الفصل الخامس
هنسيب سيد وياسر وعبدالله وام سيد
ونروح لفاطمة ورئيسة
وصلت رئيسة البلد اللى هتبدأ فيها رحلتها الجديدة
وفى انتظارها كان اسامة
مسؤل التوظيف
شاب جميل
ووسيم
مش مصرى
رئيسة كانت بتاخد كل حاجة ببساطة ومرح
شافت اسامة ابتسمت اول لما عرفت انه فى انتظارها هى
اسامة.انسة رئيسة صح
رئيسة.ايوة انا انت مين؟
تعرفنى منين؟
اسامة بأبتسامة جميلة.انا اسامة المسؤل عن التوظيف فى المكتب اللى باعتلك عقد العمل
وعرفتك لأن الورق بتاعك فيه الصور الشخصية بتاعتك
كان لازم اركز فيهم علشان اقدر اعرفك اول ما توصلى
رئيسة بسعادة.اه صحيح الصور بتاعتى
شكرا انك جيت تستنانى
ده انا كان قلبى بيتنفض انى اتوه فى البلد ومعرفش المفروض اروح فين ولا اجي منين
اسامة بعيونه العسلية الجميلة.طيب يلا بينا نتحرك من هنا
وهقولك وافهمك كل حاجة فى الطريق
اهو نتسلى بالكلام
رئيسة بأعجاب.ايوة ماشى
يلا بينا
اتجه اسامة ناحية سيارته
كانت موديل قديم
ولكن هى وسيلة مواصلاته الوحيدة
اسامة يفتح باب العربية.اتفضلي يا انسة رئيسة
رئيسة بأعجاب متزايد.كمان بتفتحلى باب العربية
يا بركة دعواتك يمة
اسامة.بتقولى حاجة
رئيسة بأبتسامة.بقول كل خير
شكرا
ركبت رئيسة وقفل اسامة الباب
واتجه ناحية الباب الثانى
جلس مكانه واغلق باب السيارة
واخد وجهته فى الطريق
رئيسة.عربيتك دى
اسامة.من غير تريقة
رئيسة تضحك.لاء والله مش بتريق انا بسألك بس هى عربيتك ولا عربية الشغل
وبعدين اتريق ليه حد طايل
اهى احسن من مفيش
اسامة بأبتسامة.على رأيك فعلا
اه عربيتى
دى رجليا التانية
من غيرها بتبهدل فى المواصلات
خاصة انى بتحرك كتير
رئيسة.ربنا يعينك
قولى بقى انا هعمل ايه
ولا هروح فين
اسامة.مستعجلة على ايه طيب مش ترتاحى شوية الاول؟
رئيسة.عايزة افهم بس ايه اللى انا داخلة عليه
اسامة.ولا اى حاجة
انتى هتكونى مسؤلة عن منزل دكتور
راجل محترم جدا وكبير فى السن
وبيكون معظم الوقت برة البيت
لكن بيحتاج حد علشان نضافة البيت والغسيل وتجهيز الاكل
واحدة تكون مسؤلة عن البيت يعنى
رئيسة بتوتر.ايه ده انا هعيش فى البيت مع راجل غريب لواحدى
اسامة.متقلقيش
انتى ليكي اوضتك الخاصة
وكل حاجة امان هو والدك مفهمكيش ولا ايه
رئيسة بصدمة.هو ابويا عارف انى هشتغل عند راجل عايش لواحده من قبل م اجي
اسامة.اه طبعا عارف
ووافق على الاساس ده
انا معنديش حد الفترة دى طالب حد للتوظيف غير الدكتور طاهر
وانتى جاية هنا مخصوص علشانه
رئيسة عنيها دمعت من الخوف.طيب وهو مفيش اى حد يعنى عايش معاه
ولا عنده مراته ولا عياله
اسامة.لاء زوجته توفيت من سنتين
ومعندهمش اولاد
متقلقيش صدقينى
لو حصلت اى حاجة ضايقتك
انا هسيبلك رقم تليفون المكتب
كلمينى فى اى وقت
انا بكون موجود من الساعة عشرة الصبح لحد عشرة بليل
هتلاقينى عندك فى نص ساعة
لكن خدى كلامي ثقة
دكتور طاهر راجل محترم فعلا
رئيسة.ربنا يبشرك بالخير
الله يسامحك يابا
بقى ده مغرس تعمله فيا
تشغل بنتك عند راجل عاذب
اسامة بضحكة مسموعة.خلاص بقى يا ستى
وبعدين يعنى الدكتور لو عايز يلعب بديله هيستنى لما نجيبله واحدة من اسكندرية علشان يلعب بديله معاها
ده معارفة بعد شعر راسك
اوعي تفكرى انه دكتور قليل فى البلد
ده له اسمه وسمعته
رئيسة.اللى ربنا عايزه هيكون
الله يسامحك انت كمان
كتر الكلام خلانى متفرجش على الطريق
اسامة.ياستى الطريق هيروح فين يعنى
كده كده هتتفرجي عليه
بس على الاقل تاخدى نفسك من هدة السفر
رئيسة.هو انا هشتغل امتي
اسامة.بكرة هروح بيكي العيادة عند الدكتور يتعرف عليكي ولو تمام وقبل انك تشتغلي
يبقى من بعد بكرة هتستلمي شغلك
رئيسة وفتحت عنيها على اخرها.ايه ده هو ممكن مقبلش انى اشتغل
يامصيبتى
طيب واروح فين لو عمل كده
ده انا جاية بطولى
اسامة متابع الطريق.متقلقيش هو احتمال ضعيف لأنه كده كده عارف كل بياناتك والتفاصيل
وياستى لا قدر الله حتى لو حصل ده
هو ملزم يرجعك بلدك زى ما جابك
او يوفرلك سكن مؤقت لحد ما تلاقى شغل تانى
رئيسة.ربنا يستر بقى
هو عالم بالحال
بس انا هنام فين النهاردة فيه مكان ابات فيه ولا ايه
انا جاية هنا معرفش اى حاجة ولا اعرف اى حد غيرك
وبعدين الصراحة بقى
جاية وكل الفلوس اللى معايا خمسة جنيه
اسامة وعنيه راحت لرئيسة فى نظرة خاطفة.خمسة جنيه
معقول
جاية بلد تانية بعيد عن بلدك ومالكيش فيها مكان ولا حد
وكل اللى معاكى خمسة جنيه
افرضى كنتى جيتى وملقيتيش حد مستنيكي
ولا ركبتى مواصلات
وعملتنا غير عملتكم
يعنى اللى معاكي دول يادوب يوصلوكى لنص الطريق حتى متوصليش مكتبنا
رئيسة بأحراج.معلش اكيد ابويا كان عارف انك هتبقى مستنينى
وبعدين انا مش مسافرة لواحدى اختى كمان كانت مسافرة بلد لبنان
وانا وهى محتاجين فلوس
غير اخويا الكبير مسافر هو كمان وهيحتاج فلوس
واحنا الحمد لله ظروفنا على قدنا اوي
كتر خيره انا اول مرة فى حياتى امسك خمسة جنيه مرة واحدة
اسامة.طيب مالك مكسوفة كده ليه
عادي ياستى
كلنا على قد الحال
وبالسعي ربنا بيكرم وبيوسع الرزق
وبعدين اعتبرينى اخوكي هنا
واللى تحتاجيه لحد ما تقبضى اول مرتب ليكي
اطلبيه مني
رئيسة بأحراج وابتسامة.كتر الف خيرك
اسامة.انتى دلوقتى هتروحى على بيت اخت واحد صاحبى
لأن سكن البنات مفيش فيه اى مكان فاضى الفترة دى
ومتقلقيش امان يعنى
لحد الصبح بس
هنروح للدكتور
وكل الامور هتتحل واحدة واحدة
رئيسة.اخت صاحبك دى عايشة لواحدها
ولا ايه
اسامة بيضحك.اه لواحدها هى متجوزة لكن جوزها مسافر
واخوها عايش معايا انا فى بيتى
رئيسة.معلش بلاش تضايق من كلامي الكتير
انا بس علشان اول مرة ابات برة بيتنا
وبعيد عن اهلي
فتلاقينى خايفة شويتين
سامحني بقى
وقف اسامة العربية وبص لرئيسة وهو مبتسم.استني بقى هنا هنزل اجيبلك شوية طلبات علشان لما تروحي عند نسمة
لو حبيتى تاكلى او تاخدى حمام
او تشربي اى حاجة تبقى رايحة بكل حاجتك
انا عارف هى مش هتحتاج للحاجة دى خالص
بس برضه علشان منبقاش رايحين نتقل عليها
او تفكر اننا مش بنفهم فى الاصول يعنى
رئيسة.طيب وانت ذنبك ايه بس فى المصاريف دى
اسامة.لاء متقلقيش
انا هحاسب عليها الدكتور طاهر لأنه المفروض يكون متكفل بيكي من اول ما توصلى على حدود البلد
رئيسة.ان شالله تسلم
فعلا اتحرك اسامة ونزل اشترى طلبات لرئيسة
وكأنه بيشترى طلبات بيته
فاكهة وعصائر
وخضار وكأنها هتعيش عند نسمة اسبوع مش يوم واحد
وكانت صعبانة عليه رئيسة
برغم انها مش اول بنت تيجي تشتغل وتكون مغتربة
وفى نفس الوقت ده
وصلت فاطمة على لبنان
اخيرا
كان صوت دقات قلبها بسبب سرعته هى حاسة ان كل الناس حواليها سامعاه
متوترة
وخايفة جدا
وكانت بترتعش
وكأنها قاتلة قتيل
كانت مش عارفة المفروض تعمل ايه
ولا تروح فين ولا تيجي منين
واقفة على باب المطار حتى مش عارفة لو اخدت عربية توصلها هتروح بيها على فين
وعلى نفس الحال ده انتظرت فاطمة اكتر من ساعة
ناس حواليها خارجة من المطار وناس داخلة
وهى مكانها
ابتديت عنيها تلمع بالدموع
وتكلم نفسها.يارب يعنى مش كفاية متغربة
كمان تايهة ومش عارفة اعمل ايه
دبرها من عندك يا حلال العقد
وبمجرد ما خلصت فاطمة دعوتها
ظهرت قدامها سيارة فخمة
وتدل على ثراء صاحبها
وقفت بالظبط قصادها
لكن فاطمة مستمرة تلتف حواليها فى كل مكان على امل انها تلاقى حد يدلها على اى حاجة تفيدها
نزل من سيارته
شاب جميل
ابيض البشرة طويل القامة وشعره باللون البني
وعنيه خضراء
وعريض المنكبين
كأنه رياضى
الشاب.مساء الخير
انتى انسة فاطمة
فاطمة بخوف.ايوة انا
الشاب.انا اسمى محمد جميل
ابن صاحب المنزل اللى انتى جايه علشان تستلمى فيه الشغل
بعتذر اتاخرت عنك شوية
بس كان عندى شوية شغل
فاطمة بخجل.الحمد لله
انا كنت مرعوبة
بقالى ساعة هنا ومش عارفة اعمل ايه
محمد.اسف
فاطمة بتوتر.لاء انا اللى اسفة
بس خوفت
انا غريبة هنا
ومش عارفة اتصرف
كتر خيرك انك جيت شكرا
محمد.طيب ممكن بقى تتفضلى تركبى العربية
لأن ماما من بدرى جدا وهى قلقانة عليكي انك توصلى ومتلاقيش حد فى انتظارك
ونروح لفاطمة ورئيسة
وصلت رئيسة البلد اللى هتبدأ فيها رحلتها الجديدة
وفى انتظارها كان اسامة
مسؤل التوظيف
شاب جميل
ووسيم
مش مصرى
رئيسة كانت بتاخد كل حاجة ببساطة ومرح
شافت اسامة ابتسمت اول لما عرفت انه فى انتظارها هى
اسامة.انسة رئيسة صح
رئيسة.ايوة انا انت مين؟
تعرفنى منين؟
اسامة بأبتسامة جميلة.انا اسامة المسؤل عن التوظيف فى المكتب اللى باعتلك عقد العمل
وعرفتك لأن الورق بتاعك فيه الصور الشخصية بتاعتك
كان لازم اركز فيهم علشان اقدر اعرفك اول ما توصلى
رئيسة بسعادة.اه صحيح الصور بتاعتى
شكرا انك جيت تستنانى
ده انا كان قلبى بيتنفض انى اتوه فى البلد ومعرفش المفروض اروح فين ولا اجي منين
اسامة بعيونه العسلية الجميلة.طيب يلا بينا نتحرك من هنا
وهقولك وافهمك كل حاجة فى الطريق
اهو نتسلى بالكلام
رئيسة بأعجاب.ايوة ماشى
يلا بينا
اتجه اسامة ناحية سيارته
كانت موديل قديم
ولكن هى وسيلة مواصلاته الوحيدة
اسامة يفتح باب العربية.اتفضلي يا انسة رئيسة
رئيسة بأعجاب متزايد.كمان بتفتحلى باب العربية
يا بركة دعواتك يمة
اسامة.بتقولى حاجة
رئيسة بأبتسامة.بقول كل خير
شكرا
ركبت رئيسة وقفل اسامة الباب
واتجه ناحية الباب الثانى
جلس مكانه واغلق باب السيارة
واخد وجهته فى الطريق
رئيسة.عربيتك دى
اسامة.من غير تريقة
رئيسة تضحك.لاء والله مش بتريق انا بسألك بس هى عربيتك ولا عربية الشغل
وبعدين اتريق ليه حد طايل
اهى احسن من مفيش
اسامة بأبتسامة.على رأيك فعلا
اه عربيتى
دى رجليا التانية
من غيرها بتبهدل فى المواصلات
خاصة انى بتحرك كتير
رئيسة.ربنا يعينك
قولى بقى انا هعمل ايه
ولا هروح فين
اسامة.مستعجلة على ايه طيب مش ترتاحى شوية الاول؟
رئيسة.عايزة افهم بس ايه اللى انا داخلة عليه
اسامة.ولا اى حاجة
انتى هتكونى مسؤلة عن منزل دكتور
راجل محترم جدا وكبير فى السن
وبيكون معظم الوقت برة البيت
لكن بيحتاج حد علشان نضافة البيت والغسيل وتجهيز الاكل
واحدة تكون مسؤلة عن البيت يعنى
رئيسة بتوتر.ايه ده انا هعيش فى البيت مع راجل غريب لواحدى
اسامة.متقلقيش
انتى ليكي اوضتك الخاصة
وكل حاجة امان هو والدك مفهمكيش ولا ايه
رئيسة بصدمة.هو ابويا عارف انى هشتغل عند راجل عايش لواحده من قبل م اجي
اسامة.اه طبعا عارف
ووافق على الاساس ده
انا معنديش حد الفترة دى طالب حد للتوظيف غير الدكتور طاهر
وانتى جاية هنا مخصوص علشانه
رئيسة عنيها دمعت من الخوف.طيب وهو مفيش اى حد يعنى عايش معاه
ولا عنده مراته ولا عياله
اسامة.لاء زوجته توفيت من سنتين
ومعندهمش اولاد
متقلقيش صدقينى
لو حصلت اى حاجة ضايقتك
انا هسيبلك رقم تليفون المكتب
كلمينى فى اى وقت
انا بكون موجود من الساعة عشرة الصبح لحد عشرة بليل
هتلاقينى عندك فى نص ساعة
لكن خدى كلامي ثقة
دكتور طاهر راجل محترم فعلا
رئيسة.ربنا يبشرك بالخير
الله يسامحك يابا
بقى ده مغرس تعمله فيا
تشغل بنتك عند راجل عاذب
اسامة بضحكة مسموعة.خلاص بقى يا ستى
وبعدين يعنى الدكتور لو عايز يلعب بديله هيستنى لما نجيبله واحدة من اسكندرية علشان يلعب بديله معاها
ده معارفة بعد شعر راسك
اوعي تفكرى انه دكتور قليل فى البلد
ده له اسمه وسمعته
رئيسة.اللى ربنا عايزه هيكون
الله يسامحك انت كمان
كتر الكلام خلانى متفرجش على الطريق
اسامة.ياستى الطريق هيروح فين يعنى
كده كده هتتفرجي عليه
بس على الاقل تاخدى نفسك من هدة السفر
رئيسة.هو انا هشتغل امتي
اسامة.بكرة هروح بيكي العيادة عند الدكتور يتعرف عليكي ولو تمام وقبل انك تشتغلي
يبقى من بعد بكرة هتستلمي شغلك
رئيسة وفتحت عنيها على اخرها.ايه ده هو ممكن مقبلش انى اشتغل
يامصيبتى
طيب واروح فين لو عمل كده
ده انا جاية بطولى
اسامة متابع الطريق.متقلقيش هو احتمال ضعيف لأنه كده كده عارف كل بياناتك والتفاصيل
وياستى لا قدر الله حتى لو حصل ده
هو ملزم يرجعك بلدك زى ما جابك
او يوفرلك سكن مؤقت لحد ما تلاقى شغل تانى
رئيسة.ربنا يستر بقى
هو عالم بالحال
بس انا هنام فين النهاردة فيه مكان ابات فيه ولا ايه
انا جاية هنا معرفش اى حاجة ولا اعرف اى حد غيرك
وبعدين الصراحة بقى
جاية وكل الفلوس اللى معايا خمسة جنيه
اسامة وعنيه راحت لرئيسة فى نظرة خاطفة.خمسة جنيه
معقول
جاية بلد تانية بعيد عن بلدك ومالكيش فيها مكان ولا حد
وكل اللى معاكى خمسة جنيه
افرضى كنتى جيتى وملقيتيش حد مستنيكي
ولا ركبتى مواصلات
وعملتنا غير عملتكم
يعنى اللى معاكي دول يادوب يوصلوكى لنص الطريق حتى متوصليش مكتبنا
رئيسة بأحراج.معلش اكيد ابويا كان عارف انك هتبقى مستنينى
وبعدين انا مش مسافرة لواحدى اختى كمان كانت مسافرة بلد لبنان
وانا وهى محتاجين فلوس
غير اخويا الكبير مسافر هو كمان وهيحتاج فلوس
واحنا الحمد لله ظروفنا على قدنا اوي
كتر خيره انا اول مرة فى حياتى امسك خمسة جنيه مرة واحدة
اسامة.طيب مالك مكسوفة كده ليه
عادي ياستى
كلنا على قد الحال
وبالسعي ربنا بيكرم وبيوسع الرزق
وبعدين اعتبرينى اخوكي هنا
واللى تحتاجيه لحد ما تقبضى اول مرتب ليكي
اطلبيه مني
رئيسة بأحراج وابتسامة.كتر الف خيرك
اسامة.انتى دلوقتى هتروحى على بيت اخت واحد صاحبى
لأن سكن البنات مفيش فيه اى مكان فاضى الفترة دى
ومتقلقيش امان يعنى
لحد الصبح بس
هنروح للدكتور
وكل الامور هتتحل واحدة واحدة
رئيسة.اخت صاحبك دى عايشة لواحدها
ولا ايه
اسامة بيضحك.اه لواحدها هى متجوزة لكن جوزها مسافر
واخوها عايش معايا انا فى بيتى
رئيسة.معلش بلاش تضايق من كلامي الكتير
انا بس علشان اول مرة ابات برة بيتنا
وبعيد عن اهلي
فتلاقينى خايفة شويتين
سامحني بقى
وقف اسامة العربية وبص لرئيسة وهو مبتسم.استني بقى هنا هنزل اجيبلك شوية طلبات علشان لما تروحي عند نسمة
لو حبيتى تاكلى او تاخدى حمام
او تشربي اى حاجة تبقى رايحة بكل حاجتك
انا عارف هى مش هتحتاج للحاجة دى خالص
بس برضه علشان منبقاش رايحين نتقل عليها
او تفكر اننا مش بنفهم فى الاصول يعنى
رئيسة.طيب وانت ذنبك ايه بس فى المصاريف دى
اسامة.لاء متقلقيش
انا هحاسب عليها الدكتور طاهر لأنه المفروض يكون متكفل بيكي من اول ما توصلى على حدود البلد
رئيسة.ان شالله تسلم
فعلا اتحرك اسامة ونزل اشترى طلبات لرئيسة
وكأنه بيشترى طلبات بيته
فاكهة وعصائر
وخضار وكأنها هتعيش عند نسمة اسبوع مش يوم واحد
وكانت صعبانة عليه رئيسة
برغم انها مش اول بنت تيجي تشتغل وتكون مغتربة
وفى نفس الوقت ده
وصلت فاطمة على لبنان
اخيرا
كان صوت دقات قلبها بسبب سرعته هى حاسة ان كل الناس حواليها سامعاه
متوترة
وخايفة جدا
وكانت بترتعش
وكأنها قاتلة قتيل
كانت مش عارفة المفروض تعمل ايه
ولا تروح فين ولا تيجي منين
واقفة على باب المطار حتى مش عارفة لو اخدت عربية توصلها هتروح بيها على فين
وعلى نفس الحال ده انتظرت فاطمة اكتر من ساعة
ناس حواليها خارجة من المطار وناس داخلة
وهى مكانها
ابتديت عنيها تلمع بالدموع
وتكلم نفسها.يارب يعنى مش كفاية متغربة
كمان تايهة ومش عارفة اعمل ايه
دبرها من عندك يا حلال العقد
وبمجرد ما خلصت فاطمة دعوتها
ظهرت قدامها سيارة فخمة
وتدل على ثراء صاحبها
وقفت بالظبط قصادها
لكن فاطمة مستمرة تلتف حواليها فى كل مكان على امل انها تلاقى حد يدلها على اى حاجة تفيدها
نزل من سيارته
شاب جميل
ابيض البشرة طويل القامة وشعره باللون البني
وعنيه خضراء
وعريض المنكبين
كأنه رياضى
الشاب.مساء الخير
انتى انسة فاطمة
فاطمة بخوف.ايوة انا
الشاب.انا اسمى محمد جميل
ابن صاحب المنزل اللى انتى جايه علشان تستلمى فيه الشغل
بعتذر اتاخرت عنك شوية
بس كان عندى شوية شغل
فاطمة بخجل.الحمد لله
انا كنت مرعوبة
بقالى ساعة هنا ومش عارفة اعمل ايه
محمد.اسف
فاطمة بتوتر.لاء انا اللى اسفة
بس خوفت
انا غريبة هنا
ومش عارفة اتصرف
كتر خيرك انك جيت شكرا
محمد.طيب ممكن بقى تتفضلى تركبى العربية
لأن ماما من بدرى جدا وهى قلقانة عليكي انك توصلى ومتلاقيش حد فى انتظارك