الفصل التاسع
فاطمة خلصت فطارها
وقامت غسلت الكوبايات اللى شربوا فيها الشاى
وغسلت الاطباق اللى كان فيها الفطار بتاعهم
سارة.بقولك ايه يا فاطمة
لو خلصتى اللى بتعمليه
تعالى بقى اعرفك على البيت
كلهم خرجوا
فاطمة.حاضر هنشف ايدي بس
سارة.طيب حصلينى على الريسيبشن برة
فاطمة.حاضر
خرجت سارة
وراحت فاطمة على الحمام نشفت ايديها فى الفوطة اللى جوة
وخرجت راحت لسارة
البيت منظم جدا
وكل حاجة فى مكانها
ومن النضافة بتلمع
سارة.تعالى معايا هعرفك على كل حاجة فى البيت
انتى مش هتحتاجيها فى حاجة
بس علشان تكونى عارفة لو مرة حد طلب منك الفطار او اى مشروبات فى الاوض
تبقى عارفة كل اوضة مين اصحابها
طلعت سارة
وطلعت وراها فاطمة
وابتديت سارة تشاورلها على كل اوضة
وتقولها مين اصحابها من الاحفاد
ومن الاولاد
وحتى اوضة مدام لينا
واوضة محمد
عرفت كل اوضة تخص مين
وسمعت مرة تانية لسارة علشان تأكدلها انها خلاص عرفت
نزلوا من فوق
وراحت فاطمة مع سارة اتعرفت على اوضة المكتب
واوضة السفرة
والصالون
ودخلت البدروم
واوضة الغسيل
وكمان حمام الضيوف
علشان تبقى عرفت كل حاجة خاصة بتكوين البيت
ورجعوا سوا على المطبخ
سارة.تمام كده اعتقد ان انتى عرفتى كل حاجة فى البيت
وباب المطبخ التانى اهو عرفتيه
وده الحمام الخاص بينا
اللى برة ده بتاع الضيوف
خاص بيهم بس
مش مسموح لينا ندخله
الا علشان ننضفه
تمام كده يا فاطمة ولا عايزة تعرفى حاجة تانية؟
فاطمة.لاء كتر خيرك يا سارة تعبتك معايا معلش
سارة.لاء ابدا ولا تعب ولا حاجة
ده شغلي
شوفى بقى يا فاطمة
انتى اكيد لسه متعرفيش الاصناف بتاعتنا هنا
ومتعرفيش تعمليها صح؟
فاطمة.اه معملتش اى اكل غير المصرى بتاعنا
سارة.بتعرفي تكتبى وتقرأى؟
فاطمة.اه يعنى بفك الخط
سارة.طيب انا هعملك جدول اسبوعى
كل يوم فيه الاكل بتاعه
والمقادير وطريقة طبخه
مرة مع التانية هتلاقى نفسك اتعلمتى
المهم بس ان انتى تركزى فى كل حرف مكتوب
وتخلى بالك من كل يوم والاصناف اللى هتكون فيه
اتفقنا
فاطمة.ربنا ييسرلك امورك زى ما بتسهليها عليا كده يا سارة
سارة.مش عايزة دلع يا فاطمة
الشغل شغل
يعنى لا كسل
ولا قلة نضافة
ولا كروتة
مفيش تهاون وبالذات الاكل
مفهوم ولا لاء
فاطمة.مفهوم والله
انا نضيفة جدا مش عايزاكى تخافى
ده انا سوسة نضافة
سارة.طيب تمام
هنشوف
اخر حاجة بقى انتى هيبقى ليكي طقم مخصص للشغل
علشان مش هينفع تقفى تطبخى وانتى لابسة هدوم الخروج يعنى
حاجة كده شبه الزى الموحد
هتلبسى جيب اسود وبلوزة بيضا
وعليهم بالطو ابيض
وعلى رأسك هتكونى لابسه واقى علشان الشعر
ميقعش فى الاكل
برة المطبخ البسى اللى تلبسيه
اعملى اللى تعمليه براحتك
لكن جوة المطبخ كأنك فى اوضة عمليات
نضافة
وتعقيم
وريحة حلوة
وتركيز
فاطمة.حاضر
فهمت كل حاجة
سارة.طيب تمام
روحى بقى على اخر درفة فى دولاب المطبخ هتلاقى شنطة خديها
وادخلى الحمام غيرى هدومك
والبسى الطقم بتاع الشغل
وانا هجهزلك القايمة بتاعت الاكل
فاطمة ابتسمت وراحت فعلا ناحية الدولاب
وسارة راحت فتحت درج
وطلعت منه اجندة وقلم
وراحت قعدت على الترابيزة اللى فى نص المطبخ
وابتديت تكتب المنيو اللى هتمشى عليه فاطمة طول الاسبوع
وفاطمة اخدت الشنطة اللى فيها الطقم ودخلت على الحمام غيرت هدومها
ولبست طقم الشغل
وخرجت وهى مستعدة
كانت سارة جهزت المنيو
سارة.بصى يا فاطمة المنيو جاهز اهو
كل صفحة هتلاقى فيها اسم اليوم
من اول السبت للجمعة
وكل يوم فيه الاكلات اللى هتتعمل
بالوصفة بتاعتها
يلا شوفى بقى النهاردة يوم ايه
وايه الاكلات اللى هتتعمل فيه
وانا ورغد معاكي
اى حاجة مش هتعرفى مكانها
هساعدك علشان تحفظى اماكن كل حاجة
وانا متأكدة انك شاطرة وهتعرفى تطلعى الاكل بطعم حلو
فاطمة اخدت الاجندة من ايد سارة
وبصيت على اليوم
والصنف اللى مكتوب فيه
وابتديت تجمع المقادير اللى مكتوبة
والحاجة اللى مش عارفة مكانها
كانت سارة ورغد يشاورولها على المكان
علشان تاخد الحاجة بنفسها
وبالتالى تحفظ المكان
جمعت فاطمة كل المقادير
وابتديت تجهز الاكلات بالوصفة اللى
سارة كاتباها بالتفصيل
وكانت سارة متابعاها من بعيد علشان
تخليها تركز
عند رئيسة
خلصت فطارها
وخلص اسامة القهوة بتاعته
رئيسة.انا جاهزة
يلا بينا
اسامة.ايه السرعة دى؟
يلا ياستى
نسمة.بقولك ايه يا اسامة
خلى رئيسة تقعد معايا احسن
لو فيه نصيب وهتشتغل عند الدكتور
وهو هيبقى ملزم يوفرلها السكن
قوله انها لقيت بيت
وخليها تيجي تعيش معايا
انا اتبسطت بيها
وحبيتها
وانا وهى نسلي بعض
اسامة.طيب نشوف بس المقابلة هتخلص على ايه
وكله سهل بعد كده
نسمة.طيب ربنا يوفقكم
ان شالله تبشرونى بالخير
رئيسة بأبتسامة.يارب
يلا السلام عليكم بقى
نسمة.عليكم السلام ورحمة الله
نزلت رئيسة واسامة
وفتحلها الباب بتاع العربية
ركبت وراح هو ركب على الكرسى بتاع السواق
واتحرك على بيت دكتور طاهر
راجل فى الاربعين او الخمسين من عمره
يظهر عليه الوقار والهيبة
حازم جدا
وعابث معظم الوقت
وصل اسامة ورئيسة
ونزلوا الاتنين من العربية
قدام المبنى اللى فيه بيت طاهر
رئيسة بأعجاب.ياماشاء الله
هو ساكن هنا
اسامة وهو بيقفل عربيته.اه ده بيته
رئيسة.باين عليه غني
ده البيت شبه السرايات اللى بتيجي فى التليفزيون
اسامة.انتى هتحسدى الراجل من اولها ولا ايه؟
رئيسة.لاء والله
ربنا يزيده
انا عينى مش وحشة
ربنا يغنيه ويغنينا احنا كمان
انا بس علشان مشوفتش بيوت بالشكل ده فى الحقيقة
علشان كده مستغربة
اسامة ابتسم.طيب يلا بقى اتفضلى ادخلى
مشيت رئيسة وهى متوترة
ودخلت من باب البيت الحديدى
ووراها اسامة
اللى ابتدا يسبقها
علشان هى متعرفش هو فى اى شقة ولا اى دور
طلعوا اربع سلالم
ودخلوا مدخل عمارة مكونة من اربع ادوار
وقصاد السلم
كان فيه باب شقة خشبي كبير
ودى الشقة الوحيدة اللى فى الدور الارضى
اللى تخص الدكتور طاهر
قرب اسامة من جرس الباب
ورن الجرس
بعد دقيقة
كان طاهر فتح الباب وهو بيبص فى ساعته وبيرفع وشه يبص لأسامة
طاهر.كده يا اسامة من اول ميعاد جايلى متأخر عشر دقايق
اسامة وهو بيدخل ورا طاهر ودخلت رئيسة وراهم وقفلت الباب.معلش يا دكتور انا اسف
بس الانسة رئيسة راحت عليها نومة
بسبب ارهاق السفر
دخل طاهر على اوضة الصالون
قعد على الكنبة
وشاور لأسامة يقعد
ولرئيسة
قعد كل واخد منهم على كرسى قصاد طاهر
طاهر بص لرئيسة.شوفى يا رئيسة انا انضباط المواعيد عندى شئ مقدس بالنسبالي
مفهوم
رئيسة متوترة
وهزيت رأسها بس دليل على موافقتها على كلام طاهر
طاهر بص لأسامة.هى مش بتتكلم ولا ايه يا اسامة؟
اسامة.لاء يا دكتور بتتكلم
هى بس اول مرة تشتغل
ولسه مخدتش على البلد
ولا خدت على انها بعدت عن اهلها
فتلاقيها متوترة
طاهر.انتى اول مرة تشتغلى
ازاى
اومال جاية من بلد لبلد على اساس ايه لما انتى مش عندك خبرة
لاء مش هتنفع معايا يا اسامة
انا عايز بنت يكون عندها خبرة فى الشغل
مش واحدة لسه هتتعلم فيا
وفى بيتى
وقامت غسلت الكوبايات اللى شربوا فيها الشاى
وغسلت الاطباق اللى كان فيها الفطار بتاعهم
سارة.بقولك ايه يا فاطمة
لو خلصتى اللى بتعمليه
تعالى بقى اعرفك على البيت
كلهم خرجوا
فاطمة.حاضر هنشف ايدي بس
سارة.طيب حصلينى على الريسيبشن برة
فاطمة.حاضر
خرجت سارة
وراحت فاطمة على الحمام نشفت ايديها فى الفوطة اللى جوة
وخرجت راحت لسارة
البيت منظم جدا
وكل حاجة فى مكانها
ومن النضافة بتلمع
سارة.تعالى معايا هعرفك على كل حاجة فى البيت
انتى مش هتحتاجيها فى حاجة
بس علشان تكونى عارفة لو مرة حد طلب منك الفطار او اى مشروبات فى الاوض
تبقى عارفة كل اوضة مين اصحابها
طلعت سارة
وطلعت وراها فاطمة
وابتديت سارة تشاورلها على كل اوضة
وتقولها مين اصحابها من الاحفاد
ومن الاولاد
وحتى اوضة مدام لينا
واوضة محمد
عرفت كل اوضة تخص مين
وسمعت مرة تانية لسارة علشان تأكدلها انها خلاص عرفت
نزلوا من فوق
وراحت فاطمة مع سارة اتعرفت على اوضة المكتب
واوضة السفرة
والصالون
ودخلت البدروم
واوضة الغسيل
وكمان حمام الضيوف
علشان تبقى عرفت كل حاجة خاصة بتكوين البيت
ورجعوا سوا على المطبخ
سارة.تمام كده اعتقد ان انتى عرفتى كل حاجة فى البيت
وباب المطبخ التانى اهو عرفتيه
وده الحمام الخاص بينا
اللى برة ده بتاع الضيوف
خاص بيهم بس
مش مسموح لينا ندخله
الا علشان ننضفه
تمام كده يا فاطمة ولا عايزة تعرفى حاجة تانية؟
فاطمة.لاء كتر خيرك يا سارة تعبتك معايا معلش
سارة.لاء ابدا ولا تعب ولا حاجة
ده شغلي
شوفى بقى يا فاطمة
انتى اكيد لسه متعرفيش الاصناف بتاعتنا هنا
ومتعرفيش تعمليها صح؟
فاطمة.اه معملتش اى اكل غير المصرى بتاعنا
سارة.بتعرفي تكتبى وتقرأى؟
فاطمة.اه يعنى بفك الخط
سارة.طيب انا هعملك جدول اسبوعى
كل يوم فيه الاكل بتاعه
والمقادير وطريقة طبخه
مرة مع التانية هتلاقى نفسك اتعلمتى
المهم بس ان انتى تركزى فى كل حرف مكتوب
وتخلى بالك من كل يوم والاصناف اللى هتكون فيه
اتفقنا
فاطمة.ربنا ييسرلك امورك زى ما بتسهليها عليا كده يا سارة
سارة.مش عايزة دلع يا فاطمة
الشغل شغل
يعنى لا كسل
ولا قلة نضافة
ولا كروتة
مفيش تهاون وبالذات الاكل
مفهوم ولا لاء
فاطمة.مفهوم والله
انا نضيفة جدا مش عايزاكى تخافى
ده انا سوسة نضافة
سارة.طيب تمام
هنشوف
اخر حاجة بقى انتى هيبقى ليكي طقم مخصص للشغل
علشان مش هينفع تقفى تطبخى وانتى لابسة هدوم الخروج يعنى
حاجة كده شبه الزى الموحد
هتلبسى جيب اسود وبلوزة بيضا
وعليهم بالطو ابيض
وعلى رأسك هتكونى لابسه واقى علشان الشعر
ميقعش فى الاكل
برة المطبخ البسى اللى تلبسيه
اعملى اللى تعمليه براحتك
لكن جوة المطبخ كأنك فى اوضة عمليات
نضافة
وتعقيم
وريحة حلوة
وتركيز
فاطمة.حاضر
فهمت كل حاجة
سارة.طيب تمام
روحى بقى على اخر درفة فى دولاب المطبخ هتلاقى شنطة خديها
وادخلى الحمام غيرى هدومك
والبسى الطقم بتاع الشغل
وانا هجهزلك القايمة بتاعت الاكل
فاطمة ابتسمت وراحت فعلا ناحية الدولاب
وسارة راحت فتحت درج
وطلعت منه اجندة وقلم
وراحت قعدت على الترابيزة اللى فى نص المطبخ
وابتديت تكتب المنيو اللى هتمشى عليه فاطمة طول الاسبوع
وفاطمة اخدت الشنطة اللى فيها الطقم ودخلت على الحمام غيرت هدومها
ولبست طقم الشغل
وخرجت وهى مستعدة
كانت سارة جهزت المنيو
سارة.بصى يا فاطمة المنيو جاهز اهو
كل صفحة هتلاقى فيها اسم اليوم
من اول السبت للجمعة
وكل يوم فيه الاكلات اللى هتتعمل
بالوصفة بتاعتها
يلا شوفى بقى النهاردة يوم ايه
وايه الاكلات اللى هتتعمل فيه
وانا ورغد معاكي
اى حاجة مش هتعرفى مكانها
هساعدك علشان تحفظى اماكن كل حاجة
وانا متأكدة انك شاطرة وهتعرفى تطلعى الاكل بطعم حلو
فاطمة اخدت الاجندة من ايد سارة
وبصيت على اليوم
والصنف اللى مكتوب فيه
وابتديت تجمع المقادير اللى مكتوبة
والحاجة اللى مش عارفة مكانها
كانت سارة ورغد يشاورولها على المكان
علشان تاخد الحاجة بنفسها
وبالتالى تحفظ المكان
جمعت فاطمة كل المقادير
وابتديت تجهز الاكلات بالوصفة اللى
سارة كاتباها بالتفصيل
وكانت سارة متابعاها من بعيد علشان
تخليها تركز
عند رئيسة
خلصت فطارها
وخلص اسامة القهوة بتاعته
رئيسة.انا جاهزة
يلا بينا
اسامة.ايه السرعة دى؟
يلا ياستى
نسمة.بقولك ايه يا اسامة
خلى رئيسة تقعد معايا احسن
لو فيه نصيب وهتشتغل عند الدكتور
وهو هيبقى ملزم يوفرلها السكن
قوله انها لقيت بيت
وخليها تيجي تعيش معايا
انا اتبسطت بيها
وحبيتها
وانا وهى نسلي بعض
اسامة.طيب نشوف بس المقابلة هتخلص على ايه
وكله سهل بعد كده
نسمة.طيب ربنا يوفقكم
ان شالله تبشرونى بالخير
رئيسة بأبتسامة.يارب
يلا السلام عليكم بقى
نسمة.عليكم السلام ورحمة الله
نزلت رئيسة واسامة
وفتحلها الباب بتاع العربية
ركبت وراح هو ركب على الكرسى بتاع السواق
واتحرك على بيت دكتور طاهر
راجل فى الاربعين او الخمسين من عمره
يظهر عليه الوقار والهيبة
حازم جدا
وعابث معظم الوقت
وصل اسامة ورئيسة
ونزلوا الاتنين من العربية
قدام المبنى اللى فيه بيت طاهر
رئيسة بأعجاب.ياماشاء الله
هو ساكن هنا
اسامة وهو بيقفل عربيته.اه ده بيته
رئيسة.باين عليه غني
ده البيت شبه السرايات اللى بتيجي فى التليفزيون
اسامة.انتى هتحسدى الراجل من اولها ولا ايه؟
رئيسة.لاء والله
ربنا يزيده
انا عينى مش وحشة
ربنا يغنيه ويغنينا احنا كمان
انا بس علشان مشوفتش بيوت بالشكل ده فى الحقيقة
علشان كده مستغربة
اسامة ابتسم.طيب يلا بقى اتفضلى ادخلى
مشيت رئيسة وهى متوترة
ودخلت من باب البيت الحديدى
ووراها اسامة
اللى ابتدا يسبقها
علشان هى متعرفش هو فى اى شقة ولا اى دور
طلعوا اربع سلالم
ودخلوا مدخل عمارة مكونة من اربع ادوار
وقصاد السلم
كان فيه باب شقة خشبي كبير
ودى الشقة الوحيدة اللى فى الدور الارضى
اللى تخص الدكتور طاهر
قرب اسامة من جرس الباب
ورن الجرس
بعد دقيقة
كان طاهر فتح الباب وهو بيبص فى ساعته وبيرفع وشه يبص لأسامة
طاهر.كده يا اسامة من اول ميعاد جايلى متأخر عشر دقايق
اسامة وهو بيدخل ورا طاهر ودخلت رئيسة وراهم وقفلت الباب.معلش يا دكتور انا اسف
بس الانسة رئيسة راحت عليها نومة
بسبب ارهاق السفر
دخل طاهر على اوضة الصالون
قعد على الكنبة
وشاور لأسامة يقعد
ولرئيسة
قعد كل واخد منهم على كرسى قصاد طاهر
طاهر بص لرئيسة.شوفى يا رئيسة انا انضباط المواعيد عندى شئ مقدس بالنسبالي
مفهوم
رئيسة متوترة
وهزيت رأسها بس دليل على موافقتها على كلام طاهر
طاهر بص لأسامة.هى مش بتتكلم ولا ايه يا اسامة؟
اسامة.لاء يا دكتور بتتكلم
هى بس اول مرة تشتغل
ولسه مخدتش على البلد
ولا خدت على انها بعدت عن اهلها
فتلاقيها متوترة
طاهر.انتى اول مرة تشتغلى
ازاى
اومال جاية من بلد لبلد على اساس ايه لما انتى مش عندك خبرة
لاء مش هتنفع معايا يا اسامة
انا عايز بنت يكون عندها خبرة فى الشغل
مش واحدة لسه هتتعلم فيا
وفى بيتى