الفصل الثاني والعشرون

نظرت له تالين وابتسمت ثم قالت /ماشي

ثم مشت مسرعه الي ان وصلت مكتب جمال ولكنها صعقت عندما رأته جالس وامامه من هي اهذه نورا
flash back
كانت نورا تحب جمال حقا ولكنها لم يكن امامها فرصه لانها كانت تعلم ان جمال يعشق تالين ولكنهم الان انفصلوا لذلك عليها ان تاخذ فرصتها الان دخلت نورا مكتب جمال متحججه بمجموعة من الاوراق عديمه الفائده كانت ترتدي جيبه سمراء قصيره تصل الي فوق الركبه ببلوزه ضيقه ولكنها كانت ايضا مثيره بشعرها الذهبي الطليق وعيونها الخضراء كانت تمشي امامه ثم جلست ع مكتبه وهي تميل الي الامام قائله بصوت ناعم يرج له الجسد/اتفضل يااستاذ جمال الورق ده محتاج امضتك

نظر لها جمال باشمئزاز قائلا وهو يضع اصبعه ع كتفها بتقزز ويقول/اولا حضرتك ماتتميليش اوي قدامي كده ثانيا حضرتك قومي من ع المكتب هو انا مقعد بنت اختي

فنظرت له بلؤوم وهي تنحني مره اخري وتقول/لا انا نورا وبس ثم اقتربت حتي اصبحت قريبه جدا من وجهه كانت تريد ان تقبله فهي تريد هذا ولكن دخلت تالين وهي قريبه منه هكذا فقالت بارتباك/اا.سس..فه ماكونتش اعرف ان ف حد معاك

قفز جمال من مكانه وذهب اليها مسرعا وهو يجذب نورا بعيدا عنه ثم ماكنت الا ثواني وكان ممسك بيد تالين نظرت له تالين بغضب وعيونها دامعه فقال/تالين ماتفهميش غلط ده هي......

قاطعته تالين بغضب /هي ايه يااستاذ جمال ظ ها؟ ماكونتش اعرف انك هتنساني بسرعه كده ع العموم انا اللي غلطانه اني جيتلك علشان اصالحك وسمعت كلام ادم

جمال/ياتالين....

نظرت له تالين وعيونها بها غضب جهنم ثم قالت/ماتجبش اسمي ع لسانك

ثم اذاحت يده بعيدا عنها وهي تجري وتجري وهو يجري ورأها ينادي باسمها حتي يوقفها ولكنها لم تكن تسمع او تري شيئا سوي هذا المشهد اللعين كانت هي ف وسط الطريق وهي تجري حتي كادت ان تدهسها سياره ولكن جمال جري عليها مسرعا فأمسكها من يدها وازاحاها عن الطريق ارتمت تالين بين احضانه وهي ترتجف وهو يهدأ من روعها/اهدي ياحبيبتي اهدي هششش خلاص ماحصلش حاجه

كانت تالين تبكي حتي تذكرت ذلك المشهد مره اخري فبدأت تتمرد حتي يتركها ولكنه امسكها جيدا قائلا/والله ياتالين ماحصل حاجه هي اللي دخلت وقعدت تروح وتيجي بطريقه وحشه وانا زقتها كمان بس هي فضلت تماطل لحد ماانتي دخلتي انتي يعني تفتكري اني ممكن ابوص لواحده زي دي

رفعت تالين وجهها بعيون باكيه وهي تهز رأسها بالنفي فقال/شوفتي اديكي قولتي ثم مسح دموعها قائلا/اسف اسف ع اللي كل اللي قولته والله ماكنت ف وعي بس انا بغير ولما شوفتك مع ادم فقدت اعصابي بجد انا....

وضعت يدها ع فمه لتسكته وهي تقول /بحبك

جمال/اخيرا وانا كمان بعشقك ثم رفعها من ع الارض وبدأ يدور بها وهي تضحك كان الماره ينظرون لهم باندهاش فمنهم من كان معجب بهذا الموقف ومنهم من كان يقول/ يعني جايين تحبوا بعض ف وسط الطريق

والاخير يقول/كتكوا القرف جيل مهبب ايه باربي الزمن ده

سمع جمال هذه الجمله ولكنه لم يعبئ بها ثم جذبها من يدها قائلا/تعالي

ثم تركها قائلا/استنيني هنا ثواني

ذهب جمال وظلت تنتظر تنتظر حتي ملت ولكنها وجدته امامها راكعا ع ركبته وهو ممسك ببوكيه من الورد ومعه الخاتم الذي يرمز ع حبهم دهشت تالين ووضعت يدها ع فمها فقال وهو يبتسم/حبيبتي عارف اني غيور وعارف اني دبش وعارف اني لااطاق بس ف ميزة واحده فيه هو انتي فتقبلي تكميلني

دمعت عين تالين وهي تضع يدها ع فمها وهي فرحه ولكنها لم تستطع ان تتحدث من شدة فرحتها فقال جمال/تالين انتي نسيتني ابوس ايدك قولي اه او لا بس خلصي ركبتي هتموتي

ضحكت تالين ثم ارتمت بين احضانه وهي تقول موافقه موافقه كان يوجد مجموعه من الشباب حولهم وبدأ ف التصفيق والتصفير بصوت عالي وهم يصيحون خجلت تالين كثيرا ولكن جمال بدأ يرفع يده كاالابطال

مر اسبوع وجاء اليوم المتتظر

لم يستطع مالك ان ينام طوال الليل فاخيرا ياالله حققت لي مااتمناه ثم قام وتوضئ وصلي ركعتين شكر لله ثم بدأ ف صلاة القيام كعادته كان يريد ان يوقظها حتي تصلي معه قيام الليل ولكن لا ليتركها تنم جيدا فهي لم تستطع النوم بسبب انها كانت مستيقظه مع تالين ومي جلس يقرأ القرأن وهو يديعي ان يوفقهم ويرزقهم الذريه الصالحه جاءه صوت اذان الفجر عاليها فقام من مجلسه حتي يصلي ولكنه تذكر ان يهاتفها حتي تصلي هي الاخري كان ع وشك الاتصال بها الا انه وجد اسم my princess ينور هاتفه فأجاب لهفه/حبيبي اللي هيكملني طول العمر بقي

اسيل وهي تبتسم بخجل/ربنا يديك طولة العمر ياحياة قلبي

مالك/اخيرا يااسيل اخيرا

ابتسمت بخجل ولكنها قالت بمشاكسه/اخيرا ايه حضرتك؟

مالك/هتكوني مراتي ام عيالي بقي

اسيل/لالا مافيش الكلام ده انا اشاسا لسه بفكر

مالك/نعم ياختي

اسيل بطفوليتها المعتاده/اه هو كده مش عجبك ولاحاجه؟

مالك/وانا قولت حاجه انتي الاميره وتقولي اللي تحبيه

اسيل/روحي انت ياملوكي

مالك/حياتي

اسيل/طب يلا قوم بقي علشان تصلي الفجر

مالك/حاضر سلام واه بحبك

هزت اسيل رأسها وهي تبتسم وتقول/وانا بعشقك سلام

بعد ذلك بساعات جاءت والده اسيل لتوقظ الفتيات الثلاثه حتي ينهضوا ليفطروا ثم يذهبوا الي الفندق الذي سيتم به الزفاف

تالين وهي توجه كلامها لرقيه/مالك ياجميل سرحان ف ايه؟

رقيه/اخيرا اسيل هتتجوز يابنات

نظرت لها اسيل وهي تقول/اخيرا ليه ياحاجه محسساني ان عندي ال120 دول هما كلهم 26 عمي

رقيه/يابت اتهدي انكري بقي انك كنتي منحسه

اسيل/احم احم ايه الاحراج ده

ضحك الجميع ثم قالت اسيل/ مش يلا بقي علشان مالك زمانه ف الطريق علشان يوصلنا للفندق

تالين/هو اسمه ايه صحيح انا نسيت اسم الفندق ده

اسيل/طول عمرك فضحاني اسمه(فيرمونت نايل سيتي)

مي/الفندق ده رووووووووووعه

اسيل/اه ماانا عارفه لما دخلته مع مالك وبابا وماما واياد علشان نشوف القاعه انبهرت

بعد ذلك جاء مالك واصطحب اسيل ومي وتالين الي الفندق دلف الاربعه الي الفندق ثم اخذهم عامل الاستقبال ودلهم ع جناح العروسين المخصص لهم كان الجناح حقا فخم به غرفتين منفصلتين حتي يجهز الاثنان بها

جاء المساء وبدأ موعد الزفاف كانت اسيل حقا مبهره بفستانها الشبيه بأميرتها المفضله(سندريلا) كانت اسيل منتظره مالك هي ومي وتالين عندما اتصل يوسف بمي ليقول/مي اوعي تكوني حطيتي ميك اب اوفر والجو ده كان مالك يجلس بجانبه وهو يقول لها هذا الكلام فجذب منه الهاتف ويقول لمي /فكك منه واعملي الي انتي عيزاه بس ماتأوفريش ممكن بقي تديني ايسو

مالك/اميرتي ها ايه الاخبار؟

اسيل/ميه ميه

مالك/والميك اب

اسيل/خفيف زي مااتفقنا

كان يوسف يستمع للمحادثه لان مالك ضغط ع الميكروفون حتي يستمع ثم نظر الي يوسف قائلا

اسمع ياجو انا بردوا كنت كده بس صدقني فرض الرأي بالطريقه دي بيجي معاك بنتيجه عكسيه دايما تسيطر ع الحب بالعقل مش بالغباء اللي عملته دلوقتي خليها تسمع كلامك وهي مقتنعه بيه مش وهي مجبره عليه فاهمني

يوسف باحراج /حاضر

ذهب اياد ليأخذ اخته من غرفتها فحسب التقاليد ان الاب من يصطحب ابنته من غرفة الفندق ليهبط بها الي اسفل لزوجها ليأخذها ولكن ف حالة اسيل كان اخيها هو من اصطحبها فقد كان هذا طلب اياد من ابيه فوافق والده فورا

عندما راها اياد انبهر حقا قائلا/يخربيت جمالك ياايسو انا اختي كانت موزة كده وانا سايبها عادي

ابتسمت اسيل بخجل وهي تقول/بس بقي ياايد ماتكسفنيش

نظر لها جمال بحنيه شديده ثم دمعت عيناه وهو يقول/انتي افضل واحسن واجمل واخت ف الدنيا ربنا يسعد ايامك ياحبيبتي

دمعت عين اسيل ولكن لحقها اياد قائلا/لالا مش عايزين عياط بقي المكياج يسيح وتفضحينا ونشوف الحقيقه استني اما الواد يدبس الاول

ضحكت اسيل كثير هي ومي وتالين

تالين/ياساتر عليك مابتكملش لاخر الشارع

اياد/او اخر فيصل

اسيل/حتي ف يوم فرحي بتقلشو كده كتير بقي هههههههههههههههههههههههه

اخذها اياد من يدها وقبل جبينها ثم انزل الطرحه ع وجهها وهبط بها السلالم والموسيقي تعزف كان مالك ينظر لها وهو منبهر بجمال هذا الملاك الهابط ياالله هل حقا ما يحدث الان ليس حلم

عندما هبطت اسيل حضنها والدها كثيرا فهي ابنته البكر الذي كان يتمني ان يراها دائما بهذه الطله ثم اخذتها ولدتها باحضانها وبدات ف البكاء فذهب مالك ليهدئ من روعها ويقول/

هنقضيها عياط بقي ايه الستات دي؟

ضحكت رقيه هي واسيل ثم جاء اياد ليسلمه اخته وهو يقول/خلي بالك منها يامالك انت ماتعرفش اسيل دي بالنسبه ليه ايه؟ اوعي ف يوم تزعلها ولا تخليها ف يوم تنام معيطه ان زعلتك حاول تفهمها بالراحه ولو ف يوم نسيت تعمل اللي قولتلها عليه عاقبها بس بلاش اهانات

مالك وهو يطمئن اياد/اسيل عمري ياايد ماحدش بيزعل من عمره مهما حصل اطمن اسيل ف قلبي وف عيني

اياد/هو ده الشعم بردوا خودها يلا بقي علشان خنقتني بصراحه

اسيل/ياباي عليك

نظر لها مالك وابتسم ثم رفع عن وجهها الطرحه التي تغطي بها وجهها وقبل جبينها فالتقط بيجاد هذه الصورة ايضا

مالك وهو يهمس ف اذنها/تعالي بقي علشان تبدا المفاجأت

كانت اسيل ع وشك دخول القاعه الا ان اوقفها مالك قائلا /لا انتي مش هتدخلي من هنا انا اللي هدخل من هنا انتي هتدخلي من هناك ثم اخذتها تالين من يدها واوصلتها للجانب الاخر فتحت اسيل فاهها بانبهار فأول مفاجأه منه انها وجدت عربه سندريلا التي كانت تركبها وهي ذاهبه الي الحفله صعدت اسيل الي العربه وهي تضحك دخلت العربه بها ومن حولها اضوا الافراح ومفرقعات وعندما نهضت لتهبط منها وجدت مالك يجثوا ع ركبته وبيده خاتم ليقول/انا كان نفسي اعمل الحركه دي معاكي بس مالحقتش فحلفت اني هطلب ايدك تاني بالطريقه دي اسيل تقبلي تكمليني تقبلي تفضلي معايا العمر كله

دمعت عين اسيل فما كان منها الا ان جلست ايضا امامه وهي تقول/تقبل انت اللي تكملني

اخذ يدها وقبل وجه يدها وهو يقف اقبل
وجاء كتب الكتاب فقال المأذون /امضي يابنتي هنا/نظرت بشقاوة وقالت بمشاكسه /افكر ياعمو اصلي مااخدتش فرصتي

نظر لها مالك قائلا/نعم ياختي

ضحك المأذون فقالت/شوفت اهو من اولها بيزعق اهو امال لماامضي بقي لا خلاص مش لاعبه

فامسكها مالك من يدها قائلا/ده انتي هتمضي غصب واقتدار مضت اسيل ع القسيمه
ثم صعدوا الي المكان المخصص للعروسين وبدأت الاغاني حتي قال منسق الدي جاي العروسة لو سمحتي تعالي اتفضلي هنا شويه

نظرت الي مالك فاماء لها بنظره له حتي ننحرك من مكانها ذهبت اسيل الي شاشة العرض حتي تبدأ اغنيه انا بوعدك مع صور لها وهي صغيره فتبدأ

يوم ماتقابلنا اليوم ده هفضل مش ناسيه انا اتكتبلي احلي قصه حب فيه

ويدخل طفلين وهم يمثلون المشاجره كما بدأت علاقتهم

اول مشاعر حلوة قلبي يحسها ولهفتي بمعاد اقابلك بعدها

فيدخل طفلان اخران وهم ممسكين بكشاكيل محاضرات كان الطفل ينظر بحب ولكن الطفله تنظر بكره ليذكرها بحبه لها وهي تكره
انا بوعدك من الليله دي هفضل معاك وهعمل اللي يريحك وهخاف عليك
ثم يدخل طفلان اخران وهم ممسكين بيد بعضهم والفتاه ممسكه بورده
انا بوعدك ياحبيبي يااجمل ملاك لو عزت نجمة من السما هجيبها ليك
نظرت اسيل لتجد ان الاطفال اصطفوا بالجانب وتتفاجئ بالذي يحضنها من الخلف ويهمس باذنها بوعدك استدارت اسيل وحضنته وقالت بفرحه طفوليه /بعشقك

كانت اللاغنيه مازالت تصدح بكلامتها وشاشة العرض تعرض صورها

بعد ذلك طلب منسق الد جاي مره اخري العروسين حتي يرقصوا الرقصه الشهيرة (السلو)
توعديني

اسيل/ها

ثم بدات الاغنيه لتفهم كلمة اوعديني

اوعديني
لو يوم يو زعلتي مرة مني تعرفيني لو جرحتك غصب عني حسسيني ماتشليش جواكي حاجه تحكي ليه كل حاجه لما هفهم هبقي احسن صدقيني

اوعديني و نسيت نفسي ياحبيبتي نفسي تفوقيني لو خدتي الدنيا منك رجعيني لو ف للحظه زاد غروري اشتكي لومي وثوري بس اوعي ف يوم تروحي وتسيبيني..انتي قلبي وانتي روحي وانتي عيني حد عايز اعيش معاه لاخر سنيني انتي بالنسبالي مش حب ف حياتي انتي كل حياتي فعلا افهميني

مالك/توعديني
اسيل/اوعدك

مالك/ايسو ممكن اسالك سؤال ؟

اسيل/اها

مالك/هو انتي اللي قصرتي ولاانا مش واخد بالي

ضحكت اسيل ثم رفعت فستانها قليلا حتي يري الحذاء فوجد انها لاترتدي حذاء حفبه ولكنها ترتدي/سيفتي يااسيل
اسيل /اه عادي اصل رجلي وجعاني

ضحكت ونظرت جانبها لكنها وجدت نفسها طائه بين يديه وهو يقول باعلي صوت لديه/بحبببببببببببببببببببببببببببببببببببببببببببببببببببببك

كانت تضحك كثيرا نظرت لسقف الفندف فوجدت ان ورد يقع عليهم

انتهي الحفل وصعدوا الاثنان الي جناحهم الخاص لانهم ف اليوم التالي موعد رحلتهم الي شهر عسلهم

دخلت اسيل وهي خائفه كثير فنظر لها بحنو قائلا انا هدخل اغير هدومي انا ف الاوضه التانيه فهزت راسها بالموافقه دخل وغاب كثيرا ولكنه عندما عاد وجد انها مازالت بفستانها جالسه كالقط الخائف ابتسم وجلس بجوارها قائلا/مالك يااميرتي خايفه كده ليه ده انا حتي زي جوزك والله

ابتسكن ولكنها كانت حقا خائفه فقال اهدي يااسيل والله مش هاجي جنبك روحي غيري هدومك واتوضي علشان نصلي قامت اسيل حتي تنفذ ماقاله لها ولكنها قالت انها سوف تصلي بفستانها

هز مالك راسهوقال اللي يريحك

بعد ان صلوا نظر مالك خلفه ليجدها ترتعش وتبكي فذهب اليها مسرعا وهو يجثوا ع ركبتيه وياخذها بين احضانه ويقول /بس بس ماتخافيش

بعد ان هدأت قامت لتخلع عنها حجابها ولكنها لم تستطع فذهب ليساعدها ثم خلع عنها حجابها لينسدل شعرها الحريري الاسود الداكن نظر لها طويلا ثم طبع قبله ع كتفها فاحمر وجهها كان ع وشك ان يقبلها من فمها فوضعت يدها ع فمه وهي تقول/ياخرابي ده انا بابا يقتلي لو عملت كده

ضحك مالك كثيرا ثم حملها بين يديه فدخلت هي في عالم اخر بين السماء والارض