الفصل السابع
فاطمة وسارة خرجوا وسابوا لينا
وراحوا على المبنى اللى فيه الاوض بتاعت الموظفين فى البيت
سارة.يارب اوضتك تعجبك يا فاطمة
انتى اول مرة تسافرى؟
فاطمة بأبتسامة.ان شاء الله هتعجبنى
وبعدين انا اول مرة اشتغل فى حياتى مش بس اول مرة اسافر
سارة.معقول
واول ما تقررى تشتغلى تسافرى كده علطول
مش على الاقل كنتى اشتغلتى واخدتى خبرة
بدل ما تسافرى بعيد عن بلدك
وممكن متقدريش على الشغل
فاطمة بحزن.مقدرش ارفض يا سارة
حتى لو كنت قولت لاء
كنت هسافر برضه
بس اهو ربنا عالم بحالى
علشان كده وقف ليا ناس كويسة زيك وزى المدام لينا
سارة بأبتسامة.لا ده انتى باين حكايتك حكاية
اكيد هنبقى نقعد سوا
ونتكلم
فاطمة.ان شاء الله
سارة وقفت قصاد المبنى تصميمه شيك جدا
مكون من دور واحد
والاوض كلها جنب بعض
وكل اوضة لها باب منفصل
سارة.هنا هتكون الاوضة بتاعتك
تعالى اوريهالك
هتكون جنب اوضتى
مكان شادية اللى مشيت
فاطمة بأبتسامة.اتحركت ورا سارة اللى فتحت باب الاوضة
ودخلت
فاطمة ابتديت تلف حوالين نفسها وهى بتتفرج على الاوضة
اللى كانت فى وسع اوضتهم فى اسكندرية
واللى فيها حمام خاص بيها
وكمان مطبخ صغير بكل ادواته
سارة بأبتسامة.ها ايه رأيك بقى
حلوة الاوضة
فاطمة بسعادة.اوضة
دى شقة
يا ماشاء الله
دى اكبر من بيت اهلى فى اسكندرية
معقول انا هقعد فى كل دى لواحدى
سارة.اه ياستى هتقعدى فيها لواحدك
كل حاجة فيها دلوقتى بقيت ليكي
تقدرى تتصرفي فيها زى ما تحبي
المهم تحافظى عليها وعلى نضافة المكان
مدام لينا بتحب جدا النضافة
فاطمة.لاء متقلقيش من الناحية دى خالص
سارة.طيب هسيبك انا بقى ترتاحى
ومن بكرة تستلمى شغلك
لو احتاجتى حاجة تعالى بلغيني
وانا هخلى حد يجيبلك حاجة تاكليها
اكيد انتى جعانة
فاطمة ابتسمت بأحراج
هى فعلا جعانة
خرجت سارة
ووقفت فاطمة تلف فى الاوضة
وتدخل الحمام
وتتفرج على المطبخ اللى كان صغير
لكن شكله حلو
ومش ناقصه اى حاجة
بالعكس ده فيه كل حاجة مش موجودة فى المطبخ اللى في
بيتهم
بقيت تبتسم وهى عمالة تتفرج على كل حاجة حواليها
حتى السرير
كانت مبسوطة جدا انها هتنام فى سرير لواحدها
لأنهم فى البيت ساعات بيبدلوا مع بعض وحد منهم ينام على
الارض
حتى لو فى الشتا
لأن الاوضة كانت متكفيش عددهم كلهم سراير
خلصت فاطمة اندهاش بأوضتها الجديدة
وحطيت شنطة هدومها الصغيرة على السرير
وابتديت تطلع الفساتين بتاعتها اللى كان عددهم اربعه
وهدوم البيت اللى كانت تقريبا نفس العدد مش اكتر
فتحت درفة الدولاب
وابتديت ترص حاجتها
وهى مبسوطة
ومتفائلة بكل الخير
فى الوقت اللى كانت بترتب فيه الحاجة بتاعتها
خبط باب الاوضة
فتحت الباب
كانت سارة ومعاها بنت تانية اسمها رغد
فى سن فاطمة تقريبا
شايلة صنية عليها اكل
وسارة ماسكة فى ايديها
شنطة سفر صغيرة
سارة وهى بتدخل الاوضة ورغد وراها.تعالي يا فاطمة اعرفك
دى بقى يا ستى رغد
تقدرى تقولى كده انها شغالة فى كل حاجة
لكن هى فى الاساس المسؤولة عن النظافة فى البيت
لكن طبعا بما ان كان مفيش طباخة الفترة اللى فاتت
فهمى كانت الطباخة بتاعتنا
فاطمة بأبتسامة.اهلا وسهلا يا رغد
رغد بلهجة مش مصرية.اهلا بيكي يا فاطمة
نورتى لبنان
فاطمة.منورة باللى فيها
سارة.رغد فاطمة هتستلم منك الشغل بكرة
وانتى بقى يا فاطمة دوقى الاكل بتاع رغد وابقى ورينا الاحلى منه
مش هوصيكي
ضحكت فاطمة ورغد على مزحة سارة
سارة.يلا يا رغد سيبى انتى الصنية وارجعي كملى شغلك
فعلا رغد حطيت الصنية على ترابيزة صغيرة قصاد سرير
فاطمة وجنبها كرسى صالون شيك
رغد.نورتينا يا فاطمة
بكرة بقى نتكلم براحتنا
فاطمة بتضحك وقبل ما ترد اتكلمت سارة
سارة.طيب خلاص بقى يلا ارجعي على شغلك
ولما تبقى انتى وهى فاضيين اتكلموا براحتكم
ابتسمت رغد وخرجت
وفاطمة مبتسمة
سارة بتمد ايديها بالشنطة لفاطمة.شوفى يا فاطمة مدام لينا
بعتتلك الشنطة دى وبتقولك دى حاجة بسيطة علشان لو
احتاجتيها
فاطمة.ايه ده؟
سارة.ابقى شوفى بنفسك
يلا اسيبك تاكلى بقى وترتاحى شوية
فاطمة.شكرا يا سارة
سارة ابتسمت وخرجت وقفلت باب اوضة فاطمة وراها
فاطمة بصيت للشنطة
وبصيت لصنية الاكل
وكلمت نفسها.لاء بصراحة
انا عايزة اكل الاول
جعانة اوى
وبعد كده اشوف ايه اللى فى الشنطة ده
قعدت فاطمة على الكرسى
وهى بتشيل الغطا من على كل طبق فى الصنية
علشان تلاقى اكل شكله يفتح النفس
لكن هى متعرفش انواع الاكل اللبنانى
وده خلاها تاكل وخلاص
طعم الاكل كان عاجبها جدا
وهى مش عارفة هو عبارة عن ايه
لكن كانت مبسوطة
وبتاكل بشراهة
خلصت فاطمة اكلها
وباست ايديها وش وضهر
وحمدت ربنا
وقامت شالت الصنية
ودخلت غسلت ايديها
وبعد كده غسلت الاطباق
وراحت تفتح الشنطة اللى بعتتها مدام لينا
وتشوف فيها ايه
مسكت الشنطة حطيتها على السرير جنب الشنطة الصغيرة
بتاعتها
فاطمة بصوت مسموع لنفسها.بسم الله
دى الشنطة اللى الهانم بعتهالى
اكبر من شنطة سفرى
اللى جاية بيها من اخر الدنيا
فتحت السوستة
وابتديت تسحب اللى فيها
وكان عبارة عن فساتين
وهدوم بيت
اكتر من اللى جاية بيهم من اسكندرية
بقيت تتفرج عليهم وهى فرحانة جدا
اشكالهم كلها شيك جدا
وباين عليهم قيمتهم
هى اول مرة هتلبس هدوم غالية كده
فاطمة.يالهوى على هدوم البيت
دى يتخرج بيها
من حلاوتها
والله يابت يافاطمة وشكل الدنيا هتضحكلك
اغسلهم الاول طيب ولا احطهم فى الدولاب وخلاص
لاء انا ارتبهم دلوقتى
ولما اجى البس منهم ابقى اغسلهم الاول
انا هموت وانام
بس استحمى الاول
فعلا رتبت الهدوم اللى لينا بعتتها فى الدولاب
ورجعت تانى طلعت هدوم تنام بيها من هدومها
ودخلت الحمام تاخد دش دافى
ولبست هدومها وخرجت من الحمام
ورميت نفسها على السرير
واستغطيت بالبطانية
ومحسيتش بالدنيا اللى حواليها من التعب والارهاق
راحت فى النوم فى ثوانى
عند رئيسة كانت وصلت عند نسمة اللى قابلتها بترحيب
وكأنها تعرفها من زمان
وبرغم ان رئيسة كانت مكسوفة جدا
لكن حاولت تتعامل بود زى ما نسمة بتتعامل
اسامة.بقولك يا نسمة رئيسة امانة عندك
هستلمها منك الصبح
هى هتقابل الدكتور طاهر
وان شاء الله هتشتغل عنده
وهو هيشوفلها سكن
معلش بقى لو هنتقل عليكي
نسمة بأبتسامة.عيب يا اسامة اوعى تقول كده
ده بيت اختك يعنى بيتك
وضيوفك هما ضيوفى
والانسة تنور وتشرف اى وقت
على راسى من فوق
رئيسة.ان شالله تسلمى يا ست نسمة
نسمة بأبتسامة.ايه ست نسمة دى عيب احنا اخوات
رئيسة.ماهو انتى قولتى انسة وماقولتيش رئيسة
لما تقولى اسمى كده من غير حاجة ابقى اقول انا كمان اسمك
كده
ضحك اسامة ونسمة
اسامة.شوفتى بقى بنات اسكندرية ولماضتهم
محدش بيعرف يغلبهم فى الكلام
نسمة بأبتسامة.اجمل بنات
وكلامهم جميل بيدخل القلب علطول
شكرا يا اسامة على الهدية الحلوة دى
اسامة بأبتسامة.يلا اسيبكم بقى براحتكم
واروح انا لأخوكى
ربنا يستر ارجع الاقى البيت لسه مولعش
انتى عارفة اخوكي بيبوظ الدنيا
خلوا بالكم من بعض
بقى
ولو محتاجين حاجة قولولى اجيبهالكم قبل ما امشي
نسمة.هنحتاج ايه بس
والله انا اصلا زعلانة من كل الحاجات اللى رئيسة جايباها دى
بصيت نسمة لرئيسة وهى بتضحك.اهو ياستى قولت اسمك
بس من غير حاجة
رئيسة ضحكت
نسمة.وبعدين يعنى ينفع يا اسامة تخليها تجيب معاها كل
الحاجات دى
انت فاكر بيتى فاضى ولا ايه
رئيسة بأبتسامة.عندك الخير كله يارب
اسامة.هى اصرت
قالتلى هتكسف ادخل فاضية
بيت اول مرة اروحه
حاولت اقنعها ان انتى مش من الناس اللى بتفكر كده
لكن هى قالت ان دى عادات عندهم
نسمة.هما معروفين اهل كرم
وراحوا على المبنى اللى فيه الاوض بتاعت الموظفين فى البيت
سارة.يارب اوضتك تعجبك يا فاطمة
انتى اول مرة تسافرى؟
فاطمة بأبتسامة.ان شاء الله هتعجبنى
وبعدين انا اول مرة اشتغل فى حياتى مش بس اول مرة اسافر
سارة.معقول
واول ما تقررى تشتغلى تسافرى كده علطول
مش على الاقل كنتى اشتغلتى واخدتى خبرة
بدل ما تسافرى بعيد عن بلدك
وممكن متقدريش على الشغل
فاطمة بحزن.مقدرش ارفض يا سارة
حتى لو كنت قولت لاء
كنت هسافر برضه
بس اهو ربنا عالم بحالى
علشان كده وقف ليا ناس كويسة زيك وزى المدام لينا
سارة بأبتسامة.لا ده انتى باين حكايتك حكاية
اكيد هنبقى نقعد سوا
ونتكلم
فاطمة.ان شاء الله
سارة وقفت قصاد المبنى تصميمه شيك جدا
مكون من دور واحد
والاوض كلها جنب بعض
وكل اوضة لها باب منفصل
سارة.هنا هتكون الاوضة بتاعتك
تعالى اوريهالك
هتكون جنب اوضتى
مكان شادية اللى مشيت
فاطمة بأبتسامة.اتحركت ورا سارة اللى فتحت باب الاوضة
ودخلت
فاطمة ابتديت تلف حوالين نفسها وهى بتتفرج على الاوضة
اللى كانت فى وسع اوضتهم فى اسكندرية
واللى فيها حمام خاص بيها
وكمان مطبخ صغير بكل ادواته
سارة بأبتسامة.ها ايه رأيك بقى
حلوة الاوضة
فاطمة بسعادة.اوضة
دى شقة
يا ماشاء الله
دى اكبر من بيت اهلى فى اسكندرية
معقول انا هقعد فى كل دى لواحدى
سارة.اه ياستى هتقعدى فيها لواحدك
كل حاجة فيها دلوقتى بقيت ليكي
تقدرى تتصرفي فيها زى ما تحبي
المهم تحافظى عليها وعلى نضافة المكان
مدام لينا بتحب جدا النضافة
فاطمة.لاء متقلقيش من الناحية دى خالص
سارة.طيب هسيبك انا بقى ترتاحى
ومن بكرة تستلمى شغلك
لو احتاجتى حاجة تعالى بلغيني
وانا هخلى حد يجيبلك حاجة تاكليها
اكيد انتى جعانة
فاطمة ابتسمت بأحراج
هى فعلا جعانة
خرجت سارة
ووقفت فاطمة تلف فى الاوضة
وتدخل الحمام
وتتفرج على المطبخ اللى كان صغير
لكن شكله حلو
ومش ناقصه اى حاجة
بالعكس ده فيه كل حاجة مش موجودة فى المطبخ اللى في
بيتهم
بقيت تبتسم وهى عمالة تتفرج على كل حاجة حواليها
حتى السرير
كانت مبسوطة جدا انها هتنام فى سرير لواحدها
لأنهم فى البيت ساعات بيبدلوا مع بعض وحد منهم ينام على
الارض
حتى لو فى الشتا
لأن الاوضة كانت متكفيش عددهم كلهم سراير
خلصت فاطمة اندهاش بأوضتها الجديدة
وحطيت شنطة هدومها الصغيرة على السرير
وابتديت تطلع الفساتين بتاعتها اللى كان عددهم اربعه
وهدوم البيت اللى كانت تقريبا نفس العدد مش اكتر
فتحت درفة الدولاب
وابتديت ترص حاجتها
وهى مبسوطة
ومتفائلة بكل الخير
فى الوقت اللى كانت بترتب فيه الحاجة بتاعتها
خبط باب الاوضة
فتحت الباب
كانت سارة ومعاها بنت تانية اسمها رغد
فى سن فاطمة تقريبا
شايلة صنية عليها اكل
وسارة ماسكة فى ايديها
شنطة سفر صغيرة
سارة وهى بتدخل الاوضة ورغد وراها.تعالي يا فاطمة اعرفك
دى بقى يا ستى رغد
تقدرى تقولى كده انها شغالة فى كل حاجة
لكن هى فى الاساس المسؤولة عن النظافة فى البيت
لكن طبعا بما ان كان مفيش طباخة الفترة اللى فاتت
فهمى كانت الطباخة بتاعتنا
فاطمة بأبتسامة.اهلا وسهلا يا رغد
رغد بلهجة مش مصرية.اهلا بيكي يا فاطمة
نورتى لبنان
فاطمة.منورة باللى فيها
سارة.رغد فاطمة هتستلم منك الشغل بكرة
وانتى بقى يا فاطمة دوقى الاكل بتاع رغد وابقى ورينا الاحلى منه
مش هوصيكي
ضحكت فاطمة ورغد على مزحة سارة
سارة.يلا يا رغد سيبى انتى الصنية وارجعي كملى شغلك
فعلا رغد حطيت الصنية على ترابيزة صغيرة قصاد سرير
فاطمة وجنبها كرسى صالون شيك
رغد.نورتينا يا فاطمة
بكرة بقى نتكلم براحتنا
فاطمة بتضحك وقبل ما ترد اتكلمت سارة
سارة.طيب خلاص بقى يلا ارجعي على شغلك
ولما تبقى انتى وهى فاضيين اتكلموا براحتكم
ابتسمت رغد وخرجت
وفاطمة مبتسمة
سارة بتمد ايديها بالشنطة لفاطمة.شوفى يا فاطمة مدام لينا
بعتتلك الشنطة دى وبتقولك دى حاجة بسيطة علشان لو
احتاجتيها
فاطمة.ايه ده؟
سارة.ابقى شوفى بنفسك
يلا اسيبك تاكلى بقى وترتاحى شوية
فاطمة.شكرا يا سارة
سارة ابتسمت وخرجت وقفلت باب اوضة فاطمة وراها
فاطمة بصيت للشنطة
وبصيت لصنية الاكل
وكلمت نفسها.لاء بصراحة
انا عايزة اكل الاول
جعانة اوى
وبعد كده اشوف ايه اللى فى الشنطة ده
قعدت فاطمة على الكرسى
وهى بتشيل الغطا من على كل طبق فى الصنية
علشان تلاقى اكل شكله يفتح النفس
لكن هى متعرفش انواع الاكل اللبنانى
وده خلاها تاكل وخلاص
طعم الاكل كان عاجبها جدا
وهى مش عارفة هو عبارة عن ايه
لكن كانت مبسوطة
وبتاكل بشراهة
خلصت فاطمة اكلها
وباست ايديها وش وضهر
وحمدت ربنا
وقامت شالت الصنية
ودخلت غسلت ايديها
وبعد كده غسلت الاطباق
وراحت تفتح الشنطة اللى بعتتها مدام لينا
وتشوف فيها ايه
مسكت الشنطة حطيتها على السرير جنب الشنطة الصغيرة
بتاعتها
فاطمة بصوت مسموع لنفسها.بسم الله
دى الشنطة اللى الهانم بعتهالى
اكبر من شنطة سفرى
اللى جاية بيها من اخر الدنيا
فتحت السوستة
وابتديت تسحب اللى فيها
وكان عبارة عن فساتين
وهدوم بيت
اكتر من اللى جاية بيهم من اسكندرية
بقيت تتفرج عليهم وهى فرحانة جدا
اشكالهم كلها شيك جدا
وباين عليهم قيمتهم
هى اول مرة هتلبس هدوم غالية كده
فاطمة.يالهوى على هدوم البيت
دى يتخرج بيها
من حلاوتها
والله يابت يافاطمة وشكل الدنيا هتضحكلك
اغسلهم الاول طيب ولا احطهم فى الدولاب وخلاص
لاء انا ارتبهم دلوقتى
ولما اجى البس منهم ابقى اغسلهم الاول
انا هموت وانام
بس استحمى الاول
فعلا رتبت الهدوم اللى لينا بعتتها فى الدولاب
ورجعت تانى طلعت هدوم تنام بيها من هدومها
ودخلت الحمام تاخد دش دافى
ولبست هدومها وخرجت من الحمام
ورميت نفسها على السرير
واستغطيت بالبطانية
ومحسيتش بالدنيا اللى حواليها من التعب والارهاق
راحت فى النوم فى ثوانى
عند رئيسة كانت وصلت عند نسمة اللى قابلتها بترحيب
وكأنها تعرفها من زمان
وبرغم ان رئيسة كانت مكسوفة جدا
لكن حاولت تتعامل بود زى ما نسمة بتتعامل
اسامة.بقولك يا نسمة رئيسة امانة عندك
هستلمها منك الصبح
هى هتقابل الدكتور طاهر
وان شاء الله هتشتغل عنده
وهو هيشوفلها سكن
معلش بقى لو هنتقل عليكي
نسمة بأبتسامة.عيب يا اسامة اوعى تقول كده
ده بيت اختك يعنى بيتك
وضيوفك هما ضيوفى
والانسة تنور وتشرف اى وقت
على راسى من فوق
رئيسة.ان شالله تسلمى يا ست نسمة
نسمة بأبتسامة.ايه ست نسمة دى عيب احنا اخوات
رئيسة.ماهو انتى قولتى انسة وماقولتيش رئيسة
لما تقولى اسمى كده من غير حاجة ابقى اقول انا كمان اسمك
كده
ضحك اسامة ونسمة
اسامة.شوفتى بقى بنات اسكندرية ولماضتهم
محدش بيعرف يغلبهم فى الكلام
نسمة بأبتسامة.اجمل بنات
وكلامهم جميل بيدخل القلب علطول
شكرا يا اسامة على الهدية الحلوة دى
اسامة بأبتسامة.يلا اسيبكم بقى براحتكم
واروح انا لأخوكى
ربنا يستر ارجع الاقى البيت لسه مولعش
انتى عارفة اخوكي بيبوظ الدنيا
خلوا بالكم من بعض
بقى
ولو محتاجين حاجة قولولى اجيبهالكم قبل ما امشي
نسمة.هنحتاج ايه بس
والله انا اصلا زعلانة من كل الحاجات اللى رئيسة جايباها دى
بصيت نسمة لرئيسة وهى بتضحك.اهو ياستى قولت اسمك
بس من غير حاجة
رئيسة ضحكت
نسمة.وبعدين يعنى ينفع يا اسامة تخليها تجيب معاها كل
الحاجات دى
انت فاكر بيتى فاضى ولا ايه
رئيسة بأبتسامة.عندك الخير كله يارب
اسامة.هى اصرت
قالتلى هتكسف ادخل فاضية
بيت اول مرة اروحه
حاولت اقنعها ان انتى مش من الناس اللى بتفكر كده
لكن هى قالت ان دى عادات عندهم
نسمة.هما معروفين اهل كرم