الفصل الثامن
فاتت الليلة على رئيسة ونسمة بعد سهرة فيها كلام كتير كل
واحده قالته عن نفسها
وكأنهم يعرفوا بعض من سنين طويلة
وعند فاطمة فاتت فى النوم اللى راحت فيه بعد م اكلت
ومحسيتش بأى حاجة لحد النهار ما طلع
عند ام سيد فاتت الليلة طويلة
عبدالله نام وكمان ياسر وسيد
لكن ام سيد كانت اول مرة تنام فى بيتها وبناتها مش موجودين فيه
وده كان سبب فى قلقها طول الليل
ودموعها مش بتقف
ولسانها عمال يدعى لبناتها
ان ربنا يوقفلهم اولاد الحلال
اذن الفجر
وقامت ام سيد تتوضى
وتصلى الفجر حاضر
وبعدها رجعت تانى مكانها
وراحت فى النوم اخيرا بعد ما النهار كان بداء يطلع
النهار طلع عند فاطمة
اللى قلقت من النوم وهى بتبص حواليها اول مرة تصحى من
نومها فى مكان غريب
حاولت تفتكر هى فين لحد ما عرفت خلاص انها فى بلد غير
بلدها وبيت غير بيتها
وده مكانها الجديد
ابتسمت وبتفرك عنيها علشان تفوق نفسها
قامت قعدت على السرير وسندت ضهرها
وهى بتكلم نفسها بصوت مسموع.يارب يسرلى امورى
يارب وفقنى وحبب فيا خلقك
يارب استرها معايا
اللهم لا سهل الا ما جعلته سهلا وانت ان شئت تجعل الصعب
سهلا
نزلت رجليها من على السرير وهى مبتسمة
قامت وقفت وراحت ناحية الحمام
غسلت وشها
واسنانها
وخرجت من الحمام راحت على الدولاب اللى فرحت جدا لما
فتحته وشافت فيه هدوم كتير اول مرة يكون عندها هدوم
كتير كده
فاطمة.طيب البس ايه بقى
اطلع هدوم من بتاعت الست لينا
ولا من هدومي
لاء يا بت يافاطمة عيب البسى من هدومك
انتى عايزة الناس تقول انتى جاية مش معاكي هدوم
افرضى هى كانت مبعتتش حاجة ليكي
مش كنتى هتلبسى هدومك
مديت فاطمة ايديها وطلعت فستان من بتوعها
كان على الركبة وبكم
وصدره مربع بس مش مفتوح اوى
لونه ابيض مليان ورود صفرا وحمرا
كان شكله حلو عليها برغم انه باين عليه انه مش جديد
لمت شعرها كله ديل حصان مرفوع
وحطيت على شفايفها زبدة كاكاو بجوز الهند
خليت شفايفها الجميلة فيها لمعة خفيفة
وخرجت من اوضتها وهى متحمسة جدا
راحت على المطبخ من باب البيت نفسه
لسه فاطمة متعرفش ان المطبخ له باب خارجي
خبطت على الباب كان محمد فى اللوبى
قرب من الباب وراح فتح
شاف قدامه فاطمة
وشها منور ومبتسمة وشكلها برغم بساطته جميل
فاطمة بأبتسامة.صباح الخير
محمد.صباح النور
مين حضرتك
فاطمة.انا فاطمة
حضرتك نسيتنى ولا ايه
محمد بأبتسامة.اتفضلى يا فاطمة
لاء فاكرك طبعا
بس شكلك اتغير عن امبارح
فاطمة بخجل.كنت مش نايمة كويس وتعبانة من السفر
معلش ممكن اروح على المطبخ
محمد.اه ممكن طبعا
هو انتى متعرفيش الباب اللى على الجنينة ولا ايه؟
فاطمة.لاء والله معرفش
هو فيه باب تانى؟
انا اسفة انى ضايقتك
محمد مبتسم.لا مش مضايقانى ولا حاجة
انا بس بقولك لأن هناك مفيش باب هتحتاجى تخبطي عليه
وتستنى اللى يفتحلك
انتى هتفتحى الباب وتدخلى علطول
وبعدين حد يضايق وهو شايف الوش الحلو ده
فاطمة وشها احمر وسخن من الاحراج.كتر خيرك
اروح منين بقى المطبخ
محمد مركز مع فاطمة وبيشاور بأيديه على باب المطبخ
من غير ما يتكلم
سابته فاطمة وراحت بسرعة على المطبخ
وهى حاسة ان سخونية وشها باينة من عنيها
بسبب مجاملة محمد ليها
دخلت جرى على المطبخ
وكانت سارة ورغد قاعدين يشربوا الشاى
سارة بأستغراب.مالك يا فاطمة داخلة تجرى كده ليه
ووشك احمر؟
فاطمة بأحراج.مفيش انا اتكسفت معرفش ان المطبخ له باب
تانى
خبطت والبيه فتحلى
دمى اتصفى من الكسوف
رغد ابتسمت
سارة.طيب محصلش حاجة لكل ده
عادى هما عارفين ان انتى لسه جديدة هنا
واكيد لسه مش عارفة البيت كويس
وبعدين انا اللى غلطانة نسيت امبارح اقولك على الباب
عموما سيبك بقى من كل ده اللى حصل حصل
تعالي اشربى معانا شاى
فاطمة ابتسمت.صباح الخير
معلش انا دخلت كده زى القضا المستعجل
رغد/سارة.صباح الخير
رغد.ولا يهمك
تعالى اقعدى هعملك حاجة تفطرى بيها
واشربي معانا الشاى
فاطمة قعدت وهى بتبص لسارة ومبتسمة
سارة.انتى للدرجة دى بتتكسفي
ولا لسه علشان الجو جديد عليكي
فاطمة.انا بتكسف وكمان الوضع كله جديد عليا
مش عارفة المفروض ابقى بتصرف ازاى
وبعدين انا حياتى كلها متكلمتش فيها غير مع 3 رجالة بس
ابويا
وسيد اخويا
وياسر اخويا
علشان كده مبعرفش اعمل ايه لو راجل وقف قصادى واتكلم
معايا
سارة.هو يعنى فتح معاكي كلام؟
فاطمة افتكرت كلامه وابتسمت.لالا هو بس قاللى انتى
متعرفيش ان المطبخ له باب تانى
حسيت ان ده ضايقه
انى خبطت على الباب برة
سارة.لاء متقلقيش
هما بيقدروا الاسباب
يعنى بما ان دى اول مرة تتصرفى فيها كده
مش هيركزوا فى التصرف ده
هيقدروا انك لسه متعرفيش اى حاجة عن المكان
وانا بعد ما تفطرى والهانم تخرج
هعرفك على البيت كله
فاطمة.ربنا يطمنك
رغد رايحة ناحيتهم معاها صنية عليها ساندوتشين
وكوباية شاى.اتفضلى يا ست فاطمة
متتعوديش على الدلع ده
ها
علشان بس لسه جديدة
لازم نوريكي اصول الضيافة
فاطمة ب ود.تسلم ايديكي
كفاية مقابلتكم ليا
مش محتاجة حاجة تانية تعرفنى اصول
الضيافة عاملة ازاى
خلاص عرفت
ربنا يديم بينا المعروف
وتكونوا انتم سبب تقصير تعب الغربة
عن اهلى وبيتى
رغد.بلاش نكد بقى
خلاص انسى
احنا هنا اهلك
وده بقى بيتك
خليكى مقتنعة بالكلام ده
علشان تقدرى ترتاحى وتشتغلى وبالك رايق
لأن طول م انتى بتفكرى فى بلدك واهلك
هتفضلى حاسة انك موجوعة وحزينة من جواكي على بعدك
عنهم
احنا هنا بنهون على بعض
فاطمة دمعت وابتسمت بحزن.هحاول اعمل اللى بتقولى عليه
يا رغد
الموضوع صعب اوى عليا
بس هحاول والله
سارة.برافو عليكي
المهم تحاولى
ومع الوقت هتتعودى على المكان هنا
وهتنسى اللى انتى حاسة بيه دلوقتى ده
كلنا كنا كده اول ما جينا
بس خلاص لما بقينا نخرج من هنا
بنستنى امتى هنرجع تانى
والبيت بيوحشنا
صح يا رغد
رغد بتضحك.طبعا صح
سارة.يلا بقى بطلى كلام وخلصى اكلك والشاى بتاعك
فاطمة بتبتسم.حاضر
وابتديت تاكل
عند رئيسة
رايحة فى النوم
وكأنها بقالها سنة مش بتنام
جرس الباب بيرن
نسمة اللى كانت صاحية راحت تفتح الباب وكان اسامة اللى
واقف قصادها
اسامة.صباح الخير يا نسمة
اسف صحيتك
نسمة بأبتسامة.صباح الورد
لاء خالص انا صاحية
تعالى ادخل
اسامة.لاء ادخل ايه
هى فين رئيسة
الدكتور طاهر مستنينا
نسمة.دى نايمة لسه
غرقانة فى النوم
اسامة.لاء كل ده نوم
صحيها معلش يا نسمة
مستعجل عندى شغل كتير
نسمة.طيب ادخل اشرب اى حاجة وانا هدخل اصحيها
مش هتفضل واقف على الباب كده
اسامة.طيب هدخل اعمل لنفسى فنجان قهوة
خليها تجهز بسرعة يا نسمة
الراجل مستني
نسمة.حاضر ماشى
عقبال ما تخلص قهوتك هتلاقيها جاهزة
يلا ادخل
سابته نسمة ودخلت هى تصحي رئيسة
ودخل اسامة وقفل وراه الباب
وراح على المطبخ
وابتدا يجهز لنفسه فنجان قهوة
نسمة قربت من رئيسة اللى نايمة ورايحة فى النوم وحاضنة
المخدة
وابتديت تمد ايديها على كتفها علشان تصحيها.رئيسة يا رئيسة
اصحي اسامة برة والدكتور مستنيكي علشان الشغل
رئيسة مش حاسة
نسمة.يابنتى اصحي
اسامة هيدخل يصحيكي بنفسه بعدين
يلا قومي
بدل ما يرجعك بلدك فى اول عربية
رئيسة بكسل بتتقلب وهى بتفتح عنيها بالعافيه
وبتبص لنسمة.صباح الخير
نسمة.صباح النور
ايه الكسل ده كله
يلا اصحي واجهزى بسرعة اسامة برة
رئيسة ولسه النوم فى عنيها.اسامة مين
وبرة فين
نسمة بتضحك.ياخبر ابيض عليكي
انتى شاربة حاجة فى الحلم ولا ايه
اسامة اللى هيوديكي الشغل
وبرة هنا عندى فى البيت
رئيسة فتحت عنيها على اخرها.احيه افتكرت
يالهوى
هيبهدلنى صح
نسمة بتضحك.لو مقومتيش حالا وجهزتى فى دقايق
فعلا اتأكدى انه هيبهدلك
رئيسة قامت بسرعة من على السرير.طيب هو برة فين يعنى
هعرف اروح الحمام ولا ايه
نسمة.طيب انا هطلع اقف معاه فى البلكونة
وانتى روحى على الحمام
واجهزى بسرعة لأنه مستعجل جدا
رئيسة.حاضر
انا عارفة بس ايه اللى نيمنى على السرير الكبير ده لواحدى
يلا روحى بقى عطليه الله يخليكي
نسمة خرجت وهى بتضحك
ورئيسة فتحت شنطتها وطلعت هدومها منها
وخرجت على باب الاوضة تراقب الوضع برة واول ما اتأكدت
ان نسمة اخدت اسامة ودخلوا سوا البلكونة
جريت على برة دخلت الحمام
اخدت دش بسرعة
وغيرت هدومها وسرحت شعرها وعملته كعكه مرفوعة
وخرجت من الحمام
كل ده قبل اسامة ما يخلص القهوة بتاعته
رئيسة.ايه ده
انت لسه مخلصتش قهوتك
شكلك كده هتعطلنى
بص انا جاهزة ومش عايزة اقل مزاجك
لكن هتضيع عليا الشغل بالعطلة بتاعتك دى
اسامة فتح عنيه على اخرها وبص لرئيسة.لا والله
انتى بتقولى الكلام ده ليا انا
نموسيتك بمبى يا ست هانم
رئيسة.ليه بس
ما انا جاهزة اهو
ومستعدة للشغل حالا
يلا بينا
اسامة.لاء بقى لما اشرب قهوتى
هو مش انا اللى معطلك
خلى العطلة تكمل
نسمة بتضحك.طيب اشرب قهوتك على مهلك
تكون هى اكلت اى حاجة بدل ما تنزل كده على لحم بطنها
اسامة.كمان هتأكليها
يلا خليها تعطلنا زيادة
رئيسة بتضحك.لاء انا باكل بسرعة
بس هى نسمة عندها حق
يرضيك يعنى اروح اقول للراجل ان انت مجوعني
هيقول عنك ايه
اسامة ضحك على طريقتها.طيب يا نسمة
بس بسرعة الله يخليكي
الدكتور ده وقته مش ملكه
وبيحب الدقة فى المواعيد زى عنيه
نسمة.مش هأخرك متقلقش
بسرعة هتكون فطرت وانزلوا علطول
هتلحق ميعادك متقلقش
اسامة.طيب ماشى
واحده قالته عن نفسها
وكأنهم يعرفوا بعض من سنين طويلة
وعند فاطمة فاتت فى النوم اللى راحت فيه بعد م اكلت
ومحسيتش بأى حاجة لحد النهار ما طلع
عند ام سيد فاتت الليلة طويلة
عبدالله نام وكمان ياسر وسيد
لكن ام سيد كانت اول مرة تنام فى بيتها وبناتها مش موجودين فيه
وده كان سبب فى قلقها طول الليل
ودموعها مش بتقف
ولسانها عمال يدعى لبناتها
ان ربنا يوقفلهم اولاد الحلال
اذن الفجر
وقامت ام سيد تتوضى
وتصلى الفجر حاضر
وبعدها رجعت تانى مكانها
وراحت فى النوم اخيرا بعد ما النهار كان بداء يطلع
النهار طلع عند فاطمة
اللى قلقت من النوم وهى بتبص حواليها اول مرة تصحى من
نومها فى مكان غريب
حاولت تفتكر هى فين لحد ما عرفت خلاص انها فى بلد غير
بلدها وبيت غير بيتها
وده مكانها الجديد
ابتسمت وبتفرك عنيها علشان تفوق نفسها
قامت قعدت على السرير وسندت ضهرها
وهى بتكلم نفسها بصوت مسموع.يارب يسرلى امورى
يارب وفقنى وحبب فيا خلقك
يارب استرها معايا
اللهم لا سهل الا ما جعلته سهلا وانت ان شئت تجعل الصعب
سهلا
نزلت رجليها من على السرير وهى مبتسمة
قامت وقفت وراحت ناحية الحمام
غسلت وشها
واسنانها
وخرجت من الحمام راحت على الدولاب اللى فرحت جدا لما
فتحته وشافت فيه هدوم كتير اول مرة يكون عندها هدوم
كتير كده
فاطمة.طيب البس ايه بقى
اطلع هدوم من بتاعت الست لينا
ولا من هدومي
لاء يا بت يافاطمة عيب البسى من هدومك
انتى عايزة الناس تقول انتى جاية مش معاكي هدوم
افرضى هى كانت مبعتتش حاجة ليكي
مش كنتى هتلبسى هدومك
مديت فاطمة ايديها وطلعت فستان من بتوعها
كان على الركبة وبكم
وصدره مربع بس مش مفتوح اوى
لونه ابيض مليان ورود صفرا وحمرا
كان شكله حلو عليها برغم انه باين عليه انه مش جديد
لمت شعرها كله ديل حصان مرفوع
وحطيت على شفايفها زبدة كاكاو بجوز الهند
خليت شفايفها الجميلة فيها لمعة خفيفة
وخرجت من اوضتها وهى متحمسة جدا
راحت على المطبخ من باب البيت نفسه
لسه فاطمة متعرفش ان المطبخ له باب خارجي
خبطت على الباب كان محمد فى اللوبى
قرب من الباب وراح فتح
شاف قدامه فاطمة
وشها منور ومبتسمة وشكلها برغم بساطته جميل
فاطمة بأبتسامة.صباح الخير
محمد.صباح النور
مين حضرتك
فاطمة.انا فاطمة
حضرتك نسيتنى ولا ايه
محمد بأبتسامة.اتفضلى يا فاطمة
لاء فاكرك طبعا
بس شكلك اتغير عن امبارح
فاطمة بخجل.كنت مش نايمة كويس وتعبانة من السفر
معلش ممكن اروح على المطبخ
محمد.اه ممكن طبعا
هو انتى متعرفيش الباب اللى على الجنينة ولا ايه؟
فاطمة.لاء والله معرفش
هو فيه باب تانى؟
انا اسفة انى ضايقتك
محمد مبتسم.لا مش مضايقانى ولا حاجة
انا بس بقولك لأن هناك مفيش باب هتحتاجى تخبطي عليه
وتستنى اللى يفتحلك
انتى هتفتحى الباب وتدخلى علطول
وبعدين حد يضايق وهو شايف الوش الحلو ده
فاطمة وشها احمر وسخن من الاحراج.كتر خيرك
اروح منين بقى المطبخ
محمد مركز مع فاطمة وبيشاور بأيديه على باب المطبخ
من غير ما يتكلم
سابته فاطمة وراحت بسرعة على المطبخ
وهى حاسة ان سخونية وشها باينة من عنيها
بسبب مجاملة محمد ليها
دخلت جرى على المطبخ
وكانت سارة ورغد قاعدين يشربوا الشاى
سارة بأستغراب.مالك يا فاطمة داخلة تجرى كده ليه
ووشك احمر؟
فاطمة بأحراج.مفيش انا اتكسفت معرفش ان المطبخ له باب
تانى
خبطت والبيه فتحلى
دمى اتصفى من الكسوف
رغد ابتسمت
سارة.طيب محصلش حاجة لكل ده
عادى هما عارفين ان انتى لسه جديدة هنا
واكيد لسه مش عارفة البيت كويس
وبعدين انا اللى غلطانة نسيت امبارح اقولك على الباب
عموما سيبك بقى من كل ده اللى حصل حصل
تعالي اشربى معانا شاى
فاطمة ابتسمت.صباح الخير
معلش انا دخلت كده زى القضا المستعجل
رغد/سارة.صباح الخير
رغد.ولا يهمك
تعالى اقعدى هعملك حاجة تفطرى بيها
واشربي معانا الشاى
فاطمة قعدت وهى بتبص لسارة ومبتسمة
سارة.انتى للدرجة دى بتتكسفي
ولا لسه علشان الجو جديد عليكي
فاطمة.انا بتكسف وكمان الوضع كله جديد عليا
مش عارفة المفروض ابقى بتصرف ازاى
وبعدين انا حياتى كلها متكلمتش فيها غير مع 3 رجالة بس
ابويا
وسيد اخويا
وياسر اخويا
علشان كده مبعرفش اعمل ايه لو راجل وقف قصادى واتكلم
معايا
سارة.هو يعنى فتح معاكي كلام؟
فاطمة افتكرت كلامه وابتسمت.لالا هو بس قاللى انتى
متعرفيش ان المطبخ له باب تانى
حسيت ان ده ضايقه
انى خبطت على الباب برة
سارة.لاء متقلقيش
هما بيقدروا الاسباب
يعنى بما ان دى اول مرة تتصرفى فيها كده
مش هيركزوا فى التصرف ده
هيقدروا انك لسه متعرفيش اى حاجة عن المكان
وانا بعد ما تفطرى والهانم تخرج
هعرفك على البيت كله
فاطمة.ربنا يطمنك
رغد رايحة ناحيتهم معاها صنية عليها ساندوتشين
وكوباية شاى.اتفضلى يا ست فاطمة
متتعوديش على الدلع ده
ها
علشان بس لسه جديدة
لازم نوريكي اصول الضيافة
فاطمة ب ود.تسلم ايديكي
كفاية مقابلتكم ليا
مش محتاجة حاجة تانية تعرفنى اصول
الضيافة عاملة ازاى
خلاص عرفت
ربنا يديم بينا المعروف
وتكونوا انتم سبب تقصير تعب الغربة
عن اهلى وبيتى
رغد.بلاش نكد بقى
خلاص انسى
احنا هنا اهلك
وده بقى بيتك
خليكى مقتنعة بالكلام ده
علشان تقدرى ترتاحى وتشتغلى وبالك رايق
لأن طول م انتى بتفكرى فى بلدك واهلك
هتفضلى حاسة انك موجوعة وحزينة من جواكي على بعدك
عنهم
احنا هنا بنهون على بعض
فاطمة دمعت وابتسمت بحزن.هحاول اعمل اللى بتقولى عليه
يا رغد
الموضوع صعب اوى عليا
بس هحاول والله
سارة.برافو عليكي
المهم تحاولى
ومع الوقت هتتعودى على المكان هنا
وهتنسى اللى انتى حاسة بيه دلوقتى ده
كلنا كنا كده اول ما جينا
بس خلاص لما بقينا نخرج من هنا
بنستنى امتى هنرجع تانى
والبيت بيوحشنا
صح يا رغد
رغد بتضحك.طبعا صح
سارة.يلا بقى بطلى كلام وخلصى اكلك والشاى بتاعك
فاطمة بتبتسم.حاضر
وابتديت تاكل
عند رئيسة
رايحة فى النوم
وكأنها بقالها سنة مش بتنام
جرس الباب بيرن
نسمة اللى كانت صاحية راحت تفتح الباب وكان اسامة اللى
واقف قصادها
اسامة.صباح الخير يا نسمة
اسف صحيتك
نسمة بأبتسامة.صباح الورد
لاء خالص انا صاحية
تعالى ادخل
اسامة.لاء ادخل ايه
هى فين رئيسة
الدكتور طاهر مستنينا
نسمة.دى نايمة لسه
غرقانة فى النوم
اسامة.لاء كل ده نوم
صحيها معلش يا نسمة
مستعجل عندى شغل كتير
نسمة.طيب ادخل اشرب اى حاجة وانا هدخل اصحيها
مش هتفضل واقف على الباب كده
اسامة.طيب هدخل اعمل لنفسى فنجان قهوة
خليها تجهز بسرعة يا نسمة
الراجل مستني
نسمة.حاضر ماشى
عقبال ما تخلص قهوتك هتلاقيها جاهزة
يلا ادخل
سابته نسمة ودخلت هى تصحي رئيسة
ودخل اسامة وقفل وراه الباب
وراح على المطبخ
وابتدا يجهز لنفسه فنجان قهوة
نسمة قربت من رئيسة اللى نايمة ورايحة فى النوم وحاضنة
المخدة
وابتديت تمد ايديها على كتفها علشان تصحيها.رئيسة يا رئيسة
اصحي اسامة برة والدكتور مستنيكي علشان الشغل
رئيسة مش حاسة
نسمة.يابنتى اصحي
اسامة هيدخل يصحيكي بنفسه بعدين
يلا قومي
بدل ما يرجعك بلدك فى اول عربية
رئيسة بكسل بتتقلب وهى بتفتح عنيها بالعافيه
وبتبص لنسمة.صباح الخير
نسمة.صباح النور
ايه الكسل ده كله
يلا اصحي واجهزى بسرعة اسامة برة
رئيسة ولسه النوم فى عنيها.اسامة مين
وبرة فين
نسمة بتضحك.ياخبر ابيض عليكي
انتى شاربة حاجة فى الحلم ولا ايه
اسامة اللى هيوديكي الشغل
وبرة هنا عندى فى البيت
رئيسة فتحت عنيها على اخرها.احيه افتكرت
يالهوى
هيبهدلنى صح
نسمة بتضحك.لو مقومتيش حالا وجهزتى فى دقايق
فعلا اتأكدى انه هيبهدلك
رئيسة قامت بسرعة من على السرير.طيب هو برة فين يعنى
هعرف اروح الحمام ولا ايه
نسمة.طيب انا هطلع اقف معاه فى البلكونة
وانتى روحى على الحمام
واجهزى بسرعة لأنه مستعجل جدا
رئيسة.حاضر
انا عارفة بس ايه اللى نيمنى على السرير الكبير ده لواحدى
يلا روحى بقى عطليه الله يخليكي
نسمة خرجت وهى بتضحك
ورئيسة فتحت شنطتها وطلعت هدومها منها
وخرجت على باب الاوضة تراقب الوضع برة واول ما اتأكدت
ان نسمة اخدت اسامة ودخلوا سوا البلكونة
جريت على برة دخلت الحمام
اخدت دش بسرعة
وغيرت هدومها وسرحت شعرها وعملته كعكه مرفوعة
وخرجت من الحمام
كل ده قبل اسامة ما يخلص القهوة بتاعته
رئيسة.ايه ده
انت لسه مخلصتش قهوتك
شكلك كده هتعطلنى
بص انا جاهزة ومش عايزة اقل مزاجك
لكن هتضيع عليا الشغل بالعطلة بتاعتك دى
اسامة فتح عنيه على اخرها وبص لرئيسة.لا والله
انتى بتقولى الكلام ده ليا انا
نموسيتك بمبى يا ست هانم
رئيسة.ليه بس
ما انا جاهزة اهو
ومستعدة للشغل حالا
يلا بينا
اسامة.لاء بقى لما اشرب قهوتى
هو مش انا اللى معطلك
خلى العطلة تكمل
نسمة بتضحك.طيب اشرب قهوتك على مهلك
تكون هى اكلت اى حاجة بدل ما تنزل كده على لحم بطنها
اسامة.كمان هتأكليها
يلا خليها تعطلنا زيادة
رئيسة بتضحك.لاء انا باكل بسرعة
بس هى نسمة عندها حق
يرضيك يعنى اروح اقول للراجل ان انت مجوعني
هيقول عنك ايه
اسامة ضحك على طريقتها.طيب يا نسمة
بس بسرعة الله يخليكي
الدكتور ده وقته مش ملكه
وبيحب الدقة فى المواعيد زى عنيه
نسمة.مش هأخرك متقلقش
بسرعة هتكون فطرت وانزلوا علطول
هتلحق ميعادك متقلقش
اسامة.طيب ماشى