الفصل الثاني عشر
كانت صدمة ام سيد فى جوزها كبيرة
هى مستحملاه بقالها سنين كتير جدا
ومستحملة بخله
وبتحاول تعيش وتمشى امورها
علشان خاطر عيالها
وعلشان الست الاصيلة دايما بتكون راضية
وبتعيش على اد ظروف جوزها
لكن متخيلتش ابدا ولا جه فى بالها
انه بعد العمر ده يفكر يتجوز عليها
هى اه سنها كبير
لكن لسه تقدر تخلف
بس تخلف اطفال تعمل بيهم ايه بعد ما اولادها بقوا عرايس وشباب
وتعيشهم ازاى وتكبرهم ازاى ببخل ابوهم
وضيق حالهم وظروفهم
من وجهة نظرها مش هينفع تجيب طفل تظلمه
غير انها شايفة انها مش هتقدر تعيش تانى بعد العمر ده كله مراحل الحمل والولادة والتربية من اول وجديد
ياسر وصل البيت
كانت امه قاعدة لواحدها على الكنبة
وحاطة ايديها على خدها
وباين عليها وعلى وشها انها كانت بتعيط
ياسر.ايه يا ست الكل
انتى لسه بتعيطى
ايه مش عارفة تتعودى بقى
ام سيد.ايه يا ياسر يابنى بتقول ايه
ياسر.لاء ده انتى فى عالم تانى خالص مش معايا
مالك سرحانة فى ايه
ام سيد.انت شوفت ابوك يا ياسر
ياسر.لاء
خير يمة فى ايه
ماله ابويا
ام سيد بتضحك بأستهزاء.مالهوش يا بنى
ابوك مالهوش
بس اقعد كده علشان انا عايزة اتكلم معاك كلمتين
ياسر بيقعد على الكنبة جنب امه
وبيمسك ايديها بين ايديه ويبوسها.خير يمة مالك فى ايه
ام سيد.شوف يا ياسر يابنى
عايزاك تسمعنى كويس
الكلام اللى هقوله ده
يمكن انت متصدقش انه يطلع مني
لكن انا خلاص فاض بيا
ياسر بقلق.ما تتكلمى يمة فى ايه بيحصل
ام سيد.انا هطلق من ابوك
ياسر بصدمة.ايه
تعملى ايه
طلاق ايه ده يمة اللى بتتكلمى عليه
وبعد السنين والعمر ده كله بتقولى طلاق
ازاى يعنى
انتى عايزة الناس تقول علينا ايه بعد العمر ده
ام سيد بحزم.اطلق يا ياسر
وبعدين مش طلاقى اللى هيخلى الناس تقول
هما كده كده هيتكلموا
لكن مش هكون انا سبب كلامهم
تقدر تروح لأبوك وتسأله ايه سبب اللى الناس هتقوله
ياسر.ما تفهمينى طيب
هو زعلك فى ايه
انا اول مرة اسمعك بتتكلمى عن الطلاق يمة
ده انتى مقولتيش الكلام ده لما كنا كلنا حواليكي
جاية تطلبى الطلب ده دلوقتى بعد ما كل واحد مننا بقى فى مكان
ليه يمة عايزة تزودى الفرقة
ام سيد بتحاول تبان قوية قدام ابنها.اقولك ليه يا ياسر
علشان ابوك
قرر يتجوز عليا
شايف انه محتاج يلاقى واحدة تدلعه
وتخلفله حتة عيل
علشان هو ياخويا تقريبا من فلوسه الكتير
عايز يجيب عيل صغير يظلمه معاه فى الدنيا
ياسر فاتح عنيه على اخرها.جواز ايه يمة
وخلفة ايه
انتى مين اللى قالك الكلام ده
اكيد حد بيوقع الدنيا بينك وبين ابويا
ده مستحيل يفكر فى كده
يمة ابويا بيطلع القرش من جيبه بالعافية
يروح يتجوز ويخلف
يعنى انتى تصدقى الكلام ده بذمتك
ام سيد.يابنى يا حبيبى
يمكن لو سمعت الكلام ده من الناس الغريبة
مكنتش صدقت
لكن للأسف انا مش سمعاه من حد غريب
ياسر.والله يمة ولا حتى قريب تسمعى منه كلام زى ده
انسى مش ممكن ابويا يكون بيفكر فى اللى انتى بتقولى عليه ده
ام سيد.ياحبيبى ابوك بعضمة لسانه هو اللى قاللى
بالحرف كده قال انه عايز بنت صغيره
تدلعه وتخلى بالها منه
وتجيبله عيل صغير يفرح بيه
شكله مش عارف يفرح بالكبار
اللى غربهم وفرقهم عن حضنى
جاى النهاردة يقولى هتجوز عليكي
بعد العمر اللى راح تحت رجليه ده
والجوع والفقر اللى انا استحملته
بيقولى عايز يتجوز عليا
شيلت بيته وحافظت عليه وعلى اسمه وسمعته وعلى عياله
لما طلعت رجالة تفرح القلب وبنات الناس تحلف بأدبهم
وكل ده راح فى الارض
عايز يتجوز عليا
ياسر مصدوم.ابويا قالك كده
ابويا بلسانه قالك هتجوز
ام سيد.ايوة يابنى بلسانه
روح اسأله يا ياسر لو مش مصدقنى
ياسر.طيب يمة انا كده كده مش راضى عن الموضوع ده
لكن انتى ايه اللى خلاكى تقولى طلاق
هو قال انه هيطلقك
ام سيد.لاء هو مقالش
ولا عايز
لكن انا اللى عايزة بقى يا ياسر
كفايا عليا اوى لحد كده
انت ماشاء الله عليك بقيت راجل اد الدنيا
وتقدر تشيل نفسك وتفتح بيت
واخواتك كل واحد فى مكان ربنا يرجعهم بالسلامة
وابوك وهيروح يتجوز
يبقى انا بقى اقعد اتندم على عمرى وعلى نفسى لواحدى ليه
عايزنى اموت من القهرة على حالى
عايزني اعيش هنا منبوذة مستنية اللى يفضى ييجى يبص عليا لما يجيله مزاج
لاء يابنى
انا مش هرضى بالحال ده
ابوك مش هكمل معاه
كفايا عليا اوى السنين اللى راحت
خليه يتجوز
مش يمكن انا كمان يكون ليا نصيب تانى غيره
ياسر فتح عنيه على اخرها بعد كلمة امه.انتى قصدك ايه يمة بنصيب تانى غيره؟
ام سيد.قصدى نصيب تانى يا ياسر
يعنى راجل تانى
يعنى جواز تانى
ولا مش من حقى بقى اعيش زيكم
انا كبرت وعجزت هنا
تحت رجليكم
عمرى وصحتى رحوا من شقايا عليكم
محستش بعمرى ولا شبابى بسبب الفقر والحرمان اللى عيشت فيه مع ابوكم
كفايا بقى من حقى ارتاح واعيش شوية وانا شبعانة ومبسوطة
ياسر بصدمة.انتى هتتجوزى
انتى يا امى عايزة تتجوزى
ام سيد.انا مقولتش عايزة يا ياسر
ولا قولت هعمل ده
ولا هروح ادور
لكن انا بقولك يعالم
يمكن ليا نصيب تانى
يعنى لو جالى نصيب احسن من ابوك
مش هقول لاء
انا كمان من حقى اعيش فرصة تانية
ياسر بأنفعال.فرصة ايه التانية دى يمة اللى بتتكلمي فيها
انتى عايزة الناس تاكل وشنا
ويقولوا عيالها رجاله بشنبات
وبناتها على وش جواز
وهى رايحة تتجوز
جرى ايه بس يمة استهدى بالله كده
وانا هتكلم مع ابويا واعقله
ام سيد بحزم.انت بتقولى انا كده
بتقولى انا الناس تاكل وشنا
وهى الناس دى هتكون فين لما ابوك هيروح يتجوز واحد من سن بناته
ولا يروح يخلف عيل جديد
ويرمينى انا بقى ويتقال عليا القديمة
عجزت وراح يدلع نفسه مع بنت صغيره
ساعتها مش هيتاكل وشك
بص يا ياسر
روح يابنى لأبوك
ولو عرفت ترجعه عن اللى فى دماغه
انا عايشة زى ماكنت عايشة عمرى اللى فات كله
لا كليت ولا مليت
لكن لو هو مصمم على اللى فى دماغه
وهيروح يتجوز
ويفتح بيت تانى
انا هطلق يعنى هطلق
ولو ابويا طلعلى من التربة يقولى مفيش طلاق
هرجعه لتربتى بأيدي
وهطلق برضه
ايه قولك بقى
ياسر قام واقف وابتدا يروح وييجى فى الاوضة
وهو بيضرب كف على كف
ومتعصب جدا
ويخبط بأيديه فى دماغه
ومش لاقى كلام ينفع يرد بيه على امه
علشان ميزعلهاش
ولا يقول اى كلام يندم عليه بعد كده
لكن هو مش قابل الفكرة ابدا
ام سيد.انا كده يابنى
عداني العيب
والكورة فى ملعب ابوك
يعنى هو الوحيد اللى هيكون فى ايديه يختار
مابينكم وبينى وبين بيتنا
وبين انه عايز يرجع عيل صغير من اول وجديد
هى مستحملاه بقالها سنين كتير جدا
ومستحملة بخله
وبتحاول تعيش وتمشى امورها
علشان خاطر عيالها
وعلشان الست الاصيلة دايما بتكون راضية
وبتعيش على اد ظروف جوزها
لكن متخيلتش ابدا ولا جه فى بالها
انه بعد العمر ده يفكر يتجوز عليها
هى اه سنها كبير
لكن لسه تقدر تخلف
بس تخلف اطفال تعمل بيهم ايه بعد ما اولادها بقوا عرايس وشباب
وتعيشهم ازاى وتكبرهم ازاى ببخل ابوهم
وضيق حالهم وظروفهم
من وجهة نظرها مش هينفع تجيب طفل تظلمه
غير انها شايفة انها مش هتقدر تعيش تانى بعد العمر ده كله مراحل الحمل والولادة والتربية من اول وجديد
ياسر وصل البيت
كانت امه قاعدة لواحدها على الكنبة
وحاطة ايديها على خدها
وباين عليها وعلى وشها انها كانت بتعيط
ياسر.ايه يا ست الكل
انتى لسه بتعيطى
ايه مش عارفة تتعودى بقى
ام سيد.ايه يا ياسر يابنى بتقول ايه
ياسر.لاء ده انتى فى عالم تانى خالص مش معايا
مالك سرحانة فى ايه
ام سيد.انت شوفت ابوك يا ياسر
ياسر.لاء
خير يمة فى ايه
ماله ابويا
ام سيد بتضحك بأستهزاء.مالهوش يا بنى
ابوك مالهوش
بس اقعد كده علشان انا عايزة اتكلم معاك كلمتين
ياسر بيقعد على الكنبة جنب امه
وبيمسك ايديها بين ايديه ويبوسها.خير يمة مالك فى ايه
ام سيد.شوف يا ياسر يابنى
عايزاك تسمعنى كويس
الكلام اللى هقوله ده
يمكن انت متصدقش انه يطلع مني
لكن انا خلاص فاض بيا
ياسر بقلق.ما تتكلمى يمة فى ايه بيحصل
ام سيد.انا هطلق من ابوك
ياسر بصدمة.ايه
تعملى ايه
طلاق ايه ده يمة اللى بتتكلمى عليه
وبعد السنين والعمر ده كله بتقولى طلاق
ازاى يعنى
انتى عايزة الناس تقول علينا ايه بعد العمر ده
ام سيد بحزم.اطلق يا ياسر
وبعدين مش طلاقى اللى هيخلى الناس تقول
هما كده كده هيتكلموا
لكن مش هكون انا سبب كلامهم
تقدر تروح لأبوك وتسأله ايه سبب اللى الناس هتقوله
ياسر.ما تفهمينى طيب
هو زعلك فى ايه
انا اول مرة اسمعك بتتكلمى عن الطلاق يمة
ده انتى مقولتيش الكلام ده لما كنا كلنا حواليكي
جاية تطلبى الطلب ده دلوقتى بعد ما كل واحد مننا بقى فى مكان
ليه يمة عايزة تزودى الفرقة
ام سيد بتحاول تبان قوية قدام ابنها.اقولك ليه يا ياسر
علشان ابوك
قرر يتجوز عليا
شايف انه محتاج يلاقى واحدة تدلعه
وتخلفله حتة عيل
علشان هو ياخويا تقريبا من فلوسه الكتير
عايز يجيب عيل صغير يظلمه معاه فى الدنيا
ياسر فاتح عنيه على اخرها.جواز ايه يمة
وخلفة ايه
انتى مين اللى قالك الكلام ده
اكيد حد بيوقع الدنيا بينك وبين ابويا
ده مستحيل يفكر فى كده
يمة ابويا بيطلع القرش من جيبه بالعافية
يروح يتجوز ويخلف
يعنى انتى تصدقى الكلام ده بذمتك
ام سيد.يابنى يا حبيبى
يمكن لو سمعت الكلام ده من الناس الغريبة
مكنتش صدقت
لكن للأسف انا مش سمعاه من حد غريب
ياسر.والله يمة ولا حتى قريب تسمعى منه كلام زى ده
انسى مش ممكن ابويا يكون بيفكر فى اللى انتى بتقولى عليه ده
ام سيد.ياحبيبى ابوك بعضمة لسانه هو اللى قاللى
بالحرف كده قال انه عايز بنت صغيره
تدلعه وتخلى بالها منه
وتجيبله عيل صغير يفرح بيه
شكله مش عارف يفرح بالكبار
اللى غربهم وفرقهم عن حضنى
جاى النهاردة يقولى هتجوز عليكي
بعد العمر اللى راح تحت رجليه ده
والجوع والفقر اللى انا استحملته
بيقولى عايز يتجوز عليا
شيلت بيته وحافظت عليه وعلى اسمه وسمعته وعلى عياله
لما طلعت رجالة تفرح القلب وبنات الناس تحلف بأدبهم
وكل ده راح فى الارض
عايز يتجوز عليا
ياسر مصدوم.ابويا قالك كده
ابويا بلسانه قالك هتجوز
ام سيد.ايوة يابنى بلسانه
روح اسأله يا ياسر لو مش مصدقنى
ياسر.طيب يمة انا كده كده مش راضى عن الموضوع ده
لكن انتى ايه اللى خلاكى تقولى طلاق
هو قال انه هيطلقك
ام سيد.لاء هو مقالش
ولا عايز
لكن انا اللى عايزة بقى يا ياسر
كفايا عليا اوى لحد كده
انت ماشاء الله عليك بقيت راجل اد الدنيا
وتقدر تشيل نفسك وتفتح بيت
واخواتك كل واحد فى مكان ربنا يرجعهم بالسلامة
وابوك وهيروح يتجوز
يبقى انا بقى اقعد اتندم على عمرى وعلى نفسى لواحدى ليه
عايزنى اموت من القهرة على حالى
عايزني اعيش هنا منبوذة مستنية اللى يفضى ييجى يبص عليا لما يجيله مزاج
لاء يابنى
انا مش هرضى بالحال ده
ابوك مش هكمل معاه
كفايا عليا اوى السنين اللى راحت
خليه يتجوز
مش يمكن انا كمان يكون ليا نصيب تانى غيره
ياسر فتح عنيه على اخرها بعد كلمة امه.انتى قصدك ايه يمة بنصيب تانى غيره؟
ام سيد.قصدى نصيب تانى يا ياسر
يعنى راجل تانى
يعنى جواز تانى
ولا مش من حقى بقى اعيش زيكم
انا كبرت وعجزت هنا
تحت رجليكم
عمرى وصحتى رحوا من شقايا عليكم
محستش بعمرى ولا شبابى بسبب الفقر والحرمان اللى عيشت فيه مع ابوكم
كفايا بقى من حقى ارتاح واعيش شوية وانا شبعانة ومبسوطة
ياسر بصدمة.انتى هتتجوزى
انتى يا امى عايزة تتجوزى
ام سيد.انا مقولتش عايزة يا ياسر
ولا قولت هعمل ده
ولا هروح ادور
لكن انا بقولك يعالم
يمكن ليا نصيب تانى
يعنى لو جالى نصيب احسن من ابوك
مش هقول لاء
انا كمان من حقى اعيش فرصة تانية
ياسر بأنفعال.فرصة ايه التانية دى يمة اللى بتتكلمي فيها
انتى عايزة الناس تاكل وشنا
ويقولوا عيالها رجاله بشنبات
وبناتها على وش جواز
وهى رايحة تتجوز
جرى ايه بس يمة استهدى بالله كده
وانا هتكلم مع ابويا واعقله
ام سيد بحزم.انت بتقولى انا كده
بتقولى انا الناس تاكل وشنا
وهى الناس دى هتكون فين لما ابوك هيروح يتجوز واحد من سن بناته
ولا يروح يخلف عيل جديد
ويرمينى انا بقى ويتقال عليا القديمة
عجزت وراح يدلع نفسه مع بنت صغيره
ساعتها مش هيتاكل وشك
بص يا ياسر
روح يابنى لأبوك
ولو عرفت ترجعه عن اللى فى دماغه
انا عايشة زى ماكنت عايشة عمرى اللى فات كله
لا كليت ولا مليت
لكن لو هو مصمم على اللى فى دماغه
وهيروح يتجوز
ويفتح بيت تانى
انا هطلق يعنى هطلق
ولو ابويا طلعلى من التربة يقولى مفيش طلاق
هرجعه لتربتى بأيدي
وهطلق برضه
ايه قولك بقى
ياسر قام واقف وابتدا يروح وييجى فى الاوضة
وهو بيضرب كف على كف
ومتعصب جدا
ويخبط بأيديه فى دماغه
ومش لاقى كلام ينفع يرد بيه على امه
علشان ميزعلهاش
ولا يقول اى كلام يندم عليه بعد كده
لكن هو مش قابل الفكرة ابدا
ام سيد.انا كده يابنى
عداني العيب
والكورة فى ملعب ابوك
يعنى هو الوحيد اللى هيكون فى ايديه يختار
مابينكم وبينى وبين بيتنا
وبين انه عايز يرجع عيل صغير من اول وجديد