيسة اللى طايرة من الفرحة بسبب اسامة
كل واحد منهم نام وقلبه وباله جواهم احساس هما بس اللى عارفينه
طلع النهار على ابطالنا
وبالنسبة لسيد نفس الروتين
بيصحى ويصحي اصحابه اللى معاه فى السكن
ويصلوا الفجر جماعة وبعد كده يدخل سيد او اى حد من زمايله حسب الدور لأن كل واحد منهم له يوم يحضر فيه الفطار
يجهزوا فطارهم
واللى يعمل شاى
واللى يحضر الطبلية
ويتجمعوا كلهم على الفطار سوا
يدردشوا علشان يفوقوا نفسهم ويبدأو يومهم بتفاؤل
ويخلصوا فطار
منهم اللى يقوم يلم الاطباق
واللى يغسلهم
كانوا متعاونين
وبعد ما يخلصوا كل ده يدخلوا يغيروا هدومهم
وينزلوا على شغلهم
ده حالهم كل يوم
ويقضوا ساعات شغلهم
ويرجعوا على البيت
يرتاحوا شوية
وكل واحد ورا التانى يدخل ياخد الدش بتاعه
وبعد كده يبدأوا يجهزوا الغدا
بنفس الطريقة اللى بيجهزوا بيها الفطار
لحد بعد العشاء
يصلوا ويناموا
اما عند رئيسة صحيت بدرى جهزت اخدت دش وصليت الصبح
ودخلت على المطبخ تجهز فطار طاهر
وجهزت السفرة
واستعدت لبقية يومها وهى عندها طاقة جميلة وقوية من السعادة
فاطمة كانت الليلة دى مش نايمة كويس
صحيت وهى حاسة بأرهاق بسبب قلة النوم والتفكير
قامت اخدت دش
وصليت الصبح
وغيرت هدومها
وخرجت على المطبخ
كانت سرحانة طول الوقت
سارة.ايه يا فاطمة مالك
دخلتى مكلمتيش حد
ولا قولتى هنفطر ولا اى حاجة
فاطمة بشرود.معلش يا سارة مش نايمة كويس
مفوقتش لسه
رغد.ليه يافقرية مش نايمة كويس
اومال لو مش اجازة
ولا لو كنتى مقضية يومك فى الخروج واالفسح
فاطمة بتصطنع ابتسامة.قلقانة والله يا رغد
ماليش نفس لحاجة
سارة بأستغراب.مالك طيب فى ايه
كانت فاطمة قلقانة انها تحكي اللى حصل
هى كمان مش واثقة حد منهم يروح يحكى لمدام لينا ولا لاء
علشان كده حاولت تلاقى اى رد تقوله علشان تسكت سارة ورغد بيه
رغد.مالك يابنتى انتى تايهة فى ايه
فاطمة.مفيش بس اهلى وحشونى اوى يا بنات
امي
هتجنن واشوفها واطمن عليها
نفسى تاخدني فى حضنها
مش عارفة ليه الاحساس ده زايد اوى عندى من امبارح
وكان نفسى اختى تكون معايا
نفسى اشوف اهلى
سارة بحزن.كده برضه يا فاطمة
هو انا ورغد مش اخواتك يعنى
ليه عايزة تنكدى على نفسك
مش احنا بنصبر بعض هنا على فراق حبايبنا
ولا احنا مش عاجبينك
فاطمة بترسم ابتسامة.لاء والله يا سارة
ربنا عالم انتم مهونين عليا اشتياقى ليهم ازاى
رغد قامت من على الكرسى اللى كانت قاعدة عليه وقربت من فاطمة اللى كانت واقفة ناحية الحوض
وحطيت ايديها على كتفها
وقربتها لحضنها وابتديت تطبطب عليها
لكن فى اللحظة دى فاطمة مقدرتش تمسك دموعها
هى من جواها حاسة بخوف
ومش مرتاحة
وفى نفس الوقت مش قادرة تتكلم
سارة لما شافت فاطمة بتعيط.يانهار ابيض
للدرجة دى انتى زعلانة يا فاطمة
انا كنت فاكرة ان عادى يعنى شوية نكد على الصبح وخلاص
رغد.بس يا سارة بقى بلاش تقل دمك ده
انتى مش شايفة حالتها
سارة.يا رغد والله بحاول اخفف عنها
انا مش عايزاها تكون زعلانه
فى اللحظة دى حصلت حاجة اول مرة تحصل
البنات وهما واقفين بيتكلموا
سمعوا صوت غليظ.احم احم
اتخضوا
وكلهم بصوا ناحية الباب
وشافوا محمد واقف قصادهم
فتحوا عنيهم على اخرها
لكن محمد واقف مثبت عنيه فى عيون فاطمة اللى مليانة دموع
لاحظت رغد وسارة نظرات محمد
لكن محمد مشغلش باله بيهم
وقرب من فاطمة ورغد اللى بعدوا عن بعض خطوات
محمد.مالك يا فاطمة بتعيطي ليه
فاطمة ساكتة وبتمسح دموعها
ورغد وسارة بيبصوا لبعض
محمد.بسألك مالك
بتعيطي ليه
رغد.مفيش يا استاذ محمد
هى بس اهلها وحشوها
ونفسها تشوفهم
محمد بيبص لفاطمة وفهم انها متكلمتش مع حد فى حاجة
سارة. حضرتك كنت محتاج حاجة يا استاذ محمد
فيه حاجة اساعد حضرتك فيها
محمد بيبص لفاطمة.طيب ياستى خلاص خدى اجازة وروحي اطمني عليهم
فاطمة فتحت عنيها على اخرها.بجد
والله صحيح
يعنى انا ممكن اسافر اطمن عليهم
محمد.اه طبعا
ايه المانع
انا هكلم ماما
واقنعها
وهى هتقدر حالتك النفسية ومش هتعترض
ايه رأيك
ومفيش داعى للدموع دى
سارة ورغد ابتسموا وهما شايفين فاطمة الفرحة مش سايعاها
ومحمد ابتسم لما شاف سعادة فاطمة
سارة.شكرا يا استاذ محمد
بس حضرتك برضه مقولتش كنت محتاج حاجة من المطبخ
اول مرة حضرتك تيجي هنا
محمد وعنيه متعلقة مع فاطمة.لاء يا سارة شكرا
بعد اذنكم
سابهم محمد وخرج من المطبخ
وراح على لينا اللى كانت قاعدة فى الريسيبشن
وسارة ورغد قربوا من فاطمة وابتسموا
سارة.يلا ياستى اهو مين قدك
واسطة جامدة اوى دى
هتروحى تشوفى اهلك بقرار جمهورى
فاطمة بسعادة.انا مش مصدقة تفتكروا ممكن مدام لينا توافق
سارة.مدام استاذ محمد اللى هيتكلم هتوافق من غير نقاش
رغد.سيبكم بقى من كل ده
انتى ياسارة ملاحظتيش ان استاذ محمد منزلش عنيه من على فاطمة
ارتبكت فاطمة واتوترت
سارة.تصدقى صح
والغريبة انه دخل المطبخ لأول مرة
واصلا هو كان مش عايز حاجة
ياترا ايه اللى فيها
ايه يا بطة
هو البيه عينه منك ولا ايه؟
فاطمة بتوتر.ايه اللى بتقولوه ده
عيب على فكرة الكلام ده
وبعدين المدام لو سمعت الكلام ده حتى لو بهزار ممكن تولع الدنيا علينا
رغد.ياستى بنهزر
ويعنى هو ده معقول يكون جد
احنا بس بنحاول نطلعك من الغم اللى انتى فيه
سارة.لاء انا بقى بتكلم جد
فاطمة.وبعدين بقى يا سارة
وبعدين ما هى رغد قالتلك اهى
مستحيل ده يحصل بجد
بلاش بقى خيالك يسرح لبعيد
خلونى اشوف شغلى
واجهز الفطار
هربت فاطمة من نظراتهم
ورغد اتعاملت عادى
لكن سارة مقتنعة ان محمد ونظراته لفاطمة مش عادية
محمد قعد على كرسى الصالون قصاد الكنبة اللى عليها لينا وهى ماسكة مجلة بتقرأها
محمد.صباح الخير يا اميرتنا
لينا بأبتسامة.صباح الهنا كله على ملك قلبى
عامل ايه ياعمرى
محمد.بخير يا ست الكل
طول ما انتى بخير ومنورة حياتنا
لينا بسعادة.حبيبى انت يامحمد
علطول لسانك بيخرج منه كلام زى الشهد
محمد.ياست الكل احنا من غيرك منسواش حاجة
لولاكى حياتنا تبقى ضلمة
ولو مشكرناش ربنا عليكي كل ثانية
يبقى احنا مش مقدرين قيمة النعمة اللى فى حياتنا
فتحت لينا ايديها لمحمد اللى قام من على الكرسى بتاعه وقرب من امه ودخل فى حضنها
وهى بتطبطب على ضهره
لينا.ربنا يسعد قلبك زى ما انت علطول بتفرح قلبى بكلامك الحلو ده
محمد.انتى فرحة قلبى يا ست الكل
اسمعينى بقى
انا عايز اكلمك فى حاجة
لينا بحب.انت تشاور بس
وعيونى ليك ياعمرى
محمد.لاء اللى هكلمك فيه مش علشانى
علشان فاطمة
لينا بأستغراب.فاطمة مين؟
محمد.فاطمة يا ماما الطباخة
لينا.مالها فاطمة
ضايقتك فى حاجة
محمد بنفي.لالا خالص والله
دى بنت غلبانة
بس كنت داخل المطبخ اقولهم يحضروا الفطار بسرعة شوية لأنى مستعجل
لقيتها بتعيط
والبنات بيقولوا اهلها وحشوها
صعبت عليا الحقيقة
انا عارف احساسها
ده انتى لما بسيبك وبخرج للشغل بحس ان اليوم كله دمه تقيل
ومش برتاح غير لما بشوفك
محمد كان مقنع جدا
وبيعرف يسيطر على مامته
بس فى الاصول
لينا ابتسمت.يعنى انت عايز ايه طيب
دى مكملتش سنة شغل يا محمد
محمد.ياست الكل
دى بنت غلبانة
وبعدين لو نفسيتها تعبت ممكن تأثر على صحتها
وبدل ما تبقى بتساعدنا
هنبقى احنا اللى بنعالجها
وساعتها ممكن نستغنى عنها
ويبقى ذنبها فى رقبتنا
انتي خليها تنزل زيارة لأهلها
تطمن عليهم
وترجع تانى
هتلاقيها شايلة البيت من تحت لفوق على راسها
ونفسيتها هتخليها مش عرفة ترضيكي ازاى
لينا بأبتسامة.يامحمد ما هو سفرها ده محتاج تكاليف
وهى بتاخد حقها وزيادة صدقنى انت عارف انا مش ببخل عليهم
محمد.معلش يا ست الكل
كله فى ميزان حسناتك
واحنا الحمد لله الخير عندنا كتير
بس حرام بنت غلبانة
انا بتوسطلها عندك
واللى يريحك نفذيه
القرار ليكي انا مش هدخل نفسى فى حاجة
انا بس قولتلك رأيي
لينا بتفكير.طيب بس هتسافر فترة قد ايه
محمد.ياستى اسبوعين تلاتة ولا حتى شهر
دى ممكن ترجع على الشهر ده بدل السنة اتنين تتكسف تقولك عايزة اجازة
بسبب الموقف اللى تعمليه ده
لينا.طيب خلينى بس اكلم شركة الطيران واشوف المواعيد بتاعتهم ايه
وهحجزلها ذهاب وعودة
بس ده علشان خاطرك
انا كنت مستحيل اقبل بأجازة طويلة كده لحد لسه مكملش سنة
بس ماشى
علشان عيونك
محمد بسعادة.ربنا ميحرمنيش منك ياست الكل
ودايما سباقة بالخير
لينا.بس انا مش هقولها حاجة غير لما احجز بقى
محمد.اللى يريحك
جهز الفطار
واتجمعت الاسرة كلها على السفرة
ويوم كل البيت مشى كعادته
وفاطمة على امل انها فعلا تنزل تزور اهلها
لكن كملت شغلها باقى اليوم زى كل يوم
وحاولت تتعامل مع البنات عادى علشان محدش يلاحظ عليها حاجة
فى بيت ام سيد
كان عبدالله بايت برة
وياسر مقالش لأمه اللى حصل
لأنه رجع متأخر جدا علشان تكون هى نامت
كان مش عارف هيقولها ازاى
صحى ياسر من نومه
وكانت امه مش فى البيت
دور عليها وطلع يبص على السطح
لكن هى مش موجودة
اتوتر سامح وقلق امه تكون سابت البيت ومشيت
لكن اتفاجئ بيها داخلها من باب البيت
وهى لابسة فستان اول مرة يشوفه عليها
وباين عليه انه مش بتاعها
ياسر فاتح عنيه على اخرها.ايه يمة اللى انتى لابساه ده
كنتى فين على الصبح
دخلت ام سيد قعدت على الكنبة والابتسامة على ملامحها.كنت بشم هوا شوية على البحر يا ياسر
صحيت مخنوقة ونفسى مكتوم
قولت اطلع افك عن نفسى شوية
ياسر.كده يمة
بالفستان ده
انا اول مرة اشوفك لابسة كده
ده بتاع مين
ام سيد.فستان رئيسة
ياخويا قولت ابسط نفسى بقى
الواحد نسى شكل الالوان
مبلبسش غير عبايات سودة
كفايا عليا نكد
عجزت نفسى بدرى
ياسر بيبص لأمه مستغرب
ام سيد بأبتسامة.بس يعنى انا زعلانة منك يا ياسر
كده ابوك يطلقنى امبارح قصاد كل خلق الله
وانت متجيش تقولى واعرف من الناس الغريبة
انا خدت على خاطرى
ياسر فتح عنيه على اخرها
واتصدم اكتر