الفصل السادس
ركبت فاطمة مع محمد
وفضلت هى وهو ساكتين طول الطريق
اللى كان مش بعيد اوى عن البيت
وصل محمد لمدخل بيت كبير جدا
بيبان عليه الثراء والفخامة
محمد.اتفضلى احنا وصلنا
فاطمة بتوتر.حاضر
شكرا
فتحت فاطمة باب العربية ونزلت وقفلت الباب بهدوء
وهى واقفة تتفرج على المبنى اللى واقفة قدامه
وتوترها بيزيد
خافت وحسيت انها داخلة على مرحلة اكبر من سنها بكتير
محمد قفل عربيته ووقف قريب من فاطمة.مالك يا انسة فاطمة
فى ايه
فاطمة بخوف.هو انا هشتغل فى البيت الكبير ده
ابتسم محمد.اه هتشتغلى هنا
بس مالك قلقانة كده ليه
متخافيش والدتى طيبة جدا واعتقد انها هتقدر انك لسه جديدة فى الشغل وفى البلد كمان
فاطمة بتوتر.يارب
محمد.طيب يلا اتفضلي بقى ندخل
فعلا اتحركت فاطمة ومحمد ودخلوا البيت اللى له بوابة حديد كبيرة شبه الفيلل والقصور زمان
ماشية فاطمة من بوابة الفيلا لحد البوابة الداخلية وهى بتتفرج حواليها على كل حاجة
معقول هى جاية تشتغل فى المكان الكبير اوى ده
وصلوا للبوابة بتاعت البيت
وفتح محمد بالمفتاح بتاعه
ودخلت وراه فاطمة
وعنيها حواليها فى كل مكان
بتراقب المدخل الواسع جدا
اللى فى نهايته سلم خشبي كبير وواسع يطلع على الدور الاول من الفيلا
وده الدور اللى فيه الاوض بتاعت الاولاد
والدور الثانى اللى فيه اوضة والدهم ووالدتهم
واوضة الضيوف
ونازلة من السقف نجفة كبيرة جدا وضخمة
واضائتها متوزعة فى جميع انحاء المدخل
على جوانب المدخل
اوضة السفرة مكونة من بوفيه كبير بمراية ضخمة
وعلى سطح البوفيه بعض التحف الذهبية القيمة
فى منتصف الغرفة
طاولة الطعام الكبيرة
وملتف حواليها 16 كرسى
منهم اثنين على قائمة الطاولة
وعلى كل جانب 7 كراسى اخرى
وده فهمت منه فاطمة ان الاسرة عددها كبير
وبجانب غرفة السفرة موجودة غرفة الصالون
وامامها غرفة المكتب
وبجوارها غرفة المعيشة
الليفنج روم
وتحت السلم مدخل كبير جدا
بيوصل لغرفة الطبخ
وغرفة الغسيل
ومخزن للمقتنيات القديمة
وفى المدخل من الجانب الاخر للسلم
بوابة مغلقة وهى عبارة عن الحمام المخصص للضيوف
وكل غرفة من الغرف فى الادوار العلوية فيها الحمام الخاص
اما الغرف المخصصة للخدم
كانت خارج المنزل فى مبنى منفصل فى حديقة الفيلا
واقفة فاطمة مذهولة من الثراء الواضح قدامها
محمد بأبتسامة.شبه القصور اللى فى التليفزيون صح؟
فاطمة بذهول.انا مشوفتش كده فى التليفزيون
ربنا يزيدكم ويبارك
محمد.طيب استنى دقيقة هطلع ابلغ ماما انك وصلتى
فاطمة.اتفضل
سابها محمد وطلع على السلم
وهى واقفة تلف حوالين نفسها
تتفرج على المكان
ومعجبة جدا بكل التفاصيل
وفى الوقت اللى كانت بتتعجب فيه من الثراء ده كله
سمعت صوت خطوات على السلم
التفتت بسرعة لمصدر الصوت
وشافت قصادها ست جميلة جدا
بيضاء البشرة
شعرها اصفر طويل
جسمها ملتف وقامتها طويلة
اول ما قربت الست ناحية فاطمة
شافت لون عيونها الازرق وكأنه لون البحر
السيدة.حمدالله على السلامة يا فاطمة
فاطمة بأرتباك.الله يسلم حضرتك
السيدة.انا اسمي لينا
مدام لينا
فاطمة.على راسى يا ست هانم
لينا.لاء مش ست هانم يا فاطمة
مدام لينا
انا ست البيت هنا
فاطمة بانبهار.حضرتك
لينا بأبتسامة.اه حضرتى
مالك مستغربة ليه
فاطمة.ماشاء الله عليكي
مش باين خالص ان حضرتك والدة البيه اللى اخدنى من المطار
لينا.قصدك محمد
فاطمة.ايوة
لينا بتضحك.ده كمان محمد ابنى الاوسط يا فاطمة
فيه غيره قبله اتنين وهما عبدالله و جهاد
وبعده راغب
فاطمة.ماشاء الله الله اكبر
عينى باردة على حضرتك يا مدام لينا
ولا يبان عليكي
لينا بتضحك.شكرا على ذوقك يا فاطمة
حبيتك والله
هما المصريين كده معروفين بلسانهم الحلو
وكلامهم الذوق
فاطمة بتبتسم.كتر خيرك يا مدام بس والله ده بجد
انا فكرت حضرتك اخت البيه مش امه ابدا
لينا.لا انا فعلا والدته
بصى بقى يا لينا
احنا فى البيت هنا
انا موجودة
ومحمد انتى اتعرفتى عليه
فيه راغب الصغير يصحى من النوم هعرفك عليه
وفيه جهاد وعبدالله دول متجوزين وزوجاتهم عايشين معانا هنا فى البيت
شيماء وداليا
واولادهم
رانيا وهبه
واميرة وبوسى
برضه لما يكونوا موجودين هعرفك عليهم لأن هما حاليا فى اجازة
ومسافرين
وفيه البيه الكبير الدكتور كارم
يعنى احنا فى البيت كتير شوية
فاطمة.ماشاء الله ربنا يبارك
لينا.كل شخص منهم له اكلات معينة
وله نظام معين فى الاكل
هعرفك عليه
واكتبلك قائمة بالأكلات اللى بيحبوها
والايام اللى بيتعمل فيها اكل صحى بس من غير اى دهون ولا حاجات دسمة
فاطمة.حاضر يا مدام تؤمرينى
لينا.هيكون ليكي مرتب خاص بيكي
هيتخصم منه بس النسبة بتاعت مكتب التوظيف
انتى حرة فى مرتبك طبعا
لكن فى الصيف ليكي عندنا كسوة الصيف
ونفس الكلام فى الشتا
انتى بقى عايزة تجيبى لنفسك حاجة تانية دى حاجة ترجعلك
اكلك فى البيت
ليكي يوم فى الاسبوع اجازة
بتحدديه وبتبلغينى لأن هو ده هيبقى الاجازة الثابتة بتاعتك
مسموحلك فيه تخرجي او تعملى اللى انتى عايزاه
المهم مش بحب المشاكل
ولا ان البنت اللى تكون بتشتغل معايا
سمعتها مش مظبوطة
اتفقنا يا فاطمة
فاطمة بهدوء.ايوة يا مدام مفهوم
لينا.اى حاجة تحتاجيها تعالى اطلبيها علطول مش عايزاكى تتكسفى
اعتبرى اننا اهلك
يعنى متفكريش تحتاجى لأى حد برة البيت ده
ولا تطلبى من حد حاجة
اللى هتحتاجيه هتلاقى موجود هنا
المهم بس النضافة ثم النضافة
دى اهم حاجة
مش عايزة مشاكل مع زمايلك
ولا تدخل زيادة عن اللزوم
مش هحتاج منك اكتر من كده
سهل ده ولا صعب يا فاطمة
فاطمة بأبتسامة وراحة.لاء يا مدام سهل اوى
ربنا يريح قلبك يارب
لينا.دلوقتى بقى هخلى سارة توصلك للأوضة بتاعتك ترتاحى النهاردة وتنامى براحتك ومن بكرة نبدأ الشغل بتاعنا
وان شاء الله نستمر مع بعض فترة طويلة
فاطمة بسعادة.الف شكر يامدام لينا كتر الف خيرك
لينا.سارة يا سارة
خرجت من المطبخ بنت جميلة جدا
عيونها سودة واسعة
وشعرها اسود طويل لحد اخر ضهرها
وبشرتها سمرا
وملامحها جميلة جدا
سارة.تحت امرك يا مدام لينا
لينا.اعرفك يا سارة
دى فاطمة من مصر
من اسكندرية
هتكون مسؤلة عن الطبخ فى البيت هنا
سارة بأبتسامة.اهلا بيكي يا فاطمة
لينا.فاطمة دى سارة مديرة البيت
هي المسؤلة عن كل الموظفين فى البيت هنا
اى حاجة او اى مشكلة تقابلك تخص شغلك ارجعيلها فيها هتلاقيها بتساعدك
فاطمة بأبتسامة.اهلا بيكي يا ست سارة
سارة مبتسمة.لاء سارة بس يا فاطمة
احنا هنا اسرة
لينا.زى ما قالتلك سارة يا فاطمة
انتم هنا مش شغالين عندنا انتم بتساعدونا
وخلى الكلام ده فى دماغك
واتعاملى على اساسه
علشان تقدرى تحبى المكان وتحبى اللى موجودين فى المكان
وده طبعا هيكون عائد على شغلك
فاطمة.والله يا مدام لينا انا ارتاحت من اول ما قابلت حضرتك
انا اول مرة اطلع برة بيتنا
وكان قلبى واجعني
وخايفة من اللى ممكن اقابله
سارة ب ود وحب.متقلقيش
اعتبرينا اخواتك
وكأنك مبعدتيش عن اهلك ولا بلدك
على فكرة مش كلنا من لبنان
فينا ناس مغتربات بس مش من مصر
انتى الوحيدة اللى من مصر
وبعدين احنا بنحب مصر وكل اللى منها
فاطمة بتضحك.ومصر كمان بتحبكم اوى
وفضلت هى وهو ساكتين طول الطريق
اللى كان مش بعيد اوى عن البيت
وصل محمد لمدخل بيت كبير جدا
بيبان عليه الثراء والفخامة
محمد.اتفضلى احنا وصلنا
فاطمة بتوتر.حاضر
شكرا
فتحت فاطمة باب العربية ونزلت وقفلت الباب بهدوء
وهى واقفة تتفرج على المبنى اللى واقفة قدامه
وتوترها بيزيد
خافت وحسيت انها داخلة على مرحلة اكبر من سنها بكتير
محمد قفل عربيته ووقف قريب من فاطمة.مالك يا انسة فاطمة
فى ايه
فاطمة بخوف.هو انا هشتغل فى البيت الكبير ده
ابتسم محمد.اه هتشتغلى هنا
بس مالك قلقانة كده ليه
متخافيش والدتى طيبة جدا واعتقد انها هتقدر انك لسه جديدة فى الشغل وفى البلد كمان
فاطمة بتوتر.يارب
محمد.طيب يلا اتفضلي بقى ندخل
فعلا اتحركت فاطمة ومحمد ودخلوا البيت اللى له بوابة حديد كبيرة شبه الفيلل والقصور زمان
ماشية فاطمة من بوابة الفيلا لحد البوابة الداخلية وهى بتتفرج حواليها على كل حاجة
معقول هى جاية تشتغل فى المكان الكبير اوى ده
وصلوا للبوابة بتاعت البيت
وفتح محمد بالمفتاح بتاعه
ودخلت وراه فاطمة
وعنيها حواليها فى كل مكان
بتراقب المدخل الواسع جدا
اللى فى نهايته سلم خشبي كبير وواسع يطلع على الدور الاول من الفيلا
وده الدور اللى فيه الاوض بتاعت الاولاد
والدور الثانى اللى فيه اوضة والدهم ووالدتهم
واوضة الضيوف
ونازلة من السقف نجفة كبيرة جدا وضخمة
واضائتها متوزعة فى جميع انحاء المدخل
على جوانب المدخل
اوضة السفرة مكونة من بوفيه كبير بمراية ضخمة
وعلى سطح البوفيه بعض التحف الذهبية القيمة
فى منتصف الغرفة
طاولة الطعام الكبيرة
وملتف حواليها 16 كرسى
منهم اثنين على قائمة الطاولة
وعلى كل جانب 7 كراسى اخرى
وده فهمت منه فاطمة ان الاسرة عددها كبير
وبجانب غرفة السفرة موجودة غرفة الصالون
وامامها غرفة المكتب
وبجوارها غرفة المعيشة
الليفنج روم
وتحت السلم مدخل كبير جدا
بيوصل لغرفة الطبخ
وغرفة الغسيل
ومخزن للمقتنيات القديمة
وفى المدخل من الجانب الاخر للسلم
بوابة مغلقة وهى عبارة عن الحمام المخصص للضيوف
وكل غرفة من الغرف فى الادوار العلوية فيها الحمام الخاص
اما الغرف المخصصة للخدم
كانت خارج المنزل فى مبنى منفصل فى حديقة الفيلا
واقفة فاطمة مذهولة من الثراء الواضح قدامها
محمد بأبتسامة.شبه القصور اللى فى التليفزيون صح؟
فاطمة بذهول.انا مشوفتش كده فى التليفزيون
ربنا يزيدكم ويبارك
محمد.طيب استنى دقيقة هطلع ابلغ ماما انك وصلتى
فاطمة.اتفضل
سابها محمد وطلع على السلم
وهى واقفة تلف حوالين نفسها
تتفرج على المكان
ومعجبة جدا بكل التفاصيل
وفى الوقت اللى كانت بتتعجب فيه من الثراء ده كله
سمعت صوت خطوات على السلم
التفتت بسرعة لمصدر الصوت
وشافت قصادها ست جميلة جدا
بيضاء البشرة
شعرها اصفر طويل
جسمها ملتف وقامتها طويلة
اول ما قربت الست ناحية فاطمة
شافت لون عيونها الازرق وكأنه لون البحر
السيدة.حمدالله على السلامة يا فاطمة
فاطمة بأرتباك.الله يسلم حضرتك
السيدة.انا اسمي لينا
مدام لينا
فاطمة.على راسى يا ست هانم
لينا.لاء مش ست هانم يا فاطمة
مدام لينا
انا ست البيت هنا
فاطمة بانبهار.حضرتك
لينا بأبتسامة.اه حضرتى
مالك مستغربة ليه
فاطمة.ماشاء الله عليكي
مش باين خالص ان حضرتك والدة البيه اللى اخدنى من المطار
لينا.قصدك محمد
فاطمة.ايوة
لينا بتضحك.ده كمان محمد ابنى الاوسط يا فاطمة
فيه غيره قبله اتنين وهما عبدالله و جهاد
وبعده راغب
فاطمة.ماشاء الله الله اكبر
عينى باردة على حضرتك يا مدام لينا
ولا يبان عليكي
لينا بتضحك.شكرا على ذوقك يا فاطمة
حبيتك والله
هما المصريين كده معروفين بلسانهم الحلو
وكلامهم الذوق
فاطمة بتبتسم.كتر خيرك يا مدام بس والله ده بجد
انا فكرت حضرتك اخت البيه مش امه ابدا
لينا.لا انا فعلا والدته
بصى بقى يا لينا
احنا فى البيت هنا
انا موجودة
ومحمد انتى اتعرفتى عليه
فيه راغب الصغير يصحى من النوم هعرفك عليه
وفيه جهاد وعبدالله دول متجوزين وزوجاتهم عايشين معانا هنا فى البيت
شيماء وداليا
واولادهم
رانيا وهبه
واميرة وبوسى
برضه لما يكونوا موجودين هعرفك عليهم لأن هما حاليا فى اجازة
ومسافرين
وفيه البيه الكبير الدكتور كارم
يعنى احنا فى البيت كتير شوية
فاطمة.ماشاء الله ربنا يبارك
لينا.كل شخص منهم له اكلات معينة
وله نظام معين فى الاكل
هعرفك عليه
واكتبلك قائمة بالأكلات اللى بيحبوها
والايام اللى بيتعمل فيها اكل صحى بس من غير اى دهون ولا حاجات دسمة
فاطمة.حاضر يا مدام تؤمرينى
لينا.هيكون ليكي مرتب خاص بيكي
هيتخصم منه بس النسبة بتاعت مكتب التوظيف
انتى حرة فى مرتبك طبعا
لكن فى الصيف ليكي عندنا كسوة الصيف
ونفس الكلام فى الشتا
انتى بقى عايزة تجيبى لنفسك حاجة تانية دى حاجة ترجعلك
اكلك فى البيت
ليكي يوم فى الاسبوع اجازة
بتحدديه وبتبلغينى لأن هو ده هيبقى الاجازة الثابتة بتاعتك
مسموحلك فيه تخرجي او تعملى اللى انتى عايزاه
المهم مش بحب المشاكل
ولا ان البنت اللى تكون بتشتغل معايا
سمعتها مش مظبوطة
اتفقنا يا فاطمة
فاطمة بهدوء.ايوة يا مدام مفهوم
لينا.اى حاجة تحتاجيها تعالى اطلبيها علطول مش عايزاكى تتكسفى
اعتبرى اننا اهلك
يعنى متفكريش تحتاجى لأى حد برة البيت ده
ولا تطلبى من حد حاجة
اللى هتحتاجيه هتلاقى موجود هنا
المهم بس النضافة ثم النضافة
دى اهم حاجة
مش عايزة مشاكل مع زمايلك
ولا تدخل زيادة عن اللزوم
مش هحتاج منك اكتر من كده
سهل ده ولا صعب يا فاطمة
فاطمة بأبتسامة وراحة.لاء يا مدام سهل اوى
ربنا يريح قلبك يارب
لينا.دلوقتى بقى هخلى سارة توصلك للأوضة بتاعتك ترتاحى النهاردة وتنامى براحتك ومن بكرة نبدأ الشغل بتاعنا
وان شاء الله نستمر مع بعض فترة طويلة
فاطمة بسعادة.الف شكر يامدام لينا كتر الف خيرك
لينا.سارة يا سارة
خرجت من المطبخ بنت جميلة جدا
عيونها سودة واسعة
وشعرها اسود طويل لحد اخر ضهرها
وبشرتها سمرا
وملامحها جميلة جدا
سارة.تحت امرك يا مدام لينا
لينا.اعرفك يا سارة
دى فاطمة من مصر
من اسكندرية
هتكون مسؤلة عن الطبخ فى البيت هنا
سارة بأبتسامة.اهلا بيكي يا فاطمة
لينا.فاطمة دى سارة مديرة البيت
هي المسؤلة عن كل الموظفين فى البيت هنا
اى حاجة او اى مشكلة تقابلك تخص شغلك ارجعيلها فيها هتلاقيها بتساعدك
فاطمة بأبتسامة.اهلا بيكي يا ست سارة
سارة مبتسمة.لاء سارة بس يا فاطمة
احنا هنا اسرة
لينا.زى ما قالتلك سارة يا فاطمة
انتم هنا مش شغالين عندنا انتم بتساعدونا
وخلى الكلام ده فى دماغك
واتعاملى على اساسه
علشان تقدرى تحبى المكان وتحبى اللى موجودين فى المكان
وده طبعا هيكون عائد على شغلك
فاطمة.والله يا مدام لينا انا ارتاحت من اول ما قابلت حضرتك
انا اول مرة اطلع برة بيتنا
وكان قلبى واجعني
وخايفة من اللى ممكن اقابله
سارة ب ود وحب.متقلقيش
اعتبرينا اخواتك
وكأنك مبعدتيش عن اهلك ولا بلدك
على فكرة مش كلنا من لبنان
فينا ناس مغتربات بس مش من مصر
انتى الوحيدة اللى من مصر
وبعدين احنا بنحب مصر وكل اللى منها
فاطمة بتضحك.ومصر كمان بتحبكم اوى