الفصل الرابع
صباح يوم السفر
فى المنزل
ام سيد بدموع.خلاص هتسافروا
البيت هيفضى عليا
هصحى من النوم مش هسمع صوتكم
ولا احس بنفسكم فى البيت
سيد.لاء يا ست الستات
انا لسه اهو معاكى
مش هسافر
ياسر بأبتسامة.ما هى مش بتتكلم عنك انت
بتتكلم على حبايب قلبها
ام سيد بدموع وحزن.يعنى يا سيد لسه قاعد معايا لحد امتى
ده انت مسافر بعد بكرة
وبعدين انتم كلكم حتة من قلبى
رئيسة.ياسر هيهون عليكي
هيعملك فى البيت اصواتنا كلنا
معلش يمة
ادعيلنا بس ربنا يفتحها فى وشنا
ويعوض علينا بالخير
ام سيد.يارب يا بنتى يا حبيبتى
ربنا يفتح فى وشكم كل ابواب الرزق
ويحنن عليكم قلوب كل اللى يشوفكم يارب
ام سيد لاحظت فاطمة وسكوتها وحزنها.بلاش توجعى قلبى عليكي يا فاطمة
فاطمة بترسم ابتسامة خفيفة.سلامة قلبك يمة
ليه بتقولى كده
ام سيد.هو انتى فاكرة انى مش فاهماكى
ده انا بعرفك من عنيكي
ياسر.اه جينا بقى للكلام اللى يقطع القلب
فاطمة بتبتسم.لا ابدا يمة انا كويسة
انتى بس هتوحشينى
واخواتى كمان
دى اول مرة هنبعد عن بعض
سيد.ربنا هيجمعنا على خير تانى يا فاطمة
المهم انتم بس تخلوا بالكم من نفسكم
واوعوا تدوا فرصة لحد انه يزعلكم ولا يعمل حاجة مينفعش تقبلوها
وتضطروا تقبلوها وتسكتوا
رئيسة.عيب عليك يا سيد
اخواتك رجالة
انت ناسى ان انت اللى مربينا ولا ايه
سيد بأبتسامة.انا مش خايفة تغلطوا يا رئيسة
انا خايف حد يزعلكم مش اكتر
لكن انا عارف اخواتى لو اتحطوا وسط بلد مفيهاش غير رجالة
هيعرفوا يحافظوا على نفسهم
عبدالله داخل من باب البيت.يلا يابنات
علشان منتأخرش
ام سيد دموعها نازلة وكأنها مش هتشوف بناتها تانى
بتحضنهم وبتتمنى ان الحضن ده مينتهيش
فاطمة موجوعة وحزينة
لكن بتحاول متضعفش قصاد امها
علشان متزودش حزنها
رئيسة.يلا نستودعكم الله بقى
دعواتكم لينا
كان كل حد منهم متأثر بطريقته الخاصة بيه
وكل واحد منهم موجوع من الفراق بس بيدارى ده جواه
علشان بس امهم متتعبش
سيد كان بيتمنى ان تحصل اى حاجة تعطل سفر اخواته
لكن للأسف ده محصلش
ياسر برغم انه شايف ان دى فرصة لأخواته انهم ممكن يعيشوا حياة افضل من اللى عايشينها حاليا
لكن كمان هيسيبوا فراغ كبير فى حياته وفى البيت
عبدالله مش باين عليه هو زعلان او بعد اولاده عنه مأثر عليه او لاء
كل تصرفاته طبيعية جدا
ومفيش فيها اى مشاعر ولا رد فعل
حتى قبل ما كل واحدة تبدأء رحلتها
سلامه عليهم كان خالى من اى احساس او مشاعر
برغم انه بيحبهم ومش بيكرههم
فى البيت
ام سيد قلبها واجعها
ودموعها مش بتقف
ياسر بمرح.وبعدين بقى يا ست الكل
هتفضلى تعيطي كده كتير
هيروحوا فين يعنى
ده انتى اى وقت تحبى تروحيلهم
هتصحى الصبح تلبسى ملايتك اللف
وتخرجى تروحى تخبطى على بابهم
ابتسمت ام سيد.ياريت يا بنى كان ينفع ده اللى يحصل
مش عارفة يا يا سر ليه ابوك يعمل كده
م احنا عايشين
جاب قرش جاب جنيه
بناكل وبنشرب وبنحمد ربنا
وسيد اخوك شغال
وبيساعد معاه
ليه يشحططهم ويبعدهم عن حضننا مش فاهمة
ياسر مقتنع بكلام والدته
لكن هو عارف ان مهما كان الكلام اللى هيتقال
مش هيغير اى حاجة
وده كان السبب فى انه ياخد الموضوع بسلاسة وهدوء
ويقتنع ان هو ده الصح واللى فيه مصلحة لأخواته
ويمكن له هو كمان
ياسر.يا امى
الكلام اللى يزعل ده ولا هيقدم ولا هيأخر
بلاش تتعبى نفسك
وتتعبينا احنا كمان علشانك
ابويا نفسه الجنيه اللى بيدفعه فى البيت
يكون ربع جنيه
وده مش هيحصل
غير لما احنا نبقى مش معاكم
علشان ميبقاش ملزم انه يأكل بدل الواحد خمسة
واحنا عارفين ده وبنعمل نفسنا مش واخدين بالنا
خلى اللى تيجي له فرصة
انه يعيش حياة جديدة فى مكان جديد
بلاش نضيعها عليه
ومرة واتنين وتلاتة
قولنالهم لو حصلت حاجة فوق طاقتكم
ارجعوا
ام سيد بعدم راحة.ربنا يجيب العواقب سليمة
انا مش مرتاحة يا ياسر يابنى
بس هقول ايه
ربنا عنده كتير بقى
قادر يحافظ عليهم
دخل سيد من الباب
بعد ما راح وصل اخواته مع عبدالله
اول والدته ما شافته
زادت دموعها
سيد بحزن.لاحول ولا قوة الا بالله
وبعدين بقى يا ست الكل
مش قولنا اطمنى
هما مبسوطين
وفرحانين اوى
وان شاء الله السفر ده يكون فاتحة خير علينا كلنا
ياسر بمرح.ده اللى بقوله من الصبح والله
يلا بقى عقبال ما تمشى انت كمان والبيت يفضى
سيد بأبتسامة حزينة.اشبع بيه
ابقى شوف مين هيستحمل رخامتك
وكلام ابو دم تقيل
ام سيد.ربنا يخليكم لبعض
ويبعد عنكم الشيطان يا حبايبى
ويطمن قلبى عليكم
تفتكروا يا ولاد ربنا هيطول فى عمرى لحد م اشوفكم مرة تانية
ياسر/سيد.بعد الشر عنك يا ست الكل
ربنا يطول فى عمرك
ويباركلنا فى صحتك
وتشوفى عيال عيالنا كمان
ام سيد بتبتسم.كمان عيال عيالكم
يامين يعيش يا حبايبى
يلا الحمد لله
ربنا يجيب العواقب سليمة
انا هقوم بقى اعملكم الاكل
سيد بحب.لاء يا ست الكل
انتى اقعدى ملكة النهاردة
وانا بقى اللى هعملك الاكل بأيديا دول
ياسر.اه يابطنى
اهو كده نضمن غسيل معدة
سيد.بلاش تاكل من اللى هعمله
ابقى قوم اعمل لنفسك بقى
ياسر.لاء اعمل ايه
امرى الى الله بقى هاكل اللى انت هتعمله
انا لا بطبخ ولا ليا فى شغل المطابخ ده
سيد.اومال مين اللى هيعمل بعد كده
انت هتخلى امك تقف تطبخلك ولا ايه
ياسر بيبص ناحية امه.متشغلش بالك انت بقى يا عم سيد
انا وست الحبايب هنصرف نفسنا
وبعدين انا هشتغل وكل يوم هجيبلها اكل من برة
لا هوقفها فى مطبخ
ولا انا هقف اطبخ
سيد بيضحك
ام سيد بتبتسم.وانت يا واد يا ياسر شغيل الحق لله
اكل ايه اللى من برة
انت عايز ابوك يروح فيها
ويفكرنا بناخد منه القرش نرميه فى الشارع
عبدالله داخل من باب البيت.بتجيبوا سيرتى ليه
سامع اسمى
ياسر بيضحك.اهو ابن الحلال عند ذكره بيبان
شايفة بقى ابويا ابن حلال ازاى
ام سيد.انت هتقولى
عارفة وعلى يدي
هو فيه زى عبدالله فى الدنيا بحالها
عبدالله مقتنع انها بتغير الكلام.قولى يا ام العيال كنتى جايبة سيرتى بأيه
ام سيد.بالخير كله
سيد.طيب اقوم انا بقى اطبخلكم
ام سيد.اطمنت على البنات ياخويا
عبدالله بثبات.اه توكلوا على الله خلاص
لما يوصلوا هيتصل المخدماتى على تليفون عم مصطفى البقال يطمنا
ام سيد وعلى ملامحها القلق والحزن.ربنا يسترها معاهم
ويطمن قلبى عليهم
عبدالله.خلى قلبك جامد كده
اعتبريهم اتجوزوا
وسافروا مع اجوازهم
ياسر.ايوة يا حاج
بس اتجوزوا هيبقى فيه اللى يخلى باله منهم
لكن هما فى بلاد غريبة لواحدهم
سيد بيخرج رأسه من باب المطبخ.ياسر بلاش تولع الدنيا
سيبك منه يمة
ده عايز يعمل مشكلة بينك وبين ابويا بس
ياسر بتهريج.ياعم سيبنا نضحك شوية بقى
يعنى انت شايفنى بتكلم جد
لكن سيد وامه عارفين ان الجملة اللى ياسر قالها حقيقية
البنات لواحدهم فى بلاد غريبة
لكن لو كل واحدة منهم متجوزة
يمكن كان القلق ده بقى اقل كتير من النار اللى جواهم وبيحاولوا يداروها
فى المنزل
ام سيد بدموع.خلاص هتسافروا
البيت هيفضى عليا
هصحى من النوم مش هسمع صوتكم
ولا احس بنفسكم فى البيت
سيد.لاء يا ست الستات
انا لسه اهو معاكى
مش هسافر
ياسر بأبتسامة.ما هى مش بتتكلم عنك انت
بتتكلم على حبايب قلبها
ام سيد بدموع وحزن.يعنى يا سيد لسه قاعد معايا لحد امتى
ده انت مسافر بعد بكرة
وبعدين انتم كلكم حتة من قلبى
رئيسة.ياسر هيهون عليكي
هيعملك فى البيت اصواتنا كلنا
معلش يمة
ادعيلنا بس ربنا يفتحها فى وشنا
ويعوض علينا بالخير
ام سيد.يارب يا بنتى يا حبيبتى
ربنا يفتح فى وشكم كل ابواب الرزق
ويحنن عليكم قلوب كل اللى يشوفكم يارب
ام سيد لاحظت فاطمة وسكوتها وحزنها.بلاش توجعى قلبى عليكي يا فاطمة
فاطمة بترسم ابتسامة خفيفة.سلامة قلبك يمة
ليه بتقولى كده
ام سيد.هو انتى فاكرة انى مش فاهماكى
ده انا بعرفك من عنيكي
ياسر.اه جينا بقى للكلام اللى يقطع القلب
فاطمة بتبتسم.لا ابدا يمة انا كويسة
انتى بس هتوحشينى
واخواتى كمان
دى اول مرة هنبعد عن بعض
سيد.ربنا هيجمعنا على خير تانى يا فاطمة
المهم انتم بس تخلوا بالكم من نفسكم
واوعوا تدوا فرصة لحد انه يزعلكم ولا يعمل حاجة مينفعش تقبلوها
وتضطروا تقبلوها وتسكتوا
رئيسة.عيب عليك يا سيد
اخواتك رجالة
انت ناسى ان انت اللى مربينا ولا ايه
سيد بأبتسامة.انا مش خايفة تغلطوا يا رئيسة
انا خايف حد يزعلكم مش اكتر
لكن انا عارف اخواتى لو اتحطوا وسط بلد مفيهاش غير رجالة
هيعرفوا يحافظوا على نفسهم
عبدالله داخل من باب البيت.يلا يابنات
علشان منتأخرش
ام سيد دموعها نازلة وكأنها مش هتشوف بناتها تانى
بتحضنهم وبتتمنى ان الحضن ده مينتهيش
فاطمة موجوعة وحزينة
لكن بتحاول متضعفش قصاد امها
علشان متزودش حزنها
رئيسة.يلا نستودعكم الله بقى
دعواتكم لينا
كان كل حد منهم متأثر بطريقته الخاصة بيه
وكل واحد منهم موجوع من الفراق بس بيدارى ده جواه
علشان بس امهم متتعبش
سيد كان بيتمنى ان تحصل اى حاجة تعطل سفر اخواته
لكن للأسف ده محصلش
ياسر برغم انه شايف ان دى فرصة لأخواته انهم ممكن يعيشوا حياة افضل من اللى عايشينها حاليا
لكن كمان هيسيبوا فراغ كبير فى حياته وفى البيت
عبدالله مش باين عليه هو زعلان او بعد اولاده عنه مأثر عليه او لاء
كل تصرفاته طبيعية جدا
ومفيش فيها اى مشاعر ولا رد فعل
حتى قبل ما كل واحدة تبدأء رحلتها
سلامه عليهم كان خالى من اى احساس او مشاعر
برغم انه بيحبهم ومش بيكرههم
فى البيت
ام سيد قلبها واجعها
ودموعها مش بتقف
ياسر بمرح.وبعدين بقى يا ست الكل
هتفضلى تعيطي كده كتير
هيروحوا فين يعنى
ده انتى اى وقت تحبى تروحيلهم
هتصحى الصبح تلبسى ملايتك اللف
وتخرجى تروحى تخبطى على بابهم
ابتسمت ام سيد.ياريت يا بنى كان ينفع ده اللى يحصل
مش عارفة يا يا سر ليه ابوك يعمل كده
م احنا عايشين
جاب قرش جاب جنيه
بناكل وبنشرب وبنحمد ربنا
وسيد اخوك شغال
وبيساعد معاه
ليه يشحططهم ويبعدهم عن حضننا مش فاهمة
ياسر مقتنع بكلام والدته
لكن هو عارف ان مهما كان الكلام اللى هيتقال
مش هيغير اى حاجة
وده كان السبب فى انه ياخد الموضوع بسلاسة وهدوء
ويقتنع ان هو ده الصح واللى فيه مصلحة لأخواته
ويمكن له هو كمان
ياسر.يا امى
الكلام اللى يزعل ده ولا هيقدم ولا هيأخر
بلاش تتعبى نفسك
وتتعبينا احنا كمان علشانك
ابويا نفسه الجنيه اللى بيدفعه فى البيت
يكون ربع جنيه
وده مش هيحصل
غير لما احنا نبقى مش معاكم
علشان ميبقاش ملزم انه يأكل بدل الواحد خمسة
واحنا عارفين ده وبنعمل نفسنا مش واخدين بالنا
خلى اللى تيجي له فرصة
انه يعيش حياة جديدة فى مكان جديد
بلاش نضيعها عليه
ومرة واتنين وتلاتة
قولنالهم لو حصلت حاجة فوق طاقتكم
ارجعوا
ام سيد بعدم راحة.ربنا يجيب العواقب سليمة
انا مش مرتاحة يا ياسر يابنى
بس هقول ايه
ربنا عنده كتير بقى
قادر يحافظ عليهم
دخل سيد من الباب
بعد ما راح وصل اخواته مع عبدالله
اول والدته ما شافته
زادت دموعها
سيد بحزن.لاحول ولا قوة الا بالله
وبعدين بقى يا ست الكل
مش قولنا اطمنى
هما مبسوطين
وفرحانين اوى
وان شاء الله السفر ده يكون فاتحة خير علينا كلنا
ياسر بمرح.ده اللى بقوله من الصبح والله
يلا بقى عقبال ما تمشى انت كمان والبيت يفضى
سيد بأبتسامة حزينة.اشبع بيه
ابقى شوف مين هيستحمل رخامتك
وكلام ابو دم تقيل
ام سيد.ربنا يخليكم لبعض
ويبعد عنكم الشيطان يا حبايبى
ويطمن قلبى عليكم
تفتكروا يا ولاد ربنا هيطول فى عمرى لحد م اشوفكم مرة تانية
ياسر/سيد.بعد الشر عنك يا ست الكل
ربنا يطول فى عمرك
ويباركلنا فى صحتك
وتشوفى عيال عيالنا كمان
ام سيد بتبتسم.كمان عيال عيالكم
يامين يعيش يا حبايبى
يلا الحمد لله
ربنا يجيب العواقب سليمة
انا هقوم بقى اعملكم الاكل
سيد بحب.لاء يا ست الكل
انتى اقعدى ملكة النهاردة
وانا بقى اللى هعملك الاكل بأيديا دول
ياسر.اه يابطنى
اهو كده نضمن غسيل معدة
سيد.بلاش تاكل من اللى هعمله
ابقى قوم اعمل لنفسك بقى
ياسر.لاء اعمل ايه
امرى الى الله بقى هاكل اللى انت هتعمله
انا لا بطبخ ولا ليا فى شغل المطابخ ده
سيد.اومال مين اللى هيعمل بعد كده
انت هتخلى امك تقف تطبخلك ولا ايه
ياسر بيبص ناحية امه.متشغلش بالك انت بقى يا عم سيد
انا وست الحبايب هنصرف نفسنا
وبعدين انا هشتغل وكل يوم هجيبلها اكل من برة
لا هوقفها فى مطبخ
ولا انا هقف اطبخ
سيد بيضحك
ام سيد بتبتسم.وانت يا واد يا ياسر شغيل الحق لله
اكل ايه اللى من برة
انت عايز ابوك يروح فيها
ويفكرنا بناخد منه القرش نرميه فى الشارع
عبدالله داخل من باب البيت.بتجيبوا سيرتى ليه
سامع اسمى
ياسر بيضحك.اهو ابن الحلال عند ذكره بيبان
شايفة بقى ابويا ابن حلال ازاى
ام سيد.انت هتقولى
عارفة وعلى يدي
هو فيه زى عبدالله فى الدنيا بحالها
عبدالله مقتنع انها بتغير الكلام.قولى يا ام العيال كنتى جايبة سيرتى بأيه
ام سيد.بالخير كله
سيد.طيب اقوم انا بقى اطبخلكم
ام سيد.اطمنت على البنات ياخويا
عبدالله بثبات.اه توكلوا على الله خلاص
لما يوصلوا هيتصل المخدماتى على تليفون عم مصطفى البقال يطمنا
ام سيد وعلى ملامحها القلق والحزن.ربنا يسترها معاهم
ويطمن قلبى عليهم
عبدالله.خلى قلبك جامد كده
اعتبريهم اتجوزوا
وسافروا مع اجوازهم
ياسر.ايوة يا حاج
بس اتجوزوا هيبقى فيه اللى يخلى باله منهم
لكن هما فى بلاد غريبة لواحدهم
سيد بيخرج رأسه من باب المطبخ.ياسر بلاش تولع الدنيا
سيبك منه يمة
ده عايز يعمل مشكلة بينك وبين ابويا بس
ياسر بتهريج.ياعم سيبنا نضحك شوية بقى
يعنى انت شايفنى بتكلم جد
لكن سيد وامه عارفين ان الجملة اللى ياسر قالها حقيقية
البنات لواحدهم فى بلاد غريبة
لكن لو كل واحدة منهم متجوزة
يمكن كان القلق ده بقى اقل كتير من النار اللى جواهم وبيحاولوا يداروها