الفصل الرابع عشر

بعد مرور شهر
في منزل عائلة النقيب وتحديداً في غرفة بلال تقف چوري امامه وتتأمل ملامحه ولحيته التي ازدادت طولا

چوري بحزن : انا جبتلك سندوتشات

بلال باعتراض  : ماليش نفس دلوقت

چوري وضعت السندوتشات امامه وقالت بانفعال : يا بلال حرام عليك بقا قوم كلمني مش تسكت كده

التفت لها بوجه حزين مبتسماً : يا حبيبتي انا كويس اهدي

چوري : لا انت مش كويس وقوم اجمد يا بلال لان الا جاي بتاعك

بلال نظر لها بخيبة : سارة حكتلك

چوري بجمود : اه وبقالي اسبوع بستوعب واما استوعبت ادركت انك البطل وانه دورك

بلال بتعب : مش قادر مش قادر مش قادرر الجهاز عمالين يبعتولي وانا متلكك بوفاة بابا

چوري بحزن عليه : ليه يا روحي

بلال بعصبية : انت مجنونه اروح اقولهم انه اخويا وكمان انا قلبي مش جايبني يا چوري

جلست امامه : صعب عليك انا عارفه بس ده بقا واقع ولازم نتعامل معاه

بلال نظر لها كثيراً : انتِ قلبك جامد اوي يا چويريه

چوري مسكت يداه ترتب عليها بقوة : انا اتعلمت القوة منك يا بلال

بلال : بصي انا هسيب الجهاز كده كده لو قولت ليهم الحقيقه هيوقفوني فخليها مش تيجي مني

چوري : بس ده كان حلمك !

بلال : مش مهم انا كده كده شركتي موجوده وحياتي

چوري : بعد ما وصلت لمكانتك ورتبتك بانجاز في وقت صغير !؟

بلال : بس هكون مرتاح

چوري : غلط مش كل مره نختار فيها الراحه بيبقا صح ده اسمه استسلام وهروب وتخلي

بلال بعنف : محدش حاسس بيا ليهه

چوري بضيق : انت ظابط مخابرات فوق بقا احساسك ده علي الشماعه

چوري مكمله : مش يمكن ربنا بيختبرك في طريقك وحطلك عقبه تقوم تستسلم وتسبها ليه الواحد يتخلي عن حاجه تعب وشقي عشان يوصلها ويسبها بكل سهوله ولاسباب عاطفيه كمان ده ضعف

بلال يشعر بأن كل كلمه تضغط وتضيق صدره فخرج من طور هدوئه وصاح بها بزعيق وقوة : بس بس اخرسي بقا انت ايه يا شيخه ابعدي عني

دخلت سارة إليهم بعد ان اطرقت الباب : اشش اهدوا في ايه

بلال : ابعديها عني انا مش مستحمل كلمه

سارة : اهدي يا چوري بص يا بلال

بلال : ابعدو عني

سارة : افهم مش هو عامل فيها بارد ومش همه وانه واصل يتصرف هو

بلال وضع يده علي فمه : يسلام اوصله لحبل المشنقه ويتصرف هو

سارة تنهدت بتعب : حسام خطر اوي يا بلال

بلال بتفكير : هو انت مش كنتي بتحبيه !؟

سارة بتوتر : ليه السؤال ده

بلال وهو يفكر : اصل چني دي غريبه اوي حب ايه الا يخلي واحده تقعد مع انسان كده بجد

سارة : الانسان ضمير يا بلال مش قلب بس

چوري بعقلانيه : زي ما انت قلبك مش مطاوعك كده وبيلغي ضميرك

بلال رمقها بضيق والتفت لسارة : طيب استاذة سارة هتعملي ايه مع دراكولا الاهياخدك معاه

سارة برعب : لا ابوس ايديكم مش عايزه اروح معاه مش هروح فحته لا

چوري : اهدي يا بنتي هو هياخدك غصب

بلال بمرح : هيهيهيهيي

چوري بعصبية : بلالل

بلال بثقه : حببتي ده يستحيل يسبها

سارة : مهو سايبك اهو

بلال بتنهيدة : هو مش واخدك عشان انت عارفه حقيقته يا ساره

سارة بعدم فهم : اومال ؟

بلال : انا واثق ان حسام مش خدعك فحبه ليكي حسام بيحبك يا سارة فعلا

سارة بنفي : كدب ده مخادع

بلال بثقه : صدقيني انا ممكن اقسملك علي ده غيرة حسام لما لاقاني معاكي ف الاوضه رغم اني اخوه الا انه كان هيجنن

سارة : هبل ده كان بارد جدا

بلال بحزن : انا بفهمه بنظرة عين

سارة بقلق : يعني ايه بقا انا بكرهو ولازم يطلقني يستحيل اكمل حياتي معاه

چوري : انا بجد مش متخيله هو ازاي بيتعامل بطبيعه اوي كده ازاي حد يقدر يبقي كده

بلال : قليل جدا من البشر الا علي طبعتهم يابنتي
واكبر دليل حسام ههه

سارة بشرود : مش هقبل إني اكون فرع من جذور الشر ابداً

في ايطاليا وتحديدا بغرفة النوم الخاصة بحمزه يتحدث في الهاتف وبجانبه چني تتداعب شعره وهو يحاول يبعدها عنه بانفعاله في الهاتف

حمزه بعصبية : ازاي ده حصل دانا هصفيكم كلكم غور من وشي

وقفل الهاتف ودفعه بعصبيه وهو يصيح : اي يا چني انتِ مش شيفاني متعصب

چني : ملعبش في شعرك يعني وبعدين انت علي طول متعصب

حمزه : اخرسي انت مجنونهه انا قرفان

چني بحزن : في ايه قالب عليا كده ليه

حمزه وقف وهو يرتدي قميصه بغضب

چني بصوت عالي وانفعال : طب ما تفهمني بدل ما تطلع عصبيتك فيا

حمزه اقترب منها باعين قاتمه ووجه غاضب قائلاً بتحذير : صوتك هيعلي مرة كمان هعاقبك عقاب مش تتمني لعدوك فاهمه

چني نظرت له بعمق حزين ثم التفتت الي الجهة الاخري تهرب من عينه التي تخشي حدتها


اخذ هاتفه وخرج وهو يزفر بضيق ويرن علي حسام

حمزة : الو كابو

حسام ببرود : معاك

حمزه : المخازن الا في الجنوب الغربي كلها اتحرقت

حسام منتفضاً : نهار ابوك اسود هقتلك يا حمزه

حمزه بانفعال وهو يقود سيارته : ابو حمزه وانا كنت عملت ايهههه

حسام بنفس غاضب : دي الا انت لسه مخزن فيها السلاح صح

حمزه بضيق : اه

حسام : هقتلك

حمزه : غالباً عارف مين الا وراها

حسام : يتصفي

حمزه : مش هينفع للاسف

حسام باستغراب : حد من المثلث !؟ فرانكو

حمزه : لا

حسام صرخ بغضب  : اومال مينننن

حمزة بجمود : اسيل

حسام : اييه ؟ ربنا ياخدك يا حمزه

حمزة : هتصرف

حسام بضيق : هكون عندك كمان 24 ساعه

في غرفة ساره دخل حسام دون ان يطرق الباب

سارة : قليل الذوق

حسام ببرود : مش قولتلك اجهزي

سارة وقفت امامه بقوة : عارف لو حاولت تخدني معاك هفضحك في قلب البلد

حسام : ايه ده بجد

سارة بانفعال : انا مش راحه معاك في حته وانت هطلقني بالعافيه

حسام نظر لها وقال بهدوء : يعني بجد عايزه تطلقي ومش تيجي معايا

اهتز قلب سارة وهي تنظر له وتذكرت كيف كان يعاملها بشخصيته الماضيه الكاذبه فكان بمثل هذا الهدوء والحنان تجمعت الدموع في عيناها

حسام اقترب منها وينظر لها : قولتي ايه

سارة : قولت طلقني عايزة امشي من هنا وانسي الايام الا شفتك فيها وانسي چني ارجوك حررني

حسام : هو انا سجنك يا بنتي

سارة بكره : مجرد ان اسمي مربوط بيك كرها نفسي

حسام : اممممم

سارة باستغراب : انت مش خايف من بلال

حسام ابتسم لها بالاتساع : انا مش بخاف

سارة نظرت له بكره : انا بكرهكك ربنا ياخدك

خرج حسام وتقابل مع چوري نظرت له كثيرا فذهب وتركها بينما هي دخلت لسارة وجدتها تبكي بقهر

چوري : في اييه عملك ايه اهدي

سارة ببكاء : هيمشي شكله هيطلقني بكرهو بكرهو

چوري باستغراب : وانت زعلانه ليه ما ده المطلوب

سارة وهي تبكي : انا بحبه يا چوري بحبه اتعلقت بيه يارب اكون بحلم ويرجع حسام الا اعرفه

چوري شعرت بألم في قلبها علي حالتها : طب اهدي حببتي

سارة ببكاء : الله يسامحك يا عمي ويرحمك انت السبب في جوازي منه يارب

چوري : فهميني بس انت عايزه ايه دلوقت

سارة ببكاء : معرفش

چوري : قومي الحقي يا سارة

سارة باستغراب : ايه

چوري : زي ما سمعتي قومي ارجعي معاه

سارة : بس ازاي

چوري : يمكن يكون رجوعه علي ايدكي وكده كده عمره ما يأذيكي

سارة ببكاء : انت مش شفتي حاجه دول بيقتلو الناس بسهولة جدا سلاح ودم عالم تاني

چوري اغمضت عيناه بتعب : خلاص يبقي سبيه يطلقك

سارة بصراخ : اه ياااااربي ارحمني عذااب

چوري : الحقي يا سارة

دخل بلال وعلي وجه ملامح الغضب وينظر لچوري بحده : انتي اتجننتي

چوري : لا طبعا ده جوزها

بلال امسكها من ذراعها بعصبية : انتي مش تعرفي حاجه يبقي تخرسي

چوري بتألم : اوعي ايدي انت غبي

سارة بتعب : سبها يا بلال چوري بتكلم صح

بلال التفت لسارة بغضب : نعم انت كمان عايزه ترجعي هناك

سارة : انت ناسي ان اختي هناك

بلال : وانا قولتلك هرجعها

سارة ببكاء تنظر له : حسام مش وحش

بلال استغفر ربه ووضع يده في خصلات شعره : ايه يارب الهموم دي

سارة وهي تمسح دموعها : احنا لازم نقف جمبه ونبعده عن كل الارف ده

بلال : لا بقا انتم اتهبلتو حببتي فوقي هو ماشي بمزاجه محدش جابره يبنتي ده الكابو فوقي

چوري : بس هو بيحب سارة واعتقد انها نقطة ضعفه

بلال نظر لها بضيق : وبعدين

سارة : انا خايفه عليه وخايفه من غيره

بلال نظر لها بضيق وهي تصعب عليه بشدة : بس بلاش كلام فاضي

سارة بدموع : ارجوك سبني الحقه

چوري تنظر لبلال بترجي وهو صامت يخشي عليها الاذي

سارة وقفت : هنرجعه لينا يا حسام

بلال ضحك بغلب : حسام اي بس

سارة بحرج : قصدي يا بلال

بلال وهو لا ينظر لها : هتلاقي وراء البيت انا سمعته بيقول ان الطيارة الخاصه تيجي وراء الفيلا الحقي

حضنت سارة چوري بقوة وذهبت تركض وحمدت الله ان لا يوجد احد والجميع منشغل وخرجت من الفيلا تركض وجدته يستلقي الطائره صرخت بأسمه التفت لها وابتسم بالاتساع وكأنه عادت روحه إليه من جديد مسك يداها يساعدها حتي جلست بجانبه نظر لها بقوة وملامح السعادة علي وجههُ وحضنها بقوة وبادلته العناق وكأنها تستعيد امانها وقوتها منهُ وحلقت الطائرة في السماء.

سارة : انت ازاي كنت هتسبني وتمشي

حسام : مين قال انا قولت اسيبك يومين تريحي اعصابك بس وكنت هجيبك

سارة مبتسمه : انا شكلي متعلقه بيك

حسام : امممممم

سارة ضربته بقوة علي كتفه : بطل برود والله انط

حسام : نطي

سارة بعبوس : اعوذ بالله شيطان

حسام : هو بلال جندك تاني ولا ايه

سارة نظرة له بصدمه : انت فهمت كده !!؟

حسام تنهد : اهدي متزعليش

سارة بدموع : علي فكرة هو منعني اجي چوري هي الا اتحايلت عليه

حسام : تربيتي طول عمرها قادره البت دي

سارة وهي تنظر لعينه بعمق : لو مش مصدقني قوله ينزلني

حسام نظر في عمق عيناها : انا مصدقك يا سارة وحتي لو انا مفيش قوة اتخلقت تهزمني

بعد مرور عدة ايام
علي مائدة الطعام يجلس حسام وبجانبه سارة وعلي الجهة الاخري چني وحمزه

حمزه وهو يأكل : البضاعه وصلت امبارح بليل والحمد لله عدت من الميناء

سارة بفضول : نوعها ايه المره دي

ضحكت چني نظر لها حمزه فصمتت مدارية ضحكتها

سارة بغيظ منه : ما تأكلها بعينك احسن

حمزه من بين اسنانه : يا بنتي خليكي فحالك بقا متبوظيش عقد الصلح الا بيني وبينك

سارة وهي ترمقه باستحقار : حيوان بكرهك

چني بصوتها الرقيق : خلاص يا ساره بقا عيب كده

سارة وهي تقلدها بسخرية : خلاص يا نيني اخرسي يا به

حسام بحده : ساررة

سارة بخضه : في ايه بتزعقلي ليه

حسام نظر لها وتكلم بصوت هادي : ممكن مش تدخلي مناخيرك الجميله دي في الشغل

سارة نظرت له بزعل ووقفت : انا طالعه اوضتي

وذهبت من امامهم بينما اغمض حسام عينيه بتعب

چني نظرت لحسام : هي زعلت لما شخط فيها قدامنا

حسام نظر لها ومنذ ادراك الحقيقه وهو لا يوجه لها حديث اطلاقا ولم يرد عليها بالفعل

حمزه بخلق ضيق معترضاً : هي الا غريبه ولما هي مش طيقانا عايشه معانا ليه

حسام بنرفزة هب واقفاً : خلصنا بقولك يله عندنا شغل

ذهب حمزه معه بعد ان ودع چني مبتسماً واستلقوا سياراتهم بينما هي صعدت الي غرفة سارة التي سمحت لها بالدخول

چني: يحببتي مش مستاهله عياط ده كله

سارة نظرت لها بدموع : انا اسفه يا چني

چني باستغراب : علي ايه

سارة ببكاء : مكنش ينفع انتقد غلطك واعيب مكنش ينفع ارفض اني احط نفسي مكانك

چني بعدم فهم : قصدك ايه مالك

سارة وهي تمسح دموعها : غلطت لما سخرت من غلطك وعيبت وقولت مستحيل اعمل كده مهمها كان ومن علي شئ ابتلي بيه

چني وفهمت ما تعنيه : بس انت مش غلطتي ولا هربتي انا عايشه بدفع تمن خطيئتي بس تقبلت لان لو معملتش كده هموت قهر

سارة : مش علقت علي هروبك قد ما علقت علي حبك لي وهو وحش

چني عقدت حاجبيها : قصدك انك حبتيه

سارة ببكاء: بحبه

چني رتبت علي كتفيها مبتسمه : وهو بيحبك

سارة : اخرسي ده منافق كان ممكن يكون مافيا بس انسان كويس عادي

ضحكت چني بقوة : اااه مجنونه

سارة : انا اتعلمت درس فعلا بيخلص الحقوق انا كنت ديما بسخر منك وعقلانيه وعامله مثاليه وده كان غلطي وابُتليت

چني بضحك : احسن بس مسامحاكي  انا نفسي اعرف حسام نظراته ليا وحشه ومش بيكلمني خالص

سارة : ليه يعني

چني بتفكير : معرفش بجد بخاف منه اوي بحسه مش من دمنا يبه

في المساء

جاء حسام وعلي وجه التعب دخل الي الغرفه حتي يطمئن عليها وجدها مستيقظه

حسام : ايه الا مصحيكي

سارة وتحاول تخفي لهفتها وخوفها عليه : عادي انت اتأخرت اوي

حسام وهو يجلس بتعب : شغل

سارة : ماشي

حسام نظر لملامحها : مالك بتقطمي ليه

سارة بحزن : مفيش هنام اهو

حسام ابتسم وهو يضرب كفيه ببعضهم : انت زعلانه مني يا سارة

سارة والدموع تلمع في عيناها : لا

حسام : طب عيني فعينك كده

نظرت سارة له وثوان وبعدت عيناها عنه الي الجهة الاخري وثنيت رقبتها بحزن ضحك حسام بحب علي حركتها وحزنها الطفولي منهُ

سارة بغيظ : مستفز بارد

حسام : طب مش تزعلي مني ده كله عشان شخط فيكي

سارة باندفاع : ايوه انا اتخضيت ومينفعش تزعقلي قدامهم كرجولة حتي

حسام بغلب وتعب : يا بنتي اتلمي بقا انت مش حمل خبطه انا راجل غصب عنك

سارة : لا عادي مد ايدك عملتها قبل كده

حسام ضحك وقد تذكر: انت الا استفزتيني العربية كانت هتتقلب

سارة بضيق : بتضحك انت حيوان والله معندكش دم صالحني حتي

حسام : يبنتي منا قعد عمال اقولك متزعليش يلهوي

سارة بدموع : انا كنت خايفه عليك اوي لما اتاخرت

اعتدل حسام في جلسته واقترب منها حين رأي دموعها : اشش اهدي ايه انا كويس

سارة بدموع : خفت

حسام حاوطه بذراعه : متخفيش عليا

سارة بانفعال : والزفت الحرس الا موقفهم في كل حته دول مش بيسمعو كلامي

حسام : حقك عليا انا خلاص بقا

سارة  نظرت له : بتحبني بجد يا حسام

حسام تنهد بقوة : اتغطي ونامي

سارة : مش تستخسر الراحه فيا

حسام بعقلانية : انت شايفه ايه يا سارة

سارة : عايزه اسمعها

حسام تنفس ببطء : اه انا بحبك وانت من ممتلكاتي الخاصه واوعي تفتكري اني اتجوزتك عشان بابا مفيش حد يقدر يجبرني علي حاجه انا مش عوزها

سارة بابتسامه عريضه : ممم تعمل ايه عشاني طيب

حسام بنظرة باردة : اي حاجه غير الا فبالك