الفصل الثامن عشر
فاتت فترة
ورجع محمد وكان علطول بيتصل على محل بقالة جنبهم وبيطمن عليها
ودايما يطمنها انه قريب جاى ياخدها
رئيسة كانت بتطمن عليهم عن طريق التليفون وبلغتهم انها حامل
عبدالله ابتدا يهمل شغله وفلوسه ابتديت تخلص
وعارف ان فايزة حامل
وابتديت هى تهينه وتغلط فيه
وبتغفله ولسه محافظة على علاقتها بفتحى
ياسر شغال سواق على تاكسى ومسؤول عن مصاريف امه والبيت اللى بقى احسن شوية من الحال فى الوقت اللى ابوه كان مسؤول عن البيت
وده خلى ام سيد ترجع تانى فى تفكيرها فى انها تتجوز
او انها ترد لعبدالله اللى عمله فيها
وسيد ارتبط وكتب كتابه على بنت اتعرف عليها عن طريق الكفيل بتاعه
كانت احوالهم بتتحسن
لحد ما حصل خبر زلزل الراحة والهدوء اللى عاشوا فيه لفترة
وهو ان الحرب قامت فى لبنان
واتقطعت اخبار محمد تماما
وفى الفترة دى كانت عرفت فاطمة انها حامل
وعاشت اصعب فترة فى حياتها
خاصة ان الورق بتاع جوازها محمد اخده معاه
فاتت فترة حملها
واخوها ياسر هو اللى متحمل كل مسؤلياتها
واخيرا
اتصل اسامة بلغهم ان رئيسة جابت ولد واسمه عادل
وعلى قد ما ياسر وام سيد كانوا فرحانين بالخبر
الا انهم زعلانين ومش قادرين يظهروا فرحتهم كاملة بسبب ظروف فاطمة اللى فرحت جدا لاختها
كانت رئيسة فى ليبيا مبتشتغلش
وكل علاقتها ببيتها اللى جنب بيت نسمة
وهى صاحبتها الوحيدة هناك
واسامة اللى كان شايلها جوه عنيه
سيد اتجوز وتمت الدخلة فى السعودية
وكل علاقته بأهله فى اسكندرية جوابات
وشوية هدايا بيبعتها كل فترة
خاصة انه ابتدا وضعه يتحسن فى شغله
فاطمة جه ميعاد ولادتها
وجابت بنت زى القمر
جمالها لبنانى
بشرة بيضا
وعيون خضرا
وملامح بريئة وصغيرة
كانت ملاك
لكن للأسف اتولدت فى غياب ابوها
وبشكل مخالف للقانون وعن طريق الرشوة لعدم وجود اصل وثيقة الزواج
ياسر قدر يساعد فاطمة انها تطلع اخيرا شهادة ميلاد لبنتها
كانت الايام بتفوت
ومحمد مفيش عنه اى اخبار
ولما بيوصلوا لأى حد مسافر لبنان
كانوا بيوصوه يعرف اخبار العيلة بتاعت محمد
لكن كل اللى بيجيلهم اخبار مش مؤكدة
خصوصا ان الحرب اتسببت فى ان محدش يفضل فى نفس المكان
منهم اللى يقولهم العيلة دى ماتت فى الحرب
ومنهم اللى يقول سافروا من لبنان
ومنهم اللى يقول نقلوا مكان تانى بس مش عارفين فين بالظبط
كلها اخبار مفيش ولا خبر منهم مضمون
ولا مؤكد
لحد اخيرا ما قرر ياسر انه يسافر السعودية لأن سيد جابله فرصة شغل هناك
وساب فاطمة وام سيد لواحدهم
على وعد منه انه هيرتب اموره
ويخليهم يسافروا يعيشوا هناك
كانت فاطمة علطول مكسورة
صعبان عليها حالها وحال بنتها
لكن مش هتقدر تقول لياسر بلاش تسيبنا وتسافر
حتى ام سيد على قد ما هى بتتمنى ابنها ميبعدش عنها
لكن برضه بتدورله على مصلحته
وفعلا سافر ياسر
وولدت مرات عبدالله
وجابت يوسف
بس اللى حصل ان فايزة ماتت وهى بتولد
وكان عبدالله عايش بيوسف لواحدهم بيستنوا المساعدة من الناس
واخيرا قررت فاطمة انها تسافر بنفسها لبنان تدور على جوزها
اللى غاب كتير
وهى حياتها واقفة
لا عارفة هى متجوزة ولا مطلقة
ولا حتى ارملة
لكن فكرة سفرها كانت صعبة
لازم حد يوافق على سفرها
ام سيد.بقولك ايه يابت يا فاطمة
انتى عارفة انتى محتاجة ايه علشان تعرفى تسافرى
فاطمة بحزن.محتاجة لأيه يمة
ام سيد.محتاجة تتجوزى
فاطمة بصدمة.يامصيبتى
اتجوز ايه يمة
انتى ناسية انى على ذمة راجل
ومسافرة اخر الدنيا علشان اعرف اوصله
ام سيد.يابت يا هبلة
انتى فهمتى ايه
اقصد جواز على ورق بس علشان يوافقلك على السفر
ماهو ابوكي مش موجود علشان هو الل يمضيلك
واخواتك وربنا يوفقهم محدش منهم هنا
هنعمل ايه بقى غير ان انتى لازم يكون فيه راجل يوافقلك على السفر
فاطمة وهى بتفكر فى الكلام سرحت فى الفكرة
ام سيد.صدقينى يا فاطمة
مفيش غير الفكرة دى اللى هتخليكي تسافرى
فاطمة بأقتناع.تصدقى عندك حق يمة
بس مين ده اللى هنلاقيه يرضى يتجوز بالشكل ده
يكون مجرد اسم فى قسيمة وخلاص
ام سيد.متقلقيش انا هتصرف
هكلم ام هشام جارتنا
هى تعرف ناس كتير
وهتشوفلنا حد يرضى باللى احنا عايزينه
واحنا مش هنعوز منه حاجة
فاطمة بتبص لبنتها اللى نايمة.خلاص يمة اللى انتى شايفاه
فعلا ام سيد كلمت ام هشام جارتها
واخيرا وصلوا للعريس اللى يوافق على اللى هما عايزينه
شاب طول بعرض
ووسامة
اسمه عمار
اصغر من فاطمة ب 3 سنين
وافق على عرضهم
واتكتب الكتاب بمنتهى الهدوء
لأن المفروض ان الجواز له هدف معين
لكن اللى حصل بعد كتب الكتاب كان مختلف
وهو ان عمار عجبته فاطمة
وقدر يقنعها انهم متجوزين فى الحلال وعلى سنة والله ورسوله
وده ميمنعش ان يحصل بينهم علاقة
بالعكس ده حلال
ومع الحاح عمار على فاطمة
رغبتها ونفسها ضعفت
وتعاملت معاه معاملة الازواج
ودى كانت اللحظة اللى بعدها قرر عمار ان فاطمة دى ملكه لواحده وانها من حقه
ورجع فى اتفاقه
وقرر انها مراته اللى مش هيسيبها
ولا هيسمحلها تسافر
وللاسف
بعد محاولات كتير من فاطمة وام سيد
وحتى الجارة ام هشام اللى كانت طرف فى الاتفاق
عمار اصر على قراره
فاطمة بنت جميلة ومش سهل ان راجل يبعد عنها
غير انه عايش معاها فى بيت امها
يعنى مش مطلوب منه يجيب بيت
كانت فاطمة قليلة الحيلة
ولانها ضعفت مرة واحدة
على اثرها عاشت عمر طويل اوى مع عمار
اما محمد اثره انتهى تماما
رئيسة استقرت فى ليبيا وخلفت بدل الطفل عشر اطفال ما بين اولاد وبنات
والدنيا ماشية معاهم كويسة
ياسر كمان اتجوز فى السعودية
وبعتوا لأمهم راحت تعمل حج وعمرة
وللأسف توفيت وهى هناك
اما عبدالله شاف انه مالهوش مكان غير انه يرجع تانى لعياله
بعد ما حس انه مش عارف يتحمل مسؤلية يوسف
وفعلا رجع لفاطمة
ومعاه يوسف
وقرر انه يسيب معاشه لفاطمة وهى اللى تكون مسؤولة عن مصروف البيت
وتتحمل مسؤلية يوسف
وفاطمة للأسف كان معندهاش اى حاجة تانية تقدر تعملها غير انها توافق
فى الاول والاخر هى عايشة فى بيت ابوها
ممكن يطلعها منه
وهى بقى معاها بنتها من محمد ايمان
ومعاها داليا من عمار
وحامل
كان عمار مش بيتعامل مع عبدالله كويس
لكن فى نفس الوقت ميقدرش يقوله يمشى
فاتت السنين
وفاطمة بقى عندها من عمار 4 اطفال غير ايمان بنت محمد اللى كان مش بيطيقها وبيعاملها اسواء معاملة
خلفت فاطمة داليا ومحمد والتؤام خالد وحسناء
يوسف بيكبر مع ولادها
دخلوا المدارس بسبب قرب السن بتاعهم من بعض
عمار بيشتغل شغل بسيط
ومعاش عبدالله يادوب بيكفيهم
كان حال فاطمة مختلفش كتير عن حال امها لما كانت عايشة مع عبدالله
وكانوا علطول ولادها ناقصهم حاجات كتير
غير الخناق بشكل مستمر بسبب ايمان
وكل فاطمة ماكانت تقعد مع نفسها تفتكر محمد
وتفتكر انها كانت بتحبه
وكانت بتتمنى انها تعيش معاه
اتأقلمت على عمار لأنها ملقيتش اى سبيل للخلاص منه
وخاصة انها خلفت منه
عاشت مستسلمة وضعيفة
كبروا ولادها
ومراحل تعليمهم مختلفة
لكن ايمان محدش بيصرف عليها وعلى تعليمها غير معاش عبدالله
وكانت ايمان ويوسف قريبين جدا من بعض
ايمان كانت جميلة جدا
وكانت بسبب وضعها
مكانتها فى قلب فاطمة اكبر من اخواتها شوية
بسبب انها محستش بوجود اب فى حياتها
وبرغم ان عمار قلبه جامد على اولاده كمان
لكن طبعا على ايمان اكتر
كانت بتفوت السنين ببطء
لكن روتينية
فيها حرمان
لكن برغم عن كده فاطمة اصرت ان اولادها يتعلموا
اما يوسف اكتفى بالأعدادية
ايمان دخلت كلية الاداب
داليا فى دبلوم تجارة
محمد دخل كلية تربية
اما خالد وحسناء فى ثانوية عامة
عاشوا حرمان كتير جدا
اما فاطمة كانت ست سلبية جدا
وكل ما كان عمار يزعل ايمان
كانت تاخدها وتمشى من البيت
ولما تلاقى انها مالهاش مكان تروحله
كانت ترجع تانى وتقبل الذل والاهانة
اخيرا كبر يوسف
وياسر وسيد بعتوله سافرلهم
واتوفى عبدالله
واتوقف المعاش
وبقى دخل البيت فلوس عمار بس
اللى كانت بتكفى الاكل بالعافية
وكانوا بيستنوا اى حد يجيبلهم هدوم
او حد من اخوات فاطمة يبعتوا هدوم هدايا
علاقة فاطمة كانت مميزة ببنتها ايمان بس
لكن داليا كانت كأنها مش موجودة
وده اثر على نفسيتها جدا
خاصة ان ايمان اتخطبت
وده كان سبب اكبر يخلي داليا تغير من اختها
وسبب اكبر يخلي عمار يكره ايمان اكتر
انها تتعلم تعليم احسن من بنته
وكمان تتخطب قبلها
اتجوزت ايمان بعد مساعدات من سيد وياسر ورئيسة اللى بعتتلها شنطة كبيرة مليانه هدوم اشكال والوان
لكن داليا كان كرهها بيزيد
وده كان سبب فى انها تسيب البيت وتطفش
ايمان اتجوزت
اما داليا طفشت
وده كان بيخلى فاطمة تلف الشوارع صبح وليل علشان تلاقى بنتها
هى مش بتكره داليا
لكن كانت ايمان بتصعب عليها
وهى مكانتش بتفهم ده لداليا
اللى كان الفرق بينها وبين ايمان مش كبير
اما محمد كليته كانت فى شبين الكوم
وكان مش بينزل اجازة خالص لأنه كان بيشتغل هناك علشان يقدر يصرف على دراسته
اما خالد وحسناء كانوا شاطرين جدا من غير ما ياخدوا دروس او اى حاجة
لكن دايما كانوا منطويين
بسبب انهم بيحسوا انهم اقل من كل اللى حواليهم
فاطمة.انت ايه يا عمار
هتحس امتى
مفيش عندك قلب
مش موجوع على بنتك اللى سابتنا وطفشت دى
عمار ببرود.دى فاجرة
وهى اللى اختارت
ودى ماتت بالنسبالى
انتى بتدورى عليها
وبعد ما تلاقيها ايه اللى هيحصل
تفتكرى هرجعها البيت ده تانى
انسي
دى ماتت
والبيت ده مش هتعتبه
جابتلنا العار
وفضحتنى وفضحت اخواتها
فاطمة بانفعال.ماهو بسبب بخلك واستخسارك
البنت مستحملتش
عمار بصوت عالى.لاء ياست هانم
بنتك طفشت بسببك
لانك كنتى بتحبى بنت المحروس جوزك الاولانى اكتر منها
ومصاحباها كأنك مخلفتيش غيرها
ونسيتى ان اختها من نفس سنها
وبتشوف وتلاحظ قربك من واحدة وبعدك عنها
عرفتى بقى مين السبب فى انها تطفش
انتى اللى فرقتى فى المعاملة بينهم
الاتنين بناتك
لكن انا واحدة منهم مش بنتى
علشان كده مش هعاملهم زي بعض
فاطمة بدموع.انا كنت بقرب من التانية علشان اعوضها اللى انت مش عارف تعمله معاها اختها كان المفروض تفهم ده
عمار.الاتنين بناتك
وحسناء كمان بنتك
متنسيش انها كمان بتشوف
بس التانية اللى صدمتها كانت اكبر
واهو نتيجة اللى صدمها
طفشت وجابتلنا الفضيحة
ووقفت حال اختها
دورى عليها بقى تلاقيها ولا لاء
مبقاش فارق
حافظى اللى على باقيالك بدل ما تلاقيها هى كمان طفشت
فاطمة بتعيط ومعندهاش حاجة تعملها
غير انها تلف كل مكان على رجليها تسأل وتدور على بنتها
اللى مالهاش اثر
فاتت فترة طويلة اوى وداليا مالهاش اثر
وفاطمة كانت مش بتيأس من انها تدور عليها
اما سيد رجع اخيرا واخد بيت قريب من بيت فاطمة
ومراته وبناته نزلوا عاشوا معاه فى اسكندرية
واخيرا فاطمة حسيت ان لها حد يساعدها فى اللى هى فيه
وفعلا سيد كان حنين عليها وعلى اولادها
وكانت مراته دايما كويسة معاها
وزى ما بتعمل اكل فى بيتها كانت بتعمل حساب فاطمة وولادها
مش بس كده بس
مرات سيد كانت بتنزل مع فاطمة تدور على داليا فى كل مكان
واخيرا وصلوا لناس بلغتهم عن مكان داليا ممكن تكون فيه
فاطمة فرحتها كانت مش سايعاها
خاصة غير ان داليا بنتها وتخاف عليها ووحشتها
الا انها حاسة بذنب كبير ناحيتها
راحت هى ومرات سيد اسمها زينب
العنوان اللى اخدوه من الناس
وكانت الصدمة
داليا حرفيا اتحولت
بنت بلبس خليع
ومكياج اوفر
واخلاق مختلفة
كل حاجة فيها اتحولت
واول ما شافتها فاطمة بالشكل ده خارجة من ملهى ليلي
وقعت من طولها
لكن داليا مخدتش بالها خالص من امها
ولا عرفت حتى انها شافتها
ولا عرفت مكانها
وزينب اتبهدلت لحد ما قدرت تفوق فاطمة وترجع بيها على البيت
وعرف عمار مكان داليا
وتانى يوم راح هو وعمامها واخدوها
وكانت كارثة
رجع عمار البيت مع بنته
وحبسها
وضربها
وحلق شعرها كله
وبعد ما عمل فيها كل ده
قرر انها مش هتعيش فى نفس البيت
وفى الوقت ده قرر سيد انه ياخدها تعيش عنده مع بناته ومع زينب
وكانت فترة طويلة
خلصت حسناء وخالد الثانوى
ودخل هو كلية تجارة
ودخلت حسناء كلية اداب
لكن حسناء كانت طالعة معقدة حرفيا
واحدة من اخواتها جميلة وزى القمر اللى هى ايمان
ومتجوزة
وكمان حامل
اما داليا عايشة فى بيت خالها
وبرغم كل اللى حصل
الا انها عايشة فى بيت الناس اللى فيه مهتمين بيها جدا
وفاطمة كل يوم قاعدة عند اخوها بتهرب من عمار وفى نفس الوقت بتحاول تعوض داليا بعدها عنها
وتعوضها عن اللى هى اتسببتلها فيه
خالد ابتدا يشتغل علشان يقدر يصرف على مصاريف الكلية
محمد دخل الجيش
لكن حسناء كانت علطول لواحدها
غير انها حاسة انها اقل من كل اللى حواليها
وده للأسف خلاها تفقد الثقة فى نفسها
داليا اثناء وجودها عند خالها
شافها واحد صاحب خالها
وله اخ عايش فى الكويت
وعجبته داليا جدا
لأنها جميلة كمان
وطلب من سيد انه يخطبها لأخوه اللى فى الكويت
وكانت فرحة فاطمة بالخبر ده اكبر من الدنيا
اما عمار كان مش اكتر من منظر
وحسناء لواحدها
حتى فى شكلها هى مش فى نفس جمال اخواتها
وده كان بيخليها منطوية بأستمرار
برغم انها متفوقة فى دراستها
رجع مختار العريس من الكويت
وانبهر بداليا
اللى اتصدمت لما شافته
مختار مش وسيم
شكله عادى جدا
مليان وقصير داليا اطول منه
وعنده كرش
لابس نضارة
اما داليا كانت طويلة
وعيونها خضرا
واسعة
جسمها جميل ومتناسق
انثى بمعنى الكلمة
ومغرية جدا
غير انها اتعلمت تلبس وتتعامل مع الناس
بعد الفترة اللى قضيتها برة البيت
لكن الفترة دى رجعت داليا مش زى ما خرجت من بيتها
لأنها خسرت اللى كان لازم تخسره علشان تقدر تلاقى اللى يعيشها برة البيت
ودى كانت فضيحة محتاجة تتعالج
علشان تقدر تتجوز
داليا كانت مش مقتنعة ابدا بمختار
لكن هى مكانش عندها رفاهية القبول او الرفض
لانهم ما صدقوا ان يجيلها عريس غريب ميعرفش حاجة عنها
وده خلى فاطمة تدور على اى دكتور يحاول يعملها عملية
علشان تقدر تتجوز
وفعلا ده اللى حصل
عملت العملية
واتكتب الكتاب
وتمت الدخلة
واخدها مختار وسافر الكويت
لكن مختار عيشهم كلهم فى الهنا
فلوس
وشغل لخالد ومحمد
وهدايا دهب لحسناء
ولبس
كانت دنيتهم اختلفت تماما
لكن حسناء اول ما لقيت نفسها معاها فلوس وبتلبس لبس مغري
وابتديت تلفت النظر
فكرت انها تتصرف بنفس التصرفات اللى عملتها داليا
لكن هى مقررتش تسيب البيت وتمشى
بالعكس
حسناء كانت علاقتها كتير
وكان كل واحد يقولها كلمة اعجاب
كانت تدخل معاه فى علاقة
حسناء.بقولك ايه يا سمير
احنا بقالنا فترة مع بعض
ولازم تيجي تتقدملى
علشان لو جالى عريس مش هعرف اقول لبابا لاء
سمير زميل حسناء فى الكلية شاب طايش
سمير.اتقدملك ايه يا حسناء
وهو انا قولتلك انى هاخد الخطوة دى
حسناء بصدمة.نعم
يعنى ايه
اومال احنا مع بعض ليه
واللى حصل بينى وبينك ده
كان على اى اساس
سمير بأبتسامة.جرى ايه يا حسناء
هو ايه اللى على اى اساس
اوعى تكوني فاكرة انى مش عارف اصلكم وفصلكم
ولا عارف حكاية داليا اختك وفضيحتها
دى مشهورة اوى
وانتى كمان طلعتى زيها
جاية بقى عايزة تدبسينى انا
حسناء مذهولة.انت اتجننت
ما انت عارف ان انت اللى لمستنى
واعتقد دى حاجة مش محتاجة تتقال
وانت عرفتها بنفسك ان محدش قبلك جه جنبي
سمير.اللى عملتيه معايا هتعمليه مع غيري
شوفى يا حسناء علشان نبقى على نور
عايزانا نفضل اصحاب
ونقضى وقت حلو مع بعض
خروجة حلوة
اهلا وسهلا
هتدخلى فى سكة مش بتاعتك بقى وجواز وبتاع
انسينى
وشوفى مغفل غيري يشيل غلطتك
حسناء اتصدمت
لكن الصدمة دى
موتت قلبها
وبدل ما تحافظ على اللى باقى منها
تماديت
داليا خلفت كريم
وعايشة فى الكويت عيشة مختلفة تمام عن اللى هى عاشتها مع اهلها
وحاولت تحافظ على ده
محمد بعد ما خلص الجيش
سافر السعودية
واتعرف على بنت من سوريا
واتجوزها وعاش هناك
اما خالد سافر الكويت واشتغل مع مختار جوز اخته
مبقاش موجود غير حسناء
اللى لقيت نفسها لواحدها تماما
ابوها يا نايم يا على القهوة يا فى الشغل
حسناء.انا النهاردة بكتب الجواب ده
علشان اعترف فيه اخر اعتراف
واهم اعتراف
انا اكتر بنى ادمة ظلمت نفسها
يمكن اكون ضحية
اتولدت بملامح اقل من العادية
عيشت فى مستوى مادى يكاد يكون معدوم
عيشت سنين من الحرمان
والجوع
والفقر
وبين كل الظروف دى
تجاهل تام من امى فى البداية
بسبب اختى الغير شقيقة
وفى الوسط بسبب اختى التى تسببت فمى فى هروبها من المنزل
وعند عودتها قررت ان تكفر عن تقصيرها وتعوضها الاهتمام
وكان ده كمان على حساب زيادة التجاهل لوجودى
وفى النهاية سافرت لأخويا تعيش فى جو جديد وحياة جديدة حتى لو على سبيل الاجازة
وسط كل ده انا عمرى ما عيشت ولا حسيت الاهتمام
بالعكس
اقل من اى حد
ودايما محرومة من الحب
وده خلانى اضعف تجاه اى كلمة حلوة اسمعها
غلطت واذنبت
وفرطت فى نفسى لأى حد يسمعنى كلمتين حلوين
امى عاشت عمرها كلها مستسلمة ويائسة
لكن مكانتش تعرف انها كمان ظالمة
اما ابويا
للأسف كان مينفعش يكون اب
لكن هى دى ارادة ربنا
انا بكتب الجواب النهاردة علشان اعرفكم ايه اللى خلانى اقرر ابعد
هبعد من غير ما تدوروا عليا
انا جيبت العار
بسبب نسيانكم لوجودى
بحبكم والله
وكان نفسى تحسوا بحبى ليكم
وتحسسونى انى موجودة وتقربونى منكم
ومتحوجونيش لأى كلمة حلوة من اى حد غيركم
انتم اذيتونى
وخلتونى اظلم نفسى اكتر ما انتم ظلمتوني
انا هبعد مش هقولكم هنتحر او هطفش
لكن متدوروش عليا علشان مش هتلاقونى
بحبكم ومسامحاكم
واتمنى تسامحونى
الجواب ده سابته حسناء فى البيت
اللى بقى مفيش حد بيتواجد فيه غير عمار احيانا
لكن فاطمة سافرت عند محمد وبعد الفترة اللى قضيتها عند محمد فى السعودية
راحت قعدت فترة عند خالد
وعند داليا
وتجاهلت خالص حسناء واحتياجها لها
لكن عمار لما اكتشف الجواب
واكتشف اختفاء حسناء
محاولش يوصلها
برغم انه مش عارف هى عملت نفس اللى داليا عملته
ولا هى ممكن تكون انتحرت
لكن مجرد خروجها من البيت
ده انهى فرصتها فى انها تعيش فيه
وبمعرفته بأنها فرطت فى نفسها
ده زود اقتناعه بأنها تستاهل تبعد عنهم
لأنها جابتله العار هى كمان
داليا قدر يلاقى عريس يتجوزها
لكن حسناء مفيش فيها اى مميزات بالنسبة لأبوها تخليه يشوف انها ممكن تتجوز هى كمان
مش بس كده
هو حتى مفكرش يدور عليها يعاقبها
وبعد ما يعاقبها يكفرلها عن ذنبه هو وباقى اهلها عن تجاهلهم لها
عمار دور على الاسهل
هو طول عمره محسش بوجود اولاده
وعلشان كده قرر يعتبر حسناء كمان سافرت وبعدت عنه
ولما ايمان بعتت جواب لداليا وحكيتلها عن اللى حصل لحسناء
اتصدمت فاطمة وصدمتها اثرت عليها وسببتلها شلل
منعها من الحركة
ومن الوقت ده مرجعتش فاطمة مرة تانية اسكندرية
وعاشت وهى قهرانة على حسناء اللى محدش عرف هى ماتت ولا عايشة
اتجوزت ولا عاشت حياة الضياع
حسناء اتعذبت
وفاطمة اتعذبت
حسناء ملقيتش الاهل اللى يحافظوا عليها
لكن فاطمة كانوا اهلها بيحبوها وجنبها
لكن جوزها هو اللى دمرها
وفى الاخر
عاشت فاطمة بأحساسها بالذنب
وضاعت حسناء
اما داليا عايشة مع مختار اللى بيعشقها
لمجرد وجود ابنها كريم فى حضنها والمستوى اللى عاشت فيه
خالد ومحمد كل واحد منهم عاش حياته وكون اسرة
ايمان بقى عندها رنا وريم
وجوزها بيخونها احيانا
لكن هى مبقاش لها مكان ممكن تروحله وده بيخليها تستحمل اى حاجة منه
وبتحاول تعوض بناتها بالحب اللى جواها
علشان متكررش مأساة داليا وحسناء
للأسف الفقر والبخل
وعدم الامان
فى الاسرة من بداية حياتهم لحد نهايتها
كانوا سبب تدميرهم
وعدم وجود الحب والعطف جوة قلوبهم
ورجع محمد وكان علطول بيتصل على محل بقالة جنبهم وبيطمن عليها
ودايما يطمنها انه قريب جاى ياخدها
رئيسة كانت بتطمن عليهم عن طريق التليفون وبلغتهم انها حامل
عبدالله ابتدا يهمل شغله وفلوسه ابتديت تخلص
وعارف ان فايزة حامل
وابتديت هى تهينه وتغلط فيه
وبتغفله ولسه محافظة على علاقتها بفتحى
ياسر شغال سواق على تاكسى ومسؤول عن مصاريف امه والبيت اللى بقى احسن شوية من الحال فى الوقت اللى ابوه كان مسؤول عن البيت
وده خلى ام سيد ترجع تانى فى تفكيرها فى انها تتجوز
او انها ترد لعبدالله اللى عمله فيها
وسيد ارتبط وكتب كتابه على بنت اتعرف عليها عن طريق الكفيل بتاعه
كانت احوالهم بتتحسن
لحد ما حصل خبر زلزل الراحة والهدوء اللى عاشوا فيه لفترة
وهو ان الحرب قامت فى لبنان
واتقطعت اخبار محمد تماما
وفى الفترة دى كانت عرفت فاطمة انها حامل
وعاشت اصعب فترة فى حياتها
خاصة ان الورق بتاع جوازها محمد اخده معاه
فاتت فترة حملها
واخوها ياسر هو اللى متحمل كل مسؤلياتها
واخيرا
اتصل اسامة بلغهم ان رئيسة جابت ولد واسمه عادل
وعلى قد ما ياسر وام سيد كانوا فرحانين بالخبر
الا انهم زعلانين ومش قادرين يظهروا فرحتهم كاملة بسبب ظروف فاطمة اللى فرحت جدا لاختها
كانت رئيسة فى ليبيا مبتشتغلش
وكل علاقتها ببيتها اللى جنب بيت نسمة
وهى صاحبتها الوحيدة هناك
واسامة اللى كان شايلها جوه عنيه
سيد اتجوز وتمت الدخلة فى السعودية
وكل علاقته بأهله فى اسكندرية جوابات
وشوية هدايا بيبعتها كل فترة
خاصة انه ابتدا وضعه يتحسن فى شغله
فاطمة جه ميعاد ولادتها
وجابت بنت زى القمر
جمالها لبنانى
بشرة بيضا
وعيون خضرا
وملامح بريئة وصغيرة
كانت ملاك
لكن للأسف اتولدت فى غياب ابوها
وبشكل مخالف للقانون وعن طريق الرشوة لعدم وجود اصل وثيقة الزواج
ياسر قدر يساعد فاطمة انها تطلع اخيرا شهادة ميلاد لبنتها
كانت الايام بتفوت
ومحمد مفيش عنه اى اخبار
ولما بيوصلوا لأى حد مسافر لبنان
كانوا بيوصوه يعرف اخبار العيلة بتاعت محمد
لكن كل اللى بيجيلهم اخبار مش مؤكدة
خصوصا ان الحرب اتسببت فى ان محدش يفضل فى نفس المكان
منهم اللى يقولهم العيلة دى ماتت فى الحرب
ومنهم اللى يقول سافروا من لبنان
ومنهم اللى يقول نقلوا مكان تانى بس مش عارفين فين بالظبط
كلها اخبار مفيش ولا خبر منهم مضمون
ولا مؤكد
لحد اخيرا ما قرر ياسر انه يسافر السعودية لأن سيد جابله فرصة شغل هناك
وساب فاطمة وام سيد لواحدهم
على وعد منه انه هيرتب اموره
ويخليهم يسافروا يعيشوا هناك
كانت فاطمة علطول مكسورة
صعبان عليها حالها وحال بنتها
لكن مش هتقدر تقول لياسر بلاش تسيبنا وتسافر
حتى ام سيد على قد ما هى بتتمنى ابنها ميبعدش عنها
لكن برضه بتدورله على مصلحته
وفعلا سافر ياسر
وولدت مرات عبدالله
وجابت يوسف
بس اللى حصل ان فايزة ماتت وهى بتولد
وكان عبدالله عايش بيوسف لواحدهم بيستنوا المساعدة من الناس
واخيرا قررت فاطمة انها تسافر بنفسها لبنان تدور على جوزها
اللى غاب كتير
وهى حياتها واقفة
لا عارفة هى متجوزة ولا مطلقة
ولا حتى ارملة
لكن فكرة سفرها كانت صعبة
لازم حد يوافق على سفرها
ام سيد.بقولك ايه يابت يا فاطمة
انتى عارفة انتى محتاجة ايه علشان تعرفى تسافرى
فاطمة بحزن.محتاجة لأيه يمة
ام سيد.محتاجة تتجوزى
فاطمة بصدمة.يامصيبتى
اتجوز ايه يمة
انتى ناسية انى على ذمة راجل
ومسافرة اخر الدنيا علشان اعرف اوصله
ام سيد.يابت يا هبلة
انتى فهمتى ايه
اقصد جواز على ورق بس علشان يوافقلك على السفر
ماهو ابوكي مش موجود علشان هو الل يمضيلك
واخواتك وربنا يوفقهم محدش منهم هنا
هنعمل ايه بقى غير ان انتى لازم يكون فيه راجل يوافقلك على السفر
فاطمة وهى بتفكر فى الكلام سرحت فى الفكرة
ام سيد.صدقينى يا فاطمة
مفيش غير الفكرة دى اللى هتخليكي تسافرى
فاطمة بأقتناع.تصدقى عندك حق يمة
بس مين ده اللى هنلاقيه يرضى يتجوز بالشكل ده
يكون مجرد اسم فى قسيمة وخلاص
ام سيد.متقلقيش انا هتصرف
هكلم ام هشام جارتنا
هى تعرف ناس كتير
وهتشوفلنا حد يرضى باللى احنا عايزينه
واحنا مش هنعوز منه حاجة
فاطمة بتبص لبنتها اللى نايمة.خلاص يمة اللى انتى شايفاه
فعلا ام سيد كلمت ام هشام جارتها
واخيرا وصلوا للعريس اللى يوافق على اللى هما عايزينه
شاب طول بعرض
ووسامة
اسمه عمار
اصغر من فاطمة ب 3 سنين
وافق على عرضهم
واتكتب الكتاب بمنتهى الهدوء
لأن المفروض ان الجواز له هدف معين
لكن اللى حصل بعد كتب الكتاب كان مختلف
وهو ان عمار عجبته فاطمة
وقدر يقنعها انهم متجوزين فى الحلال وعلى سنة والله ورسوله
وده ميمنعش ان يحصل بينهم علاقة
بالعكس ده حلال
ومع الحاح عمار على فاطمة
رغبتها ونفسها ضعفت
وتعاملت معاه معاملة الازواج
ودى كانت اللحظة اللى بعدها قرر عمار ان فاطمة دى ملكه لواحده وانها من حقه
ورجع فى اتفاقه
وقرر انها مراته اللى مش هيسيبها
ولا هيسمحلها تسافر
وللاسف
بعد محاولات كتير من فاطمة وام سيد
وحتى الجارة ام هشام اللى كانت طرف فى الاتفاق
عمار اصر على قراره
فاطمة بنت جميلة ومش سهل ان راجل يبعد عنها
غير انه عايش معاها فى بيت امها
يعنى مش مطلوب منه يجيب بيت
كانت فاطمة قليلة الحيلة
ولانها ضعفت مرة واحدة
على اثرها عاشت عمر طويل اوى مع عمار
اما محمد اثره انتهى تماما
رئيسة استقرت فى ليبيا وخلفت بدل الطفل عشر اطفال ما بين اولاد وبنات
والدنيا ماشية معاهم كويسة
ياسر كمان اتجوز فى السعودية
وبعتوا لأمهم راحت تعمل حج وعمرة
وللأسف توفيت وهى هناك
اما عبدالله شاف انه مالهوش مكان غير انه يرجع تانى لعياله
بعد ما حس انه مش عارف يتحمل مسؤلية يوسف
وفعلا رجع لفاطمة
ومعاه يوسف
وقرر انه يسيب معاشه لفاطمة وهى اللى تكون مسؤولة عن مصروف البيت
وتتحمل مسؤلية يوسف
وفاطمة للأسف كان معندهاش اى حاجة تانية تقدر تعملها غير انها توافق
فى الاول والاخر هى عايشة فى بيت ابوها
ممكن يطلعها منه
وهى بقى معاها بنتها من محمد ايمان
ومعاها داليا من عمار
وحامل
كان عمار مش بيتعامل مع عبدالله كويس
لكن فى نفس الوقت ميقدرش يقوله يمشى
فاتت السنين
وفاطمة بقى عندها من عمار 4 اطفال غير ايمان بنت محمد اللى كان مش بيطيقها وبيعاملها اسواء معاملة
خلفت فاطمة داليا ومحمد والتؤام خالد وحسناء
يوسف بيكبر مع ولادها
دخلوا المدارس بسبب قرب السن بتاعهم من بعض
عمار بيشتغل شغل بسيط
ومعاش عبدالله يادوب بيكفيهم
كان حال فاطمة مختلفش كتير عن حال امها لما كانت عايشة مع عبدالله
وكانوا علطول ولادها ناقصهم حاجات كتير
غير الخناق بشكل مستمر بسبب ايمان
وكل فاطمة ماكانت تقعد مع نفسها تفتكر محمد
وتفتكر انها كانت بتحبه
وكانت بتتمنى انها تعيش معاه
اتأقلمت على عمار لأنها ملقيتش اى سبيل للخلاص منه
وخاصة انها خلفت منه
عاشت مستسلمة وضعيفة
كبروا ولادها
ومراحل تعليمهم مختلفة
لكن ايمان محدش بيصرف عليها وعلى تعليمها غير معاش عبدالله
وكانت ايمان ويوسف قريبين جدا من بعض
ايمان كانت جميلة جدا
وكانت بسبب وضعها
مكانتها فى قلب فاطمة اكبر من اخواتها شوية
بسبب انها محستش بوجود اب فى حياتها
وبرغم ان عمار قلبه جامد على اولاده كمان
لكن طبعا على ايمان اكتر
كانت بتفوت السنين ببطء
لكن روتينية
فيها حرمان
لكن برغم عن كده فاطمة اصرت ان اولادها يتعلموا
اما يوسف اكتفى بالأعدادية
ايمان دخلت كلية الاداب
داليا فى دبلوم تجارة
محمد دخل كلية تربية
اما خالد وحسناء فى ثانوية عامة
عاشوا حرمان كتير جدا
اما فاطمة كانت ست سلبية جدا
وكل ما كان عمار يزعل ايمان
كانت تاخدها وتمشى من البيت
ولما تلاقى انها مالهاش مكان تروحله
كانت ترجع تانى وتقبل الذل والاهانة
اخيرا كبر يوسف
وياسر وسيد بعتوله سافرلهم
واتوفى عبدالله
واتوقف المعاش
وبقى دخل البيت فلوس عمار بس
اللى كانت بتكفى الاكل بالعافية
وكانوا بيستنوا اى حد يجيبلهم هدوم
او حد من اخوات فاطمة يبعتوا هدوم هدايا
علاقة فاطمة كانت مميزة ببنتها ايمان بس
لكن داليا كانت كأنها مش موجودة
وده اثر على نفسيتها جدا
خاصة ان ايمان اتخطبت
وده كان سبب اكبر يخلي داليا تغير من اختها
وسبب اكبر يخلي عمار يكره ايمان اكتر
انها تتعلم تعليم احسن من بنته
وكمان تتخطب قبلها
اتجوزت ايمان بعد مساعدات من سيد وياسر ورئيسة اللى بعتتلها شنطة كبيرة مليانه هدوم اشكال والوان
لكن داليا كان كرهها بيزيد
وده كان سبب فى انها تسيب البيت وتطفش
ايمان اتجوزت
اما داليا طفشت
وده كان بيخلى فاطمة تلف الشوارع صبح وليل علشان تلاقى بنتها
هى مش بتكره داليا
لكن كانت ايمان بتصعب عليها
وهى مكانتش بتفهم ده لداليا
اللى كان الفرق بينها وبين ايمان مش كبير
اما محمد كليته كانت فى شبين الكوم
وكان مش بينزل اجازة خالص لأنه كان بيشتغل هناك علشان يقدر يصرف على دراسته
اما خالد وحسناء كانوا شاطرين جدا من غير ما ياخدوا دروس او اى حاجة
لكن دايما كانوا منطويين
بسبب انهم بيحسوا انهم اقل من كل اللى حواليهم
فاطمة.انت ايه يا عمار
هتحس امتى
مفيش عندك قلب
مش موجوع على بنتك اللى سابتنا وطفشت دى
عمار ببرود.دى فاجرة
وهى اللى اختارت
ودى ماتت بالنسبالى
انتى بتدورى عليها
وبعد ما تلاقيها ايه اللى هيحصل
تفتكرى هرجعها البيت ده تانى
انسي
دى ماتت
والبيت ده مش هتعتبه
جابتلنا العار
وفضحتنى وفضحت اخواتها
فاطمة بانفعال.ماهو بسبب بخلك واستخسارك
البنت مستحملتش
عمار بصوت عالى.لاء ياست هانم
بنتك طفشت بسببك
لانك كنتى بتحبى بنت المحروس جوزك الاولانى اكتر منها
ومصاحباها كأنك مخلفتيش غيرها
ونسيتى ان اختها من نفس سنها
وبتشوف وتلاحظ قربك من واحدة وبعدك عنها
عرفتى بقى مين السبب فى انها تطفش
انتى اللى فرقتى فى المعاملة بينهم
الاتنين بناتك
لكن انا واحدة منهم مش بنتى
علشان كده مش هعاملهم زي بعض
فاطمة بدموع.انا كنت بقرب من التانية علشان اعوضها اللى انت مش عارف تعمله معاها اختها كان المفروض تفهم ده
عمار.الاتنين بناتك
وحسناء كمان بنتك
متنسيش انها كمان بتشوف
بس التانية اللى صدمتها كانت اكبر
واهو نتيجة اللى صدمها
طفشت وجابتلنا الفضيحة
ووقفت حال اختها
دورى عليها بقى تلاقيها ولا لاء
مبقاش فارق
حافظى اللى على باقيالك بدل ما تلاقيها هى كمان طفشت
فاطمة بتعيط ومعندهاش حاجة تعملها
غير انها تلف كل مكان على رجليها تسأل وتدور على بنتها
اللى مالهاش اثر
فاتت فترة طويلة اوى وداليا مالهاش اثر
وفاطمة كانت مش بتيأس من انها تدور عليها
اما سيد رجع اخيرا واخد بيت قريب من بيت فاطمة
ومراته وبناته نزلوا عاشوا معاه فى اسكندرية
واخيرا فاطمة حسيت ان لها حد يساعدها فى اللى هى فيه
وفعلا سيد كان حنين عليها وعلى اولادها
وكانت مراته دايما كويسة معاها
وزى ما بتعمل اكل فى بيتها كانت بتعمل حساب فاطمة وولادها
مش بس كده بس
مرات سيد كانت بتنزل مع فاطمة تدور على داليا فى كل مكان
واخيرا وصلوا لناس بلغتهم عن مكان داليا ممكن تكون فيه
فاطمة فرحتها كانت مش سايعاها
خاصة غير ان داليا بنتها وتخاف عليها ووحشتها
الا انها حاسة بذنب كبير ناحيتها
راحت هى ومرات سيد اسمها زينب
العنوان اللى اخدوه من الناس
وكانت الصدمة
داليا حرفيا اتحولت
بنت بلبس خليع
ومكياج اوفر
واخلاق مختلفة
كل حاجة فيها اتحولت
واول ما شافتها فاطمة بالشكل ده خارجة من ملهى ليلي
وقعت من طولها
لكن داليا مخدتش بالها خالص من امها
ولا عرفت حتى انها شافتها
ولا عرفت مكانها
وزينب اتبهدلت لحد ما قدرت تفوق فاطمة وترجع بيها على البيت
وعرف عمار مكان داليا
وتانى يوم راح هو وعمامها واخدوها
وكانت كارثة
رجع عمار البيت مع بنته
وحبسها
وضربها
وحلق شعرها كله
وبعد ما عمل فيها كل ده
قرر انها مش هتعيش فى نفس البيت
وفى الوقت ده قرر سيد انه ياخدها تعيش عنده مع بناته ومع زينب
وكانت فترة طويلة
خلصت حسناء وخالد الثانوى
ودخل هو كلية تجارة
ودخلت حسناء كلية اداب
لكن حسناء كانت طالعة معقدة حرفيا
واحدة من اخواتها جميلة وزى القمر اللى هى ايمان
ومتجوزة
وكمان حامل
اما داليا عايشة فى بيت خالها
وبرغم كل اللى حصل
الا انها عايشة فى بيت الناس اللى فيه مهتمين بيها جدا
وفاطمة كل يوم قاعدة عند اخوها بتهرب من عمار وفى نفس الوقت بتحاول تعوض داليا بعدها عنها
وتعوضها عن اللى هى اتسببتلها فيه
خالد ابتدا يشتغل علشان يقدر يصرف على مصاريف الكلية
محمد دخل الجيش
لكن حسناء كانت علطول لواحدها
غير انها حاسة انها اقل من كل اللى حواليها
وده للأسف خلاها تفقد الثقة فى نفسها
داليا اثناء وجودها عند خالها
شافها واحد صاحب خالها
وله اخ عايش فى الكويت
وعجبته داليا جدا
لأنها جميلة كمان
وطلب من سيد انه يخطبها لأخوه اللى فى الكويت
وكانت فرحة فاطمة بالخبر ده اكبر من الدنيا
اما عمار كان مش اكتر من منظر
وحسناء لواحدها
حتى فى شكلها هى مش فى نفس جمال اخواتها
وده كان بيخليها منطوية بأستمرار
برغم انها متفوقة فى دراستها
رجع مختار العريس من الكويت
وانبهر بداليا
اللى اتصدمت لما شافته
مختار مش وسيم
شكله عادى جدا
مليان وقصير داليا اطول منه
وعنده كرش
لابس نضارة
اما داليا كانت طويلة
وعيونها خضرا
واسعة
جسمها جميل ومتناسق
انثى بمعنى الكلمة
ومغرية جدا
غير انها اتعلمت تلبس وتتعامل مع الناس
بعد الفترة اللى قضيتها برة البيت
لكن الفترة دى رجعت داليا مش زى ما خرجت من بيتها
لأنها خسرت اللى كان لازم تخسره علشان تقدر تلاقى اللى يعيشها برة البيت
ودى كانت فضيحة محتاجة تتعالج
علشان تقدر تتجوز
داليا كانت مش مقتنعة ابدا بمختار
لكن هى مكانش عندها رفاهية القبول او الرفض
لانهم ما صدقوا ان يجيلها عريس غريب ميعرفش حاجة عنها
وده خلى فاطمة تدور على اى دكتور يحاول يعملها عملية
علشان تقدر تتجوز
وفعلا ده اللى حصل
عملت العملية
واتكتب الكتاب
وتمت الدخلة
واخدها مختار وسافر الكويت
لكن مختار عيشهم كلهم فى الهنا
فلوس
وشغل لخالد ومحمد
وهدايا دهب لحسناء
ولبس
كانت دنيتهم اختلفت تماما
لكن حسناء اول ما لقيت نفسها معاها فلوس وبتلبس لبس مغري
وابتديت تلفت النظر
فكرت انها تتصرف بنفس التصرفات اللى عملتها داليا
لكن هى مقررتش تسيب البيت وتمشى
بالعكس
حسناء كانت علاقتها كتير
وكان كل واحد يقولها كلمة اعجاب
كانت تدخل معاه فى علاقة
حسناء.بقولك ايه يا سمير
احنا بقالنا فترة مع بعض
ولازم تيجي تتقدملى
علشان لو جالى عريس مش هعرف اقول لبابا لاء
سمير زميل حسناء فى الكلية شاب طايش
سمير.اتقدملك ايه يا حسناء
وهو انا قولتلك انى هاخد الخطوة دى
حسناء بصدمة.نعم
يعنى ايه
اومال احنا مع بعض ليه
واللى حصل بينى وبينك ده
كان على اى اساس
سمير بأبتسامة.جرى ايه يا حسناء
هو ايه اللى على اى اساس
اوعى تكوني فاكرة انى مش عارف اصلكم وفصلكم
ولا عارف حكاية داليا اختك وفضيحتها
دى مشهورة اوى
وانتى كمان طلعتى زيها
جاية بقى عايزة تدبسينى انا
حسناء مذهولة.انت اتجننت
ما انت عارف ان انت اللى لمستنى
واعتقد دى حاجة مش محتاجة تتقال
وانت عرفتها بنفسك ان محدش قبلك جه جنبي
سمير.اللى عملتيه معايا هتعمليه مع غيري
شوفى يا حسناء علشان نبقى على نور
عايزانا نفضل اصحاب
ونقضى وقت حلو مع بعض
خروجة حلوة
اهلا وسهلا
هتدخلى فى سكة مش بتاعتك بقى وجواز وبتاع
انسينى
وشوفى مغفل غيري يشيل غلطتك
حسناء اتصدمت
لكن الصدمة دى
موتت قلبها
وبدل ما تحافظ على اللى باقى منها
تماديت
داليا خلفت كريم
وعايشة فى الكويت عيشة مختلفة تمام عن اللى هى عاشتها مع اهلها
وحاولت تحافظ على ده
محمد بعد ما خلص الجيش
سافر السعودية
واتعرف على بنت من سوريا
واتجوزها وعاش هناك
اما خالد سافر الكويت واشتغل مع مختار جوز اخته
مبقاش موجود غير حسناء
اللى لقيت نفسها لواحدها تماما
ابوها يا نايم يا على القهوة يا فى الشغل
حسناء.انا النهاردة بكتب الجواب ده
علشان اعترف فيه اخر اعتراف
واهم اعتراف
انا اكتر بنى ادمة ظلمت نفسها
يمكن اكون ضحية
اتولدت بملامح اقل من العادية
عيشت فى مستوى مادى يكاد يكون معدوم
عيشت سنين من الحرمان
والجوع
والفقر
وبين كل الظروف دى
تجاهل تام من امى فى البداية
بسبب اختى الغير شقيقة
وفى الوسط بسبب اختى التى تسببت فمى فى هروبها من المنزل
وعند عودتها قررت ان تكفر عن تقصيرها وتعوضها الاهتمام
وكان ده كمان على حساب زيادة التجاهل لوجودى
وفى النهاية سافرت لأخويا تعيش فى جو جديد وحياة جديدة حتى لو على سبيل الاجازة
وسط كل ده انا عمرى ما عيشت ولا حسيت الاهتمام
بالعكس
اقل من اى حد
ودايما محرومة من الحب
وده خلانى اضعف تجاه اى كلمة حلوة اسمعها
غلطت واذنبت
وفرطت فى نفسى لأى حد يسمعنى كلمتين حلوين
امى عاشت عمرها كلها مستسلمة ويائسة
لكن مكانتش تعرف انها كمان ظالمة
اما ابويا
للأسف كان مينفعش يكون اب
لكن هى دى ارادة ربنا
انا بكتب الجواب النهاردة علشان اعرفكم ايه اللى خلانى اقرر ابعد
هبعد من غير ما تدوروا عليا
انا جيبت العار
بسبب نسيانكم لوجودى
بحبكم والله
وكان نفسى تحسوا بحبى ليكم
وتحسسونى انى موجودة وتقربونى منكم
ومتحوجونيش لأى كلمة حلوة من اى حد غيركم
انتم اذيتونى
وخلتونى اظلم نفسى اكتر ما انتم ظلمتوني
انا هبعد مش هقولكم هنتحر او هطفش
لكن متدوروش عليا علشان مش هتلاقونى
بحبكم ومسامحاكم
واتمنى تسامحونى
الجواب ده سابته حسناء فى البيت
اللى بقى مفيش حد بيتواجد فيه غير عمار احيانا
لكن فاطمة سافرت عند محمد وبعد الفترة اللى قضيتها عند محمد فى السعودية
راحت قعدت فترة عند خالد
وعند داليا
وتجاهلت خالص حسناء واحتياجها لها
لكن عمار لما اكتشف الجواب
واكتشف اختفاء حسناء
محاولش يوصلها
برغم انه مش عارف هى عملت نفس اللى داليا عملته
ولا هى ممكن تكون انتحرت
لكن مجرد خروجها من البيت
ده انهى فرصتها فى انها تعيش فيه
وبمعرفته بأنها فرطت فى نفسها
ده زود اقتناعه بأنها تستاهل تبعد عنهم
لأنها جابتله العار هى كمان
داليا قدر يلاقى عريس يتجوزها
لكن حسناء مفيش فيها اى مميزات بالنسبة لأبوها تخليه يشوف انها ممكن تتجوز هى كمان
مش بس كده
هو حتى مفكرش يدور عليها يعاقبها
وبعد ما يعاقبها يكفرلها عن ذنبه هو وباقى اهلها عن تجاهلهم لها
عمار دور على الاسهل
هو طول عمره محسش بوجود اولاده
وعلشان كده قرر يعتبر حسناء كمان سافرت وبعدت عنه
ولما ايمان بعتت جواب لداليا وحكيتلها عن اللى حصل لحسناء
اتصدمت فاطمة وصدمتها اثرت عليها وسببتلها شلل
منعها من الحركة
ومن الوقت ده مرجعتش فاطمة مرة تانية اسكندرية
وعاشت وهى قهرانة على حسناء اللى محدش عرف هى ماتت ولا عايشة
اتجوزت ولا عاشت حياة الضياع
حسناء اتعذبت
وفاطمة اتعذبت
حسناء ملقيتش الاهل اللى يحافظوا عليها
لكن فاطمة كانوا اهلها بيحبوها وجنبها
لكن جوزها هو اللى دمرها
وفى الاخر
عاشت فاطمة بأحساسها بالذنب
وضاعت حسناء
اما داليا عايشة مع مختار اللى بيعشقها
لمجرد وجود ابنها كريم فى حضنها والمستوى اللى عاشت فيه
خالد ومحمد كل واحد منهم عاش حياته وكون اسرة
ايمان بقى عندها رنا وريم
وجوزها بيخونها احيانا
لكن هى مبقاش لها مكان ممكن تروحله وده بيخليها تستحمل اى حاجة منه
وبتحاول تعوض بناتها بالحب اللى جواها
علشان متكررش مأساة داليا وحسناء
للأسف الفقر والبخل
وعدم الامان
فى الاسرة من بداية حياتهم لحد نهايتها
كانوا سبب تدميرهم
وعدم وجود الحب والعطف جوة قلوبهم