الفصل السادس عشر

في صباح اليوم التالي يقف امام المراة يهندم ملابسه وابتسم حين رأها تتململ في الفراش وحين فتحت عيناها بثقل

سارة بنعاس : اي ده رايح فين

حسام : صباح الخير مش هتقوليلي حلمتي ب ايه امبارح بقا

سارة اعتدلت بتذمر تفرك عيناها : بس مش تفكرني كان كابوس وحش اوي

حسام : اي

سارة : شفت ان انا حوليا نار كتيرة وبابا بيحاول ينقذني وبيقولي سامحيني مكنتش اعرف انها هتصيبك

حسام شرد بذهنه : ربنا يجحمه يارب

سارة بزهول : ايههه بتقول اي

حسام بانتباه : مفيش اسكتي

سارة : انا ليه حساك بتكره بابا

حسام : ايوه بكرهو زي ما انت متعقده بسببه

سارة : وانت بتكرهو عشاني يعني

حسام ببرود : لا طبعا انت مين يعني

سارة بعبوس : رخم مستفز

حسام مبتسماً ببرود : ماشي يا نوتي

ساره بدهشة : انااا نوتي

حسام : امممم باي بقا عشان عندي شغل

سارة بفزع : لا حسام استني

حسام باستغراب : في ايه

سارة : انا مخنوقه اوي ومضايقه وزهقت من الاوضه ومن القصر ينفع اخرج

حسام : لا

سارة بحرن : اووه عشان خاطري هاخد چني معايا ونتمشي ونشتري حاجات

حسام : انتِ مش مترجمة ولا ايه قولت لا

سارة بعصبية وتذمر : حرام عليك انت حبسني انا هجنن كده

حسام نفخ بضيق : انت بتتعصبي كده ليه

سارة : عشان نفسي اخرج يا حسام مانت علي طول مش فاضي وراك قتل

رمقها حسام بحده وغضب : لسانك احسنلك

سارة تنهدت بحزن : ماشي

حسام بنرفزة : خلاص يا سارة هبقي اخرجك انا بعدين

سارة : وانا قولت حاجه بتزعقلي ليه يعني

حسام بخنقه : منا مش همشي وانتِ لوي بوزك ومضايقه

سارة قامت من علي الفراش : مش مضايقه يا حسام مش متزفته

حسام بصوت عالي وزعيق : انت بتكلمي كده ازاي اصلا ما تتعدلي علي الصبح

سارة نظرت له بحزن وتأفأفت : حاضر

اقترب منها حسام : اياكي ترفعي صوتك كده مره تانيه مفهوم

سارة دون ان تنظر له : مفهوم

حسام بهدوء : تقدري تخرجي وهسيب حمزه عشان يبقا معاكم

سارة التفت بعيدا عن عينه وابتسمت بانتصار : كتر خيرك

حسام بخلق ضيق : مش خلاص يعني ولا ايه

سارة التفت له : ما خلاص يا حسام انت عايز تتخانق

حسام عاقداً حاجبيه وبصيغة امر : افردي وشك ومش كل ما اجي اروح فحته تعملي شغل الاطفال ده

سارة ووجها شاحب تريد البُكاء : حاضر

اقترب منها وقبل اعلي جبينها وبصوت هامس: هدي اعصابك

سارة وهي تنظر في عينيه وتاهت بينهما : اممممم

يجلس في الاسفل في انتظاره وحين لمح حسام وهو ينزل من علي الدرج

حمزه : بقالي ساعه مستني ايييه

حسام : بقولك خليك انت معاهم خدهم خرجهم

حمزه : ما الحرس موجود احنا فاضين لكده

حسام : الايام دي في حد مستقصدنا مينفعش نسبهم لوحدهم

حمزه : هتروح للملك لوحدك يعني

حسام : اه افهم اي حوار الملاك الاسود الا مش سايبني فحالي ده

حمزه بانفعال : كنت خلصت انا صفقه اليونان

حسام بنرفزة : خلاص يا حمزه بقا

حمزه بصوت منخفض بضيق : من يوم ما جت وهي مبوظه كل حاجه

حسام رمقه بغضب : بتقول حاجه يا حمزه

حمزه : ابدا هخرجهم حاضر انت عرفتها الحقيقه

حسام بتنهيدة : لا

حمزه : عجل بيها

حسام مط شفتيه : مش هتفرق كتير انا مكمل بارادتي

حمزه : بس اعتقد بلال فهم علي فكره في كذا ظابط بيدور ورانا بس مش عارف يمسك حاجه

حسام ابتسم : بلال مفيش في مهاراته

حمزه : توكسك انت اوي

حسام : واه جهزلي بكره طيارة لباكستان

حمزه : مش انا الا هخلص الصفقه دي

حسام : لا خليك انت مع صفقة اليونان اليونان


في مصر وتحديدا المنيا
تجلس چوري امام التلفاز بينما ريحانه وسهي في المطبخ وكان يبدو عليها الالم والاجهاد وحين دخل الي المنزل قرر ان يتجاهلها ولكن رق قلبه حين راي التعب يظهر علي وجهاا ذهب إليها وجلس بجانبها

بلال بتساؤل : انت كويسه

چوري بشبه ابتسامه : تعبانه شويه

بلال بقلق : چوري انت عينك صفرا اوي انتِ حاسه ب ايه

چوري وهي تمسك بطنها وتود الصراخ : وجع رهيب في بطني وجمبي

بلال وتعبير الخوف احتل وجهه : قومي بسرعه نروح للدكتور

چوري بتوجع : ماما وطنط سهي بيعملو حاجه اشربها

بلال وقف منتفضا قائلا بصيغة امر : بقولك اسمعي الكلام قومي

چوري بضعف :مش تزعق انا مش مستحمله

بلال : مش بزعق اسمعي كلامي طيب

ريحانه من خلفه : عمالين نتحايل عليها من الصبح

سهي : ايوا لازم نوديها الالم بيزيد

بدا العرق يتصبب علي وجه چوري وازداد اصفرار وجهها وتصبغت عيناه باللون الاصفر وقالت بصوت ضعيف وهي علي وشك الاغماء : الحقو ن ي
وبالفعل فقدت وعيها امامهم انتفض بلال واقفا وحملها بين يديه وخرج بها من الفيلا ووضعها في سيارته وخلفه ريحانه وانتظرت سهي في المنزل وعلامات القلق عليها انطلق باقصي سرعة وفي غضون دقائق كان امام مشفي المدينه
حملها ودخل بها الي غرفة وقد ذهبت ريحانه واتت بالطبيب وبدا يفحصها

بلال بوجه شاحب خوفاً : خير يا دكتور

الدكتور : لازم تدخل العمليات حالا

ريحانه بخضه : مالها بتي

الدكتور : مش تقلقي دي المرارة

بعد مرور ساعه ونصف من دخولها غرفة العمليات وقاموا بنقلها الي غرفة خاصه واتي ناصر وسهي الي المشفي وحولها في الغرفه منتظرين عودتها الي الوعي يجلس بلال بجانبها بحزن وخوف ولاحظ الجميع خوفه عليها كالطفل الفاقد امه

ريحانه : بلال عاوزاك بره ثواني

خرج بلال معاها بتعب : اي يحبيبتي

ريحانه : عمك ناصر وسعي واخدين بالهم منك اوي

بلال بنرفزه : تولع الدنيا مش فارقلي حد

ريحانه : يني اهدي انا ناصر سالني قولتله انك مكلمني عليها

بلال : عملتي الصح تعالي ندخلها بقا

دخل بلال ومعه ريحانه وكان ناصر وسعي يضحكون علي چوري وهي تفيق من المخدر وهلوستها بلا وعي

بلال رافعاً حاجبه وعاد مكانه بجانبها : بتضحكو علي ايه

ناصر : اقعد اسمع يا سيدي

چوري وهي نائمه تهمس بصوت منخفض : غبي انا محبتش غيررره حرقلي قلبي بكرهو

نظر لها بلال بحزن يتأمل ملامحها ومسك يداها بتملك امام الجميع ويبتسم لها

چوري : مش تسافر حسام شرير بخاف عليك يا حمار

بلال نده علي احدي الممرضات سريعاً حين ادرك انها ستقول جميع الخفايا

الممرضه : ايوه

بلال بضيق : فوقيها

يضحك الجميع بدري ولاحظ بلال انهم لم يفهموا سوي حبهم لبعض ابتسم لهم اعطتها الممرضه ابرة فتحت چوري عيناها التي وقعت علي بلال واولدتها ظلت تنظر حولها حتي رأت سهي وعمها ناصر

چوري بتعب : هو حصل ايه

الممرضه : حمد الله علي سلامتك

وخرجت وجلست بجانبها ريحانة : الف سلامه يروحي خوفتي امك يا بتي عليكي كتير

ناصر وسهي : حمد الله علي سلامتك يا زينة البنات

نظرت لبلال باستغراب : بلال هو في ايه واي الا جابني المستشفي

بلال مبتسما بحب وحنو وبصوت هادي : متخافيش دي عملية المرارة

چوري بصدمه : انا عملت عمليه

بلال : اشش اهدي مش تتخضي خلاص انت دلوقت كويسه

سهي : جولتلك مليون مره اما تتوجعي تخبرينا

ريحانة : عجبك كده ستر ربنا لحجناكي

ناصر وهو يذهب : بس مش تضايقوها انا هخلص حساب المشفي وهعاود

چوري شهقت حين شعرت بشعرها مبعثر حولها : يلهوي انا بشعري

ريحانه : انت اغمي عليكي وانا وبلال جرينا بيكي كيف المجانين

بلال : وده هتتحاسبي عليه علي فكره بس مش دلوقت

چوري بضعف وهي نائمه علي الفراش : وانا ذنبي ايه بس

بلال وهو يقترب منها بسعادة مبتسما لاجل سلامتها : ذنب واحد! دانا هطين عشتك بس تقومي

چوري بتعابير ألم : انا بطني بتوجعني اوي

ريحانه : مطرح الجرح المسكن هيشتغل

بلال لسهي : مرات عمي انت جبتلها طرحه صح

سهي : لا يولدي من خوفي نسيت

بلال رمق چوري بضيق : ما انت مش هتخرجي بشعرك تاني ومفيش راجل هيعتبها بقا اتصرفو كفايه الدكتور اي الارف ده

چوري نظرت له بعتاب وتعب : اطلع بره انا مش عايزه اشوف خلجتك بتعصبني

بلال بسخرية : خلجتك ! كمان لهجتك اتعوجت زيهم يا بيئه

سهي بضحك : اه يا واطي

بلال بتنبيه : اسمعوا انا هنزل 10 دقايق وهاجي لو راجل دخل هولعلكو في المستشفي

هم بالذهاب ولكن تفاجاء بناصر اتي ومعه اسدال

ريحانه مبتسمه : وه شوف كيف عمك اشتري اسدال

بلال براحه : ااه يا راجل يا طيب سبقتني

ناصر : ايوه انا خدت بالي ما انت غبي ازاي تخرجها كده

بلال بتنهيدة : مانت لو شفتها وهي مرميه زي الفرخه المدبوحه قدامي

بينما في ايطاليا
داخل احدي المطاعم الراقيه تجلس سارة وحدها بينما يرقص حمزه مع چني سلو ومندمجين يتهامسون مع بعضهم بحب

حمزه : مبسوطه

چني بسعاده عارمه يملؤها الحب : اوي حاسه اني مرتاحه وانا بحبك

حمزه ضحك لتعبيرها الطفولي : الاول مكنتيش مرتاحه

چني بضحك : حمزه اكيد مش كنت مرتاحه

حمزه : عارفه لو مش كنت عملت كده كنت هحس نفسي قليل اوي قصادك

چني : ازاي

حمزه : انت جدعه اوي يا چني عمري ما هلاقي حد يحبني زيك ضحيت فعلا بدنيتك ودراستك واهلك عشاني ولما قهرتك فيا كملتي معايا ومحاولتيش تسبيني

چني نظرت له بعمق : جدعه !!حمزه انا حبيتككك الحب شئ كبير و فرصه نادرة مينفعش نضيعها بسهوله معني اني حبيتك انك تستاهل المحاوله مشاعري ليك تستحق انها تنجح مش جدعنه خالص

حمزه بابتسامته الجذابه : اممم كلام يتحب

چني والدموع في عيناها : مش عايزه غيرك لحياتي ارجوك

حمزه باستغراب ومسح دموعها بيديه : في ايه اهدي انا معاكي وبعمل الا نفسك فيه

چني بدموع وتوقفت عن الرقص : مش الا نفسي فيه يا حمزه

حاوطها حمزه مرة اخري واكمل الرقصه معها : اعقلي واتكلمي براحه عشان افهمك

چني : مش الا نفسي فيه ده الصح

حمزه : بس الصح ده لو مش عشانك انا مش هعمله

چني ضحكت  : وانا فرحانه لاني سبب في ده

حمزه بجديه : انا راجل يا چني وحبيتك وكنت عارف اني هكون كويس لحبك

چني : طيب انا خدت بالي ان سارة اتخنقت من القعده لوحدها تعالي نروح ليها

حمزة : اوكيه

وبالفعل ذهبوا الي سارة وجلسوا معاها

سارة : ما تكملو والله الليل طويل

حمزه ببرطمه : حقوده

سارة بنرفزه : بتقول ايه !؟

چني : خلاص يا سارة احنا اسفين

حمزه ببرود : مش تجمعي تاني مره عشان مش اازعلك مني وتعيطي

چني نظرت له بضيق : اووه لو فضلتو كده همشي واسيبكم

حمزه :  عشان اكسر عضمك

سارة بخولق ضيق : مالك يا فنان براحه علي نفسك

چني : والله حرام عليكم بقا

سارة بخلق ضيق : خلاص اخرسي بقا بطلي صياح

حمزه : نفسي افهم هتكلمي معانا زي الناس ازاي وتطيقنا كده

چني : طيب كملو كنتو بتقولو اي علي اما اشرب العصير

حمزه بمشاكسه : ركزي انت في العصير وسبي الكبار يتكلمو

اخرجت له لسانها بغيظ

سارة ضحكت : ياربي بقا مش هنخلص

حمزه نظر لسارة : اتفضلي يا استاذه الميك معاكي

سارة : بكرهك

حمزه : عارف المهم اخلصي

سارة : اتفقت مع بلال ان كل حاجه تلبس في الملك بتاعكم ده

حمزه : والضلع التاني الجهاز هيعدي كده هو هبل بلال بيسايسك وهيحبسنا كلنا خاصة بعد ما عرف الحقيقه كامله

سارة بثقه : لا بلال مش غدار

حمزه بتاكيد : كويس انك عارفه هيخون الجهاز ازاي وشغله

سارة بعصبية : اخرس بقا وترتني بلال ساب المهمة اصلا هو بيساعدنا بطرق مختلفه

حمزه : ماشي المهم ابوظ صفقة المخدرات بتاعة اليونان

سارة : زي ما اتفقنا

حمزه : انا عايز اقولك انه سيبني لانه مشغول بحوار الملاك الاسود مين هو

سارة بابتسامه : هيقتلك

حمزه وهو يضحك : وفرحانه كده ليه يخربيتك

چني بزهق : خلصتوا كلام كبار

حمزه نظر لها : اه يا قلبي

سارة بستحقار : علاقه زباله كلو بسببك

چني بانفعال وضيق : برضو لسه بتقوليلي كده اتعظي بقا ربنا حطك في نفس الموقف

نظرت لها سارة بخيبة وحزن

حمزه بعتاب حاد: چني عيب كده

چني بضيق : هو اي الا عيب هي الا قلبها اسود ومسكهالي زله رغم ان ربنا حطك في نفس الموقف علي الاقل انا حمزه اتغير عشاني وبيحبني انما

حمزه بزعيق لچني يقاطعها : ابلعي لسانك عشان مش امد ايدي عليكي قدامي يله نروح

چني نظرت له بحزن ابتسمت لها سارة نصف ابتسامه وهي تشعر بألم في حلقها نتيجة حبسها للبُكاء نظر حمزة لوجه سارة بشفقه وسحب چني من ذراعها وخرج وخرجت خلفهم سارة وطوال الطريق والصمت سائد

وداخل غرفة چني ابدلت ثيابها وتمسح لمسات التجميل التي علي وجهها امام المراة وتنظر له بضيق وغضب

حمزه وهو يضحك بغلب : يا بنتي انت الا غلطانه مش تبصيلي كده

چني التفتت له : يعني انت مش شفتها وهي بضايقني

حمزة : يا بنتي ردك عليها كان صعب

چني بحزن : انا مكنش قصدي

حمزه : خلاص روحي صالحيها

چني : طيب هو حسام جه

حمزه : لا هي تحت في الانتريه بتتفرج علي التلفزيون

چني : طيب تعالي معايا ننزلها بس الاول انا زعلانه منك بجد

حمزه وهو يعود خصلات شعرها خلف اذونيها : ليه يا روح حمزه

چني بعتاب والدموع في عيناها : بزعل لما بتعاملني وحش قدام حد بحس باحراج

حمزه وكأنه يحدث طفله : يلهووي عليا انا اقدر يا روحي

چني دفعته بقوة في كتفه : بطل تسخر من زعلي

حمزة ضحك : مش قصدي بس انت حساسه زياده انا مش عملت حاجه تزعلك اوي كده

چني بانفعال: انت شخطت فيا وبتقولي همد ايدي عليكي وهزأتني

حمزة بتفاهم : اولا حقك عليا عشان شخطت فيكي ثانيا انت غلطتي صح

چني بدموع : يعني دي غلطه تافه شوف عاملتني ازاي وانا بعامل غلطك ازاي

حمزه مسح دموعها برفق وقال بهدوء : بلاش دموع اطفال انا بفهمك براحه وبعدين متقارنيش نفسك بيا انا راجل يا حبيبتي

چني: انت مستبد ومستفز

حمزه ببرود : مش مهم بس انا الراجل غصب عنك يعني انت لما تغلطي اكسر نفوخك انا لما اغلط هاصالحك عشان مش هتهوني عليا

چني : والله

حمزه قاطعها : اخلص كلامي اهدي انا هزأتك عشان رغم ان علاقتي بسارة مش كويسه لكن شفت الكلام يوجع

چني : وكلامها ليا مش بيوجع ؟

حمزه : علي فكره انت عمرك ما فهمتي اختك انا بشوف سارة دي طريقتها هي مش بيبقا في نيتها تجرحك هي بتتعامل كده بنشفان لكن طيبه

چني بدموع : انا وسارة طول عمرنا بعاد عن بعض

حمزة مسح دموعها وقبل رأسها : اهدي متزعليش مني ومعاكي فرصه تتقربي منها وانا معاكي وهساعدك

چني : انا بحبك اوي انا عمري ما هندم اني اخترتك في يوم

حمزه : يا بكاشه دانا خرجتك من حالة الندم بالعافيه بس انا صدمتك جامد برضو

چني ضحكت بقوة : طلع من نفوخي صراحه بس

حمزه : بس ايه يا روح حمزه

چني : في وقت بتخاف تندم فيه تموت انا جازفت الندم بعد المجازفه يموت  .

حمزه : وانا هجازف بحياتي عشان نكمل حياتنا في امان سوا

چني ضحكت بحب : نبقي خالصين انا جازفت عشان اكون معاك وانت جازفت عشان نكمل سوا.

ثم نزلوا سويا الي سارة التي كانت شاردة امام التلفزيون وتأكل بعض السندوتشات

حمزه بصدمه : انت لحقتي جوعتي احنا لسه واكلين

نظرت له سارة بأرف : وانت مالك

چني باسف : سارة انا اسفه حقك عليا

سارة : روحي اعمليلي عصير ولا اي حاجه ابلع بيها الاكل ده

ضحك حمزه وچني علي طريقتها وجلسوا بجانبها

سارة : اي ده انتو هتصحبوني اطلعوا

حمزه : انت بقا مغلوله عشان حسام هيبات بره

سارة باندفاع : انا لو عرفت انه قابل الا اسمها اسيل دي هولع فيكو

حمزه : يبنتي هي مش في دماغه اصلا ثقي فيا

سارة وهي تأكل : بكرهك

چني : حرام عليكي ما هو كويس اهو

سارة : بس يا مركوسه

سارة مكمله بابتسامه وادمعت عيناها : والله ما في حنية حسام كاريزمته ولا انا كنت بحلم

دخل حسام عليهم : انتو متجمعين كده ليه

سارة انتفضت بفرحه : انت جيتت

حمزه : عملت ايه

جلس حسام : done

حمزه : معلم في السرعه

حسام نظر لسارة : انت كنتي بتعيطي ولا ايه

چني : كانت زعلانه عشان انت هتبات بره

حسام وهو ينظر لها : لا انا جيت وبعدين ده مش مبرر تعيطي ولا اي جو اطفال

سارة نظرت لها وقالت وهي تهم واقفه لتذهب : لا مش اطفال ولا مش عيطت

وتركتهم وذهبت الي غرفتها

حمزه : احمم هنام انا عشان اخلص صفقه بكره

ذهب حسام خلفها دون ان يرد عليه

چني : بجد رخم اوي

حمزه : اششش مالناش دعوه

چني : هتاخدني معاك بكره صح

حمزه : نو

چني : ليه بقااا ماليش دعوه وكمان عايزه اروح قصر الجبل اوي

حمزه ضحك بقوة : قصدك روسيااا الصفقه الروسيه الجاي هخدك

چني بنفي وتراجع : ولا لا ان شاء الله مش هيكون في جايه

حمزة : ربنا يسترها علينا من هولاكو ده

چني : ده يشكرنا اننا نضفنا وخلانا انسان كويس وكمان مش هنسجنه

حمزه : يا بنت بطلي طولة لسان ده صحبي

في الاعلي داخل غرفة سارة وحسام

حسام : نفسي تعقلي كده

سارة : نفسي تعاملني حلو

حسام : انا مهنش عليا اسيبك عشان عارف انك هتضايقي من غيري والله

سارة بنرفزه : كل شويه شغل اطفال اطفال

حسام اغمض عينه وقال بجدية : اخر مره هنبه عليكي تكلمي معايا عدل

سارة : ماشي انا غلطانه طلقني احسن

حسام رمقه بحده وغضب مما جعلها تشعر بالخوف ظل ينظر لها هكذا في صمت

سارة بهدوء خائف : مش قصدي يا حوس خلاص انت هتتحول ولا ايه

حسام : انا هنام بره

سارة امسكته من ذراعه : لا لا خلاص حقك عليا

حسام : انت ليه بتعمدي تضايقيني هو انا جبرك انك تكملي معايا

سارة : يسلام يعني انت هتسبني

حسام : لا عادي لو مش عايزه تعيشي معايا هرجعك مصر ومش اوريكي وشي

سارة ضحكت بسخرية : وافضل علي ذمتك اناني اوي بجد

حسام ببرود : وتتطلقي ليه

سارة ببرود لتغيظه : عادي اصل كان في واحد معجب بيا زمان عرفت قيمته دلوقت

لم تقصد شئ بحديثها فقط ارادة مضايقته ولا تدري ما هو رد الفعل فجاءها بصفعه لها بقوة شهقت بألم وامسكها من شعرها يجذبه ونيران الغيرة تخرج من عينيه تكاد تحرقها

سارة بصراخ : اه انت متخلف وحيوان

حسام بغضب : انا محدش يتفضل عليا ولما تكوني علي ذمتي مجرد التفكير في حد تاني هقتلك

في مصر وتحديدا محافظة المنيا داخل مشفي المدينه يجلس بلال بجانب چوري النائمه علي الفراش ويمسك يداها بتملك

چوري بتعب : افرض حد دخل دلوقت يا بلال

بلال بلا مبالاة : مين هيدخل عمك روح ومعاه مراته وامك وزعتها تجيب ميه

چوري ضحكت : بجح والله باعت امي تجيب ميه

بلال : اعمل اي مهي مش راضيه تروح معاهم وبعدين مهي فاهمه

چوري وبداخلها سعادة لحبه لها بتلك الطريقه : اممم كل ده خوف عليا

بلال تنهد بجدية : اتخضيت اوي حسيت قلبي اتخلع مني اول ما لقيتك وقعتي قدامي

چوري : بجد الالم كان هيموتني كنت بطنشه لغاية ما اشتد جامد

بلال بعصبية : حيوانه ازاي تعملي كده اسكتي عشان مش اتعصب عليكي وانت تعبانه

چوري : خلاص بقا بعد كده هقول والله حرمت

بلال : احسن يا غبيه

چوري بتنهيدة وهي تنظر له بحب وقد حنت له بشتي الطرق : وحشتني يا بلال

بلال ابتسم بالاتساع : منا جمبك اهو

چوري ضحكت بخجل : بارد ورخم

بلال بحب مبتسماً : اعترفي ان قلبك كسر راسك وقوليها 

چوري : خلاص بقا مش تضايقني

بلال : اصلا يا حبيبتي العايله كلها عرفت يعني بمزاجك او رضاكي هتجوزك دانتي كنت هتبهدلي الدنيا في البنج

جوري باللهجة الصعيدي : يخبر منيل أسود

بلال بضحك : منيل اقلبي لاصلك يا بنت الكلب

چوري : اخرس بقا انا خوفت اوي لعم ناصر ي

بلال : اششش اهدي مفيش اطيب من قلب عم ناصر ثانياً خوف ايه انا جمبك

چوري : عم حسن الله يرحمه هو الا كان هيطربقها ع دماغنا

بلال بتنهيدة : الله يرحمك يا بابا

طرق احد باب الغرفة عليهم

بلال بتنبيه : اسندي عليا وقومي اتعدلي

چوري باستغراب : انا قادره الكلونا ف ايدي

بلال : براحه كده واعدلي طرحتك

چوري : دي يا ماما يا عمي

بلال : هي امك هتخبط يا غبيه اخلصي

چوري باستغراب : انت ذكي اومال يترا مين

بلال وهو يساعدها تعتدل ويعدل حجابها وانتقل الي الجلوس علي المقعد بجانبها : انا ذكي اه بس مش ساحر

بلال : ادخل

دخل ادم مبتسماً ومعه مليكه التي صُدمت حين وجدت الفتاة چوري وقف بلال بغضب من الصدمه .